'ရခိုင်ဒေသအတွင်းရှိ ဘင်္ဂါလီတို့၏လှုပ်ရှားမှု' စာအုပ်ထုတ်ဝေရန် ပြည်ထောင်စုအစိုးရ စီစဉ်

မြန်မာနိုင်ငံအတွင်းရှိ ရိုဟင်ဂျာလူမျိုးမရှိကြောင်းကို ခိုင်မာစွာဖော်ပြမည့် 'ရခိုင်ဒေသအတွင်းရှိ
ဘင်္ဂါလီလူမျိုးတို့၏ လှုပ်ရှားမှု' စာအုပ်ကို မြန်မာ့သမိုင်းပညာရှင်အဖွဲ့ထံ ပြန်လည်ဖတ်ရှု လေ့လာ
သုံးသပ်ရန် ပေးပို့ထားကြောင်း သာသနာရေးနှင့်ယဉ်ကျေးမှုဝန်ကြီးဌာနက ပြီးခဲ့သည့်
ရက်သတ္တပတ်အတွင်း သတင်းထုတ်ပြန်ထားသည်။

သာသနာရေးနှင့်ယဉ်ကျေးမှုဝန်ကြီးဌာနက ပေးပို့ထားသည့် အဆိုပါစာတမ်းကို သမိုင်းပညာရှင်
အဖွဲ့က ဖြည့်စွက်ပြင်ဆင်တည်းဖြတ်ပြီးပါက သမိုင်းအထောက်အထား အပြည့်အစုံဖြင့်
အများပြည်သူ လေ့လာဖတ်ရှုနိုင်စေရန် ပုံနှိပ်ထုတ်ဝေဖြန့်ချိသွားမည် ဖြစ်သည်။ အဆိုပါ
စာတမ်းကို လက်ခံရရှိထားပြီးဖြစ်ကြောင်း မြန်မာသမိုင်းအဖွဲ့မှ အတွင်းရေးမှူးဖြစ်သူ
ဒေါက်တာကျော်ဝင်းက ပြောသည်။

''သမိုင်းအဖွဲ့က ပြန်ပြီး စိစစ်နေပါတယ်။ ပြန်ပေးတဲ့အခြေအနေ မရောက်သေးပါဘူး။ ကြည့်ပြီးမှ
လိုအပ်ချက်တွေကို ဝန်ကြီးဆီ ပြန်ပို့မယ်။ လောလောဆယ် အချိန်ကန့်သတ်ချက် ပြောမထားဘူး။
အမြန်ဆုံးတော့ လုပ်ဖို့ပြောထားတယ်။ စာတမ်းက သမိုင်းဖြစ်ရပ်မှန်တွေကို ထည့်ပြောထားတယ်။
ဒါကိုလုပ်ထားတဲ့ ပညာရှင်ရှိပါတယ်။ သူ့စာတမ်းက အတော်လေးလည်း ပြည့်စုံတယ်။ အဲဒီအပေါ်မှာ
သမိုင်းအဖွဲ့ရဲ့သဘောထား မှတ်ချက်ပေးပါဆိုပြီး စာတမ်းကိုပေးထားတယ်''ဟု ဒေါက်တာကျော်ဝင်းက
ပြောသည်။

အဆိုပါ စာတမ်းကို အောက်တိုဘာလကုန်ပိုင်းက ပြုလုပ်ခဲ့သည့် မြန်မာ့သမိုင်းပညာရှင်အဖွဲ့
ပြင်ဆင်ဖွဲ့စည်းဆောင်ရွက်ခြင်း အစည်းအဝေးတွင် ပြည်ထောင်စုဝန်ကြီး သူရဦးအောင်ကိုက
သမိုင်းပညာရှင်အဖွဲ့ကို သီးခြားတာဝန်တစ်ရပ်အနေဖြင့် ပေးအပ်ခဲ့ခြင်းဖြစ်ကြောင်း ၄င်းက
ဆိုသည်။

