ပြည်ထဲရေးဝန်ကြီးဌာနက ငွေလုံးငွေရင်း အသုံးစရိတ် ကျပ်သန်း ၁ဝ၇ ဘီလျံတောင်းခံ

လုံခြုံရေး ကိစ္စများ တိုးတက်ကောင်းမွန်ရေးအပါအဝင် လုပ်ငန်းစဉ်ခြောက်ရပ်အကောင်အထည်
ဖော်နိုင်ရန် ငွေကျပ် သန်း ၁ဝ၇ ဘီလျံကျော်ကို ၂ဝ၁၇-၁၈ ဘဏ္ဍာနှစ် ငွေလုံးငွေးရင်းအသုံးစရိတ်
အဖြစ် ပြည်ထောင်စုအစိုးရ အဖွဲ့ထံ တောင်းခံထားကြောင်း ပြည်ထဲရေးဝန်ကြီးဌာန ပြည်ထောင်စု
ဝန်ကြီး ဗိုလ်ချုပ်အောင်စိုးက ဇန်နဝါရီ ၃၁ ရက်က ပြောသည်။

ထိုသို့လျာထားတောင်းခံငွေဖြင့် လုံခြုံရေးကိစ္စများ တိုးတက်ကောင်းမွန်ရေး၊ အုပ်ချုပ်မှု
စနစ်မှန်ကန်ရေး၊ လုပ်ငန်းစွမ်းရည် တိုးတက်မြင့်မားရေး၊ လေ့ကျင့်မှုမပျက် ဆောင်ရွက်ရေး၊
စိတ်ဓာတ်ကောင်းမွန်တိုးတက်မြင့်မားရေးနှင့် ပြည်သူ့အကျိုးပြုဆောင်ရွက်ရေး စသည့်
လုပ်ငန်းစဉ်များကို အကောင်အထည်ဖော်ဆောင်ရွက်သွားမည်ဖြစ်ကြောင်း၊ အဓိက လုပ်ငန်း
အဖြစ် မြန်မာဘင်္ဂလားဒေ့ရ်ှနယ်စယ်ခြံစည်းရိုးကာရံခြင်းလုပ်ငန်း၊ ကင်းစခန်းများတည်ဆောက်ရေး၊
လုံခြုံရေးအခြေအနေတိုးမြှင့်ခြင်း လုပ်ငန်းများနှင့် အကျဉ်းထောင်များအတွင်း မဖြစ်မနေလိုအပ်သော
အဆောက်အအုံများ ဆောက်လုပ်ခြင်းလုပ်ငန်းများကို ဆောင်ရွက်သွားမည်ဖြစ်ကြောင်း ၄င်းက
ပြောသည်။

ထို့ပြင် ဝန်ကြီးရုံးအပါအဝင် တပ်ဖွဲ့ဦးစီးဌာနများအတွက် မဖြစ်မနေ ဖြည့်တင်းရန်လိုအပ်သည့်
စက်ကိရိယာများ၊ ရုံးသုံးပရိဘောဂများ၊ မီးငြှိမ်းသတ်ယာဉ်များ၊ ရှာဖွေကယ်ဆယ်ရေးလုပ်ငန်း
ပစ္စည်းများအတွက် ဖြည့်တင်းရန် စက်နှင့် စက်ပစ္စည်းအသုံးစရိတ်များအတွက်လည်း သုံးစွဲသွား
မည်ဖြစ်ကြောင်း ဗိုလ်ချုပ်အောင်စိုးက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း