တရားမဝင်ကဏန်းမွေးမြူသည့် တရုတ်နိုင်ငံသားနှစ်ဦးကို အရေးယူမည်

ဧရာဝတီးတိုင်းဒေသကြီး၊ ဖျာပုံမြို့နယ်၊ နောက်မီးကျေးရွာအုပ်စုတွင် တရားမဝင်ကဏန်းမွေးမြူရေး
လုပ်ကိုင်လျက်ရှိသည့် တရုတ်နိုင်ငံသားနှစ်ဦးကို စိစစ်အရေးယူသွားမည်ဟု ပြည်ထဲရေးဝန်ကြီးဌာန၊
ဒုတိယဝန်ကြီး ဗိုလ်ချုပ်အောင်စိုးက ဇွန် ၉ ရက် အမျိုးသားလွှတ်တော်အစည်းအဝေးတွင်
ပြောကြားခဲ့သည်။

အမျိုးသားလွှတ်တော်အစည်းအဝေး၌ဧရာဝတီတိုင်းဒေသကြီး မဲဆန္ဒနယ် အမှတ်(၁ဝ) မှ
လွှတ်တော်ကိုယ်စားလှယ် ဦးသိမ်းဆွေ၏ မေးခွန်းကို ပြည်ထဲရေးဒုတိယဝန်ကြီးက
ပြန်လည်ဖြေကြားခဲ့ခြင်းဖြစ်သည်။

''တွေ့ရှိရတဲ့ နိုင်ငံခြားသားနဲ့ပတ်သက်လို့လဝကဥပဒေအရပဲ လိုအပ်သလိုစိစစ်ပြီး အရေးယူ
ဆောင်ရွက်သွားမှာဖြစ်ပါတယ်။ ဆောက်လုပ်ထားတဲ့ အဆောက်အအုံတွေဟာ အခိုင်အမာဖြစ်ပေမဲ့
ခွင့်ပြုချက် မရသေးတဲ့ မြေပေါ်မှာ လုပ်ကိုင်နေတာဖြစ်တဲ့အတွက် အလုပ်သမားတွေအပါအဝင်
အဆောက်အအုံတွေကိုပါ သတ်မှတ်ရက်မှာ အပြီးဖယ်ရှားရှင်းလင်းပေးဖို့လည်း ညွှန်ကြားချက်
ထုတ်ပြန်ပြီးဖြစ်ပါတယ်။ တိုင်းဒေသကြီး အစိုးရအနေနဲ့ ထုတ်ပြန်ထားတဲ့ ညွှန်ကြားချက်တွေနဲ့အညီ
ဆက်လက်စိစစ်ဆောင်ရွက်နိုင်ဖို့အတွက် ပြည်ထဲရေးဝန်ကြီးဌာနအနေနဲ့ ပူးပေါင်း
ဆောင်ရွက်သွားမှာဖြစ်ပါတယ်'' ဟု ဒုတိယဝန်ကြီး ဗိုလ်ချုပ်အောင်စိုးက ပြောကြားသည်။

ပြီးခဲ့သည့် ဧပြီလက စွမ်းပြည့်စုံကုမ္ပဏီပိုင်ရှင် ဒေါ်အေးဆိုင်အမည်ဖြင့် တရုတ်လူမျိုးနှစ်ဦး
ရောက်ရှိလာရာ ဖျာပုံမြို့နယ်၊ လူဝင်မှုကြီးကြပ်ရေးနှင့် အမျိုးသားရေးဦးစီးဌာန၏ စိစစ်တင်ပြချက်အရ
၎င်းအဖွဲ့သည် လုပ်ငန်းဗီဇာဖြင့် လာရောက်ခြင်းဖြစ်သော်လည်း သက်ဆိုင်ရာ ငါးလုပ်ငန်းဦးစီးဌာန၏
လုပ်ငန်းလုပ်ကိုင်ခွင့်များမပါရှိကြောင်း တွေ့ရှိရသည့်အတွက် ဧရာဝတီတိုင်းဒေသကြီး အစိုးရအဖွဲ့က
ဧပြီ ၂၉ ရက်တွင် ရန်ကုန်မြို့သို့ ပြန်လည်ထွက်ခွာစေခဲ့သည်ဟု ဗိုလ်ချုပ်အောင်စိုးက ဆိုသည်။

ဖျာပုံမြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနက လယ်ယာမြေများအတွင်း
ရေငန်ဝင်ရောက်စေရန် တူးဖော်ထားသည့် မြောင်းများကိုလည်း ပြန်လည်ဖို့ခိုင်းစေပြီး
ကဏန်းပျော့နှင့် မျှင်ပုစွန်ထုတ်လုပ်ရန် တည်ဆောက်ထားသည့် အဆောက်အအုံကိုလည်း
ဇွန် ၂ဝ ရက်တွင် အပြီးဖယ်ရှားရန် ဧရာဝတီတိုင်းဒေသကြီးအစိုးရအဖွဲ့က ညွှန်ကြားချက်
ထုတ်ပြန်ထားသည် သိရသည်။

