သံဃာ့အဖွဲ့အစည်း အဆင့်ဆင့်နှင့် နားလည်မှု တည်ဆောက်မည်

အစိုးရသစ်တွင် ဘာသာသာသနာကို စိန်ခေါ် မှုအနေဖြင့် တွေ့ရမည့် အတားအဆီးပြဿနာ များဖြစ်လာနိုင်
သည့်အတွက် ဘာသာရေးနှင့် နိုင်ငံရေးသတိရှိစွာ တားဆီးကာကွယ်နိုင်ရန် သံဃာအဖွဲ့အစည်း
အဆင့်ဆင့်တို့နှင့် နားလည်မှု တည်ဆောက်သွားမည်ဟု သာသနာရေးနှင့် ယဉ်ကျေးမှုဝန်ကြီးအဖြစ်
အတည်ပြု တင်မြှောက်ခံရသူ သူရဦးအောင်ကိုက မတ် ၂၅ ရက်က ပြောကြားသည်။

''အစိုးရသစ်ကို စိန်ခေါ်မှုတွေ စောင့်ကြိုနေမှာပါ။ စိန်ခေါ်မှုတွေကို ရင်ဆိုင်တဲ့နေရာမှာ ဘာသာသာသနာ
ကို စိန်ခေါ်မှုအနေနဲ့ တွေ့ရမယ့် အတားအဆီးပြဿနာတွေ ဖြစ်လာနိုင်ပါတယ်။ ဒါမျိုးတွေကို ဘာသာရေး
သတိ၊ နိုင်ငံရေးသတိရှိရှိနဲ့ တားဆီး ကာကွယ်နိုင်ဖို့အတွက် နံပါတ်တစ်အဖြစ် မြန်မာနိုင်ငံမှာ ခြောက်သိန်း
ရှိသော သံဃာ အဖွဲ့အစည်းအဆင့်ဆင့်နဲ့ ထိတွေ့သွားမှာပါ၊ နားလည်မှုတည်ဆောက်ပါမယ်''ဟု ၄င်းက
ပြောကြားသည်။

ထို့နောက် ခရစ်ယာန်၊ အစ္စလာမ်၊ ဟိန္ဒူနှင့် အခြား ဘာသာရေးအဖွဲ့အစည်းများအထိ တွေ့သွားမည်ဟု
လည်း သူရဦးအောင်ကိုက ဆိုသည်။ ''အဓိက ဘာသာကြီးလေးရပ် စိတ်ဝမ်း မကွဲဘဲ ပူးပေါင်းဆောင်ရွက်ဖို့
ကို ရေးဆွဲသွား မှာပါ''ဟု ၄င်းက ပြောသည်။

သာသနာရေးနှင့် ပတ်သက်သည့် ဖြစ်စဉ် အချို့သည် နိုင်ငံရေးဖြစ်သွားတတ်ပြီး အစိုးရသစ်၏ လုပ်ငန်းဆောင်ရွက်မှုများ ပြုလုပ်ရာတွင် အောင်မြင်စေလိုသော ပြည်တွင်း၊ ပြည်ပအဖွဲ့အစည်းများ
ရှိသကဲ့သို့ မအောင်မြင်စေလိုသော ခေတ်နောက်ပြန် ဆွဲမည့် အဖွဲ့အစည်းအချို့လည်းရှိနေကြောင်း
သူရဦးအောင်ကိုက ဆိုသည်။

''တိုင်းပြည်၏ လူမှုအဖွဲ့အစည်းအတွင်းမှာ မငြိမ်သက်အောင် လုပ်ချင်တဲ့သူတွေ မရှိဘူးလို့ မပြောနိုင်ပါဘူး၊
ရှိလာနိုင်ပါတယ်'' ဟု ၄င်းကပြောသည်။ ဒေါ်အောင်ဆန်းစုကြည်နှင့် အတည်ပြု  တင်မြှောက်ခံရသည့်
ဝန်ကြီးများ တွေ့ဆုံပွဲကို မတ် ၂၅ ရက်တွင် ရေးရာအဆောင် ၁၂ ၌ ပြုလုပ်ခဲ့သည်။

ထိုတွေ့ဆုံပွဲတွင် ရက် ၁ဝဝ အတွင်း အကောင်အထည်ဖော်ပြီးမြောက်နိုင်သည့် လုပ်ငန်းများကို ရေးဆွဲရန်
၎င်းက မှာကြားခဲ့သည်။ ''သာသနာရေးအနေနဲ့ ရက် ၁ဝဝ အတွင်းမှာ သံဃာ့အဖွဲ့အစည်း အဆင့်ဆင့်ကို
သာသနာရေးဝန်ကြီး အသစ်နဲ့ ချိတ်ဆက်ပြီး လုပ်ရမယ်၊ သံဃာ့အဖွဲ့အစည်းအဆင့်ဆင့်နဲ့ အစိုးရအဖွဲ့သစ်
ကြားမှာ နားလည်မှုရှိအောင် အပေးအယူ အချိတ်အဆက်မိအောင် လုပ်သွားမယ်'' ဟု သူရဦးအောင်ကိုက
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း