အဂတိလိုက်စားမှု တိုက်ဖျက်ရေးသည် မဖြစ်မနေ ဆောင်ရွက်ရမည့် စိန်ခေါ်မှုဖြစ်

ယခု သီတင်းပတ်အတွင်း ကျင်းပခဲ့သည့် အစည်းအဝေးတစ်ခုတွင် လွှတ်တော်ကိုယ်စားလှယ်များကို တွေ့ရစဉ်။ စွမ်းရဲထွဋ်/မြန်မာတိုင်း(မ်)ယခု သီတင်းပတ်အတွင်း ကျင်းပခဲ့သည့် အစည်းအဝေးတစ်ခုတွင် လွှတ်တော်ကိုယ်စားလှယ်များကို တွေ့ရစဉ်။ စွမ်းရဲထွဋ်/မြန်မာတိုင်း(မ်)

လက်ရှိ အစိုးရသစ်အတွက် အဂတိလိုက်စားမှု တိုက်ဖျက်ရေးသည် မဖြစ်မနေ ဆောင်ရွက်သွားရမည့်
လုပ်ငန်းစဉ်တစ်ရပ်ဖြစ်ပြီး စိန်ခေါ်မှုကြီးမားသည့် လုပ်ငန်းစဉ်ဖြစ်ကြောင်း ပန်းတောင်းမြို့နယ်
ပြည်သူ့လွှတ်တော်ကိုယ်စားလှယ် ဒေါ်ခင်နှင်းသစ်က ပြောသည်။

ပြည်သူ့လွှတ်တော်ကိုယ်စားလှယ် ဒေါက်တာသန်းဝင်း တင်သွင်းထားသည့် နိုင်ငံတစ်ဝန်း
အဂတိလိုက်စားမှုများ ထင်ရှားသိသာစွာ ကျဆင်းလျော့ပါးရေးအတွက် ထိထိရောက်ရောက်
ကိုင်တွယ်ဖြေရှင်း ဆောင်ရွက်ပေးရေး ပြည်ထောင်စုအစိုးရသို့ တိုက်တွန်းကြောင်းအဆိုကို
လွှတ်တော်ကိုယ်စားလှယ်များက ဆွေးနွေးခဲ့ရာတွင် ဒေါ်ခင်နှင်းသစ်က ပြောကြားခဲ့ခြင်းဖြစ်သည်။

ဒေါက်တာသန်းဝင်း တင်သွင်းခဲ့သည့် အဆိုကို ယမန်နေ့က ပြည်သူ့လွှတ်တော်တွင် ကန့်ကွက်နှင့်
ကြားနေမဲပေးသူ မရှိဘဲ ထောက်ခံမှု အပြည့်အ၀ဖြင့် အတည်ပြုခဲ့ခြင်းဖြစ်ပြီး ယင်းသို့အတည်မပြုမီ
လွှတ်တော် ကိုယ်စားလှယ် ၃၁ ဦးက ဆွေးနွေးခဲ့ကြခြင်းဖြစ်သည်။

အဂတိလိုက်စားမှုကင်းရှင်းစေရမည်ဟု ကြွေးကြော်ထားသည့် အစိုးရတစ်ရပ်သည်
အဂတိလိုက်စားမှုကို တိုက်ဖျက် နိုင်ခြင်းမရှိပါက ပြည်သူက ယုံကြည်မှု ကင်းမဲ့သည့်
အစိုးရအဖြစ် ပြောင်းလဲသွားမည်ဖြစ်ကြောင်း မွန်ပြည်နယ် ပြည်သူ့ လွှတ်တော်ကိုယ်စားလှယ်
ဒေါ်မိကွန်ချမ်း ကပြောသည်။

ထန်းတပင်မြို့နယ်မှ ပြည်သူ့လွှတ်တော်ကိုယ်စားလှယ် ဦးနေမျိုးထွန်းက အဂတိလိုက်စားမှု
တိုက်ဖျက်ရေးကော်မရှင်သည် လက်ရှိအချိန်အထိ အဂတိလိုက်စားမှု တိုက်ဖျက်ရေး လုပ်ငန်းများကို
ထိထိရောက် ရောက်ဆောင်ရွက်နိုင်ခြင်း မရှိသေးဘဲ အားနည်းချက်များရှိနေကြောင်း ပြောသည်။

အဂတိလိုက်စားမှုတိုက်ဖျက်ရေးကော်မရှင်ဥက္ကဋ္ဌ ဦးမြ၀င်းက မြန်မာနိုင်ငံသည် အဂတိလိုက်စားမှု
ဖြစ်ပေါ်နေသည်မှာ နှစ်ပေါင်းများစွာကြာခဲ့ပြီဖြစ်ခြင်းကြောင့် အချိန်တိုအတွင်း အဂတိလိုက်စားမှုကို
တိုက်ဖျက်ရန် အခက်အခဲရှိကြောင်း၊ အဂတိလိုက်စားမှုကို ပိုမိုထိရောက်အောင်မြင်စွာ
ဆောင်ရွက်နိုင်ရန် ဥပဒေပြဋ္ဌာန်းချက်အချို့ကို ပြင်ဆင်ဖြည့်စွက်ရန် လိုအပ်ကြောင်း ပြောသည်။

မဏ္ဍိုင်ကြီးသုံးရပ်အနက် အုပ်ချုပ်ရေးနှင့် တရားစီရင်ရေးမဏ္ဍိုင် နှစ်ခုတွင် အဂတိလိုက်စားမှုကို
ပိုမိုတွေ့မြင်နေရပြီး အပြန်အလှန် ထိန်းကျောင်းနိုင်ခြင်း မရှိပါက မဏ္ဍိုင်အားလုံး ပြိုလဲသွားမည်ဟု
ပြည်သူ့လွှတ်တော် ကိုယ်စားလှယ် ဒေါ်သက်သက်ခိုင်က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း