ရှေးမြန်မာ့သမိုင်းရာဇဝင်များအရ မြန်မာနိုင်ငံတွင် ရိုဟင်ဂျာလူမျိုးမရှိကြောင်းကိုမြန်မာ့သမိုင်း
သုတေသနအဖွဲ့က စာတမ်းပြုစုထားသော 'ရခိုင်ဒေသအတွင်းရှိ ဘင်္ဂါလီတို့၏လှုပ်ရှားမှု'
စာတမ်းကို ယခင်အစိုးရ လက်ထက်က ယဉ်ကျေးမှုဝန်ကြီးဌာနသို့ တင်ပြခဲ့သော်လည်း
ခေတ်အဆက်ဆက်တာဝန်ရှိသူများက တရားဝင်ထုတ်ဝေမှု ပြုလုပ်ဆောင်ရွက်ခဲ့ခြင်း မရှိခဲ့ကြောင်း
ဒေါက်တာကျော်ဝင်းက ပြောသည်။

မြန်မာ့သမိုင်းနှင့် တိုင်းရင်းသားလူမျိုးများတွင် ရိုဟင်ဂျာဆိုသည်မှာ မရှိခဲ့ကြောင်း ဖော်ပြထားသည့်
'ရခိုင်ဒေသအတွင်းရှိ ဘင်္ဂါလီလူမျိုးတို့၏ လှုပ်ရှားမှု' စာတမ်းတွင်အေဒီ ၁၅ ရာစု ခေတ်ကာလက
ရခိုင်ဘုရင်အဆက်ဆက်၏ လက်အောက်တွင် သုံ့ပန်းအဖြစ် ဖမ်းဆီးခေါ်ယူလာသည့်
အိန္ဒိယနွယ်ဖွားများကို လယ်ယာလုပ်ငန်းများနှင့် အခြားလုပ်ငန်းများတွင် အသုံးပြုရန်
ခေါ်ယူခဲ့ပုံ၊အေဒီ(၁၆၅၂-၁၆၇၄)တွင် ရခိုင်ဘုရင် စန္ဒသုဓမ္မာဂျာထံသို့ သျှားရွဂျာမင်းသား ခိုလှုံ
ရောက်ရှိလာပြီး ၄င်းနှင့်အတူ မွတ်စလင် လေးသည်တော် ကမန်များ ပါရှိလာခဲ့ပြီးနောက် ရခိုင်ဘုရင်
စန္ဒိဇယမင်း အေဒီ(၁၇၁ဝ-၁၇၃၁)လက်ထက်တွင် မွတ်စလင် လေးသည်တော်ကမန်များ
တော်လှန်ပုန်ကန်သဖြင့် စစ်တွေနှင့် ရမ်းဗြဲဒေသများသို့ နယ်နှင်ဒဏ်ပေးခဲ့ပုံတို့ ဖော်ပြထားကြောင်း
ဝန်ကြီးဌာန၏ ထုန်ပြန်ချက်တွင် ဖော်ပြထားသည်။

အင်္ဂလိပ်အစိုးရ၏ ကိုလိုနီနယ်ချဲ့ခံရပြီးနောက် ပထမအင်္ဂလိပ် မြန်မာစစ်ပွဲတွင်မြန်မာတို့
အရေးနိမ့်ကာ ၁၈၂၆ ခုနှစ်တွင် စစ်ပြေငြိမ်းခဲ့ရာ ရခိုင်ကမ်းမြောင်ဒေသနှင့် တနင်္သာရီ
ကမ်းမြောင်ဒေသတို့ အင်္ဂလိပ်လက်အောက် ကျရောက်သည်မှစ၍ ဗြိတိသျှအရှေ့အိန္ဒိယ
ကုမ္ပဏီ ဝင်ရောက်လာပြီး စပါးတိုးချဲ့စိုက်ပျိုးရန် အိန္ဒိယအမျိုးသားများကို ရခိုင်ပြည်နယ်အတွင်းသို့
တံခါးမရှိ ဓားမရှိ ခေါ်ဆောင်လာခဲ့ပုံတို့ ဖော်ပြထားသည်။

