တပ်မတော်ကာကွယ်ရေးဦးစီးချုပ်ရာထူးကို အသက် ၆၅ နှစ်အထိသာ ထမ်းဆောင်ရန် ပြင်ဆင်ကန့်သတ်

၁၉၅၉ ခုနှစ် တပ်မတော်စစ်မှုထမ်း အက်ဥပဒေအရ တပ်မတော်ကာကွယ်ရေးဦးစီးချုပ်က
အကန့်အသတ်မရှိတာဝန်ထမ်းဆောင်နိုင်သော်လည်း အသက် ၆၅ နှစ်အထိသာ
တာဝန်ထမ်းဆောင်ရန် ပြင်ဆင်ကန့်သတ်ထားသည်ဟု တပ်မတော်ကာကွယ်ရေး
ဦးစီးချုပ်ရုံးမှ ဒုတိယဗိုလ်ချုပ်ကြီးမြထွန်းဦးက ယမန်နေ့က ပြုလုပ်သည့် သတင်းစာရှင်းလင်းပွဲတွင်
ပြောကြားခဲ့သည်။

၁၉၇၃ ခုနှစ်တွင် ထုတ်ပြန်သည့် ကာကွယ်ရေးဌာနကောင်စီ (ကကန) ညွှန်ကြားလွှာတွင်
ပြန်တမ်းဝင်အရာရှိအဖြစ် ခန့်အပ်ခံရသူကို တပ်မတော်က ဆက်လက်အမှုထမ်းဆောင်စေရန်
လိုအပ်သည့် ကာလပတ်လုံး အမှုထမ်းဆောင်ခွင့်ရှိသည်ဟု ဖော်ပြထားသော်လည်း
တပ်မတော်ကာကွယ်ရေးဦးစီးချုပ်နှင့် ဒုတိယတပ်မတော်ကာကွယ်ရေးဦးစီးချုပ်များ၏
တာဝန်ထမ်းဆောင်ခွင့်ကို အသက်၆၅ နှစ်ထက် မပိုစေရဟု ၂ဝ၁၄ ခုနှစ်၊ ဇန်နဝါရီလတွင်
ပြင်ဆင်ခဲ့သည်ဟု ၄င်းက ပြောသည်။

လက်ရှိအစိုးရသည် ဒီမိုကရေစီအစိုးရဖြစ်ရာ ကကန ညွှန်ကြားလွှာများကို လက်ရှိ
ကျင့်သုံးနေသည့် အက်ဥပဒေ၊ နည်းဥပဒေများနှင့် ကိုက်ညီမှုရှိစေရန် ပြင်ဆင်ခဲ့ခြင်းဖြစ်သည်ဟု
ဒုတိယဗိုလ်ချုပ်ကြီး မြထွန်းဦးကပြောသည်။ ''တပ်မတော်မှာ အလိုရှိတဲ့ ကာလပတ်လုံး
စစ်မှုထမ်းဆောင်ခွင့် ရှိသည်ဆိုတဲ့အနေအထားက လက်ရှိကျင့်သုံးနေတဲ့စနစ်နဲ့
မကိုက်ညီဘူးဆိုရင် ကန့်သတ်ချက်တစ်ခုတော့လုပ်ဖို့ လိုအပ်နေတယ်။ ထိရောက်မျှတတဲ့
သက်တမ်းကာလကို သတ်မှတ်ပေးတွက်ချက်ပြီးတော့ ကကနကောင်စီအမိန့်ကို
ပြင်ဆင်ထုတ်ပြန်လိုက်ပါတယ်'' ဟု ၄င်းက ပြောသည်။ ထို့ပြင်အခြားအဆင့်များ၏
စစ်မှုထမ်းခွင့်ကို အသက် ၆ဝ အထိ ကန့်သတ်ထားသည်ဟု ဆိုသည်။

၂ဝဝ၈ ဖွဲ့စည်းပုံအခြေခံဥပဒေအရ တပ်မတော်သားများသည် လုပ်ငန်းသဘောသဘာဝအရ
ထူးခြားမှုရှိသည့်အတွက် တပ်မတော်သားများအတွက် တပ်မတော်ဆိုင်ရာဥပဒေများနှင့်အညီ
ဆောင်ရွက်ရမည်ဟု ပြဋ္ဌာန်းထားသည့်အတွက် နိုင်ငံ့ဝန်ထမ်းဥပဒေတွင်တပ်မတော်နှင့်
ရဲတပ်ဖွဲ့များမပါဝင်ခြင်း ဖြစ်သည်ဟု ဒုတိယဗိုလ်ချုပ်ကြီး မြထွန်းဦးက ပြောကြားခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း