အစိုးရသစ်အတွက် အကြီးမားဆုံး စိန်ခေါ်မှုကြီး ၁၀ ခု

အမျိုးသား ဒီမိုကရေစီအဖွဲ့ချုပ်က အမည်စာရင်း တင်သွင်းသည့် ဦးထင်ကျော်အား
နိုင်ငံတော်သမ္မတအဖြစ် မတ် ၁၅ ရက်က ပြုလုပ်သော သမ္မတရွေးချယ်တင်မြှောက်ပွဲတွင်
တင်မြှောက်လိုက်သည်။

မဲခွဲဆုံးဖြတ်ရာတွင် ဒုသမ္မတ သုံးဦး အနက် ဦးထင်ကျော်က ထောက်ခံမဲ ၃၆၀ မဲ၊ ဦးမြင့်ဆွေက
ထောက်ခံမဲ ၂၁၃ မဲ၊ ဦးဟင်နရီဗန်ထီးယူက ထောက်ခံမဲ ၇၉ မဲ အသီးသီး ရရှိခဲ့ကြသည်။

ဦးထင်ကျော်က သမ္မတ၊ ဦးမြင့်ဆွေက ဒုတိယသမ္မတ(၁)နှင့် ဦးဟင်နရီဗန်ထီးယူက
ဒုတိယသမ္မတ(၂)တို့ ဖြစ်လာကြသည်။

သမ္မတ ဦးထင်ကျော်ကို ကန့်ကွက်သူ မရှိ အတည်ပြုခဲ့သော်လည်း ဒုတိယသမ္မတ(၁) ဦးမြင့်ဆွေ၊
ဒုတိယသမ္မတ(၂) ဦးဟင်နရီဗန်ထီးယူ တို့ကို ကန့်ကွက်မှုများ ထွက်ပေါ်ခဲ့သည်။

ဦးသိန်းစိန်အစိုးရလက်ထက်တွင် အထူး စီးပွားရေးဇုန်စီမံကိန်းများ အပါအ၀င် စီးပွားရေးလုပ်ငန်းများနှင့်
ပတ်သက်ပြီး ဒုတိယသမ္မတ(၁) ဦးမြင့်ဆွေကို ကန့်ကွက်ခဲ့သည်။

ဒုတိယသမ္မတ(၂) ဦးဟင်နရီဗန်ထီးယူ ကိုလည်း ခရစ်ယာန်ဖြစ်သည်ဟူသော ဘာသာရေးနှင့်
ပတ်သက်ပြီး ဆန့်ကျင် ကန့်ကွက်သံများ ထွက်ပေါ်လာခဲ့သည်။

သို့သော် ဖွဲ့စည်းပုံ အခြေခံဥပဒေနှင့် ညီညွတ်သဖြင့် ပြည်ထောင်စု လွှတ်တော်က အတည်ပြုခဲ့သည်။

နှစ်ပေါင်း ၅၄ နှစ်အတွင်း ပြည်သူ့ကိုယ်စားပြု အရပ်သားစစ်စစ် သမ္မတတစ်ဦးကို ပထမဆုံး
ရွေးချယ်တင်မြှောက်နိုင်ခဲ့ပြီဖြစ်သည်။

ရွေးချယ်တင်မြှောက်ခံရသူ သမ္မတသစ် ဦးထင်ကျော်က ပြည်ထောင်စု အစိုးရအဖွဲ့ ၀န်ကြီးဌာန
၂၁ ဌာန ကိုသာ ဖွဲ့စည်းပြီး အစိုးရအဖွဲ့ကို ဦးဆောင်သွားမည်ဖြစ်ကြောင်း ပြည်ထောင်စုလွှတ်တော်သို့
တင်ပြရာ ပြည်ထောင်စု လွှတ်တော်က မတ် ၂၄ ရက်တွင် အတည်ပြုပေးခဲ့သည်။

သမ္မတ ဦးသိန်းစိန်လက်ထက်က အစိုးရအဖွဲ့တွင် ၀န်ကြီးဌာနပေါင်း ၃၆ ဌာနရှိရာ ယခုအစိုးရသစ်က
ဝန်ကြီးဌာန ၁၅ ဌာနကို လျှော့ချလိုက်သကဲ့သို့ဖြစ်နေသည်။

အမှန်မှာ ၀န်ကြီးဌာန ၁၅ ဌာနကို လျှော့ချခြင်းမဟုတ်ဘဲ ပေါင်းစည်း ဖွဲ့စည်းလိုက်ခြင်းသာဖြစ်ပြီး
ဝန်ကြီးဌာန ၁၂ ဌာနကို မူလအတိုင်း ထားရှိကာ တိုင်းရင်းသားရေးရာ ၀န်ကြီးဌာန တစ်ဌာနကိုသာ
တိုးချဲ့ခဲ့သည်။

သမ၀ါယမ၊ အားကစားနှင့် သိပ္ပံနှင့် နည်းပညာဝန်ကြီးဌာနကိုလည်း ဖျက်လိုက်သည်။

ပေါင်းစည်းလိုက်သော ၀န်ကြီးဌာနများမှာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊
ယဉ်ကျေးမှုနှင့် သာသနာရေးဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ အလုပ်သမား၊
လူဝင်မှုကြီးကြပ်ရေး ပြည်သူ့အင်အားဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာနများကို
ပေါင်းစည်လိုက်သဖြင့် တာဝန်ယူရသူ ၀န်ကြီးမှာ မနိုင်ဝန်ထမ်းသလိုမျိုးဖြစ်မှာ စိုးရိမ်ကြောင်း
နိုင်ငံရေးလေ့လာသုံးသပ်သူများက ထောက်ပြကြသည်။

ဒေါ်အောင်ဆန်းစုကြည်က ၀န်ကြီးနေရာ လေးနေရာယူခြင်းအပေါ် စိုးရိမ်မှုများလည်း ပေါ်ထွက်ခဲ့သည်။

သို့သော်လည်း ယာယီသာ ဖြစ်နိုင်သည်ဟု ပြောဆိုမှုလည်း ရှိပြန်သည်။ ရခိုင်ပြည်နယ်
အရေးမှာလည်း မသေးလှပေ။

အရေးပေါ်အခြေအနေကို သမ္မတဦးသိန်းစိန်က မတ် ၂၉ ရက်တွင် ရုတ်သိမ်းလိုက်သည့်အပေါ်
ဝေဖန်မှုများ ရှိနေပြန်သေးသည်။

