အင်းစိန် ဆေးဝါးစက်ရုံက စီမံချက်အသစ်ဖြင့် နှစ်ဆတိုး ထုတ်လုပ်မည်

အင်းစိန်မြို့နယ်ရှိ ဘီပီအိုင်ဆေးဝါးစက်ရုံတွင် ဆေးဝါးများ ထုတ်လုပ်နေသည်ကို ယခုနှစ် မေလအတွင်းက တွေ့ရစဉ်။ အောင်ခန့်/မြန်မာတိုင်း(မ်)အင်းစိန်မြို့နယ်ရှိ ဘီပီအိုင်ဆေးဝါးစက်ရုံတွင် ဆေးဝါးများ ထုတ်လုပ်နေသည်ကို ယခုနှစ် မေလအတွင်းက တွေ့ရစဉ်။ အောင်ခန့်/မြန်မာတိုင်း(မ်)

မြန်မာ့ဆေးဝါးလုပ်ငန်း၊ အင်းစိန်ဆေးဝါးစက်ရုံ(ဘီပီအိုင်)က ဆောင်ရွက်နေသည့် ခေတ်မီဆေးဝါး
တိုးမြှင့်ထုတ်လုပ်ရေးစီမံချက် (New BPI Project) ကို ၂၀၁၇ ခုနှစ်တွင် အပြီးသတ်ဆောင်ရွက်
သွားမည်ဟု အင်းစိန်ဆေးဝါးစက်ရုံမှ အထွေထွေမန်နေဂျာ ဦးကိုကိုအောင်က ပြောသည်။

စီမံချက်အသစ်အရ ဆေးဝါးများကို တိုးချဲ့ထုတ်လုပ် သွားမည်ဖြစ်ပြီး ထိုးဆေးနှင့် ပဋိဇီဝဆေး
ထုတ်လုပ်မှုကို လက်ရှိဘဏ္ဍာနှစ်အတွင်း စတင် အကောင်အထည်ဖော်မည်ဖြစ်သည်။

"ဒီဧပြီမတိုင်ခင်မှာ ပဋိဇီဝဆေးနဲ့ ထိုးဆေး ထုတ်လုပ်မှုကို ဖွင့်လှစ်မှာပါ။ ၀န်ကြီးဌာနကို
တင်ပြထားပါတယ်။ ဧပြီနောက်ပိုင်းမှာတော့ ဆေးပြား/ဆေးတောင့် ထုတ်လုပ်မှုကို စတင်နိုင်ဖို့
စီစဉ်နေပါတယ်။ ဒီစီမံကိန်းက ခေတ်မီစက်ပစ္စည်းတွေကို တပ်ဆင်တာ၊ Plant (ဆေးဝါးထုတ်လုပ်သော
ဌာန) တွေ တိုးချဲ့တာတွေ ဆောင်ရွက်ခဲ့တဲ့အတွက် အရင်ထက်ပိုပြီး ဆေးဝါးတွေ ထုတ်လုပ်နိုင်မှာပါ"ဟု
၎င်းက ဒီဇင်ဘာ ၁၉ ရက်တွင် ပြောသည်။

မြန်မာ့ဆေးဝါးလုပ်ငန်းတွင် အသုံးပြုနေသည့် စက်ပစ္စည်းများမှာ အချိန်ကာလကြာမြင့်ပြီဖြစ်သည့်
အတွက် ကမ္ဘာ့ကျန်းမာရေး အဖွဲ့၏ အရည်အသွေးပြည့်ဝသော ပစ္စည်းများ ထုတ်လုပ်မှုစံချိန်စံညွှန်း
(Good Manufacturing Practice) နှင့်အညီ ဆေးဝါးများ ထုတ်လုပ်နိုင်ရန် အဆိုပါစီမံချက်ကို
၂၀၁၃ ခုနှစ်တွင် စတင်အကောင်အထည် ဖော်ခဲ့ခြင်းဖြစ်သည်။

"လက်ရှိ ထုတ်လုပ်နေတာအပြင် ဒီစီမံကိန်းက နိုင်ငံတကာစံချိန်စံညွှန်းအတိုင်း ကမ္ဘာ့ကျန်းမာရေးအဖွဲ့ရဲ့
GMP ညွှန်ကြားချက်အတိုင်း စက်အသစ်တွေ အသုံးပြုသွားမှာဖြစ်ပါတဲ့အတွက် ဆေးဝါးထုတ်လုပ်မှု
အရေအတွက်နဲ့ အမည်တွေကို ထပ်တိုးချဲ့နိုင်မယ်။ လက်ရှိထုတ်လုပ်မှုရဲ့ နှစ်ဆအထိ
တိုးမြှင့်ထုတ်လုပ်နိုင်မှာ ဖြစ်တဲ့အတွက် လူထုရဲ့ ဆေးဝါးလိုအပ်ချက်ကိုလည်း ပိုပြီး ဖြည့်ဆည်းပေးနိုင်မှာ
ဖြစ်ပါတယ်။ လူထုအနေနဲ့လည်း ကိုယ့်ပြည်တွင်းက ထုတ်တဲ့ဆေးဖြစ်တဲ့အတွက် ပိုပြီးစိတ်ချ
ယုံကြည်စွာ သုံးစွဲလို့ရတာပေါ့" ဟု ဦးကိုကိုအောင်က ပြောသည်။

