စီးပွားရေးနှင့် စီမံခန့်ခွဲမှုနှင့် အသုံးချအင်္ဂလိပ်စာ ဘာသာရပ်များ ဦးရေတိုးမြှင့်ပြီး ၀င်ခွင့်ရမှတ် ပိုမြင့်လာ

အမျိုးသားစီမံခန့်ခွဲမှုပညာကောလိပ်တွင် ဖွင့်လှစ်နေသော စီးပွားရေးနှင့် စီမံခန့်ခွဲမှုဘာသာရပ်
(BBM) နှင့် အသုံးချ အင်္ဂလိပ်စာဘာသာရပ် BA (EPP)များ ကို ၂၀၁၂-၁၃ ပညာသင်နှစ်အတွက်
ဦးရေတိုးမြှင့်ခေါ်ယူပြီး ၀င်ခွင့်အနိမ့်ဆုံးရမှတ်မှာလည်း တစ်နှစ်ထက်တစ်နှစ် ပိုမြင့်လာကြောင်း
အဆိုပါကျောင်း၏ ကျောင်းအုပ်ကြီး ပါမောက္ခ ဒေါက်တာသန်းဝင်းက ပြောသည်။

"ကျောင်းသားဦးရေတိုးခေါ်တယ်ဆိုတာက ဆရာတို့ နေပြည်တော်မှာလုပ်တဲ့ အမျိုးသားအဆင့်
ဆွေးနွေးပွဲမှာ ပညာ ရေးပြုပြင်ပြောင်းလဲရေးလုပ်ငန်းစဉ်ပါ BBM,EPP သင်တန်းများ တိုးချဲ့ဖွင့်လှစ်
ဖို့ လုပ်ငန်းစဉ်နဲ့အညီ ၂၀၁၂-၁၃ ပညာ သင်နှစ်မှာ တိုးခေါ်တာပါ။ မနှစ်က BBM ကျောင်းသားဦးရေ
၂၁၀၊ EPP က ကျောင်းသား ၁၀၇ ယောက်ခေါ်တယ်။ ခုပညာသင်နှစ် ၂၀၁၂-၁၃ မှာတော့ BBM
၃၃၀၊ EPP က ၁၇၁ ယောက် တိုးခေါ်တယ်။ ၀င်ခွင့်အမှတ်တွေလည်း တိုးလာတယ်"ဟု ၎င်းက
ပြောသည်။

ယခုနှစ်အတွက် ၀င်ခွင့်ပြုခဲ့သည့် အနိမ့်ဆုံး တက္ကသိုလ်ဝင်စာမေးပွဲရမှတ်များမှာ BBM အတွက်
၄၇၉ မှတ်နှင့် အသုံးချ BA(EPP) အတွက် ၄၇၆ မှတ် ဖြစ်သည်။

အဆိုပါသင်တန်း နှစ်မျိုးစလုံးအား ၂၀၀၄-၀၅ ပညာသင်နှစ်မှ၂၀၁၀-၁၁ ပညာသင်နှစ်အထိ သုံးနှစ်
ဘွဲ့သင်တန်းများအဖြစ်ဖွင့်လှစ်ခဲ့ပြီး ၂၀၁၁-၁၂ ပညာသင်နှစ်မှ စတင်ခါ လေးနှစ်သင်တန်းများအဖြစ်
ပြောင်းလဲဖွင့်လှစ်ခဲ့သည်။

"ဆရာတို့ကျောင်းက ဒီဂရီကောလိပ်၊ အဲဒီတော့ ဒီမှာဂုဏ်ထူးတန်းအထိပဲ တက်လို့ရတယ်။
ကျောင်းသားတွေအနေ နဲ့ ဆက်တက်ချင်ရင် ရန်ကုန်တက္ကသိုလ် နဲ့ ရန်ကုန်စီးပွားရေးတက္ကသိုလ်မှာ
ဆက် တက်လို့ရတယ်။ BBM နဲ့ပြီးတဲ့သူတွေက စီးပွားရေးတက္ကသိုလ်မှာ MBA(စီးပွား ရေးစီမံခန့်ခွဲမှု
ပညာ မဟာဘွဲ့)၊ MPA (ပြည်သူ့ရေးရာစီမံခန့်ခွဲမှုပညာ မဟာဘွဲ့) သင်တန်းတွေ ဆက်တက်လို့ရ
တယ်။ အဲဒီသင်တန်းတွေက ဘွဲ့တစ်ခုခုရထားရင် တက်လို့ရတယ်။ EPP နဲ့ ပြီးတဲ့ သူတွေက နိုင်ငံ
ခြားဘာသာ တက္ကသိုလ်မှာ မဟာဘွဲ့(အင်္ဂလိပ်ဘာသာ) ဆက်တက်လို့ရတယ်။ MBA,MPA တွေ
ဆက်တက်လို့ ရတယ်"ဟု ဒေါက်တာသန်းဝင်း က ပြောသည်။

ဝင်ခွင့်ပြုသည့် ကျောင်းသားဦးရေတိုးလာသော်လည်း အနိမ့်ဆုံးဝင်ခွင့်အမှတ် မြင့်လာသောကြောင့်
ဝင်ခွင့်ရရန် ပိုမိုခက်ခဲလာကြောင်း ကျောင်းသားမိဘတစ်ဦးက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း