ပြည်ထောင်စုလွှတ်တော်က အတည်ပြုလိုက်သည့် ပြည်ထောင်စု ၀န်ကြီးများအတွက် အသက်အရွယ်
အားဖြင့် ၆၀ နှင့် ၇၀ ကြား အုပ်စုများ ဖြစ်ပြီး ဒေါက်တာသန်းမြင့်မှာ အသက် ၇၃ နှစ်၊ နိုင်သက်လွင်မှာ
အသက် ၇၆ နှစ်တို့ဖြစ်ကြရာ အသက်ကြီးရင့်သူများဖြစ်၍ တာဝန်ထမ်းဆောင်ရာတွင် သွက်လက်
တက်ကြွမှု အားနည်းနိုင်ကြောင်းနှင့် ပြည်ထောင်စုဝန်ကြီး အချို့၏ ပညာအရည်အချင်းနှင့် ပတ်သက်ပြီး
ခိုင်လုံသည့် အထောက်အထားများဖြင့် ဝေဖန်ကန့်ကွက်ခံရခြင်းများလည်း ဖြစ်ပေါ်ခဲ့သည်။

အထူးသဖြင့် စီမံကိန်းနှင့်ဘဏ္ဍာရေး ၀န်ကြီး ဦးကျော်ဝင်းနှင့် စီးပွားရေးနှင့် ကူးသန်းရောင်းဝယ်ရေး
ဝန်ကြီး ဒေါက်တာသန်းမြင့်တို့ အွန်လိုင်းမှ တက်ရောက်ခဲ့သော အမေရိကန် တက္ကသိုလ်နှစ်ခုသည်
အမေရိကန်အစိုးရ အသိအမှတ်မပြုသော ကျောင်းများ ဖြစ်နေသောကြောင့် ဖြစ်သည်။

ဒေါက်တာသန်းမြင့်၏ M.Sc နှင့် Ph.D ရထားသော တက္ကသိုလ် Pacific Western University မှာ
ပြဿနာများဖြင့် ပိတ်သွားရပြီး အမေရိကန်အစိုးရ အသိအမှတ် မပြုသော တက္ကသိုလ် ဖြစ်နေသည်။

ထို့အတူ ဦးကျော်ဝင်း ရထားသော ဘွဲ့များအနက် Brooklyn Park University USA နှင့်
Certified Master of Business Consultant, GAFM, USA တို့ ကပေးသော Ph.D,
Master of Business Consultant ဘွဲ့များပါဝင်ရာ Brooklyn Park University မှာ
တက္ကသိုလ်အတုဖြစ်နေသည်။

ခေတ်မီနိုင်ငံတော်ကို ဒီမိုကရေစီနည်းကျကျ အကောင်အထည်ဖော်မည့် အစိုးရအဖွဲ့အနေဖြင့်
မည်သည့် အမှားအယွင်း အားနည်းချက်များ မရှိသင့်ပါ။

စွမ်းရည်အပြည့်အ၀ရှိသော၊ အမည်းစက်ကင်းသော ဒေါင်ဒေါင်မြည် အဖွဲ့အစည်းကြီးဖြစ်သင့်ပါသည်။

သို့သော် ပြည်သူလူထုက ဒေါ်အောင်ဆန်းစုကြည်အပေါ် ယုံကြည်ကိုးစားမှုအပြည့်ဖြင့် နိုင်ငံတော်
အာဏာကို အပ်နှင်းလိုက်ပြီဖြစ်ရာ ငါးနှစ်တာကာလအတွင်း မည်မျှ အကောင်အထည်ဖော်နိုင်မည်ကို
ပြည်သူများက စောင့်ကြည့်နေကြမည်မှာ အမှန်ပင် ဖြစ်ပါသည်။


အစိုးရနှင့် တပ်မတော်ဆက်ဆံရေး

၁၉၆၂ ခုနှစ် နောက်ပိုင်းမှာ မြန်မာနိုင်ငံရဲ့ ပထမဦးဆုံးအကြိမ်အဖြစ် အရပ်သားအစိုးရကို ငြိမ်းချမ်းစွာ
အာဏာလွှဲပြောင်းပေးလိုက်ပေမယ့် အင်န်အယ်လ်ဒီဟာ တပ်မတော်နဲ့ အာဏာမျှဝေယူကြရလိမ့်မယ်
ဆိုတဲ့အချက်ကို အစိုးရသစ် မမေ့သင့်ပါဘူး။

ပြီးခဲ့တဲ့ တနင်္ဂနွေနေ့မှာ တပ်မတော်နေ့ အခမ်းအနား ကျင်းပခဲ့ပြီး ယခင်အစိုးရရဲ့ အာဘော်ကို
ဂလိုဘယ်လ်နယူးလိုက်ဖ်အော့ဖ် မြန်မာသတင်းစာမှာ Here To Stay ဆိုပြီး ခေါင်းစီးမှာ
ဖော်ပြထားပါတယ်။

ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က တပ်မတော်နေ့ အခမ်းအနားမိန့်ခွန်း
ပြောကြားရာမှာ စည်းကမ်း၊ လုပ်ထုံးလုပ်နည်းနဲ့ ဥပဒေကို လေးစားလိုက်နာမှု အားနည်းခြင်းနဲ့
လက်နက်ကိုင် သောင်းကျန်းသူတွေ ရှိနေတာဟာ ပရမ်းပတာဒီမိုကရေစီဆီ ဦးတည်သွားနိုင်တယ်လို့
ပြောကြားခဲ့ပါတယ်။

သူ့မိန့်ခွန်းထဲက စကားတွေဟာ ၂၀၀၈ ဖွဲ့စည်းပုံ အခြေခံဥပဒေကို စွဲစွဲမြဲမြဲဆုပ်ကိုင်ထားဖို့
ဒေါ်အောင်ဆန်းစုကြည်ကို သတိပေးနေသလို တိုင်းရင်းသားလက်နက်ကိုင်တပ်ဖွဲ့တွေနဲ့ ငြိမ်းချမ်းရေး
ဆွေးနွေးရာမှာ သတိထားဖို့ သတိပေးနေပါတယ်။

အာဏာလွှဲပြောင်းရေးအတွက် သုံးကြိမ်တွေ့ဆုံ ဆွေးနွေးရာမှာ အခက်အခဲတွေရှိပြီး ဖြေရှင်းလို့လည်း
မရသေးဘူးလို့ ပြောကြတာတွေလည်း ရှိပါတယ်။

တပ်မတော်က အဓိကအရေးပါတဲ့ ၀န်ကြီးဌာနသုံးခုကို ထိန်းချုပ်ထားပြီး အခြေခံ ဥပဒေပြင်ဆင်ရေးနဲ့
ပတ်သက်ပြီး လွှတ်တော်မှာ ဗီတိုအာဏာရထားတာကြောင့် အစိုးရသစ်အောင်မြင်မှုရရှိဖို့
အဓိအချက်ဟာ ဒီခေါင်းဆောင်နှစ်ဦး ဆက်ဆံရေးပေါ် မူတည်နေပါလိမ့်မယ်။


လယ်ယာစိုက်ပျိုးရေးနှင့် မြေအသုံးချခွင့်

မြန်မာနိုင်ငံက ဘယ်အစိုးရအတွက်မဆို လယ်ယာစိုက်ပျိုးရေး နဲ့ မြေအသုံးချခွင့်တွေဟာ
စွန့်စားရမှုများပြီး အကျိုးခံစားရမှုလည်း အများကြီးရတဲ့ ကိစ္စတစ်ခုပါ။

