လုပ်ခလစာပေးချေရန် သဘောတူညီချက် ထပ်မံ ဖောက်ဖျက်ပါက အေဂျင်စီကို တရားစွဲဆိုသွားမည်

အတင်းအကျပ် ပြန်လည်ပို့ဆောင်ခြင်း ခံခဲ့ရသည့် ရွှေ့ပြောင်းအလုပ်သမား ကိုသက်နိုင်ဦးကို တွေ့ရစဉ်။ ဓာတ်ပုံ - ဇော်ဇော်ထွေးအတင်းအကျပ် ပြန်လည်ပို့ဆောင်ခြင်း ခံခဲ့ရသည့် ရွှေ့ပြောင်းအလုပ်သမား ကိုသက်နိုင်ဦးကို တွေ့ရစဉ်။ ဓာတ်ပုံ - ဇော်ဇော်ထွေး

မြန်မာရွှေ့ပြောင်းအလုပ်သမား ၂၆ ဦးကိုပြည်တွင်းသို့ အတင်းအကျပ်ပြန်လည်ပို့ဆောင်ခဲ့ပြီး
၁၃ ရက်စာ လုပ်ခလစာ ပေးချေရမည့် စာချုပ်ကို ဖောက်ဖျက်ခဲ့သည့် ဏနမ်နခအ အမည်ရှိ
လိုင်စင်ရ ပြည်ပအလုပ် အကိုင်ရှာဖွေရေးအေဂျင်စီကို တရားစွဲဆိုသွားမည်ဟု အလုပ်သမားများနှင့်
မြန်မာနိုင်ငံအလုပ်သမားသမဂ္ဂများအဖွဲ့ချုပ် တာဝန်ရှိသူများက အောက်တိုဘာ ၂၁ ရက်တွင်
ပြောသည်။

''အေဂျင်စီက နှုတ်ကတိပေးခဲ့တဲ့ ရှေ့လ (နိုဝင်ဘာ) ၁ ရက်ထိ ဆက်စောင့်ပေးမယ်။ အဲဒီအချိန်ထိ
မချေပေးရင် သက်ဆိုင်ရာကို တိုင်တန်းပြီး တရားစွဲသင့်ရင်စွဲမယ်။ ကျွန်တော်တို့ ဟိုဘက်နိုင်ငံမှာ
အလုပ်မရဘဲ စောင့်ခဲ့ရတဲ့ ရက်ပေါင်း ၇ဝ အတွက် နစ်နာကြေး ပြန်လိုချင်တယ်'' ဟု Perfect 
အေဂျင်စီ၏ဝန်ဆောင်မှုဖြင့် ထိုင်းနိုင်ငံသို့ သွားရောက်အလုပ်လုပ်ကိုင်ခဲ့သည့် ကိုကျော်စိုးဟန်က
ပြောသည်။

မြန်မာနိုင်ငံသို့ ပြန်လည်ပို့ဆောင်ခြင်းခံရသည့် အလုပ်သမား ၂၆ ဦး၏ လုပ်ခလစာ ၂၈ သိန်းကျော်ကို
အောက်တိုဘာ ၂ဝ ရက်တွင် ပေးချေရန် အေဂျင်စီက ပြည်ပအလုပ်အကိုင်ဝန်ဆောင်မှု
လုပ်ငန်းရှင်များ အသင်းချုပ်ရုံးခန်းတွင် စက်တင်ဘာ ၂၃ ရက်က သဘောတူ စာချုပ်
ချုပ်ဆိုထားခဲ့ခြင်းဖြစ်သည်။

