အရပ်ပုညှက်ခြင်းကို ကာကွယ်ရန် မွေးကင်းစကလေး၏ ပထမရက်ပေါင်း ၁,ဝဝဝ ကို အထူးဂရုစိုက်ရန် လိုအပ်

၁၉၉ဝ ပြည့်နှစ်ဖွား လူငယ်များ၏ ပျော်ပွဲရွှင်ပွဲကို ရန်ကုန်မြို့တွင် မေလကုန်ပိုင်းက ကျင်းပခဲ့စဉ်။ အောင်မြင်ရဲဇော်/ မြန်မာတိုင်း(မ်)၁၉၉ဝ ပြည့်နှစ်ဖွား လူငယ်များ၏ ပျော်ပွဲရွှင်ပွဲကို ရန်ကုန်မြို့တွင် မေလကုန်ပိုင်းက ကျင်းပခဲ့စဉ်။ အောင်မြင်ရဲဇော်/ မြန်မာတိုင်း(မ်)

မြန်မာနိုင်ငံအပါအဝင် ဖွံ့ဖြိုးဆဲနိုင်ငံများတွင် အာဟာရချို့တဲ့မှုကြောင့်ဖြစ်သည့် နောက်ဆက်တွဲ
ပြဿနာများရှိနေဆဲဖြစ်ပြီး အာဟာရမပြည့်ဝမှုကြောင့်ဖြစ်ပေါ်သည့် ရုပ်ပိုင်းဆိုင်ရာ
အားနည်းချက်များတွင် အဓိကသိသာစေသည့်အကြောင်းမှာ ပုညှက်ခြင်းဖြစ်သည်ဟု
အာဟာရပညာရှင်များက ထောက်ပြထားသည်။

''မြန်မာနိုင်ငံမှာ အာဟာရမပြည့်ဝတာကြောင့် ပုညှက်မှုပြဿနာကို တွေ့နေရတယ်။ ဒီပြဿနာက
ငွေကြေးချို့တဲ့တာ တစ်ခုတည်းကြောင့်တော့ မဟုတ်ပါဘူး။ ငွေကြေးချမ်းသာတဲ့
အသိုင်းအဝိုင်းမှာလည်း ပုညှက်တာကို တွေ့ရပါတယ်''ဟု အသက်မွေးဝမ်းကျောင်းမှုနှင့်
စားနပ်ရိက္ခာဖူလုံရေးရန်ပုံငွေအဖွဲ့ (Livelihoods and Food Security Trust Fund) ၏
အကြံပေးပညာရှင် မစ္စဂျိုအင်း ရွိုင်စင်က ပြောသည်။

အဆိုပါအဖွဲ့ကို ဥရောပဒေသနိုင်ငံများ၊ အမေရိကန်နှင့် ဂျပန်နိုင်ငံများက ငွေကြေးထောက်ပံ့
ပေးထားပြီး မြန်မာနိုင်ငံ ကျေးလက်ဒေသများရှိ ဆင်းရဲနွမ်းပါးသူများ၏ ဘဝအခြေအနေ
တိုးတက်လာရေး စီမံချက်များတွင် ထောက်ပံ့ပေးနိုင်ရန် ၂ဝဝ၉ ခုနှစ်၌ ဖွဲ့စည်းတည်ထောင်ခဲ့ခြင်း
ဖြစ်သည်။

ဗီတာမင်နှင့် အာဟာရဓာတ်ပြည့်ဝစွာ မရရှိခြင်းကြောင့် နောက်ဆက်တွဲအနေဖြင့်ပိန်လှီခြင်းနှင့်
ပုညှက်ခြင်းကိုဖြစ်စေတတ်ပြီး မြန်မာနိုင်ငံတွင် အာဟာရချို့တဲ့မှုကြောင့်ပုညှက်ခြင်း ပြဿနာကို
အများဆုံးတွေ့ရသည်။ ၂ဝ၁ဝ ပြည့်နှစ်တွင် ကျန်းမာရေးဝန်ကြီးဌာနနှင့် ကုလသမဂ္ဂကလေးများ
ရန်ပုံငွေ အဖွဲ့တို့ ပူးပေါင်းဆောင်ရွက်ခဲ့သည့် အမျိုးသားအာဟာရစစ်တမ်း(MICS) အရ
မြန်မာနိုင်ငံတွင် အာဟာရ မပြည့်ဝမှုကြောင့် ငါးနှစ်အောက်ကလေး ၃၅ ရာခိုင်နှုန်းသည်
ရှိသင့်သည့် အရပ်အမောင်းထက် နိမ့်ကျပုညှက်နေသည်ဟု ဆိုသည်။