ကျင့်သုံးလိုက်တဲ့မူဝါဒ ဆိုးဆိုးရွားရွား မှားယွင်းသွားလို့ကတော့ လယ်သမားတွေ မြို့တော်ဆီ
ချီတက်လာတာကို တွေ့ရမှာဖြစ်သလို ကျေးလက်ဒေသကို စွန့်ခွာပြီး တခြားနေရာကို
ပြောင်းသွားကြတဲ့သူတွေ အများကြီးရှိလာတာကို တွေ့ရမှာပါ။

ဒါပေမဲ့ မူဝါဒက မှန်ကန်ကောင်းမွန်ခဲ့မယ်ဆိုရင်တော့ ဆင်းရဲမွဲတေမှုတွေ သိသိသာသာ
လျော့ကျလာနိုင်သလို လူ့အသိုင်းအ၀ိုင်းအတွင်းမှာ ရေရှည် တည်ငြိမ်အေးချမ်းမှုတွေ
ဖြစ်ပေါ်လာနိုင်ပါတယ်။

နှစ်ပေါင်း ၅၀ ကျော်အတွင်းမှာ လယ်ယာစိုက်ပျိုးရေးမူဝါဒဟာ မှားယွင်းတဲ့ဘက်က ပိုများနေပါတယ်။

လယ်ယာမြေဧက သန်းပေါင်းများစွာ သိမ်းဆည်းခံလိုက်ရတာတွေ၊ ဒေသနဲ့ မဆီလျော်တဲ့
ကောက်ပဲသီးနှံတွေကို လယ်သမားတွေက မစိုက်ချင်ဘဲ စိုက်ရတာတွေနဲ့ ပို့ကုန်ဈေးကွက်
ပိတ်ထားတာတွေကို တွေ့ရပါတယ်။

အမျိုးသားဒီမိုကရေစီအဖွဲ့ချုပ်ရဲ့ စီးပွားရေးမူဝါဒမှာတော့ လယ်ယာစိုက်ပျိုးရေးကို တိုးတက်ဖွံ့ဖြိုးမှု
တန်းတူဖြစ်ထွန်းစေမယ့် 'အလားအလာကြီးကြီး မားမား'ရှိတဲ့အရာအဖြစ် သတ်မှတ်ထားပြီး
လယ်ယာ စိုက်ပျိုးရေးကဏ္ဍ တိုးတက်ဖွံ့ဖြိုးမှုရှိလာအောင် တခြားစီးပွားရေး ကဏ္ဍတွေထက်
ပိုပြီး အလျင်စလိုဆောင်ရွက်ဖို့ လိုတယ်လို့ သတ်မှတ်ထားပါတယ်။

လယ်သမားတွေအတွက် ထုတ်လုပ်မှုလွတ်လပ်ခွင့်ပေးဖို့၊ ချေးငွေကဏ္ဍ၊ သီးနှံကြိတ်ခွဲရေးနဲ့
ထုတ်လုပ်ရေးလုပ်ငန်းနဲ့ ဆက်စပ်တဲ့ကဏ္ဍတွေမှာ ပြုပြင်ပြောင်းလဲမှုပြုလုပ်ဖို့နဲ့ ဈေးကွက်
အဆက်အသွယ် ပိုမိုရရှိစေဖို့ ဆောင်ရွက်ပေးမယ်လို့ အင်န်အယ်လ်ဒီက ပြောထားပါတယ်။

ဥပဒေရေးရာ ကဏ္ဍတွေမှာလည်း အပြောင်းအလဲလုပ်ဖို့ လိုကြောင်း အထူးသဖြင့် တခြားဥပဒေတွေ
အားလုံးကို လိုက်နာရအောင် လယ်ယာစိုက်ပျိုးရေး ကဏ္ဍအတွက် မူဘောင်တစ်ခုချမှတ်ထားတဲ့
အမျိုးသားမြေယာဥပဒေကို ပြင်သင့်တယ်လို့ နိုင်ငံရေး တက်ကြွလှုပ်ရှားသူတွေက ပြောကြပါတယ်။

လောလောဆယ် အရေးတကြီး အလေးထားဆောင်ရွက်ရမယ့် ကိစ္စကတော့ ယခင်အစိုးရက
သိမ်းဆည်းခံမြေယာတွေကို မူလပိုင်ရှင်တွေကို ပြန်ပေးတာမျိုးတွေ လုပ်ခဲ့ပေမယ့်လည်း
မကျေလည်မှုတွေ ရှိနေဆဲဖြစ်တဲ့ မြေယာအငြင်းပွားမှုတွေနဲ့ ပတ်သက်တဲ့ ဆန္ဒပြမှုတွေပါ။


ငြိမ်းချမ်းရေးလုပ်ငန်းစဉ်

ညှိနှိုင်းခြင်းအားဖြင့် အခြေခံဥပဒေပြင်ဆင်ရေးဆွဲပြီး တိုင်းရင်းသားလက်နက်ကိုင်တပ်ဖွဲ့တွေနဲ့
ထာဝရတည်တံ့တဲ့ ငြိမ်းချမ်းရေးတည်ဆောက်ခြင်းဟာ ဒေါ်အောင်ဆန်းစုကြည်အတွက်
ပထမဦးစားပေးလုပ်ငန်းပါ။

အမျိုးသားဒီမို ကရေစီအဖွဲ့ချုပ်ရဲ့ ရည်မှန်းချက်က တော်တော်လေး သိသာထင်ရှားပေမယ့် ငြိမ်းချမ်းရေး
လုပ်ငန်းစဉ်အသစ် တစ်လျှောက် အင်န်အယ်လ်ဒီရဲ့ ပထမအဆင့်ခြေလှမ်းတွေကတော့
ရှင်းရှင်းလင်းလင်း မရှိလှပါဘူး။

အစိုးရသစ်ဟာ သိပ်ပြီးတင်းမာနေတဲ့ အခြေအနေတစ်ရပ်ကို အမွေဆက်ခံထားရပါတယ်။

၂၀၁၅ ခုနှစ် အောက်တိုဘာလမှာ လက်မှတ်ရေးထိုးခဲ့တဲ့ တစ်နိုင်ငံလုံးအပစ်အခတ်ရပ်စဲရေးစာချုပ်ဟာ
ဘာမှမဟုတ်တော့ပါဘူး။

ဘာဖြစ်လို့လဲဆိုတော့ သိပ်မကြာသေးခင်က ရက်သတ္တပတ်တွေအတွင်းမှာ တပ်မတော်ဟာ
ရှမ်းပြည်နယ်မြောက်ပိုင်းက တိုက်ပွဲတွေအတွက် စစ်သည်တွေ ထပ်ပို့ခဲ့ပါတယ်။

အပစ်အခတ်ရပ်စဲရေး လက်မှတ်မထိုးထားတဲ့ လက်နက်ကိုင်တပ်ဖွဲ့တွေဟာ အစိုးရသစ်နဲ့
ဆွေးနွေးပွဲတွေ စချင်နေကြပါတယ်။