လက်ရှိအချိန်ထိ ပေးချေခြင်းမရှိဘဲ နိုဝင်ဘာလထိ ရက်ရွှေ့ဆိုင်းထားခဲ့ခြင်းဖြစ်ကြောင်း အဆိုပါ
ဖြစ်စဉ်ကို အလုပ်သမားဝန်ကြီးဌာနသို့ တင်ပြတိုင်တန်းထားပြီး အလုပ်သမားများ၏ ဆန္ဒအတိုင်း
တရားစွဲဆိုမှုပြုလုပ်ကာ အလုပ်လုပ်ကိုင်ခွင့် မရခဲ့သည့် ရက်ပေါင်း ၇ဝ အတွက် နစ်နာကြေး
တောင်းဆိုပေးသွားမည်ဖြစ်ကြောင်း မြန်မာနိုင်ငံအလုပ်သမား သမဂ္ဂများအဖွဲ့ချုပ် ပြည်ပ
အလုပ်သမားရေးရာဌာန လက်ထောက်ဌာနမှူး ဦးဟိန်းလတ်က ပြောသည်။

''အလုပ်သမားကို တစ်ဖက်နိုင်ငံပို့လိုက်လို့ အလုပ်မလုပ်ရသေးဘူးဆိုရင် အလုပ်မလုပ်ရတဲ့ရက်
အတွက် ၇၅ ရာခိုင်နှုန်းပေးဖို့ ကုမ္ပဏီမှာ တာဝန်ရှိတယ်။ အခုက ဒါတွေ မရတဲ့အပြင် စက်ရုံမှာ
အလုပ်လုပ်ခဲ့တဲ့ ၁၃ ရက်စာတောင် မရဘူးဖြစ်နေတယ်'' ဟု ဦးဟိန်းလတ်က ပြောသည်။

ပြန်လည်ရောက်ရှိလာသည့် အလုပ်သမား ၂၆ ဦးကို အမ်အိုယူ (နှစ်နိုင်ငံအစိုးရနားလည်မှု
စာချွန်လွှာ) စာချုပ်စနစ်ဖြင့်ပို့ဆောင်ခဲ့စဉ်က အလုပ်သမားဝန်ကြီးဌာနမှ သတ်မှတ်ထားသည့်
နေရာများတွင် ကုမ္ပဏီ က စာချုပ်ချုပ်ဆိုပေးခဲ့ခြင်းမဟုတ်ဘဲ ကြားခံပွဲစားကုမ္ပဏီတစ်ခု၏
ရုံးခန်းတွင် စာချုပ်ချုပ်ဆိုခဲ့ခြင်းဖြစ်ကြောင်း၊ ထိုသို့ချုပ်ဆိုမှုသည် တရားမဝင်ကြောင်းနှင့်
Perfect  ပြည်ပအလုပ်အကိုင်ရှာဖွေရေးအေဂျင်စီက အလုပ်သမားများကို တစ်ဖက်နိုင်ငံသို့
တရားမဝင်ပို့ဆောင်ခဲ့ခြင်း ဖြစ်ကြောင်းလည်း ဦးဟိန်းလတ်က ပြောသည်။

အဆိုပါကိစ္စနှင့်ပတ်သက်ပြီး ဏနမ်နခအ ကုမ္ပဏီကို ဆက်သွယ်ခဲ့သော်လည်း တစ်စုံတစ်ရာ
ပြန်လည်ဖြေကြားခဲ့ခြင်း မရှိပေ။ အဆိုပါ အေဂျင်စီက ထိုင်းနိုင်ငံအတွင်းရှိ ပေါင်မုန့်စက်ရုံတစ်ရုံတွင်
အလုပ်လုပ်ရန် မြန်မာရွှေ့ပြောင်းအလုပ်သမား ၂၇၆ ဦးကို ဇူလိုင်လအတွင်းက ပို့ဆောင်ခဲ့ခြင်းဖြစ်ကာ
အလုပ်သမားများသည် ထိုင်းနိုင်ငံသို့ ရောက်ရှိပြီး ရက်ပေါင်း ၇ဝ ခန့်ထိ အလုပ်အကိုင်မရရှိဘဲ
စားဝတ်နေရေးအခက်အခဲကြုံ တွေ့ခဲ့ရခြင်းဖြစ်ကြောင်း၊ မြန်မာသံရုံးသို့ သွားရောက်တောင်းဆိုမှုများ
ပြုလုပ်ခဲ့ပြီးနောက် အေဂျင်စီက အလုပ်သမားများကို အဖွဲ့ခွဲပြီး ဂျယ်လီ၊ ပေါင်မုန့်၊ အီလက်ထရွန်းနစ်
စသည့် စက်ရုံအသီးသီးသို့ပို့ဆောင်ခဲ့ခြင်း ဖြစ်ကြောင်း ကိုကျော်စိုးဟန်က ပြောသည်။