အဆိုပါစာတမ်းတွင် ရှေးမြန်မာ့သမိုင်းရာဇဝင်များတွင် လူမျိုးတစ်ရာ့တစ်ပါးရှိကြောင်း
မှတ်တမ်းတင်ဖော်ပြခဲ့ရာ ရိုဟင်ဂျာ လူမျိုး မပါရှိခဲ့ဘဲ ရိုဟင်ဂျာဟူသော စကားလုံးတစ်လုံးတစ်ပါဒမျှ
ဖော်ပြခဲ့ခြင်း မရှိကြောင်း၊ရိုဟင်ဂျာဆိုသည်မှာ တိုင်းရင်းသားမျိုးနွယ်စုနှင့် လူမျိုးအမည် မဟုတ်ဘဲ
ဘင်္ဂါလီဘာသာစကားအဓိပ္ပာယ်အရ 'ရိုဟင်'၏ အဓိပ္ပာယ်မှာ 'အိမ်ရာမဲ့' ဖြစ်ပြီး 'ဂျာ'၏ အဓိပ္ပာယ်မှာ
'လူ' ဖြစ်သောကြောင့် 'အိမ်ယာမဲ့လူ'ဟု အနက်အဓိပ္ပာယ်ရကြောင်း ဖော်ပြထားသည်။

'ရိုဟင်ဂျာ' ဟူသော အသုံးအနှုန်းကို ၁၉၄၈ ခုနှစ် မတိုင်မီအထိ ရေးသားဖော်ပြခဲ့ခြင်း မရှိကြောင်း၊
မောင်တောအခြေစိုက် ဂျာမေတူလ်လမားအသင်းမှ ရခိုင်မြောက်ပိုင်းဒေသကို ကိုယ်ပိုင်အုပ်ချုပ်ရေး
နယ်မြေ ထူထောင်ပေးရန် ဗြိတိသျှပါလီမန်အတွင်းဝန် ဗ.ွ သြအအသာူနပ ထံ ၁၉၄၇ ခုနှစ်
ဖေဖော်ဝါရီလ ၂၄ ရက်နေ့တွင် တင်ပြတောင်းဆိုခဲ့ရာ''ပြည်ပဒေသမှ လာရောက်အခြေချသူများသည်
မြန်မာနိုင်ငံအတွင်း သီးခြားလူမျိုး၊သီးခြားပြည်နယ် တောင်းဆိုပိုင်ခွင့် မရှိပါ'' ဟုပါလီမန်အတွင်းဝန်က
ဆုံးဖြတ်ခဲ့ပြီး ယင်းစာလွှာတွင်လည်း ရိုဟင်ဂျာ ဟူသော အသုံးအနှုန်းမျိုး မပါရှိခဲ့ကြောင်း
ဖော်ပြထားသည်။

သို့သော် မြန်မာနိုင်ငံ ပါလီမန်ဒီမိုကရေစီခေတ်တွင် ဆန္ဒမဲရရှိအောင် မမှန်ကန်သောနည်းလမ်းဖြင့်
ပါတီအချို့က ဆောင်ရွက်ခဲ့ခြင်းကြောင့် မောင်တော၊ ဘူးသီးတောင် မဲဆန္ဒနယ်တွင် ဘင်္ဂါလီလူမျိုး
အဗ္ဗဒူဂဖားသည် တိုင်းပြည်ပြု လွှတ်တော်အမတ်ဖြစ်လာခဲ့ပြီး ၄င်းက ပြည်ထဲရေးဝန်ကြီးနှင့်
အတွင်းဝန်ထံသို့ သမိုင်းကိုလုပ်ကြံဖန်တီး၍ သင်္ဘောပျက်ပုံပြင်အားရေးသားပြုစုပြီး ရိုဟင်ဂျာ
စကားလုံး ထည့်သွင်းဖော်ပြထားသည့် အစီရင်ခံစာကို ၁၉၄၈ ခုနှစ်၊ နိုဝင်ဘာ ၂ဝ ရက်တွင်
ပေးပို့ခဲ့သည်ဟု ဆိုသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း