ဒါပေမဲ့ အရင်လက်နက်ချရမယ်လို့ တပ်မတော်က မလျှော့တမ်း တောင်းဆိုထားတဲ့ အဖွဲ့ သုံးဖွဲ့နဲ့
ပတ်သက်ပြီး အင်န်အယ်လ်ဒီက ဘယ်လိုကိုင်တွယ်ဖြေရှင်းမလဲဆိုတာ မသိရပါဘူး။

နိုင်ငံတကာ အသိုင်းအ၀ိုင်းကလည်း အစိုးရသစ်က ချမှတ်မယ့်အစီအစဉ်ကို စောင့်ဆိုင်းရင်း
ငြိမ်းချမ်းရေးလုပ်ငန်းစဉ်အတွက် အကူအညီပေးဖို့ ငွေအားလူအားနဲ့ စောင့်နေကြပါတယ်။

ငြိမ်းချမ်းရေးဆွေးနွေးပွဲတွေအတွက် ညှိနှိုင်းရေးမှူးချုပ်ကိုတော့ မရွေးရသေးပါဘူး။

ဒါပေမဲ့ ဒေါ်အောင်ဆန်းစုကြည်ရဲ့ မိသားစုဆရာဝန် ဒေါက်တာတင်မျိုးဝင်း ဖြစ်လာနိုင်တယ်လို့တော့
လူပြောများနေပါတယ်။

သဘာဝအရင်းအမြစ်နဲ့ နိုင်ငံရေးအာဏာခွဲဝေရေးလို အခြေခံကျတဲ့ အချက်တွေပါဝင်တဲ့ ပထမဦးဆုံး
အဆက်အသွယ်ရယူတာကနေ ငြိမ်းချမ်းရေးအတွက် ဆွေးနွေးကြတဲ့အထိ လုပ်ငန်းစဉ်တစ်ခုလုံး
အချိန်ယူရမှာဖြစ်ပါတယ်။

အောင်မြင်မှု ရမရဆိုတာကတော့ တပ်မတော်ရဲ့ ပူးပေါင်းပါဝင်မှုပေါ် အများကြီး မူတည်နေပါတယ်။


ကျောက်စိမ်းနှင့် ဖားကန့်

ကချင်ပြည်နယ်က ဖားကန့်မြို့ကတော့ ပန်ဒိုရာရဲ့ သေတ္တာတစ်လုံးပါပဲ။

အကျင့်ပျက်ခြစားမှု၊ ပဋိပက္ခနဲ့ လူ့အခွင့်အရေး ချိုးဖောက်မှုကနေ သဘာဝပတ်ဝန်းကျင် ပျက်စီးခြင်း၊
မူးယစ်ဆေးဝါး သုံးစွဲမှု၊ မှောင်ခိုမှုနဲ့ မြေပြိုမှုတွေအထိ ဖားကန့်မှာ ကြုံရတဲ့ပြဿနာတွေက အမျိုးမျိုးပါပဲ။

မြန်မာနိုင်ငံက အထက်တန်းလွှာဟောင်း တော်တော်များများကတော့ ကျောက်စိမ်းတွင်းတွေကနေ
ကိုယ်ကျိုးအတွက် ငွေရှာနေကြပါတယ်။

ဆိုလိုတာကတော့ အနည်းဆုံး ပထမဦးဆုံးအနေနဲ့ အင်န်အယ်လ်ဒီဟာ အဲဒါတွေကို ခပ်ပြင်းပြင်း
မဖြေရှင်းချင်သေးတာ ဖြစ်ကောင်းဖြစ်နိုင်ပါတယ်။

ဒါပေမဲ့ ပါတီဟာ ဒေသခံတွေ ဖိအားပေးတာခံရမှာပါ။

ဘာဖြစ်လို့လဲဆိုတော့ ကျောက်စိမ်းတွေ မဆင်မခြင်တူးဖော်မှုတွေကြောင့် ဒေသတွင်းမှာ ဖြစ်ပေါ်နေတဲ့
ပြဿနာပေါင်းသောင်းခြောက်ထောင်ကို ပိုဆိုးသွားစေသလို အစိုးရရဲ့ အရေးယူဆောင်ရွက်မှုတွေ
အပူတပြင်း တောင်းဆိုလာကြပါတယ်။

မြန်မာနိုင်ငံက ကျောက်စိမ်းအရိုင်းတုံးတွေကို တရားဝင်ရောင်းချစေခြင်းဟာ နိုင်ငံရဲ့ နယ်နိမိတ်
အတွင်းမှာ အကျိုးအမြတ်များတဲ့ အရောင်းအ၀ယ်မျိုးတွေ ဖြစ်ပေါ်စေပြီး အစိုးရကိုလည်း
အခွန်အခကောက်ခံနိုင်တဲ့ အခွင့်အလမ်းရစေပါတယ်။

ကချင်လွတ်မြောက်ရေးတပ်မတော်နဲ့ ချုပ်ဆိုထားတဲ့ ငြိမ်းချမ်းရေးသဘောတူညီချက် စာချုပ်မှာ
ဝင်ငွေခွဲဝေသုံးစွဲရေး စည်းမျဉ်းတွေနဲ့အတူ ဘေးကင်းရေး စီမံချက်အသစ်တွေ၊ အလုပ်သမား
စည်းမျဉ်းတွေနဲ့ အကျင့်ပျက်ခြစားမှုနှင့် ပြစ်မှုဆိုင်ရာကိစ္စတွေကို စုံစမ်းစစ်ဆေးမှုတစ်ရပ်ပါဝင်ပြီး
ဒီနယ်မြေကို စည်းကမ်းထိန်းချုပ်ရာမှာ အခြေအနေတွေ တိုးတက်ကောင်းမွန်လာဖို့ဆိုတာကတော့
ဆက်လျှောက်ရဦးမှာပါ။


မူးယစ်ဆေးကုန်သွယ်ခြင်း

မြန်မာနိုင်ငံဟာ ကမ္ဘာပေါ်မှာ ဒုတိယအကြီးဆုံး ဘိန်းစိမ်းထုတ် လုပ်တဲ့နိုင်ငံဖြစ်ပြီး ခေတ္တကျဆင်းခဲ့
ပေမယ့် ဦးသိန်းစိန်အစိုးရ လက်ထက်မှာ ဘိန်းစိုက်ပျိုးမှု ပြန်လည်မြင့်တက်လာခဲ့ပါတယ်။

မြင်းဆေး (Methamphetamines) ထုတ်လုပ်မှုနဲ့ သုံးစွဲမှု ဒလဟော မြင့်တက်လာတာနဲ့အတူ
တရားမ၀င် မူးယစ်ဆေးကုန်သွယ်မှုတွေ ဟာ တပ်မတော်ဦးစီးတဲ့ ပြည်ထဲရေးဝန်ကြီးဌာန
လက်အောက်က မူးယစ်ဆေးတိုက်ဖျက်ရေး လုပ်ငန်းတွေကို အစိုးရသစ်အနေနဲ့ ဘယ်လောက်
ပူးပေါင်းဆောင်ရွက်နိုင်မလဲဆိုတာကို စမ်းသပ်တော့မှာပါ။

