သယံဇာတအရေး ဗဟိုချုပ်ကိုင်မှု လျှော့ချရန် ရခိုင်ဒေသခံများ တောင်းဆို

ရခိုင်ပြည်နယ် မဒေးကျွန်းတွင် တည်ဆောက်ထားသည့် ရေနံတင်သင်္ဘောဆိပ်ကမ်းကို တွေ့ရစဉ်။ ဓာတ်ပုံ - မြန်မာတိုင်း(မ်)ရခိုင်ပြည်နယ် မဒေးကျွန်းတွင် တည်ဆောက်ထားသည့် ရေနံတင်သင်္ဘောဆိပ်ကမ်းကို တွေ့ရစဉ်။ ဓာတ်ပုံ - မြန်မာတိုင်း(မ်)

သယံဇာတစီမံခန့်ခွဲမှုတွင် ဗဟိုချုပ်ကိုင်မှု လျှော့ချရန် ရခိုင်ပြည်နယ်တစ်ခုလုံးက သမ္မတထံ
လက်မှတ်ရေးထိုး၍ တင်ပြတောင်း ဆိုသွားမည်ဟု ရခိုင် ရေနံစောင့်ကြည့်ရေးအဖွဲ့
(Arakan Oil Watch) ဒါရိုက်တာ ဦးကျော်ခိုင်က ပြောသည်။

ရခိုင်ပြည်နယ်ရှိ သယံဇာတများနှင့် ပတ်သက်၍ ဗဟိုချုပ်ကိုင်မှုလျှော့ချ၍ ရခိုင်ပြည်သူလူထုက
ပိုင်ဆိုင်ခွင့်နှင့် သယံဇာတ တူးဖော်မည်ဆိုပါက ပြည်နယ်ရှိ ရခိုင်ပြည်သူလူထုက ဆုံးဖြတ်ပိုင်ခွင့်များ
ရရှိရန် ရခိုင်ပြည်နယ်အတွင်း မြို့နယ် ၁၇ မြို့နယ်ရှိ ပြည်သူများက လက်မှတ်ရေးထိုးတောင်းဆိုသွားမည်
ဖြစ်သည်ဟု ၎င်းက ပြောသည်။

"ဗဟိုချုပ်ကိုင်မှု လျှော့ချရေးနဲ့ ပတ်သက်ပြီး ရခိုင်ပြည်နယ်တစ်ခုလုံး လက်မှတ် သုံးသိန်းရဖို့
မှန်းထားတယ်။ ရခိုင်ပြည်နယ်က ထွက်တဲ့ သယံဇာတကို ပိုင်ဆိုင်ခွင့်၊ ပြည်နယ်အတွင်းရှိ
သယံဇာတကို တူးမယ်၊ မတူးဘူးကို ရခိုင်ပြည်နယ်က ဆုံးဖြတ်မယ်။ ပြည်နယ်က ထွက်တဲ့
သယံဇာတကို ပြည်နယ်မှာ ရှိတဲ့ ပြည်သူတွေက ပိုင်ဆိုင်ခွင့်ရှိတယ်။ ဗဟိုချုပ်ကိုင်မှုလျှော့ချရေးပါပဲ"ဟု
ဦးကျော်ခိုင် ကပြောသည်။

သဘာဝသယံဇာတကြွယ်ဝသည့် ရခိုင်ပြည်နယ်တွင် ရေနံနှင့် သဘာဝဓာတ်ငွေ့တူးဖော်သည့်
နိုင်ငံပေါင်း ၁၀ နိုင်ငံရှိပြီး ကုမ္ပဏီ ပေါင်း ၂၀ က လုပ်ကွက်ပေါင်း ၃၆ ကွက်လုပ် ကိုင်လျက်ရှိသည်။

သတ္တုတူးဖော်ရေးလုပ်ငန်းတွင် ကုမ္ပဏီလေးခုက ၀င်ရောက်လုပ်ကိုင် လျက်ရှိသည်ဟု
ရခိုင်ရေနံစောင့်ကြည့်ရေးအဖွဲ့က ပြီးခဲ့သည့်မတ်လ ထုတ်ပြန်သည့် အစီရင်ခံစာတွင်
ဖော်ပြထားသည်။

