တိုင်းရင်းသား စည်းလုံးညီညွတ်ရေးအတွက် သမိုင်းဖြစ်ရပ်မှန်များ ဖော်ထုတ်သင့်

သမိုင်းဖြစ်ရပ်မှန်များကို ဖော်ထုတ်ခြင်းဖြင့် နိုင်ငံ့ဂုဏ်သိက္ခာနှင့် တိုင်းရင်းသားလူမျိုးများ၏ စည်းလုံး
ညီညွတ်ရေးအတွက် အထောက်အကူဖြစ်ကြောင်း ပျူလူမျိုးနှင် ပျူနိုင်ငံတော်စာတမ်းဖတ်ပွဲတွင်
ပညာရှင်များက ပြောသည်။

"သမိုင်းကညာလို့မရဘူး။ သမိုင်းမှာ အမှန်တရားတွေ ရှိနေတယ်။ သမိုင်းကို ကိုလိုနီလုပ်ချင်လို့ မရ
ဘူး။ အရှိသမိုင်း ကိုဖော်ထုတ်လိုအပ်တယ်"ဟု မြန်မာ နိုင်ငံစဥ့်အသင်း ဥက္ကဋ္ဌ ဒေါက်တာ
မျိုးသန့်တင်က ပြောသည်။

မြန်မာနိုင်ငံ၌ ကြေးခေတ်နှောင်း၊ သံ ခေတ်ဦးတွင် ပျူခေတ်ကြီးထွန်းကားခဲ့ သည်။ ပျူခေတ်တွင်
ဗုဒ္ဓဘာသာထွန်းကား၍ တရားဥပဒေကို အလွန်သိမ်မွေ့ စွာ ကျင့်သုံးသည်။

ပျူခေတ်သည် ဘီစီ ၂ ရာစုမှ အေဒီ ၁၁ ရာစုတိုင်ရှည်လျားသော လူ့အဖွဲ့အစည်းဖြစ်ခဲ့ပြီး ပုဂံသည်
ပျူနိုင်ငံတော်ကြီးဖြစ်သော သရေခေတ္တ ရာကို လုံးဝဆက်ခံသော လူ့အဖွဲ့အစည်း ဖြစ်သည်။

အလားတူ ပျူယဉ်ကျေးမှု ပျံ့နှံ့ ရောက်ခဲ့သော ဒေသများလည်းရှိနေသည်။ ၎င်းဒေသတွင် တွေ့ရှိရ
သော ပျူနှင့် သက်ဆိုင်သည့် အထောက်အထားများ ကို လေ့လာဆန်းစစ်မှုများ လုပ်သင့်ပြီး ပျူ
လက်ရာတွေ့တိုင်း ပျူဒေသဟု အမှတ်မထားသင့်ကြောင်း၊ ရှေးဟောင်းသုတေသန၊ အမျိုးသားပြ
တိုက်နှင့် စာကြည့်တိုက်ဦးစီးဌာန အငြိမ်းစားညွှန်ကြားရေး မှူးချုပ် ဦးစန်းဝင်းက ပြောသည်။

"ပျူယဉ်ကျေးမှု၊ သမိုင်းအထောက်အထားတွေ ဖော်ထုတ်ထိန်းသိမ်းဖို့ဟာ လက်ရှိအချိန်မှာ ဦးစား
ပေးအနေအထားဖြစ်နေတယ်။ ဘာလို့လဲဆိုတော့ ကမ္ဘာ့ယဉ်ကျေးမှု အမွေအနှစ်စာရင်းမှာ ပျူမြို့
ဟောင်းသုံးမြို့ဖြစ်တဲ့ သရေခေတ္တရာ၊ ဟန်လင်းနဲ့ ဗိဿနိုးမြို့ဟောင်းတွေ ကို စာရင်းသွင်းဖို့လုပ်နေ
တဲ့ ကာလဆို တော့ ပျူကို ဦးစားပေးသလို ဖြစ်နေတယ်ဆိုပေမယ့် ပျူခေတ်ကာလအချိန် ကတည်း
က အခြားတိုင်းရင်းသားလူမျိုး တွေ ရှိနေပါတယ်။ အဲဒီဒေသတွေမှာ ပျူ အထောက်အထား တွေ့
တယ်ဆိုရင် လက်ရှိအနေအထားရ မဖော်ထုတ်နိုင် သေးတာကြောင့် ပျူယဉ်ကျေးမှု ပျံ့နှံ့ ရောက်ရှိ
တယ်လို့ ယူဆရမယ်"ဟု ဦးစန်းဝင်းက ပြောသည်။