တရားမ၀င် မူးယစ်ဆေးထုတ်လုပ်မှုတွေကို ပြည်တွင်းစစ်တွေက အကျိုးပြုနေတဲ့အခါ အထူးသဖြင့်
တိုင်းရင်းသားလက်နက်ကိုင်အဖွဲ့တွေကို ပူးပေါင်းတိုက်ခိုက်ပေးတဲ့ လက်နက်ကိုင်တပ်တွေကို
တပ်မတော်အနေနဲ့ မူးယစ်ဆေးကုန်သွယ်မှုတွေမှာ အပြန်အလှန်သဘောပါဝင် ခွင့်ပြုခဲ့ဖူးတဲ့
အခြေအနေမျိုးမှာ အမျိုးသားဒီမိုကရေစီအဖွဲ့ချုပ်ရဲ့ ငြိမ်းချမ်းရေး လုပ်ဆောင်ချက် ရလဒ်ကနေ သိသာတဲ့
ရိုက်ခတ်မှုတစ်စုံတစ်ရာ ရှိလာပါလိမ့်မယ်။

ဒါပေမဲ့ မြန်မာနိုင်ငံရဲ့ မူးယစ်ဆေးပြဿနာဟာ ပြည်တွင်းအဆင့်ထက် အများကြီး ကျော်လွန်နေပါတယ်။

တရုတ်နိုင်ငံနဲ့ ထိုင်းနိုင်ငံတွေမှာ ဒီကိစ္စအပေါ် အမြတ်ထုတ်နေတဲ့ အကျင့်ပျက်အာဏာပိုင်
အချို့ ရှိနေတယ်ဆိုပေမယ့် ဒီနယ်စပ်ကုန်သွယ်မှုရဲ့ ကြီးမားတဲ့ နောက်ဆက်တွဲဆိုးကျိုးတွေကို
ခံစားနေရပါတယ်။

ဒေသတွင်းနိုင်ငံချင်း ပူးပေါင်းပြီး လုံခြုံရေးကိစ္စရပ်တွေ ကိုင်တွယ်ဖို့ဟာ အမျိုးသားဒီမိုကရေစီအဖွဲ့ချုပ်ရဲ့
ဦးစားပေးစာရင်းမှာ ရှိနေနိုင်ပါတယ်။


ကျန်းမာရေးကဏ္ဍ ပြုပြင်ပြောင်းလဲရေး

တကယ်လို့ ပြီးခဲ့တဲ့ ငါးနှစ်ကသာ ကျွန်တော်တို့ကို တစ်ခုခု သင်ကြားပေးခဲ့မယ်ဆိုရင် မြန်မာနိုင်ငံမှာ
တွေ့ကြုံခံစား နေရတာတွေကို ဆေးမြီးတိုနဲ့ အလျင်စလို ကုသနေစရာ မလိုပါဘူး။

ကျန်းမာရေးအခန်းကဏ္ဍကို ပြုပြင်ပြောင်းလဲဖို့က အချိန်တော်တော်ယူပြီး အားသွန်ခွန်စိုက်
လုပ်ရပါလိမ့်မယ်။

ဆေးကုသမှုခံယူဖို့အတွက် အိတ်စိုက်ကုန်ကျစရိတ် လျှော့ချခြင်းနဲ့ ဆေးရုံဆေးခန်းတွေ
တိုးတက်ကောင်းမွန်အောင် ဆောင်ရွက်ရာမှာ အသုံးပြုဖို့ ဘတ်ဂျက်ပမာဏကို
တိုးမြှင့်ထားပေမယ့်လည်း ကျန်းမာရေးနည်းစနစ်ရဲ့ စိုးရိမ်စရာကောင်းတဲ့ အခြေအနေတွေနဲ့
ပတ်သက်ပြီး မကျေနပ်ချက်တွေကတော့ ဆက်ပြီးရှိနေဆဲပါပဲ။

ပဲခူးဆေးရုံမှာ အသည်းရောင်အသားဝါဘီပိုး ကာကွယ်ဆေးထိုးပြီး သိပ်မကြာခင်မှာပဲ
မွေးကင်းစကလေးတော်တော်များများ စိတ်မကောင်းဖြစ်စရာကောင်းအောင် သေဆုံးခဲ့တာက
အခုတလောဖြစ်ခဲ့တဲ့ သတိပေးမှုပါပဲ။

ဆေးရုံ ဆေးခန်းတွေ ရနိုင်တဲ့ အနေအထားကလည်း ကျေးလက်ဒေသတွေကထက်တောင်
ယေဘုယျအားဖြင့် ဆိုးဝါးပြီး အားထားစရာအရင်းအမြစ်ထက် လူဦးရေပိုများတဲ့ မြို့ပြပတ်ဝန်းကျင်
နေရာတွေမှာ ၀န်ထမ်းတွေကို ဆက်ပြီး ခန့်ထားဖို့နဲ့ သူတို့ကို လစာရှင်းပေးတဲ့ ကိစ္စမျိုးတွေကနေ
ဆေးကုသမှုပေးနိုင်စွမ်း တိုးတက်ကောင်းမွန်လာစေရေး စတာမျိုးတွေအထိ အခက်အခဲတွေ
အမျိုးမျိုးရှိနေပါတယ်။

ရေရှည်စီမံချက်ကတော့ လူတိုင်း လက်လှမ်းမီတဲ့ ကျန်းမာရေးစောင့်ရှောက်မှုတစ်ရပ်ကို ကျင့်သုံးဖို့
ရည်မှန်းထားပါတယ်။

ဒါပေမဲ့ ဒီစီမံကိန်းဖြစ်လာဖို့က နှစ်တွေ အများကြီးစောင့်ရဦးမှာပါ။

ပြီးခဲ့တဲ့အစိုးရလက်ထက်မှာ ကျန်းမာရေးကဏ္ဍရဲ့ နှစ်စဉ်ဘတ်ဂျက်အသုံးစရိတ်တိုးမြှင့် ပေးခဲ့သလို
ဆက်လက်ဆောင်ရွက်တာအပြင် တခြားဘာပြုပြင်ပြောင်းလဲမှုတွေလုပ်ဖို့ အင်န်အယ်လ်ဒီမှာ
အစီအစဉ် ရှိမရှိကို အခုအချိန်မှာ ရှင်းရှင်းလင်းလင်း မသိရသေးပါဘူး။

ခေါင်းပူစရာ နောက်တစ်ချက်ကတော့ လတ်တလောမှာ အစိုးရက လက်လှမ်းမမီတဲ့
တိုင်းရင်းသားနယ်မြေတွေက ကိုယ်ပိုင်အုပ်ချုပ်ရေးစနစ်နဲ့ ကြီးကြပ်ပေးနေသူတွေရဲ့ ကိစ္စပါ။

