ဖက်ဒရယ်အခြေခံဥပဒေ ပေါ်ပေါက်ရေး သမ္မတသစ် ကတိပြု

သမ္မတအိမ်တော်၌ မတ် ၃၀ ရက်က ကျင်းပသော အာဏာလွှဲပြောင်းရေး အခမ်းအနားတွင် သမ္မတများဖြစ်ကြသော ဦးသိန်းစိန်နှင့် ဦးထင်ကျော်တို့ကို တွေ့ရစဉ်။ အောင်ခန့်/မြန်မာတိုင်း(မ်)သမ္မတအိမ်တော်၌ မတ် ၃၀ ရက်က ကျင်းပသော အာဏာလွှဲပြောင်းရေး အခမ်းအနားတွင် သမ္မတများဖြစ်ကြသော ဦးသိန်းစိန်နှင့် ဦးထင်ကျော်တို့ကို တွေ့ရစဉ်။ အောင်ခန့်/မြန်မာတိုင်း(မ်)

အစိုးရသစ်က အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုကို
ရှေးရှုသော ဖွဲ့စည်းပုံအခြေခံ ဥပဒေ ဖြစ်ပေါ်လာရေးနှင့် ပြည်သူအများစု လူနေမှုအဆင့်အတန်း
မြင့်မားလာရေးတို့ကို ဖော် ဆောင်သွားမည်ဖြစ်ကြောင်း သမ္မတသစ် ဦးထင်ကျော်က လူထုကို
ပြောကြားလိုက်သည်။

နှစ်ပေါင်း ၅၀ ကျော် ကြာပြီးနောက် ပထမဆုံး ထွက်ပေါ်လာသည့် အရပ်သား သမ္မတသစ်
ဦးထင်ကျော်သည် မတ် ၃၀ ရက်က ပြည်ထောင်စု လွှတ်တော်၌ သမ္မတအဖြစ် တာဝန်ထမ်းဆောင်ရန်
ကျမ်းသစ္စာကျိန်ဆိုပြီးနောက် ပြည်သူကို ပထမဆုံး ပြောကြားသည့် သုံးမိနစ်မျှသာကြာသော
မိန့်ခွန်းတွင် ယခုကဲ့သို့ ပြောကြားလိုက်ခြင်းဖြစ်သည်။

သမ္မတအဖြစ် ကျမ်းသစ္စာကျိန်ဆိုရာတွင် ဦးထင်ကျော်သည် ယခင်တပ်မတော် အစိုးရ လက်ထက်က
ရေးဆွဲထားသည့် ၂၀၀၈ ဖွဲ့စည်းပုံ အခြေခံဥပဒေကို လေးစားလိုက်နာမည်ဖြစ်ကြောင်း
ကျိန်ဆိုခဲ့ရသော်လည်း စစ်မှန်သည့် ဒီမိုကရေစီစနစ် ကျင့်သုံးနိုင်ရေးအတွက် ယင်းအခြေခံ ဥပဒေကို
ပြင်ဆင်ရန် ကြိုးပမ်းသွားမည်ဖြစ်ကြောင်း အရိပ်အမြွက် ပြောကြားလိုက်ခြင်း ဖြစ်သည်။

"အဲဒီ ကတိသစ္စာကို ထိန်းသိမ်းရမယ့် တာဝန်ရှိကြောင်းကိုလည်း အစဉ် သတိချပ်နေမှာ ဖြစ်ပါတယ်။
ဒါ့ပြင် နိုင်ငံတော်နဲ့ သင့်တော်မယ့် ဒီမိုကရေစီ စံချိန်စံညွှန်းများနဲ့ ကိုက်ညီတဲ့ ဖွဲ့စည်းပုံအခြေခံ
ဥပဒေတစ်ရပ် ဖြစ်ပေါ်လာရေးအတွက် ဆောင်ရွက်ရမယ့် တာဝန်ရှိပါတယ်" ဟု ဦးထင်ကျော်က
ပြောသည်။

