ရတနာ လူမှုစီးပွားစီမံကိန်းအား ကျေးရွာရှစ်ရွာ၌ တိုးချဲ့မည်

တနင်္သာရီတိုင်းဒေသကြီးရှိ တိုတယ် မြန်မာနှင့် ၎င်း၏မိတ်ဖက် ရေနံနှင့် သဘာဝဓာတ်ငွေ့လုပ်ငန်း
များ အတူတကွ ပူးပေါင်းလုပ်ဆောင်လျက်ရှိသော ရတနာ လူမှုစီးပွားအစီအစဉ်ကို ၂၀၁၃ ခုနှစ်တွင်
ရေဖြူ မြို့နယ်ရှိ ကျေးရွာရှစ်ရွာ ၌ တိုးချဲ့ဆောင်ရွက်သွားမည်ဖြစ် ကြောင်း တိုတယ်မြန်မာ၏
အထွေထွေ မန်နေဂျာ Ms Namita Shah က လွန်ခဲ့ သော သီတင်းပတ်က ပြောသည်။

တိုးချဲ့မည့်အစီအစဉ်အရ ၂၀၁၃ ခုနှစ်တွင် ရတနာလူမှုစီးပွား အစီအစဉ်များအား ကုန်းတွင်းသဘာဝ
ဓာတ်ငွေ့ပိုက်လိုင်း ဖြတ်သန်းရာတစ်လျှောက်ရှိ ကျေးရွာပေါင်း ၃၃ ရွာ၌ အကောင် အထည်ဖော်
သွားမည်ဖြစ်သည်။

"လက်ရှိ ရေဖြူမြို့နယ်ထဲမှာရှိတဲ့ ကျေးရွာပေါင်း ၂၅ ရွာမှာ ရတနာလူမှုစီးပွားစီမံကိန်းကို အကောင်
အထည် ဖော်နေပါတယ်။ ၂၀၁၃ ခုနှစ်မှာ ကျေးရွာ ရှစ်ရွာ ထပ်တိုးဆောင်ရွက်သွားပါမယ်။ အဲဒီအ
တွက် ၂၀၁၂ ခုနှစ်မှာ ဘတ်ဂျက် အမေရိကန်ဒေါ်လာ ၃ ဒသမ ၄၄ သန်း အသုံးပြုတာကနေ ၂၀၁၃
ခုနှစ်မှာ ကန် ဒေါ်လာ ၃ ဒသမ ၈ သန်းအထိ တိုးချဲ့ သုံးစွဲသွားပါမယ်"ဟု ၎င်းက နိုဝင်ဘာ လ ၂၇
ရက်နေ့တွင် ပြည်တွင်းမီဒီယာများနှင့် တွေ့ဆုံစဉ်ပြောသည်။

၁၉၉၅ ခုနှစ်မှစတင်ခါ ရေဖြူမြို့နယ်၊ ကန်ပေါက်ကျေးရွာအတွင်း အကောင်အထည်ဖော်လျက်ရှိ
သော ရတနာလူမှုစီးပွားစီမံကိန်းမှာ တိုတယ်မြန်မာနှင့် မိတ်ဖက်လုပ်ငန်းများဖြစ်ကြသော ယူနိုကယ်
-ချီဗရွန်၊ ပီတီတီအီးပီနှင့် မြန်မာ့ ရေနံနှင့် သဘာဝဓာတ်ငွေ့လုပ်ငန်းတို့အတူ ပူးပေါင်းဆောင်ရွက်နေ
ခြင်း ဖြစ်သည်။

ရေဖြူမြို့နယ်အတွင်းရှိ ပိုက်လိုင်း ဖြတ်သန်းရာတစ်လျှောက်ရှိ ကျေးရွာများနှင့် နိုင်ငံတစ်ဝန်းရှိ လူမှု၊
စီးပွားဖွံ့ဖြိုးတိုးတက်ရေး အစီအစဉ်များတွင် ပံ့ပိုးပေးလျက်ရှိသော ရတနာစီမံကိန်းအနေဖြင့် ၁၉၉၅
ခုနှစ်မှ ၂၀၁၁ ခုနှစ်အထိ ကန် ဒေါ်လာ ၂၇ ဒသမ ၀၅ သန်း သုံးစွဲခဲ့ ကြောင်း လူမှုစီးပွားအစီအစဉ်
တာဝန်ခံ ဒေါ်ဆွေဆွေဝင်းက ပြောသည်။

