သူငယ်တန်း သင်ရိုးညွှန်းတမ်း အသစ်နှင့် ကျောင်းသားမိဘတို့၏ မျှော်လင့်ချက်

ဇွန်လ ကျောင်းဖွင့်ချိန်တွင် စတင်သင်ကြား ကြရမည့် သူငယ်တန်း သင်ရိုးညွှန်းတမ်းအသစ်အတွက်
မိဘများနှင့် ပညာရေးသုံးသပ်လေ့လာသူများက သင်ကြားရေးနည်းစနစ်များကို စောင့်စားလျက်ရှိကြ
သည်။

အဆိုပါပညာသင်နှစ်တွင် သူငယ်တန်း သင်ရိုးညွှန်းတမ်းအသစ် သင်ကြားနိုင်ရန် သင်ကြားနည်း
စနစ်တစ်ခုတည်း မဟုတ်ဘဲ ဆရာ၊ ဆရာမများကို သင်တန်းပို့ချပေးခြင်း နှင့် စာသင်ခန်းအတွင်း
သင်ထောက်ကူ ပစ္စည်းစုံလင်စွာဖြင့် သင်ကြားပေးနိုင်ရန် စီစဉ်ဆောင်ရွက်နေပြီဖြစ်ကြောင်း ပညာရေး
သုတေသနဦးစီးဌာန၊ သင်ရိုးညွှန်းတမ်း ရေးဆွဲရေးအဖွဲ့မှ ပညာရှင်တစ်ဦးက ပြောသည်။

''အခုပြောင်းလဲမယ့် သူငယ်တန်းသင်ရိုး အသစ်မှာ ကလေးဗဟိုပြုချဉ်းကပ်နည်းနဲ့ သင်ကြားသွား
မှာဖြစ်ပါတယ်။ ကလေးများရဲ့စဉ်းစားတွေးခေါ်မှု၊ တီထွင်ဖန်တီးနိုင်မှုနဲ့ ပြဿနာဖြေရှင်းနိုင်မှု စွမ်းရည်များ
ရရှိနိုင်ဖို့ သင်ရိုးညွှန်းတမ်း၊ ဆရာအတတ်ပညာ၊ သင်ယူ မှုပတ်ဝန်းကျင်ကောင်းတို့ပါဝင်တဲ့ ပညာရေး
ကဏ္ဍတစ်ခုလုံးရဲ့ အခြေခံဖြစ်လာဖို့ အကောင်အထည်ဖော်ဆောင်ရွက်သွားမှာပါ။ ကလေးတွေကို
ကဗျာတွေ၊ သီချင်းတွေ သင်ပေးပြီး နောက်ဆုံးသုံးလရောက်မှ စာရေးတာကို သင်ပေးမယ်။
ပထမတန်းရဲ့အခြေခံ အတန်းဖြစ်တဲ့အတွက် ကလေးတွေ အဆင်ပြေအောင်ပဲလုပ်သွားမှာ။
နောက်ဆုံး သုံးလထဲမှာပဲ သင်္ချာဆိုင်ရာ ကိန်းဂဏန်းတွေ၊ အခြေခံဗျည်းအက္ခရာတွေကို သူတို့
မှတ်မိအောင် သင်ကြားပေးသွားမှာ''ဟု ၄င်း ပညာရှင်က ပြောသည်။

သူငယ်တန်းသင်ရိုးညွှန်းတမ်းအသစ်တွင် စာရေးသားခြင်းကို ပညာသင်နှစ်၏နောက်ဆုံး သုံးလ
၌သာ သင်ကြားပေးသွာမည်ဖြစ်ပြီး ကျန်သည့်အစောပိုင်းလများတွင် ဥာဏ်ရည်ဖွံ့ဖြိုးမှု အဆင့်အလိုက်
ဖွံ့ဖြိုးစေရန် ဆရာက ကလေးဗဟိုပြုနည်းဖြင့် စနစ်တကျပြင်ဆင်ပေးသွားမည်ဖြစ်သည်။

''ကလေးတွေအနေနဲ့ ပြဋ္ဌာန်းစာအုပ်တွေမကိုင်ရတော့ဘူး။ ဆရာ၊ ဆရာမတွေပဲ သင်ကြား
နည်းစာအုပ်ထဲက ပုံပြင်တွေ၊ ကဗျာတွေ၊ တေးသီချင်းတွေ သီဆိုပြီး ကလေးတွေ ပျော်အောင်
သင်ကြားပေးသွားမယ်။ လေ့ကျင့်ခန်းတွေကိုလည်း ကတ်ထူစက္ကူပြားပေါ်မှာ ရေးဆွဲထားတဲ့ပုံတွေ၊
လက်ထိုးအရုပ်တွေနဲ့ ကလေးတွေမပျင်းရအောင် ဆေးရောင်ခြယ်တာတွေ၊ ပုံဆွဲတာတွေကို သင်ထောက်ကူပစ္စည်းတွေနဲ့သင်ကြားဖို့လေ့ကျင့်နေကြပြီ။ အခုဆရာမတွေ အားကစားလုပ်တာတွေ၊
အကလေ့ကျင့် ပြင်ဆင်နေတာတွေကို လူမှုကွန်ရက် ဖေ့ဘွတ်ခ်ပေါ်မှာ တွေ့မြင်ကြရမှာပါ။

''ဒါတွေက ကလေးတွေကိုသင်ကြားဖို့ ဆောင်ရွက်နေကြတာပါ''ဟု ၄င်းပညာရှင်က ဆက်လက်ပြောကြား
သည်။

မြို့ပေါ်ရှိ အခြေခံပညာစာသင်ကျောင်း များတွင် သူငယ်တန်းသင်ရိုးအသစ်သင်ကြားရန် မူလတန်း
ဆရာ၊ ဆရာမများအနေဖြင့် သင်ကြားရေးနည်းစနစ်များနှင့် အားကစားပြုလုပ်ခြင်း၊ သီချင်းသီဆိုခြင်း
တို့အပြင် အကလေ့ကျင့်ခြင်းတို့ကို ဧပြီ ၂၆ ရက် မှ မေ ၁ဝ ရက်အတွင်း လေ့ကျင့်သင်ကြား
လျက်ရှိကြသည်။

အဆိုပါသူငယ်တန်း သင်ကြားခြင်းတွင် အတန်းတင်ရန် စိစစ်အကဲဖြတ်ခြင်းအတွက် စာမေးပွဲစနစ်ရှိမည်
မဟုတ်ဘဲ ကလေးငယ်တစ်ဦးချင်းစီ၏ နေ့စဉ်ဆောင်ရွက်လှုပ်ရှားမှုများကို မှတ်တမ်းတင်သည့်စနစ်ဖြင့်
အမှတ်ပေးသွားမည်ဖြစ်ပြီး ၄င်းမှတ်တမ်းဖြင့်သာ ပထမတန်းသို့ တက်ရောက်ခွင့်ပြုမည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း