ကလေးငယ်တစ်ဦးသည် သန္ဓေသားဘဝမှ အသက်နှစ်နှစ်အရွယ်အထိ အာဟာရလုံလောက်စွာ
မရရှိခြင်း၊ မကြာခဏ နာမကျန်းဖြစ်ခြင်းများကြောင့် ပုညှက်ခြင်းကို ဖြစ်ပေါ်စေပြီး မြန်မာနိုင်ငံတွင်
ပျှမ်းမျှခြင်းအားဖြင့် အသက်ငါးနှစ်အောက်ကလေးများ၏ ၃၅ ရာခိုင်နှုန်းသည် ပုညှက်နေကြောင်း
လေ့လာတွေ့ရှိရပြီး နိုင်ငံ၏အချို့နေရာများတွင် ၅ဝ ရာခိုင်နှုန်းအထိ ရှိနေသည်ဟု အဆိုပါ
စစ်တမ်းတွင် ဖော်ပြထားသည်။

အာဟာရ မပြည့်ဝမှုကြောင့်ဖြစ်သည့် ပုညှက်မှုကို ဖြေရှင်းနိုင်ရန် မွေးကင်းစ ကလေး၏
ပထမရက်ပေါင်း ၁,ဝဝဝ ကာလအတွင်း အာဟာရပြည့်ဝအောင် ဂရုစိုက်ရန်လိုအပ်ပြီး
ကိုယ်ဝန်ဆောင်မိခင်များ အာဟာရပြည့်ဝအောင် စားသုံးခြင်း၊ မွေးစမှ ကလေးအသက်ခြောက်လအထိ
မိခင်နို့တစ်မျိုးတည်းကိုသာ တိုက်ကျွေးခြင်း၊ ကလေးခြောက်လမှ နှစ်နှစ်အထိ မိခင်နို့နှင့်အတူ
ဖြည့်စွက်စာ ကျွေးခြင်း၊ တစ်ကိုယ်ရေသန့်ရှင်းမှုကို ဂရုစိုက်ခြင်းတို့ စနစ်တကျဆောင်ရွက်ရန်
လိုအပ်သည်ဟု တာဝန်ရှိသူများက ပြောသည်။

''ဒါတွေ လိုက်နာမယ်ဆိုရင် ကလေးတွေရဲ့အရပ်ပုနှုန်းက လျော့လာနိုင်ပါတယ်။ ဒါကြောင့်
အာဟာရနဲ့ပတ်သက်တဲ့ အသိပညာမြှင့်တင်ပေးဖို့လည်းလိုတယ်။ ပုညှက်နှုန်း လျော့ကျလာဖို့က
ဘယ်လောက်အထိ လိုက်နာလဲဆိုတဲ့အပေါ်မှာ မူတည်နေတယ်''ဟု ပြည်သူ့ကျန်းမာရေးဦးစီးဌာန၊
အမျိုးသားအာဟာရ သုတေသနဌာန၊ ညွှန်ကြားရေးမှူး ဒေါက်တာ မေခင်သန်းက ပြောသည်။

ကျန်းမာရေးနှင့် အားကစားဝန်ကြီးဌာနလက်အောက်ရှိ အမျိုးသားအာဟာရ သုတေသနဌာနသည်
အာဟာရပြည့်ဝစွာ မရရှိခြင်း၏နောက်ဆက်တွဲပြဿနာများကို ဖြေရှင်းရန် အရှိန်မြှင့်တိုက်ဖျက်ရေး
လုပ်ငန်းများကို အစီအစဉ် ရေးဆွဲထားသည်ဟုလည်း ၄င်းက ပြောသည်။