ထို့ပြင် စာတမ်းဖတ်ပွဲတွင် 'မွန်တို့နှင့် ပတ်သက်ဆက်နွှယ်လာသော ပျူစာတမ်းများ'အား ဖတ်ကြား
ခဲ့သော ဦးနိုင်ရဲ ဇော်က "မွန်ပြည်နယ်မှာ ပျူယဉ်ကျေးမှုထွန်းကားခဲ့တယ်ဆိုတာကို လက်ခံပါတယ်။
ဒါပေမယ့် မြို့တည်ထောင်ပြီး နေခဲ့တယ် ဆိုတာကိုတော့ လက်မခံနိုင်ပါဘူး။ လက်ရှိအချိန်မှာ မွန်
လူမျိုးနဲ့ ဆက်စပ်နေတဲ့ အကြောင်းအရာတွေကို အစိုးရနဲ့ ရှေးဟောင်းသုတေသနဌာနက အသိ
အမှတ်မပြုသေးပါဘူး။ ဒါကြောင့် တိုင်းရင်းသား စည်းလုံးညီညွတ်ရေးကို ထိခိုက်မှု မရှိစေရအောင်
ပျူစာတမ်း၊ စာအုပ်၊ ဆောင်းပါးစတဲ့နေရာမှာ အထောက်အထား ခိုင်လုံမှုမရှိသေးတဲ့၊ အတည်မပြုရ
သေးတဲ့ မွန်ဒေသရဲ့ အချက်အလက်တွေကို ဂရုပြုရေးသား စေဖို့ပါ။ သုတေသန ပြုလုပ်ချက်မပြီး
မချင်း ကောက်ချက်ချလို့မရပါဘူး။ ပျူ လူမျိုးချည်းမဟုတ်ဘဲ အခြားတိုင်းရင်း သားလူမျိုးတွေလည်း
ရောက်ရှိနေထိုင် တယ်လို့ပြောမှ တရားမျှတမှုရှိမှာပါ" ဟု ပြောသည်။

တနင်္သာရီတိုင်းဒေသကြီး ထားဝယ်မြို့နယ် သည်လည်း ပျူခေတ် ထွန်းကားစဉ်ကာလ ပျူယဉ်
ကျေးမှု ဒေသ ဖြစ်ခဲ့ ကြောင်း သမိုင်းမှတ်တမ်းများအရ ဆိုသည်။

၎င်းအဆိုသည် မှန်ကန်မှုရှိ ကြောင်းသက်သေပြမှုများ ပိုမိုခိုင်မာမှု ရှိစေရန်အတွက် ရှေးဟောင်းသု
တေသနတူးဖော်မှုများ လုပ်ကိုင်သင့်ကြောင်း စာတမ်းရှင် ဦးဇော်သူရက သာဂရမြို့ ဟောင်းစာတမ်း
တွင် ဖတ်ကြားသည်။

"သာဂရမြို့ဟောင်းကို အသိအမှတ် ပြုတဲ့အနေနဲ့ ရှေးဟောင်းသုတေသနရုံး စိုက်တဲ့ အခြေအနေပဲ
ရှိသေးတယ်။ ထိန်းသိမ်းမှုတွေ မရှိသေးဘူး။ ဒေသက မိုးများတော့ ရောင်စုံပုတီးစေ့တွေဆိုတာ မိုးစဲ
သွားရင် လိုက်ကောက်ပြီးရောင်းကြတယ်။ ရှေးဟောင်းအထောက်အထား တွေက မတူးရသေးခင်
မြေပေါ်မှာတင် အများကြီးတွေ့နေရတယ်။ ကျွန်တော်တို့ စိုးရိမ်တာက တချို့တန်ဖိုးမဖြတ်နိုင်တဲ့
ပစ္စည်းတွေက မှောင်ခိုမှာပါသွားဖို့ ပိုလွယ်တယ်။ သာဂရက ပျူဒေသမှာ အကျုံးဝင်တယ်ဆိုရင်
တူးဖော်မှုအပြင် ထိန်းသိမ်းမှုတွေပါ လုပ်ပေးသင့်ပါတယ်" ဟု ဦးဇော်သူရက ပြောသည်။

စာတမ်းဖတ်ပွဲကို နိုဝင်ဘာလ ၃၀ ရက် နှင့် ဒီဇင်ဘာလ ၁ ရက်နေ့တို့တွင် ရန်ကင်းမြို့နယ်အတွင်းရှိ
မြန်မာနိုင်ငံဘဏ်များအသင်းတိုက် အဆောက်အအုံ၌ ကျင်းပခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း