ဖျာပုံမြို့နယ်တွင် ကဏန်းပျော့နှင့် ရေငန်ပုစွန်လုပ်ငန်းလုပ်ကိုင်ရန် ဒေါ်အေးဆိုင်(စွမ်းပြည့်စုံကုမဏီ) က
၂ဝ၁၅ ခုနှစ်၊ ဒီဇင်ဘာလတွင် ဧရာဝတီတိုင်းဒေသကြီးအစိုးရအဖွဲ့ထံ လျှောက်ထားခဲ့ခြင်းဖြစ်ပြီး၊
တိုင်းဒေသကြီး မြေစာရင်းဦးစီးဌာနက ကွင်းဆင်းစစ်ဆေးခဲ့ရာ လျှောက်ထားသည့်မြေသည် မြေလွတ်၊
မြေရိုင်းဖြစ်နေပါက ခွင့်ပြုသင့်ကြောင်း စိစစ်တင်ပြချက်အရ ယခင်အစိုးရလက်ထက်
ဧရာဝတီတိုင်းဒေသကြီး အစိုးရအဖွဲ့က ၂ဝ၁၆ ခုနှစ်၊ ဖေဖော်ဝါရီ၂၆ ရက်တွင် ခွင့်ပြုပေးခဲ့ခြင်းဖြစ်သည်။

အဆိုပါကုမ္ပဏီ၏ ကဏန်းပျော့နှင့် ရေငန်ပုစွန်မွေးမြူရေးလုပ်ငန်းများကြောင့် ပင်လယ်ရေငန်
ဝင်ရောက်ခဲ့ရာ လယ်ယာမြေများ ပျက်စီးကာ စိုက်ပျိုးထားသော စပါးများအထွက်နှုန်း
လျော့လာသည့်အတွက် လယ်ပိုင်ရှင် ဦးမင်းကြွယ်အပါအဝင် တောင်သူများက
ဖေဖော်ဝါရီလလယ်ပိုင်းတွင် တိုင်းဒေသကြီးအစိုးရအဖွဲ့သို့ တိုင်ကြားခဲ့သည်။ အဆိုပါ
တိုင်ကြားမှုအတွက် ဖျာပုံမြို့နယ်ဆည်မြောင်းဦးစီးဌာနက လုပ်ငန်းစစ်ဆေးရေးအဖွဲ့ဖြင့်
စစ်ဆေးဆောင်ရွက်ခဲ့ရာ ကဏန်းပျော့နှင့် ရေငန်ပုစွန်မွေးမြူရန် မြောင်းတူးဖော်မှုကြောင့်
ရေငန်ဝင်ရောက်ကာ လယ်နှင့် စပါးပျက်စီးသွားသည်ကို တွေ့ရှိရသည်ဟုဆိုသည်။

လယ်ယာမြေနှင့် စပါးများပျက်စီးသွားခဲ့ခြင်းကြောင့် ဦးလှမြင့်အပါအဝင် တောင်သူငါးဦး၏
လယ်မြေဆယ်ဧကအတွက် ဒေါ်အေးဆိုင်(စွမ်းပြည့်ကုမ္ပဏီ)က နစ်နာကြေးပေးရန်၊ လုပ်ကိုင်ခွင့်
မရသေးမီကာလအတွင်း မြေပြင်တွင် မည်သည့်လုပ်ငန်းကိုမှ လုပ်ကိုင်ခွင့်မပြုဘဲ
ရပ်ဆိုင်းထားရန်နှင့် ရေငန်ထွက်ရှိစေရန် တူးဖော်ထားသည့် မြေတွင်းလိုဏ်ခေါင်းတစ်ခုကို
မူလပုံစံအတိုင်း အခိုင်အမာ ပိတ်ဖို့ပေးရန် အပါအဝင် အကြံပြုချက် ခြောက်ချက်ဖြင့်ဖျာပုံမြို့နယ်
လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနက ဧရာဝတီတိုင်းဒေသကြီးအစိုးရအဖွဲ့သို့
ပြန်လည်တင်ပြခဲ့သည်။

ဖျာပုံမြို့နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှ ၂ဝ၁၆ ခုနှစ်၊ မတ် ၂၁ ရက်တွင်
ဒေါ်အေးဆိုင်ကို လက်ရှိလုပ်ငန်းများလုပ်ကိုင်နေမှုကို ရပ်ဆိုင်းရန်နှင့် အဆိုပါမြေမှ
ထွက်ခွာသွားရန် အကြောင်းကြားစာ ထုတ်ပြန်တားမြစ်ခဲ့ကြောင်း တွေ့ရှိရသည်ဟု
ပြည်ထဲရေးဝန်ကြီးဌာန၊ ဒုတိယဝန်ကြီး ဗိုလ်ချုပ်အောင်စိုးက လွှတ်တော်တွင် တင်ပြခဲ့သည်။

ဒေါ်အေးဆိုင်(စွမ်းပြည့်ကုမ္ပဏီ)ဘက်က တင်ပြလာပါက ဧရာဝတီတိုင်းဒေသကြီးအစိုးရအဖွဲ့
အနေဖြင့်လည်း ခွင့်ပြုသင့်၊ မသင့်စိစစ် ဆုံးဖြတ်ဆောင်ရွက်သွားမည်ဖြစ်ကြောင်း၊
ထုတ်ပြန်ထားသည့် ညွှန်ကြားချက်အပေါ် လိုက်နာမှုမရှိပါက ၂ဝ၁၂ ခုနှစ်၊ မြေလွတ်၊ မြေလပ်နှင့်
မြေရိုင်းများ စီမံခန့်ခွဲရေး ဥပဒေပုဒ်မ ၂၆ အရ တရားစွဲဆိုအရေးယူဆောင်ရွက်သွားမည်ဖြစ်ကြောင်း
ဧရာဝတီတိုင်းဒေသကြီး အစိုးရအဖွဲ့ကိုယ်စားဗိုလ်ချုပ်အောင်စိုးက ဖြေကြားခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း