''အရင်ကတည်းက အခုထိလုပ်နေတဲ့ ကလေးနဲ့လူထုတွေ အာဟာရပြည့်ဝစွာရရှိရေး
လုပ်ငန်းတွေကို မြို့နယ်တွေမှာပါ အရှိန်မြှင့်လုပ်သွားမယ်။ လတ်တလော အာဟာရချို့တဲ့မှုတွေ့ရတဲ့
ကလေးတွေကို မြို့နယ်တွေမှာ ဖော်ထုတ်ကုသတာတွေ လုပ်ဖို့ရှိတယ်''ဟု ဒေါက်တာမေခင်သန်းက
ပြောသည်။

အသက်မွေးဝမ်းကျောင်းမှုနှင့် စားနပ်ရိက္ခာဖူလုံရေးရန်ပုံငွေအဖွဲ့က ကျန်းမာရေးနှင့်အားကစား
ဝန်ကြီးဌာနက ဆောင်ရွက်လျက်ရှိသည့် အာဟာရဖွံ့ဖြိုးရေးလုပ်ငန်းများတွင်ပံ့ပိုးကူညီသွားမည်ဖြစ်ပြီး
လူဦးရေ သုံးသန်းကျော်ကို အာဟာရပြည့်ဝစေရေး အထောက်အပံ့ပေးနိုင်ရန် ရည်ရွယ်ထားရာ
၂ဝ၁၅ ခုနှစ်မှ ၂ဝ၁၈ ခုနှစ်အထိ အာဟာရ ဖွံ့ဖြိုးတိုးတက်ရေးကဏ္ဍအတွက် အမေရိကန်ဒေါ်လာ
၁၄ ဒသမ ၅ သန်းအသုံးပြုရန်လျာထားသည်ဟု မစ္စဂျိုအင်းရွိုင်စင်က ပြောသည်။

''အာဟာရမပြည့်ဝမှုနဲ့ ပုညှက်မှုကို ဖြေရှင်းနိုင်ဖို့ တစ်ကမ္ဘာလုံးနဲ့သက်သေပြနိုင်တဲ့ အချက်ကတော့
ပထမရက်ပေါင်း ၁,ဝဝဝ မှာ ငွေကြေး ရင်းနှီးမြှုပ်နှံတာပဲ ဖြစ်ပါတယ်''ဟု ၄င်းက ပြောသည်။

အဆိုပါအဖွဲ့သည် ဧရာဝတီတိုင်းဒေသကြီး၊ လပွတ္တာမြို့နယ်အတွင်းရှိ ကျေးရွာပေါင်း ၂၂ဝ တွင်
မိခင်တစ်ဦးကို တစ်လလျှင် ငွေကျပ် ၁ဝ,ဝဝဝ နှင့် အာဟာရဆိုင်ရာ အမူအကျင့်ပြောင်းလဲမှုဆိုင်ရာ
အသိပညာပေးလုပ်ငန်းကို ဇွန်လကုန်ပိုင်းတွင် စတင်ဆောင်ရွက်ခဲ့သည်။

နိုင်ငံတကာအစိုးရမဟုတ်သည့် အဖွဲ့အစည်းတစ်ခှုလေနွှ့န ဃ့ငိူမနည သည် မိခင်နှင့်
ကလေးများကို ငွေကြေးပံ့ပိုးသည့် 'တက်လမ်း' အမည်ရှိ စီမံချက်ကို ပြီးခဲ့သည့်နှစ်တွင်
ရခိုင်ပြည်နယ်အတွင်း စတင်ဆောင်ရွက်ခဲ့ရာ စီမံချက်ကာလ ၁၄ လအတွင်းပုညှက်မှုကို
ငါးရာခိုင်နှုန်းအထိ လျှော့ချနိုင်ခဲ့သည်ဟု အဆိုပါတာဝန်ရှိသူများက ပြောသည်။ Save The Children
အဖွဲ့၏ စီမံချက်ကို အသက်မွေးဝမ်းကျောင်းမှုနှင့် စားနပ်ရိက္ခာဖူလုံရေးရန်ပုံငွေအဖွဲ့က
ငွေကြေးပံ့ပိုးပေးသွားမည်ဖြစ်ပြီး၊ မြစ်ဝကျွန်းပေါ်ဒေသနှင့် အပူပိုင်းဇုန်ဒေသများတွင်ပါ
တိုးချဲ့ဆောင်ရွက်သွားမည်ဟု သိရသည်။

