ဖွံ့ဖြိုးမှုအတွက် အာဆီယံစီးပွားရေး သုတေသနသိပ္ပံ ကူညီမည်

မြန်မာနိုင်ငံ၏ အလုံးစုံဖွံ့ဖြိုးတိုးတက်မှုအတွက် ကူညီထောက်ပံ့မှုများ လုပ် ဆောင်ပေးနိုင်မည့် စီမံ
ကိန်းတစ်ခုကို အာဆီယံစီးပွားရေးသုတေသနသိပံ္ပက စတင်သုတေသနပြုနေပြီဖြစ်ကြောင်း အဆိုပါ
သိပံ္ပမှ အဆင့်မြင့် စီးပွားရေးပညာရှင် မစ္စတာဖုကုနာရီကိမူရက မြန်မာတိုင်း(မ်)ကို ပြီးခဲ့သည့်
သီတင်းပတ်က ကမ္ဘောဒီးယားနိုင်ငံ၊ ဖနွမ်းပင်မြို့ ၌ ပြောသည်။

အာဆီယံနိုင်ငံများအတွင်း ဖွံ့ဖြိုးမှု နောက်ကျနေသော မြန်မာနိုင်ငံ၏ နိုင်ငံရေး၊ စီးပွားရေး၊ လူမှုရေး
တိုးတက်မှုများအတွက် အကူအညီအထောက်အပံ့များ ပေးရန် အဆိုပါ  Economic Research
Institute of ASEAN က သုတေသန အချက်အလက်များ ကောက်ခံနေပြီဖြစ်ကာ နောက်နှစ်
လယ်တွင် လုပ်ငန်းများ အကောင်အထည်ဖော်နိုင်ရန် ရည်ရွယ်ထားသည်။

အဆိုပါ ERIA က မြန်မာနိုင်ငံအလုံးစုံဖွံ့ဖြိုးမှုအတွက် စာတမ်းများ ကောက်ယူခဲ့ရာတွင် မြန်မာနိုင်ငံ
၌ အခြေခံအဆောက်အအုံ လိုအပ်ချက် များကအစ အခြားစီးပွားရေး၊ လူမှုရေးရာ တိုးတက်မှုများ
ဆောင်ရွက်ရန်များစွာ လိုအပ်နေကြောင်း တွေ့ရှိခဲ့ရသည်။

အထူးသဖြင့် မြန်မာနိုင်ငံနှင့် ၎င်း၏ အိမ်နီးချင်းနိုင်ငံများဖြစ်သည့် ထိုင်း၊ လာအို၊ ကမ္ဘောဒီးယားနိုင်ငံ
တို့နှင့် ဆက်သွယ်နိုင်မည့် ကွန်ရက်များအားနည်းနေ ခြင်းဖြစ်ကာ နိုင်ငံ၏ နယ်စပ်ဒေသ တစ်
လျှောက်တွင် နေထိုင်သည့် တိုင်းရင်းသားများ၏ဘ၀ မြင့်တက်လာစေရန် ဆောင်ရွက်ဖို့လည်း
ပါဝင်သည်။

"ဒီစီမံကိန်းက ရန်ကုန်နဲ့ မန္တလေးမြို့ တွေတင်မကဘူး၊ နယ်စပ်ဒေသတွေမှာ နေထိုင်တဲ့သူတွေ
ဘ၀မြင့်တက်ဖို့ပါ ဆောင်ရွက်မှာဖြစ်ပါတယ်" ဟု ၎င်းက ပြောသည်။

"ဒီစီမံကိန်းဖြစ်ပေါ်ဖို့အတွက် အာဆီယံ ခေါင်းဆောင်တွေရဲ့ သဘောတူညီမှု နဲ့ ဖြစ်လာတာပါ။
အာဆီယံက ငွေတွေနဲ့ လုပ်ဆောင်မှာပါ" ဟု မစ္စတာ ကိမူရာက ပြောသည်။

မြန်မာ၏ ဖွံ့ဖြိုးမှုအရှိန်ကောင်းမွန်မှ သာ အရှေ့အာရှ၏ ပြောင်းလဲမှုလည်း အရှိန်မြင့်လာမည်ဟု
ဖော်ပြသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း