လက်ရှိ အငြင်းပွားမှုဖြစ်ပေါ်နေသည့်အလုပ်သမား ၂၆ ဦးပါအဖွဲ့ကို ဆပ်ပြာဆီထုတ်လုပ်သည့်
စက်ရုံသို့ ပို့ဆောင်ပေးခဲ့ခြင်းဖြစ်ကြောင်း၊ စက်ရုံတွင် ရေချိုးခန်း၊ အိမ်သာနှင့် ရေပိုက်များကို
ချေးချွတ်ရာတွင် အသုံးပြုသည့် ဓာတုဆေးရည်အပြင်းများကို ကိုင်တွယ်လုပ်ကိုင်ရသော်လည်း
လုပ်ငန်းခွင်ဘေးအန္တရာယ် ကာကွယ်ပေးနိုင်သည့် လုံခြုံရေးအသုံးအဆောင်များမပါဘဲ
လုပ်ကိုင်ခဲ့ရခြင်းဖြစ်ပြီး မျက်စိနှင့်အရေးပြားများ ထိခိုက်မှုများရှိလာသဖြင့် တခြားစက်ရုံတစ်ခုသို့
ပြောင်းပေးရန် အေဂျင်စီကို တောင်းဆိုခဲ့ခြင်းဖြစ်ပြီး အေဂျင်စီတာဝန်ရှိသူများက
စက်ရုံပြောင်းပေးခြင်း မရှိဘဲ ထိုင်းရဲတပ်ဖွဲ့များဖြင့် ပူးပေါင်းကာ အလုပ်သမားများကို
နယ်စပ်မှတစ်ဆင့် မြန်မာပြည်သို့ အတင်းအကျပ်ပြန်လည်ပို့ဆောင်ခဲ့ခြင်းဖြစ်ကြောင်း
ပို့ဆောင်ခံခဲ့ရသည့် အလုပ်သမား ကိုသက်နိုင်ဦးက ပြောသည်။

''ကုမ္ပဏီက ရှေ့လ ၁ ရက်မှာ ပေးပါမယ်ဆိုပြီး နှုတ်ကတိ ထပ်ပေးတယ်။ အလုပ်သမားတွေက
ဝန်ခံလက်မှတ်ထိုးပေးပါဆိုတော့ ကုမ္ပဏီက ထိုးမပေးဘူး။ ကျွန်တော်တို့အဖွဲ့ချုပ်အနေနဲ့ကတော့
နှုတ်ကတိပေးထားတဲ့ ၁ ရက်နေ့ ၁၂ နာရီအထိ စောင့်ကြည့်ပေးမယ်။ မပေးနိုင်ဘူးဆိုရင်တော့
ကလေးတွေဆန္ဒအတိုင်း အဖွဲ့ချုပ်ကနေ ဆောင်ရွက်ပေးသွားမှာပါ'' ဟု မြန်မာနိုင်ငံပြည်ပ
အလုပ်အကိုင်ဝန်ဆောင်မှုလုပ်ငန်းရှင်များအသင်းချုပ် အထွေထွေအတွင်းရေးမှူး ဦးကျော်ဇောက
ပြောသည်။

လက်ရှိတွင် အလုပ်သမား ၂၆ ဦးပေးဆောင်ထားရသည့် ဝန်ဆောင်စားရိတ် စုစုပေါင်း
ကျပ်သိန်း ၁၁ဝ ခန့်ကို မြန်မာနိုင်ငံအလုပ်သမား သမဂ္ဂများအဖွဲ့ချုပ်က ဥပဒေကြောင်းအရ
ပြန်လည်တောင်းဆိုပေးခဲ့သဖြင့် Perfect  ကုမ္ပဏီနှင့် ဧရာမောင်မောင်ကုမ္ပဏီက
ပြန်လည်ပေးလျော်ထားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း