မြစ်ဝကျွန်းပေါ်ဒေသဖြစ်သည့် ဧရာဝတီတိုင်းဒေသကြီးနှင့် အပူပိုင်းဇုန်ဖြစ်သည့် ပခုက္ကူ၊ ရေစကြို၊
မလှိုင်မြို့နယ်များတွင် ကိုယ်ဝန်ဆောင်နှင့် အသက်နှစ်နှစ်အောက် မိခင်များကို တစ်လလျှင်
ငွေကျပ် ၁ဝ,ဝဝဝ ခန့် ပံ့ပိုးသွားမည်ဖြစ်ပြီး၊ ရခိုင်ပြည်နယ်အတွင်းရှိ ပေါက်တော၊ မင်းပြားနှင့်
မြေပုံမြို့နယ်များတွင် ကျပ် ၁၃,ဝဝဝ နှုန်း ပံ့ပိုးမည်ဖြစ်သည်။

ပြည်သူ့ကျန်းမာရေးဦးစီးဌာန၏ ရက်ပေါင်း ၁ဝဝ စီမံချက်ကာလအတွင်း အကောင်အထည်
ဖော်ဆောင်သွားမည့် လုပ်ငန်းစဉ် ၁၃ ခုတွင် ဦးစားပေးကဏ္ဍငါးခုရှိသည့်အနက် အာဟာရ
တိုးတက်ဖွံ့ဖြိုးရေးလုပ်ငန်းသည်လည်း တစ်ခုပါဝင်နေသည်ဟု ဒေါက်တာမေခင်သန်းက ပြောသည်။

ကျေးလက်နေ အမျိုးသမီးများ၏ ကျန်းမာရေးအသိပညာသိရှိနားလည်မှုသည် အားနည်းနေသေးပြီး
အာဟာရနှင့် ပတ်သက်သည့် အသိပညာရရှိမှုမှာလည်း နည်းပါးနေသေးကြောင်း
အသက်မွေးဝမ်းကျောင်းမှုနှင့် စားနပ်ရိက္ခာဖူလုံရေးရန်ပုံငွေအဖွဲ့၏ မြစ်ဝကျွန်းပေါ်ဒေသ အစီအစဉ်
ညှိနှိုင်းရေးမှူး ဦးနေထွန်းက ပြောသည်။

''ကျေးရွာတွေမှာ ငွေကြေးပံ့ပိုးမှုအပြင်အာဟာရဆိုင်ရာ အသိပညာပေးတာတွေပါလုပ်ပါတယ်။
ကိုယ်ဝန်ဆောင်မိခင်တွေကကျန်းမာရေးအသိပညာရရှိမှု နည်းတာတွေ့ရတယ်။ အစားရှောင်တာတွေ
ရှိတယ်။ ပထမရက်ပေါင်း ၁,ဝဝဝ က အရေးကြီးတယ်ဆိုတာကို ပြောပြမှ သိကြတယ်''ဟု
၎င်းကပြောသည်။

ပထမရက်ပေါင်း ၁,ဝဝဝ အတွင်း အာဟာရပြည့်ဝစွာ ရရှိပါက ကလေးငယ်များသည် အသက်အန္တရာယ်
ဖြစ်စေသည့်ရောဂါများကို၁ဝ ဆပိုမိုကျော်လွှားနိုင်ခြင်း၊ ပညာရေးတွင်ပုံမှန်ထက် ငါးဆ
ပိုမိုလုပ်ဆောင်နိုင်ခြင်း၊အရွယ်ရောက်သည့်အခါတွင် ပုံမှန်ထက်လုပ်ခလစာ ၂၁ ရာခိုင်နှုန်းခန့်
ပိုမိုမြင့်မားစွာ ရရှိနိုင်ခြင်း၊ ကျန်းမာပျော်ရွှင်သောမိသားစုဘဝကို ရရှိနိုင်သည်ဟု
အသက်မွေးဝမ်းကျောင်းမှုနှင့် စားနပ်ရိက္ခာ ဖူလုံရေးရန်ပုံငွေအဖွဲ့က ဆိုသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း