ငြိမ်းချမ်းရေးလုပ်ငန်းစဉ် (တကယ်လို့) အခြေအနေ တိုးတက်လာတဲ့အခါ သူတို့ကို နိုင်ငံတော်ရဲ့
ဖွဲ့စည်းပုံစနစ်ထဲမှာ ဘယ်လို ပေါင်းစပ်ပါဝင် စေမလဲဆိုတဲ့ အချက်နဲ့ သူတို့ကို ကိုယ်ပိုင် အုပ်ချုပ်ခွင့်
ဘယ်လောက်ပေးရမလဲဆိုတဲ့အချက်တွေဟာ ရှေ့မှာ ဖြစ်လာနိုင်မယ့် အရေးပါလှတဲ့ နိုင်ငံရေး
ပြဿနာ တွေပါပဲ။


တရုတ်နိုင်ငံက ရင်းနှီးမြှုပ်နှံသည့် စီမံကိန်းများ

အနောက်နိုင်ငံက ရင်းနှီးမြှုပ်နှံမှုကို ရှောင်ရှားခဲ့တဲ့အခါ မြန်မာနိုင်ငံဟာ တရုတ်နိုင်ငံဘက်ကို
ပြောင်းခဲ့တာကြောင့် တရုတ်နိုင်ငံဟာ မြန်မာနိုင်ငံရဲ့ ပြည်ပရင်းနှီးမြုပ်နှံမှုအတွက် အကြီးမားဆုံး
အရင်းအမြစ်တစ်ခု အလျင်အမြန် ဖြစ်လာပါတယ်။

အထူးသဖြင့် သဘာဝအရင်းအမြစ် တူးဖော်ထုတ်လုပ်မှုတွေမှာပါ။

ပြီးခဲ့တဲ့ အစိုးရအဖွဲ့တွေက စီမံကိန်းတွေနဲ့ လုပ်ပိုင်ခွင့်တွေကို မြန်မာနိုင်ငံရဲ့ အင်အားကြီး
အိမ်နီးချင်းနိုင်ငံသို့ တရားဝင်ပေးအပ်ခဲ့တာကြောင့် မြေယာသိမ်းယူခြင်းနဲ့ သဘာဝပတ်ဝန်းကျင်
ထိခိုက်ပျက်စီးစေတာတွေ ဖြစ်ပေါ်ခဲ့ပါတယ်။

မြန်မာနိုင်ငံက တရုတ်နိုင်ငံရဲ့ အကြီးဆုံးစီမံကိန်းနှစ်ခုဖြစ်တဲ့ စစ်ကိုင်းတိုင်းဒေသကြီးက
လက်ပံတောင်းတောင်ကြေးနီစီမံကိန်းနဲ့ ကချင်ပြည်နယ်က ဒေါ်လာ ၃ ဒသမ ၆ ဘီလျံ ကုန်ကျတဲ့
မြစ်ဆုံရေအားလျှပ်စစ်ရေကာတာစီမံကိန်းတို့ကတော့ ဒေသခံတွေနဲ့ လူမှုရေးအဖွဲ့အစည်းတွေက
အကြိမ်ကြိမ်ဆန္ဒပြမှုတွေ ပြုလုပ်ရတဲ့ ကိစ္စကြီးတွေပါ။

အစိုးရအသစ်ကတော့ သူတို့ရဲ့ ရေရှည်အနာဂတ်နဲ့ပတ်သက်ပြီး အခုဆုံးဖြတ်ဖို့ လိုနေပါပြီ။

ရခိုင်ပြည်နယ်က ကျောက်ဖြူအထူး စီးပွားရေးဇုန်မှာ ကြီးမားတဲ့ အခြေခံအဆောက်အအုံစီမံကိန်း
တွေကို တရုတ်ကုမ္ပဏီတွေကို လုပ်ကိုင်ခွင့်ပေးလိုက်တာဟာ အလွန်အငြင်းပွားစရာကောင်းပြီး
အမျိုးသားဒီမိုကရေစီအဖွဲ့ချုပ်ကို အသေးစိတ်စုံစမ်းစစ်ဆေးမှုကို ဖြစ်ပေါ်စေနိုင်ပါတယ်။

အမျိုးသားဒီမိုကရေစီအဖွဲ့အတွက် အားလုံးကို စိတ်ကျေနပ်မှုရှိစေဖို့ မဖြစ်နိုင်ပါဘူး။

တရုတ်ကုမ္ပဏီတွေရယ်၊ သူတို့နဲ့ ပူးပေါင်းလုပ်ကိုင်တဲ့ ရင်းနှီးမြုပ်နှံသူတွေနဲ့အတူ သဘာဝပတ်ဝန်းကျင်
ဆိုင်ရာ ပြုပြင်ပြောင်းလဲရေး လှုပ်ရှားသူတွေနဲ့ တောင်သူလယ်သမားတွေရဲ့ တောင်းဆိုချက်တွေ
အားလုံးနဲ့ ပတ်သက်ပြီး ဟန်ချက်ညီ မျှတအောင် အစိုးရသစ်က လုပ်ဆောင်ဖို့ လိုအပ်ပါတယ်။

တရုတ် နိုင်ငံနယ်စပ်အနီးမှာ လှုပ်ရှားနေကြတဲ့ လက်နက်ကိုင်အဖွဲ့အစည်းတွေကို တရုတ်နိုင်ငံက
ဩဇာလွှမ်းမိုးမှု ရှိတာကြောင့် မြန်မာနိုင်ငံမှာ ငြိမ်းချမ်းရေး သဘောတူညီချက် ရရှိရေးနဲ့ ပတ်သက်ပြီး
တရုတ်က ထိန်းချုပ် ကောင်းထိန်းချုပ်နိုင်တာကြောင့် အမျိုးသားဒီမိုကရေစီအဖွဲ့ချုပ်ဟာ တရုတ်နိုင်ငံကို
ပထုတ်ပြီး အဆက်ဖြတ်ဖို့ဆိုတာ မဖြစ်နိုင်ပါဘူး။


ရခိုင်ပြည်နယ်

ရခိုင်ပြည်နယ်နဲ့ ရခိုင်ပြည်နယ်မှာရှိတဲ့ နိုင်ငံမဲ့ မွတ်စလင်လူနည်းစုတွေကို ဗုဒ္ဓဘာသာလူများစုနဲ့ ခွဲခြား
အုပ်ချုပ်ထားတဲ့အရေးဟာ အစိုးရသစ်အတွက် အခက်အခဲဆုံး စိန်ခေါ်မှုတစ်ရပ် ဖြစ်လာနိုင်ဖွယ်
ရှိပါတယ်။

ဒါဟာ နိုင်ငံတကာက ပြင်းပြင်းထန်ထန် ဖိအားပေးနေတဲ့ကြားက ဒေါ်အောင်ဆန်းစုကြည်
သိသိသာသာ ရှောင်လွှဲခဲ့တဲ့ ထိလွယ်ရှလွယ် အမျိုးသားရေးကိစ္စတွေကိုလည်း
သယ်ဆောင်လာနိုင်ပါတယ်။

