ဖုန်းခေါ်ဆိုမှုကို အခွန်ငါးရာခိုင်နှုန်း ကောက်ခံနေမှုနှင့်ပတ်သက်ပြီး ပြန်လည်စဉ်းစားသုံးသပ်ရန် ပြည်သူ့လွှတ်တော်ဥက္ကဋ္ဌ ညွှန်ကြား

ပြည်သူကတင်မြှောက်သော အစိုးရအဖွဲ့ဟု ကြွေးကြော်နေသည့် လက်ရှိအစိုးရက ပြည်သူများ၏
တယ်လီဖုန်းခေါ်ဆိုမှုကို ကုန်သွယ်လုပ်ငန်းခွန် ငါးရာခိုင်နှုန်းကောက်ခံနေခြင်းအပေါ် သင့်မသင့်နှင့် ပိုမိုကောင်းမွန်သည့်အခြေအနေတစ်ခုရှာဖွေရန် ပြည်သူ့လွှတ်တော်ဥက္ကဋ္ဌဦးဝင်းမြင့်က ညွှန်ကြား
ခဲ့ကြောင်း အမျိုးသားဒီမိုကရေစီအဖွဲ့ချုပ် ပါတီဝင်ပြည်သူ့လွှတ်တော်ကိုယ်စားလှယ် ဒေါက်တာလှမိုးက
ပြောသည်။

''ဒီအခွန်ငါးရာခိုင်နှုန်းကို ပြည်သူလူထုကကျခံနေရရင် ပြည်သူလူထု ဘယ်လောက်နစ်နာသွားမလဲ၊
ပြန်ပြီး တွက်ရမယ်။ ဒါကိုကုမ္ပဏီကို ဆောင်ခိုင်းမယ်ဆိုရင်ရော ကုမ္ပဏီက ဘယ်လောက်နစ်နာသွား
မလဲ။ အဲဒီလိုမှ မဟုတ်ဘဲ ကုမ္ပဏီက ဘယ်လောက်၊ ပြည်သူကဘယ်လောက်ဆိုရင်ရော ပြည်သူက
ဘယ်လောက်နစ်နာမလဲ၊ ကုမ္ပဏီက ဘယ်လောက်နစ်နာမလဲ။

တကယ်တမ်းပြောရရင်တော့ဗျာတဲ့၊ ကုမ္ပဏီဆိုတာကမြတ်လို့လုပ်တာပဲ၊ သူတို့ခံသင့်တာပေါ့ဆိုပြီးသူ
(ဦးဝင်းမြင့်)ကပြောလိုက်တာ''ဟု ၄င်းကမြန်မာတိုင်း(မ်)ကို ဧပြီ ၂ ရက်တွင်ပြောသည်။

ဦးဝင်းမြင့်သည် လွှတ်တော်အဆောက်အအုံ ဇမ္ဗူသီရိဆောင် အစည်းအဝေးခန်းမတွင် ဧပြီ ၁ ရက်က
ပြည်သူ့လွှတ်တော်ရေးရာကော်မတီ ဥက္ကဋ္ဌများ၊ အတွင်းရေးမှူးများနှင့်ပြုလုပ်ခဲ့သော ညှိနှိုင်းအစည်း
အဝေးတွင် ထိုကဲ့သို့ ပြောကြားခဲ့ခြင်းဖြစ်သည်ဟု ဆိုသည်။

ယခင်ပြည်ထောင်စုလွှတ်တော်ကအတည်ပြုပြဋ္ဌာန်းခဲ့သော ၂ဝ၁၆ ခုနှစ် ပြည်ထောင်စု၏ အခွန်
အကောက်ဆိုင်ရာ ဥပဒေအရ ယခုနှစ် ဧပြီ ၁ ရက်မှစတင်၍ ဖုန်းခေါ်ဆိုမှုများအပေါ် ကုန်သွယ်လုပ်ငန်း
ခွန်အဖြစ် ငါးရာခိုင်နှုန်းကောက်ခံလျက်ရှိသည်။

ယခု ၂ဝ၁၆-၁၇ ဘဏ္ဍာနှစ်အတွက် ပြည်သူများ၏ တယ်လီဖုန်းခေါ်ဆိုမှု ကြိုတင်ငွေဖြည့်ကတ်အပေါ်
ကျသင့်သည့်ကုန်သွယ်လုပ်ငန်းခွန်ကောက်ခံရန် လျာထားသည့်ပမာဏသည် စုစုပေါင်းကျပ် ၈ဝ
ဘီလျံရှိကြောင်း ယခင်ဘဏ္ဍာရေးဝန်ကြီးဌာနပြည်ထောင်စုဝန်ကြီးဦးဝင်းရှိန်က ၂ဝ၁၅ခုနှစ်၊ ဒီဇင်ဘာ
၁၅ ရက်က ပြုလုပ်ခဲ့သောပြည်ထောင်စုလွှတ်တော်သို့ တင်ပြခဲ့သည်။