ဒေသဖွံ့ဖြိုးရေးနှင့် ဆက်သွယ်ရေး၊ ကျန်းမာရေး၊ ပညာရေးစီးပွားရေးဆိုင်ရာ ဖွံ့ဖြိုးတိုးတက်ရေးနှင့်
လမ်း၊ တံတား၊ အဆောက်အအုံပိုင်းဆိုင်ရာ ဖွံ့ဖြိုးရေးကဏ္ဍတို့ကို ဆောင်ရွက်လျက်ရှိရာတွင် ဒေသ
ခံများ၏ ဦးဆောင်လုပ်ကိုင်မှုကို အသားပေး ဆောင်ရွက်လျက်ရှိကြောင်း ၎င်းက ပြောသည်။

ရတနာစီမံကိန်းအရ ဒေသခံများ၏ ကျန်းမာရေး၊ ပညာရေး၊ ဆက်သွယ်ရေး၊ ဒေသဖွံ့ဖြိုးရေးအတွက်
လိုအပ်သော အခြေခံအဆောက်အအုံများကိုလည်း တည်ဆောက်ပေးပြီးဖြစ်သည့်အပြင် စီးပွားရေး
ဖွံ့ဖြိုးတိုးတက်မှုအတွက် စိုက်ပျိုးမွေးမြူရေး လုပ်ငန်းများတွင် ထောက်ပံ့ပေးခြင်း၊ အသေးစားချေးငွေ
အစီအစဉ်များ ဆောင်ရွက်ပေးခြင်း စသည့် လုပ်ငန်းများကိုလည်း လုပ် ဆောင်ပေးနေလျက်ရှိသည်
ဟု ၎င်းက ဆိုသည်။

စီမံကိန်း၏ လူမှုစီးပွားကူညီမှုများအပေါ်ဝမ်းမြောက်ကျေးဇူးတင်ကြောင်း ဒေသခံများက ပြောသည်။

"ဒေသဖွံ့ဖြိုးမှု အတိုင်းအတာအတော်များများမှာ ကောင်းကျိုးတွေ့ရတယ်။ လမ်းတွေ၊ တံတားတွေ
ကောင်း လာတယ်။ ပြီးပြည့်စုံတဲ့ အနေအထား မဟုတ်တဲ့တိုင်အောင် ၇၅ ရာခိုင်နှုန်း လောက်တော့
အတော်လေးကောင်း တယ်။ အဲဒီအတွက် ကျေးဇူးလည်းတင် ပါတယ်။ ပြောစရာရှိတာကတော့
ရေနံနဲ့ သဘာဝဓာတ်ငွေ့ လုပ်ငန်းတွေအနေနဲ့ အလုပ်ခန့်တဲ့အခါမှာ ဒေသမှာရှိတဲ့ အရည်အချင်းရှိ
တဲ့သူတွေကို ဦးစားပေး ခန့်ပေးဖို့ အကြံပြုချင်ပါတယ်။ နောက် နေ့စားလုပ်သားတွေမှာလည်း ဆပ်
ကန်ထရိုက်တွေနဲ့ခန့်တဲ့အတွက် ဒေသခံ လုပ်သားတွေအနေနဲ့ နစ်နာမှုမရှိဖို့ ကြီးကြပ်ပေးဖို့ပါ"ဟု
ကန်ပေါက်ရွာမှ အငြိမ်းစားအင်ဂျင်နီယာ ဦးအောင်သန်း က ပြောသည်။