ဘင်္ဂါလီလို့ တရားဝင်ခေါ်ဝေါ်တဲ့ ရိုဟင်ဂျာအယောက် တစ်သန်းကို အစိုးရသစ်အနေနဲ့ ပြည်တွင်းစစ်ပြေး
ဒုက္ခသည်စခန်းတွေကနေ ထွက်ခွာခွင့်ပြုပြီး လွတ်လွတ်လပ်လပ် ချက်ချင်းနေထိုင်ခွင့်ပြုဖို့
ကုလသမဂ္ဂလူ့အခွင့်အရေး အထူးကိုယ်စားလှယ် ယန်ဟီလီက ဒီလအတွင်းပြောကြားခဲ့ပါတယ်။

"မြန်မာနိုင်ငံမှာ အခြေခံအကျဆုံး လူ့အခွင့်အရေးတွေ ဆုံးရှုံးနေတဲ့ အဲဒီ ဘင်္ဂါလီတွေ တစ်သန်းမက
ရှိနေပါတယ်။ တစ်သန်းဆိုတာက အများကြီးပါ" လို့ ကျန်းမာရေး၊ ပညာရေးနဲ့
အခြေခံစောင့်ရှောက်မှုတွေ မရရှိတာတွေကို မစ္စလီက ရည်ညွန်းပြောဆိုခဲ့ပါတယ်။

၂၀၁၂ လူထုအကြမ်းဖက်မှုရဲ့ အရိပ်အငွေ့တွေ အထင်အရှားရှိနေသေးတဲ့အတွက် လုံခြုံရေးကို
ထိန်းသိမ်းဖို့က ပထမဦးစားပေး ဖြစ်နေပါတယ်။

သက်တမ်းကုန်ဆုံးတော့မယ့် အစိုးရဟာ အရေးပေါ်အခြေအနေ ကြေညာချက်ကို ယခုအပတ်အတွင်း
မမျှော်လင့်ဘဲ ရုပ်သိမ်းလိုက်တဲ့အတွက် တွက်ဆမရနိုင်တဲ့ ကွင်းဆက်တွေလည်း
ဖြစ်ပေါ်လာနိုင်ပါသေးတယ်။

နိုင်ငံရေးအရ ရခိုင်ပြည်နယ်မှာ အင်အားနည်းပြီး လွှတ်တော်ရဲ့ နေရာအများစုကို ရယူထားတဲ့
အမျိုးသားဒီမိုကရေစီအဖွဲ့ချုပ်အနေနဲ့ ပြည်နယ်ဝန်ကြီးချုပ်နေရာမှာ ဒီချုပ်ပါတီဝင်ကို ခန့်အပ်ခဲ့တာက
ရခိုင်အမျိုးသားပါတီကို ဒေါသထွက်စေခဲ့ပါတယ်။

တရုတ်နိုင်ငံအတွက် အဓိကစီးပွားရေးအကျိုးအမြတ်ရစရာတွေ ရှိနေတဲ့ ရခိုင်ပြည်နယ်မှာ အစိုးရဟာ
ဘယ်လမ်းကိုပဲရွေးရွေး နိုင်ငံတကာအသိုင်းအ၀ိုင်းရဲ့ အနီးကပ်စောင့်ကြည့်ခြင်းကို ခံရမှာပါ။


အကျင့်ပျက်ခြစားမှု

မြန်မာနိုင်ငံမှာ ပြီးခဲ့တဲ့နှစ် အနည်းငယ်ကစပြီး အကျင့်ပျက်ခြစားမှုတွေ တဖြည်းဖြည်း
လျော့နည်းလာပေမဲ့ စီးပွားရေးလုပ်ငန်းတွေ ဆက်ပြီးရပ်တည်နိုင်ဖို့အတွက် တံစိုးလက်ဆောင်
တောင်းဆိုတာမျိုးတွေကိုတော့ ကျယ်ကျယ်ပြန့်ပြန့် တွေ့နေရဆဲပါလို့ ကမ္ဘာ့စောင့်ကြည့်ရေးအဖွဲ့
Transparency International က ပြောပါတယ်။

မြန်မာနိုင်ငံစီးပွားရေးဆိုင်ရာ တာဝန်ရှိသောအဖွဲ့ (MCRB) နဲ့ ASEAN CSR Network (ACN) က
ကြီးမှူးကျင်းပခဲ့တဲ့ အကျင့်ပျက်ခြစားမှု တိုက်ဖျက်ရေးဆိုင်ရာ ဆွေးနွေးပွဲမှာ အခမ်းအနား
တက်ရောက်လာသူတွေကို အဂတိလိုက်စားမှုနဲ့ သူတို့တွေ့ခဲ့တဲ့ နေရာတွေအကြောင်း
စစ်တမ်းကောက်ယူခဲ့ပါတယ်။

လာဘ်ထိုးမှုအများဆုံးကို လိုင်စင်နဲ့ တင်ဒါတင်သွင်းခြင်းနဲ့ဆက်နွှယ်နေတဲ့ ၀န်ကြီးဌာနတွေမှာ
အများဆုံးဖြစ်ပွားနေကြောင်း တက်ရောက်သူလေးပုံတစ်ပုံက ဖြေကြားခဲ့ပါတယ်။

လာဘ်စားမှုတွေဟာ အခွန်ရုံးတွေမှာလည်း အများဆုံး ဖြစ်ပွားနေကြောင်းကို စစ်တမ်းကောက်ခံရသူ
၂၇ ရာခိုင်နှုန်းက ဖြေကြားခဲ့ပါတယ်လို့ အလုပ်ရုံဆွေးနွေးပွဲစီစဉ်သူတွေက သတင်းထုတ်ပြန်ချက်
တစ်ရပ်မှာ ဖော်ပြထားပါတယ်။

ဒါ့ပြင် ရန်ကုန်မြို့တော်စည်ပင်သာယာရေးအဖွဲ့၊ လူဝင်မှုကြီးကြပ်ရေးရုံးနဲ့ ယာဉ်ထိန်းရဲတွေနဲ့
ပတ်သက်ပြီး အကျင့်ပျက်ခြစားမှုတွေကို ကိုယ်တွေ့မြင်တွေ့ခဲ့ရတယ်လို့လည်း ပွဲတက်ရောက်ခဲ့
သူတွေက ပြောကြားခဲ့ပါတယ်။

UMFCC၊ UNESCAP နဲ့ OECD ရဲ့ ၂၀၁၄ ခုနှစ်လေ့လာချက်အရ အကျင့်ပျက်ခြစားမှုကို စီးပွားရေး
လုပ်ငန်းဆောင်ရွက်ရာမှာ အရမ်းကိုကြီးမားတဲ့ အဟန့်အတားတစ်ခုအဖြစ် ဖော်ပြထားပါတယ်။