ဒီမိုကရေစီ ဖွဲ့စည်းပုံအခြေခံဥပဒေ ပေါ်ပေါက်လာရေးသည် နှစ်ပေါင်းများစွာ ပြည်သူလူထု
လိုလားတောင့်တနေသည့် နိုင်ငံရေး ရည်မှန်းချက်ဖြစ်ရာ ယင်းရည်မှန်းချက် အကောင်အထည်ဖော်ရေး
အတွက် စိတ်ရှည်သည်းခံပြီး ဆောင်ရွက်သွားရမည်ကို သိနားလည်ထားကြောင်း ၎င်းက
ထပ်လောင်း ပြောကြားခဲ့သည်။

ဦးထင်ကျော်၏ မိန့်ခွန်းကို လွှတ်တော် ကိုယ်စားလှယ်များက ထောက်ခံခဲ့ပြီး ဒီမိုကရေစီစနစ်
ပေါ်ထွန်းရေးအတွက် တစိုက်မတ်မတ်တောင်းဆိုခဲ့သည့် အင်န်အယ်လ်ဒီ အစိုးရက တပ်မတော်နှင့်
ညှိနှိုင်းကာ အခြေခံ ဥပဒေ ပြင်ဆင်ရေးကို အောင်မြင်စွာ ဆောင်ရွက်နိုင်ရန် မျှော်လင့်ကြောင်း
ပြောဆိုကြသည်။

ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီမှ ဦးစိုင်းသီဟကျော်ကမူ အခြေခံဥပဒေ
ပြင်ဆင်နိုင်ရေးသည် တပ်မတော် အပေါ်မူတည်ကြောင်း ပြောကြားသည်။

"ဒါက တော့ခက်တယ်၊ မခက်ဘူးဆိုတာ တပ်မတော် ရဲ့ သဘောထားအပေါ်မှာပဲ မူတည်ပါလိမ့်မယ်။
တပ်နဲ့ ဘယ်လောက်အထိ ညှိနှိုင်းပေါင်း စပ်ဆောင်ရွက်နိုင်မလဲ၊ တပ်ကလည်း အစိုးရ အဖွဲ့ရဲ့
ဆန္ဒအပြင် ပြည်သူတစ်ရပ်လုံးအပေါ်မှာ ဘယ်လောက်အထိ နားလည်ပြီးတော့ လိုက်နာမလဲ၊
ဘယ်လောက်အထိ ပြည်သူအပေါ်မှာ လေးစားမှုရှိမလဲဆိုတဲ့ အချက် အပေါ်မှာမူတည်ပါတယ်"ဟု
ပြောကြားသည်။

မတ် ၃၀ ရက်က ကျင်းပသည့် အာဏာလွှဲပြောင်းရေး အခမ်းအနားတွင် ဒုတိယသမ္မတသစ်နှင့် ပြည်ထောင်စုဝန်ကြီး ဒေါ်အောင်ဆန်းစုကြည်တို့ကို တွေ့ရစဉ်။ အောင်ခန့်/မြန်မာတိုင်း(မ်)မတ် ၃၀ ရက်က ကျင်းပသည့် အာဏာလွှဲပြောင်းရေး အခမ်းအနားတွင် ဒုတိယသမ္မတသစ်နှင့် ပြည်ထောင်စုဝန်ကြီး ဒေါ်အောင်ဆန်းစုကြည်တို့ကို တွေ့ရစဉ်။ အောင်ခန့်/မြန်မာတိုင်း(မ်)

ပြည်တွင်းငြိမ်းချမ်းရေးကို ပိုပြီးအောင်မြင် လာစေရန် လိုလားနေသည့် တအာင်း(ပလောင်)
အမျိုးသားပါတီမှ ဒေါ်နန်းမိုးကမူ "ကျွန်မ စိတ်အ၀င်စားဆုံးကတော့ ပြည်တွင်းငြိမ်းချမ်းရေးပဲ။
အဲဒီဟာက အလိုအပ်ဆုံးလေ။ အလုပ်သင့်ဆုံးလေ။ အမြန်ဆုံးအကောင်အထည်ဖော်သင့်ဆုံး
ကတော့ ပြည်တွင်းငြိမ်းချမ်းရေးပဲ"ဟု မြန်မာတိုင်း(မ်)ကိုပြောကြားခဲ့သည်။

