ကိုယ်ဝန်ဆောင် အမျိုးသမီးများနှင့် အသက် ၂ နှစ်အောက် ကလေးသူငယ်များ ထောက်ပံ့ငွေပေးအပ်ခြင်းအစီအစဉ် လာမည့်နှစ် ချင်းပြည်နယ်တွင် စတင်မည်

လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနအနေဖြင့် ကိုယ်ဝန်ဆောင်
အမျိုးသမီးများနှင့် အသက် ၂ နှစ်အောက် ကလေးသူငယ်များ ထောက်ပံ့ငွေပေးအပ်ခြင်းအစီအစဉ်
လာမည့် ၂၀၁၇ ခုနှစ်တွင် ချင်းပြည်နယ်၌ စတင်သွားမည်ဖြစ်ကြောင်း ပြည်ထောင်စုဝန်ကြီး
ဒေါက်တာဝင်းမြတ်အေးက ဒီဇင်ဘာလ ၂၇ ရက်နေ့က ပြောကြားလိုက်သည်။

“ချင်းပြည်နယ်မှာ ကနဦးစီးမံချက်အနေနဲ့ ၂၀၁၇ ခုနှစ်၊ နှစ်ဆန်းပိုင်းမှာ စတင်ဆောင်ရွက်နိုင်ဖို့
စီစဉ်ထားပြီးသားဖြစ်ပါတယ်” ဟု ၄င်းက ကလေးသူငယ်အခွင့်အရေးများဆိုင်ရာ အမျိုးသားကော်မတီ
အစည်းအဝေးတွင် ပြောသည်။

အဆိုပါ ထောက်ပံ့ငွေပေးအပ်မည့်ကိစ္စသည် ၀န်ကြီးဌာနက ၂၀၁၄ခုနှစ်က ရေးဆွဲထားသည့်
ရှေးဦးကလေး သူငယ်ပြုစုစောင့်ရှောက်ရေးနှင့် ဖွံ့ဖြိုးရေးဆိုင်ရာမူဝါဒ(Myanmar Policy for Early
Childhood Care and Development- ECCD Policy) ၏ မဟာဗျူဟာလုပ်ငန်း အစီအစဉ်
(Strategic Plan)တွင် ပါဝင်သည်ဟု ပြည်ထောင်စုဝန်ကြီးက ဆိုသည်။

“ဒါနဲ့ပတ်သက်လို့ ရန်ပုံငွေတွေလည်း ရရှိထားပြီးသား ဖြစ်ပါတယ်” ဟု ၄င်းက ပြောသည်။

ထို့အပြင် ကလေးသူငယ်ကာကွယ်စောင့်ရှောက်ရေးမူဝါဒ(Child Protection Policy)ကိုလည်း
ရေးဆွဲချမှတ်နိုင်ရေးအတွက် UNICEF Myanmarနှင့် ပူးပေါင်းဆောင်ရွက်သွားမည်ဟု
ဒေါက်တာဝင်းမြတ်အေးက ထည့်သွင်းပြောကြားခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း