ဒါပေမဲ့လည်း တချို့ကုမ္ပဏီတွေက ဒါကို အရေးယူဆောင်ရွက်မှုတွေ လုပ်နေကြပါပြီ။

ရာနဲ့ချီတဲ့ မြန်မာနိုင်ငံ အဖွဲ့အစည်းတွေကလည်း အဂတိလိုက်စားမှုကို တိုက်ဖျက်ဖို့ကတိနဲ့
ကုလသမဂ္ဂကမ္ဘာလုံးဆိုင်ရာ တရားဝင်သဘောတူညီချက်မှာ လက်မှတ်ရေးထိုးခဲ့ကြပါတယ်။

"အကျင့်ပျက်ခြစားမှုကို တိုက်ဖျက်ဖို့က မြန်မာနိုင်ငံရဲ့ အနာဂတ်အတွက် အလွန်အရေးပါတဲ့
အကြောင်းအရာ ဖြစ်တာကို အစိုးရအသစ်က သိပါတယ်။ ကျွန်တော်တို့ကလည်း ဒါကို
ပြင်းပြင်းထန်ထန် စစ်ဆေးပြီး ဆက်လက် ဆောင်ရွက်ဖို့ကို မျှော်လင့်ပါတယ်" လို့ MCRB
ဒါရိုက်တာ ဗစ်ကီ ဘောင်းမန်းက ပြောကြားခဲ့ပါတယ်။

"ပထမဆုံး အချက်အနေနဲ့ ကျွန်တော်တို့က စီးပွားရေးအဖွဲ့အစည်းတွေကို ဘယ်လုပ်ငန်းတွေက
လာဘ်ထိုးမှုကို ဖြစ်ပေါ်စေတယ်၊ ဘယ်ကနေ ပြုပြင်ပြောင်းလဲရမယ်ဆိုတာကို ဆွေးနွေးဖို့၊
စစ်တမ်းကောက်ယူဖို့ တွန်းအားပေးသွားမှာပါ" လို့ သူက ပြောကြားခဲ့ပါတယ်။


ဗဟိုဘဏ်၊ စီးပွားရေးတိုးတက်မှုနှင့် လိုငွေပြမှု

အစိုးရသစ်ရင်ဆိုင်နေရတဲ့ စီးပွားရေးဆိုင်ရာအခက်အခဲတွေကတော့ အလွန်ကြီးမားလှပါတယ်။

အကြီးစား စီးပွားရေးလုပ်ငန်း တစ်ဖက်စောင်းနင်းဖြစ်မှု မြင့်တက်လာတဲ့အတွက် စီးပွားရေးဆိုင်ရာ
အားနည်းချက်တွေ မြင့်မားလာမှုနဲ့ ပတ်သက်ပြီး နိုင်ငံတကာငွေကြေးဆိုင်ရာ ရန်ပုံငွေအဖွဲ့က
သတိပေးထားပါတယ်။

ငွေကြေးဖောင်းပွမှု ရာခိုင်နှုန်း ဆယ်ဂဏန်းအတွင်းဖြစ်နေတာ၊ ဘဏ္ဍာရေးလိုငွေ ဂျီဒီပီရဲ့ ငါးရာခိုင်နှုန်း
နီးပါးရှိတာ၊ ဘဏ်စာရင်းရှင် အပ်ငွေလိုငွေ ကိုးရာခိုင်နှုန်းဝန်းကျင်ရှိနေတာ၊ နိုင်ငံခြားငွေအရန်ငွေဟာ
သုံးလစာ ပို့ကုန်တင်သွင်းမှုအောက်ပဲရှိတာနဲ့ မြန်မာငွေအား နည်းနေတာတွေကြောင့် စီးပွားရေး
ကဏ္ဍမှာ ကျွမ်းကျင်သူတွေ လိုအပ်နေပါတယ်။

စစ်မှန်တဲ့ ကိုယ်ပိုင်အုပ်ချုပ်ခွင့်နဲ့ လက်တွေ့ဆောင်ရွက်နိုင်စွမ်းရှိတဲ့ ဗဟိုဘဏ်တည်ဆောက်ခြင်းဟာ
ငွေကြေး မူဝါဒတင်းကျပ်မှု၊ ငွေပေါ်လွယ်တဲ့ အစိုးရငွေချေးစာချုပ်ဈေးကွက်တစ်ရပ်ပေါ်ပေါက်ရေး၊
နိုင်ငံခြားရင်းနှီးမြှုပ်နှံမှုကို အားပေးခြင်းနဲ့ အခွန်စနစ်ပြုပြင်ပြောင်းလဲရေး စတဲ့ အလားအလာ
ကြီးကြီးမားမား ရှိလာစေဖို့ အထောက်အကူ ဖြစ်လာနိုင်ဖွယ်ရာရှိပါတယ်။

ချေးငွေရရှိနိုင်မှုအခွင့်အလမ်း ပိုရရှိရေး၊ အခွန်ကောက်ခံရေးနဲ့ ကျေးလက်ဒေသဖွံ့ဖြိုးတိုးတက်ရေးတွေကို
အခြေခံပြီး (ဒီဘဏ္ဍာရေးနှစ်မှာ ၈ ဒသမ ၅ ရာခိုင်နှုန်း အထိ တက်လာတယ်လို့ ခန့်မှန်းထားတဲ့)
စီးပွားရေးတိုးတက်ရေးကို သူ ပထမဆုံး ဦးစားပေးလုပ်ဆောင်သွားမယ့်ကိစ္စလို့ ဘဏ္ဍာရေးဝန်ကြီး
ဦးကျော်ဝင်းက ပြောပါတယ်။

လိုငွေပြနေတာတွေကို ထိန်းချုပ်နိုင်ဖို့အတွက် အသုံးစရိတ် လျှော့ချဖို့ သမ္မတဦးထင်ကျော်က
အဆိုပြုထားပါတယ်။

အသုံးစရိတ်လျှော့ချလိုက်လို့ ထွက်လာမယ့်ငွေတွေကို ပညာရေး၊ ကျန်းမာရေးစောင့်ရှောက်မှုနဲ့
ကျေးလက်ဒေသဖွံ့ဖြိုးရေးတွေမှာ ပိုသုံးစွဲလို့ ရသွားမယ်လို့ သူက ပြောပါတယ်။

နိုင်ငံတော် ပိုင်ဘဏ်တွေကို ပြန်လည်ဖွဲ့စည်းတာကလည်း ကျေးလက် စီးပွားရေးမှာ လိုအပ်နေတဲ့
ငွေရင်းတွေအတွက် ပြောင်းလဲ အသုံးချနိုင်စေမှာဖြစ်သလို ပြင်းထန်တဲ့ရာသီဥတု အခြေအနေကြောင့်
ဖြစ်ပေါ်ရတဲ့ စိတ်ပျက်ရမှုတွေကိုလည်း သက်သာရာရအောင် အကာအကွယ်ပေးနိုင်ပါလိမ့်မယ်။

သီရိမင်းထွန်း၊ ခန့်လင်းဦး၊ ကျော့ဒါလီလင်း၊ ခိုင်သဇင်ဟန်နှင့် အိအိစံ ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း