ဖွဲ့စည်းပုံ အခြေခံဥပဒေပြင်ဆင်နိုင်ရေးမှာမူ ခက်ခဲနိုင်ကြောင်းလည်း ၎င်းက ဆက်လက်ပြောကြား
သွားသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီဝင်၊ ကရင်ပြည်နယ်မဲဆန္ဒနယ် အမှတ်(၆)မှ
ဒေါ်နန်းနီနီအေးကမူ နိုင်ငံတော် သမ္မတသစ်၏ မိန့်ခွန်းနှင့်ပတ်သက်ပြီး ထူးထူးခြားခြား
မပြောလိုကြောင်း ပြောကြားသည်။

"သူတို့ရဲ့ ရှေ့ဆက်လုပ်သွားမယ့် လုပ်ငန်းစဉ်တွေကို ပြောသွားတာပေါ့နော်။ ဒီအပေါ်မှာတော့
မှတ်ချက်ပေးစရာ မရှိပါဘူး" ဟု ၎င်းက မြန်မာတိုင်း(မ်)သို့ပြောကြားသည်။

ပြည်ခိုင်ဖြိုး ပါတီဝင်နောက်တစ်ဦးဖြစ်သူ ဦးစိုင်းစံအောင်ကမူ "ဖွဲ့စည်းပုံပြင်မယ်ဆိုတာအဓိက
ဖက်ဒရယ်မူကို အခြေခံထားပြီး ပြုပြင်မယ်လို့ ကျွန်တော်ထင်တယ်။ ချောချောမွေ့မွေ့ပြုပြင်နိုင်မယ်လို့
ထင်ပါတယ်"ဟု အခြေခံဥပဒေ ပြင်ဆင်ရေးအပေါ် ပြောကြားသည်။

ရခိုင်အမျိုးသားပါတီဝင် မြေပုံမြို့နယ်မှ ပြည်သူ့လွှတ်တော်ကိုယ်စားလှယ် ဦးဖေသန်း ကလည်း
"သမ္မတအသစ်ကတော့ သူတို့ပါတီရဲ့ မူဝါဒကိုပြောသွားတာပေါ့။ လက်တွေ့မှာတော့ စိန်ခေါ်မှုတွေ
အများကြီးရှိတာပေါ့။ တကယ်ဖြစ်မလားဆိုတာကတော့ စောင့်ကြည့်ရမှာပေါ့"ဟု ပြောကြားသည်။

သို့သော်လည်း နိုင်ငံတော်သမ္မတသစ် ဦးထင်ကျော် ၏ မိန့်ခွန်းသည် တိုတိုနှင့် လိုရင်းကို ထိမိသော
မိန့်ခွန်းဖြစ်ကြောင်း လွှတ်တော် ကိုယ်စားလှယ်များက မှတ်ချက်ပြုကြသည်။

အစိုးရသစ်သည် ရှေ့ဆက်ပြီးကောင်းမွန်သော အုပ်ချုပ်ရေး၊ တရားဥပဒေစိုးမိုးရေး၊
တိုင်းရင်းသားရေးရာများ၊ ပြည်သူလူထုဖွံ့ဖြိုး တိုးတက်ရေးတို့ကို ပြည်သူများ၏ လိုလားချက်အတိုင်း
အကောင်အထည်ဖော်သွားနိုင်မည်ဟု ယုံကြည်ကြောင်းလည်း ဦးစိုင်းသီဟကျော် ကပြောကြားသည်။

ရခိုင်အမျိုးသားပါတီဝင် နောက်တစ်ဦးဖြစ်သူ ဦးဘရှိန်ကမူ အစိုးရသစ် က ပြည်သူများ၏ ဝေဖန်မှုကို
ခံနိုင်ဖို့ လိုအပ်ကြောင်းလည်း ပြောသည်။

"ဦးသိန်းစိန်က ပြည်သူတွေအတွက် အတော်များများ လုပ်ပေးနိုင်ခဲ့ပါတယ်။ သို့သော်လည်း
ပြည်သူတိုင်း အားရကျေနပ်အောင်တော့ လုပ်မပေးနိုင်ဘူးပေါ့။ ဒီတော့ သူလည်း
ဝေဖန်ပြစ်တင်တာတွေ၊ ဆဲဆိုတာ တွေကိုခံခဲ့ရတယ်။ ခံနိုင်ရည်လည်း ရှိခဲ့တယ်။
အခုအစိုးရသစ်ကတော့ အဲဒီလိုခံနိုင်မယ်လို့ မထင်ဘူး"ဟု ၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း