"ဒေသခံတွေကို အလုပ်ခန့်ဖို့အတွက် ကုမ္ပဏီအနေနဲ့ အထူးအလေးထား ဆောင်ရွက်ပါတယ်။
ဒါပေမယ့် ဒီလိုခန့်ဖို့အတွက် သူတို့ဟာ အင်ဂျင်နီယာဘာသာရပ်နဲ့ ဘွဲ့ရထားတဲ့ မှန်ကန်တဲ့ ကိုယ်
ရေးရာဇ၀င်ရှိဖို့ လိုပါတယ်။ ဒါ ကြောင့် ဒေသခံတွေထဲကနေ အလုပ်ခန့် နိုင်မှုဟာ အကန့်အသတ်ရှိ
ပါတယ်။ မကြာသေးခင်ကပဲ မြို့ပြအင်ဂျင်နီယာဘာသာရပ်နဲ့ဒီပလိုမာလက်မှတ်ရရှိထားတဲ့ ဒေသခံ
မိန်းကလေးတစ်ဦးကို ကျွန်မတို့ရဲ့ လမ်းထိန်းသိမ်းရေးအဖွဲ့မှာ ခန့်ထားခဲ့ပါတယ်။ တိုတယ်အနေနဲ့
လက်ခွဲကန်ထရိုက်တာတွေ အားလုံးနဲ့ ခန့်ထားတဲ့ဝန်ထမ်းတွေကို အနည်းဆုံး တိုတယ်ရဲ့ သတ်
မှတ်ထားတဲ့ နေ့စားလခ တွေကိုပေးဖို့ အချက်ကို စာချုပ်ချုပ်ဆိုတဲ့ ထဲမှာ ထည့်သွင်းထားပါတယ်။
ကုမ္ပဏီရဲ့ သတ်မှတ်ထားတဲ့ နေ့စားလခဟာ ဒေသ ဥပဒေအရ သတ်မှတ်ထားတဲ့ လုပ်အားခထက်
များတဲ့ သင့်တင့်တဲ့ နေ့စားခဖြစ် ပါတယ်။ လက်ခွဲကုမ္ပဏီတွေကိုလည်း ကုမ္ပဏီရဲ့ ချမှတ်ထားတဲ့
စည်းမျဉ်းတွေ ကို သေသေချာချာ လိုက်နာမှုရှိစေဖို့ အမြဲသတိထား ကြီးကြပ်နေပါတယ်" ဟု 
Ms Shah က ပြောသည်။

ဒေသဖွံ့ဖြိုးရေးလုပ်ငန်းများတွင် ဒေသ၏ လျှပ်စစ်မီးလိုအပ်ချက်အား လည်း ထည့်သွင်းစဉ်းစားပေး
စေလို ကြောင်း ကန်ပေါက်ရွာဒေသခံတစ်ဦးက ပြောသည်။

"လက်ရှိ ပုဂ္ဂလိကမီးစက်ကနေ တစ်ယူနစ် ကျပ် ၆၅၀ နဲ့ သုံးနေရတယ်။ ညနေ ၆ နာရီခွဲကနေ ည
၁၀ နာရီခွဲထိ မီးလာတယ်။ ၂၄ နာရီ မီးရမယ်ဆိုရင် ကလေးတွေလည်း ကွန်ပျူတာလေး ဘာလေး
သင်နိုင်တာပေါ့"ဟု မြသီတာ ရပ်ကွက်မှ ဦးလင်းအောင်ကဆိုသည်။

ဒေသ၏ လျှပ်စစ်မီးလိုအပ်ချက် ကဏ္ဍ အား ဖြည့်ဆည်းရန်အတွက် ၂၀၁၃ ခုနှစ် အတွင်း ကျေးရွာ
အချို့တွင် နေစွမ်းအင်သုံး လျှပ်စစ်မီးပေးစနစ်အား စမ်းသပ်အသုံးပြုရန် စီစဉ်လျက်ရှိကြောင်း
Ms Shah က ပြောသည်။

"ကုမ္ပဏီအနေနဲ့ လျှပ်စစ်မီးကဏ္ဍတိုးတက်ဖို့ အစိုးရရဲ့ အားထုတ်ဆောင်ရွက်မှုတွေမှာ ပါဝင်ဖို့ ဆန္ဒ
ရှိပါတယ်။ နောင်နှစ်လောက်မှာတော့ ဒီဒေသမှာ လျှပ်စစ်မီးနဲ့ပတ်သက်ပြီး ဖွံ့ဖြိုးမှုအချို့ မြင်တွေ့ရ
မယ်လို့ မျှော်လင့်ရပါတယ်။ တစ်ချိန်တည်းမှာပဲ ကုမ္ပဏီအနေနဲ့ နေစွမ်းအင်နဲ့ လျှပ်စစ်မီးပေးနိုင်မယ့်
အခြေအနေတွေကိုလည်း လေ့လာနေပါ တယ်" ဟု ၎င်းကပြောသည်။

တိုတယ်ကုမ္ပဏီမှ ပြည်တွင်းအသုံးပြု မှုအတွက် သဘာဝဓာတ်ငွေကို ၁၉၉၈ ခုနှစ်မှ စတင်ပံ့ပိုးခဲ့ပြီး
၂၀၁၀ ပြည့်နှစ်တွင် ထုတ်လုပ်မှု၏ ၂၀ ရာခိုင်နှုန်း နီးပါးခန့် တိုးမြှင့်ခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း