၁၃ နှစ်အတွင်း ကလေးစစ်သား ၁၄၀၀ ကျော်ကို တပ်မတော်မှ နှုတ်ထွက်ခွင့်ပြုခဲ့

၂၀၀၄ မှ ၂၀၁၆ ခုနှစ်အထိ ကလေးစစ်သား ၁၄၀၅ ဦးကို တပ်မတော်မှ နှုတ်ထွက်ခွင့်ပြုခဲ့သည်ဟု
လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ပြည်ထောင်စုဝန်ကြီး
ဒေါက်တာဝင်းမြတ်အေးက ဒီဇင်ဘာလ ၂၇ ရက်နေ့က ပြောကြားလိုက်သည်။

"အရွယ်မရောက်သေးသူ ကလေးသူငယ်များအား စစ်မှုထမ်းခြင်းမှ ကာကွယ်တားဆီးထိန်းသိမ်းရေး
ကော်မတီဖွဲ့စည်းခဲ့တဲ့ ၂၀၀၄ ခုနှစ်မှ ၂၀၁၆ ခုနှစ်အထိ ၁၄၀၅ ဦးအား တပ်မတော်မှ နုတ်ထွက်ခွင့်ပြုပြီး
မိသားစုနဲ့ ပြန်လည်ပေါင်းစည်းပေးခဲ့ပါတယ်" ဟု ၎င်းက ကလေးသူငယ်အခွင့်အရေးများဆိုင်ရာ
အမျိုးသားကော်မတီအစည်းအဝေးတွင် ပြောကြားသည်။

တပ်မတော်မှ နုတ်ထွက်ခွင့်ပြုခဲ့သည့် ကလေးသူငယ်များ၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာနှင့်
ပတ်ဝန်းကျင်ဆိုင်ရာ နောက်ဆက်တွဲ စောင့်ရှောက်မှုများအား တိုင်းဒေသကြီး/ ပြည်နယ်သက်ဆိုင်ရာ
ဒေသအလိုက် ဆောင်ရွက်သွားရမည် ဖြစ်ကြောင်း ဒေါက်တာဝင်းမြတ်အေး က ဆိုသည်။

"နောက်ဆက်တွဲ စောင့်ရှောက်မှုလုပ်ငန်းတွေ ဆောင်ရွက်ရာမှာ UNICEF ၊ INGOs ၊ NGOs တို့ရဲ့
ပူးပေါင်းပံ့ပိုးမှုဖြင့် လူမှုရေးနည်းလမ်းတွေနဲ့ စနစ်တကျဆောင်ရွက်လျက်ရှိပါတယ်" ဟု
ပြည်ထောင်စုဝန်ကြီးက ပြောကြားခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း