ထို့နောက် ထိုတင်ပြလျာထားချက် အတိုင်းပင်ပြည်ထောင်စုလွှတ်တော်က ဥပဒေကိုအတည်ပြုခဲ့သည်။
လက်ရှိတွင် ဧပြီ ၁ ရက်မှစတင်ပြီး ယင်းအခွန်အမျိုးအစားကို ကောက်ခံလျက်ရှိရာပြည်သူများအကြား
တွင်လည်း အမြင်အမျိုးမျိုးဖြင့်ပြောဆိုလျက်ရှိသည်။ ပြည်သူများဆင်းရဲနေသည့်အချိန်တွင် ထိုအခွန်ကို
မကောက်ခံသင့်ကြောင်း ပြောဆိုမှုများရှိနေသကဲ့သို့ အခွန်ကောက်ခံပြီး ပညာရေး၊ ကျန်းမာရေးစသည့်
အခြေခံလိုအပ်ချက်များကို ဖြည့်ဆည်းပေးသင့်ကြောင်းလည်း ပြောဆိုနေကြသည်။

''လူတွေကတော့ အမျိုးမျိုးပေါ့လေ။ အခွန်တိုးကောက်ပြီး အကျိုးရှိတဲ့နေရာတွေမှာသုံးသင့်တယ်လို့
ပြောတာလည်းရှိတယ်။ ပြည်သူတွေက ဆင်းရဲနေတဲ့အချိန်မှာ ဒီဆင်းရဲတဲ့ပြည်သူတွေဆီကပဲ အခွန်ထပ်ကောက်မှာလားလို့ ပြောတဲ့သူလည်းရှိတယ်။ ဒါပေမဲ့ ဒီအခွန်တွေ ဘာကြောင့်
ကောက်ရတယ်၊ ဘယ်လိုသုံးမယ်၊ ဘာကြောင့်လိုအပ်တယ်ဆိုတာမျိုး ပြည်သူကို ရှင်းပြနိုင်ရင်
အဆင်ပြေနိုင်ပါတယ်''ဟု နေပြည်တော်ဒေသခံလုပ်ငန်းရှင် ဦးနေစိုးကပြောသည်။

ယင်းအခွန်အမျိုးအစားနှင့်ပတ်သက်ပြီးအစိုးရအာဘော်ဖြစ်သော မြန်မာ့အလင်းသတင်းစာတွင်လည်း
ဧပြီ ၂ ရက်က ဖော်ပြပါရှိခဲ့သည်။ ''ကုန်သွယ်လုပ်ငန်းခွန်ဆိုတာ ဘာလဲ၊ စီးပွားရေးကိုဆိုလိုတာလား။
ဖုန်းသုံး စွဲနေတဲ့ ပြည်သူအများစုကတော့ လူမှုရေးအရသော်လည်းကောင်း၊ ကျန်းမာရေးအရသော်လည်း
ကောင်း သုံးနေကြတာဖြစ်ပါတယ်''ဟု ပြည်သူတစ်ယောက်၏ ရေးသားချက်အတိုင်းပြန်လည်ဖော်ပြ
ထားသည်။ ထို့ပြင် ဆင်းရဲသော ပြည်သူလူထု၏အခြေအနေကိုထည့်သွင်းစဉ်းစားသင့်ပြီး ဥပဒေကို ပြန်လည်စဉ်းစားစေလိုကြောင်းလည်း ရေးသားဖော်ပြထားသည်။

ယင်းအခွန်ကို ၂ဝ၁၅ ခုနှစ်၊ ဇွန်လကတည်းက ကောက်ခံရန်ဦးသိန်းစိန်အစိုးရက စီစဉ်ခဲ့သော်လည်း
ပြည်သူ့လွှတ်တော်ကိုယ်စားလှယ်(ဟောင်း)ဦးသိန်းထွန်းဦးက ဆိုင်းငံ့ထားရန်လွှတ်တော်သို့တင်ပြခဲ့
သောကြောင့် ယခု ၂ဝ၁၆ ခုနှစ် အခွန်ဥပဒေအရ ယခုနှစ်ဧပြီလမှသာ စတင်ကောက်ခံခြင်းဖြစ်သည်။

အာဏာရ အမျိုးသားဒီမိုကရေစီအဖွဲ့ချုပ်ပါတီကဖွဲ့စည်းသည့် အစိုးရသစ်သည် အစိုးရတာဝန်စတင်ထမ်း
ဆောင်သည့် ဧပြီ ၁ ရက်တွင်ပင် တိုင်းဒေသကြီး/ပြည်နယ်များရှိ လမ်း/တံတားအသုံးပြုခကောက်ခံသော
ဂိတ်ပေါင်း ၃ဝ၂ ဂိတ်အနက် ၁၆၁ဂိတ်ကို အသုံးပြုခပေးဆောင်ရန် မလိုကြောင်း ဆုံးဖြတ်ကြေညာခဲ့ရာ
ပြည်သူအများစုက ချီးမွမ်းပြောဆိုခဲ့ကြသည်။

''အခုဖုန်းခွန်ကိုလည်းထပ်ပြီးဆိုင်းငံ့တာမျိုး၊ ရာခိုင်နှုန်းလျှော့ချတာမျိုး၊ ဒါမှမဟုတ်ခေါ်ဆိုအသုံးပြုတဲ့ ပမာဏအလိုက်လျှော့ချတာမျိုးလုပ်နိုင်ရင်တော့ ချီးကျူးသံတွေ ထပ်ကြားရမယ်။ ဒါပေမဲ့ မထင်ဘူး။
ဒီလိုလုပ်ဖို့ ဆိုတာလည်း လွယ်တဲ့ကိစ္စတော့ မဟုတ်ဘူး''ဟုဦးနေစိုးက ဆက်လက်ပြောကြားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း