အဆိုပါစီမံချက်ကို ၂၀၁၃ - ၁၄ ဘဏ္ဍာ နှစ်မှ ၂၀၁၆ - ၁၇ ဘဏ္ဍာနှစ်အထိ လေးနှစ်တာကာလအတွင်း
အစိုးရ၏ ခွင့်ပြုဘတ်ဂျက်ငွေ ၆၄ ဒသမ ၆ ဘီလျံကျပ်ဖြင့် အကောင်အထည်ဖော်ဆောင်ရွက်ခဲ့ခြင်း
ဖြစ်သည်ဟု အင်းစိန်ဆေးဝါးစက်ရုံမှ လက်ထောက်စက်ရုံမှူး ဒေါက်တာအောင်ဇော်က ပြောသည်။

အဆိုပါစီမံချက်တွင် မြွေဆိပ်ဖြေဆေး ထုတ်လုပ်မည့် အဆောက်အအုံ၊ ခေတ်မီ ဆေးဝါးသိုလှောင်ရုံ၊
ထိုးဆေးသန်း၂၀ ထုတ်လုပ်နိုင်မည့် အဆောက်အအုံ၊ ဆေးပြား၊ ဆေးတောင့်နှင့် ပဋိဇီဝဆေး
ထုတ်လုပ်မည့် အဆောက်အအုံ၊ ဆေးဝါးထုတ်လုပ်မှု အထောက်အကူပြုပစ္စည်းများ ဖြည့်တင်းရေးများ
ပါဝင်သည်ဟု ၎င်းက ပြောသည်။

စီမံချက်အသစ်မှ တစ်နှစ်လျှင် ထိုးဆေး သန်း ၂၀ နှင့် ဆေးပြားဆေးတောင့် သန်း ၅၀၀ ခန့်ကို
ထုတ်လုပ်ပေးနိုင်မည်ဖြစ်ပြီး ဆေးအမည်သစ်များ ထုတ်လုပ်နိုင်ရန် သုတေသနလုပ်ငန်းများကို
ဆောင်ရွက်နေသည်ဟု ဦးကိုကိုအောင်က ပြောကြားသည်။

အဆိုပါစီမံချက်မှ မြွေဆိပ်ဖြေဆေးထုတ်လုပ်မှုနှင့် ခေတ်မီသိုလှောင်ရုံကို ယခုနှစ်အစောပိုင်းက
ဖွင့်လှစ်နိုင်ခဲ့ပြီး မြွေဆိပ်ဖြေဆေးအရေအတွက် ၁၀၀,၀၀၀ အထိ တိုးချဲ့ထုတ်လုပ်နိုင်ခဲ့သည်ဟု ဆိုသည်။

စက်မှုဝန်ကြီးဌာနလက်အောက်ရှိ မြန်မာ့ဆေးဝါးလုပ်ငန်းက ပြည်တွင်း ဆေးဝါးလိုအပ်ချက်၏
၁၀ ရာခိုင်နှုန်းကိုသာ ထုတ်လုပ်ပေးနိုင်ပြီး ဆေးဝါးအများကို ပြည်ပနိုင်ငံများမှ တင်သွင်းရခြင်း
ဖြစ်သည်ဟု ဆေးဝါးလုပ်ငန်းရှင်များက ပြောသည်။

"ဈေးကွက်ထဲမှာဆိုရင် နိုင်ငံဆေးဈေးကွက်က သက်သက်ရှိတယ်။ ဘီပီအိုင် ကလည်း သူ့ဈေးကွက်နဲ့သူ
ဈေးကွက်ကြီး တစ်ခုအနေနဲ့ရှိနေပြီးသားပါ" ဟု မင်္ဂလာဈေးမှ ဆေးဆိုင်ပိုင်ရှင်တစ်ဦးကပြောသည်။

အင်းစိန်ဆေးဝါးစက်ရုံကို ၁၉၅၃ ခုနှစ်တွင် စတင်ဆောက်လုပ်ခဲ့ပြီး ၁၉၅၈ တွင် စတင်ဖွင့်လှစ်ခဲ့သည်။

အင်းစိန်ဆေးဝါးစက်ရုံမှ ထိုးဆေး၊ သောက်ဆေး၊ ပဋိဇီဝဆေး များ၊ မြွေဆိပ်ဖြေပေး၊ ဆေးရည်၊
လိမ်းဆေး၊ ဆေးမှုန့်များ၊ သွေးကြောသွင်းဆေးများ အပါအ၀င် ဆေးအမျိုးပေါင်း ၁၈၂ မျိုးကို
ထုတ်လုပ်လျက်ရှိသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း