ရခိုင်ပြည်နယ်ရှိ ရွှေသဘာဝဓာတ်ငွေ့ စီမံကိန်းမှ တစ်ရက်လျှင် သဘာဝဓာတ်ငွေ့ ကုဗပေသန်းပေါင်း
၅၀၀ ထုတ်လုပ်နိုင်မည်ဖြစ်ပြီး ထုတ်လုပ်မှု၏ ၈၀ ရာခိုင်နှုန်းဖြစ် သည့် ကုဗပေ သန်း ၄၀၀ ကို
နှစ်ပေါင်း ၃၀ တိုင် တရုတ်နိုင်ငံသို့ တင်ပို့ရောင်းချသွား မည်ဖြစ်သည်။

ကျန်သည့် သဘာဝဓာတ်ငွေ့ ကုဗပေ သန်း ၁၀၀ ကို ပြည်တွင်းသုံးစွဲသွားမည်ဟု အစီရင်ခံစာတွင်
ဖော်ပြထားသည်။

ရွှေသဘာဝဓာတ်ငွေ့စီမံကိန်းမှ ဗဟိုအစိုးရ ထံစီးဝင်နေသည့် နှစ်စဉ်ဝင်ငွေမှာ အမေရိကန်ဒေါ်လာ
တစ်ဘီလျံရှိသည်ဟု အဆိုပါ အစီရင်ခံစာတွင် ဖော်ပြထားသည်။

ရခိုင်ဒေသခံပြည်သူများမှာ အသက်မွေးဝမ်းကျောင်းများနှင့် သဘာဝပတ်ဝန်းကျင် ဆုံးရှုံးခြင်း၊
မြေယာများ မတရားသိမ်းပိုက်ခံရခြင်းနှင့် လူ့အခွင့်အရေးချိုးဖောက်ခံရခြင်းများကို ခံစားနေရပြီး
ပြည်နယ်၏ အခြေခံအဆောက်အအုံများ၊ ပညာရေး၊ ကျန်းမာရေးတို့တွင် ပြန်လည်ရင်းနှီးမြှုပ်နှံမှု
တစ်စုံတစ်ရာ မရရှိသေးဟုလည်း အဆိုပါအဖွဲ့က ဆိုသည်။

၂၀၁၄ ခုနှစ်တွင်ပြုလုပ်ခဲ့သော ကမ္ဘာ့ဘဏ်၏ သုတေသနစစ်တမ်းများအရ ရခိုင်ပြည်နယ်၏
ဆင်းရဲနွမ်းပါးမှုနှုန်းမှာ ၇၈ ရာခိုင် နှုန်းဖြစ်ပြီး မြန်မာနိုင်ငံ၏ ပြည်နယ်နှင့် တိုင်းဒေသကြီးများအနက်
အဆင်းရဲဆုံး ဖြစ်သည်။

ရခိုင်ပြည်နယ်ရှိ သယံဇာတကို ပြည်နယ်ပြည်သူလူထုက ပိုင်ဆိုင်ခွင့်နှင့် ဆုံးဖြတ်ပိုင်ခွင့်ရှိရန်
နိုင်ငံတော်သမ္မတ၊ လွှတ်တော်နှင့် သယံဇာတရေးရာကော်မတီ၊ လျှပ်စစ်နှင့် စွမ်းအင်ဝန်ကြီးဌာနများထံ
တင်ပြတောင်းဆိုရန် ရခိုင်ပြည်နယ်အတွင်း ဆန္ဒပြုလက်မှတ်များကို ယခုလကုန်တွင် နောက်ဆုံးထား၍
စစ်တမ်းကောက်ယူနေပြီး ဩဂုတ်လထဲတွင် တင်ပြသွားမည်ဖြစ်သည်ဟု ဦးကျော်ခိုင်က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း