ရေရှည်ဖွံ့ဖြိုးရေးလုပ်ငန်းများ ဆောင်ရွက်နေသော လူမှုအဖွဲ့များအား ထောက်ပံ့မှု စတင်

ရေရှည်ဖွံ့ဖြိုးတိုးတက်သော လူမှုပတ်ဝန်းကျင် ထူထောင်ရေး ကိစ္စရပ်များတွင် ဒေသလူမှုအဖွဲ့
အစည်းများ၊ ပြည်တွင်းလူမှုအဖွဲ့အစည်းများ ပိုမိုတိုးတက်လုပ်ဆောင်နိုင်စေရန် ရည်ရွယ်သည့်
Global Environment Facilities (GEF) ၏ အသေးစား ထောက်ပံ့မှု အစီအစဉ် (Small Grant
Program) ကို မြန်မာနိုင်ငံတွင် စတင် နိုင်ပြီဖြစ်ကာ ထောက်ပံ့ကြေး လျှောက်ထားလိုသော
စီမံကိန်းများကို ၂၀၁၃ ဇူလိုင်လခန့်တွင် စလက်ခံနိုင်မည်ဟု ခန့်မှန်းကြောင်း ကုလသမဂ္ဂဖွံ့ဖြိုးရေး
အစီအစဉ်မှ လက်ထောက်ဌာနေ ကိုယ်စားလှယ် ဦးမင်းထွဋ်ယဉ်က မတ်လ ၁၅ ရက်နေ့တွင်
ပြောသည်။

GEF ၏ ၎င်းအစီအစဉ်ကို ကမ္ဘာ တစ်ဝန်းတွင် ၁၉၉၂ မှစတင် ဆောင်ရွက်လျက်ရှိကာ လူတို့၏
ကျန်းမာပျော်ရွှင်မှု နှင့် အသက်မွေးဝမ်းကျောင်းမှု လုပ်ငန်းများအား မြှင့်တင်ပေးနိုင်သည့် သဘာဝ
ပတ်ဝန်းကျင်ထိန်းသိမ်းစောင့်ရှောက်မှု လုပ်ငန်းများအား ငွေကြေးနှင့် နည်းပညာများ ပံ့ပိုးလျက်ရှိ
သည်။

"အသေးစား ထောက်ပံ့မှု အစီအစဉ် ကို ဒီနေ့ကနေစပါပြီ။ ကျွန်တော်တို့ နိုင်ငံအဆင့် ကြီးကြပ်ရေး
ကော်မတီဖွဲ့ပါမယ်၊ ပြီးရင် ပရောဂျက်အကောင်အထည်ဖော်ဖို့ လုပ်ငန်းစဉ်တွေရေးဆွဲပြီး ထောက်ပံ့
ကြေး လျှောက်ထားမှုတွေ စပါမယ်။ အစောဆုံး ထောက်ပံ့ကြေး လျှောက်ထားမှုတွေ စနိုင်မယ့်
ရက်က ဇွန်လ ၃၀ ရက်လောက်ဖြစ်မယ်လို့ ခန့်မှန်းပါတယ်"ဟု ဦးမင်းထွဋ်ယဉ်က ပြောသည်။

နိုင်ငံအဆင့် ကြီးကြပ်ရေးကော်မတီ ဖွဲ့စည်းခြင်း၊ လုပ်ငန်းစဉ် ရေးဆွဲခြင်း လုပ်ငန်းများတွင်လည်း
ဒေသလူမှု အဖွဲ့အစည်းများ၊ ပြည်တွင်း လူမှုအဖွဲ့ အစည်းများနှင့် စဉ်ဆက်မပြတ် ချိတ်ဆက်
ဆောင်ရွက်သွားမည်ဖြစ်ကြောင်း ၎င်းကပြောသည်။

အသေးစားထောက်ပံ့မှု အစီအစဉ်အရ ဇီဝမျိုးစုံမျိုးကွဲ၊ ရာသီဥတု ပြောင်းလဲမှု၊ မြေဆီလွှာပြုန်းတီးမှု၊
ရေရှည်တည်တံ့သော သစ်တောထိန်းသိမ်းမှု၊ ရေသယံဇာတ၊ ဓာတုပစ္စည်း စသည့် ကဏ္ဍများတွင်
ဒေသခံ လူမှုအဖွဲ့အစည်းများမှ ဆောင်ရွက်နေသော စီမံကိန်းများအတွက် အမေရိကန် ဒေါ်လာ
၂၅,၀၀၀ မှ ၅၀,၀၀၀အထိ လျှောက်ထားနိုင်မည်ဖြစ်ကြောင်း GEF Small Grant Program ၏ 
Global Manager ဖြစ်သူ Mr Delfin J.Ganapin Jr က ပြောသည်။

အသေးစားထောက်ပံ့မှု အစီအစဉ် အတွက် ကုလသမဂ္ဂဖွံ့ဖြိုးရေးအစီအစဉ် မှ ၂၀၁၄ ဇွန်လအထိ
အမေရိကန် ဒေါ်လာ သုံးသိန်းမှ ငါးသိန်းကြား ထည့်ဝင်သွားမည်ဟုလည်း ဆိုသည်။

"တစ်ဖွဲ့ကို ဒေါ်လာ ၅၀,၀၀၀ အများဆုံးပေးမယ်။ ပျမ်းမျှ တစ်ကမ္ဘာလုံးမှာထောက်ပံ့မှုက ဒေါ်လာ
၂၀,၀၀၀ ကနေ ၂၅,၀၀၀ ကြားဆိုတော့ လက်ရှိ ထည့်ဝင်ငွေအရ အနည်းဆုံးခြောက်ဖွဲ့ ကနေ
အများဆုံး ၁၂ ဖွဲ့၊ ၁၅ ဖွဲ့လောက် အထိ အသေးစားထောက်ပံ့မှုအစီအစဉ်က ငွေကိုရပြီး နောက်နှစ်
ဩဂုတ်လ လောက်ထိ ဆောင်ရွက်လို့ ရနေမှာ ဖြစ်ပါတယ်"ဟု ၎င်းကပြောသည်။

မြန်မာနိုင်ငံ၏ ကျေးလက်ဒေသ စွမ်းအင်ရရှိမှု၊ ရာသီဥတုပြောင်းလဲမှု တိုက်ဖျက်ရေး၊ သဘာဝ
ပတ်ဝန်းကျင် စီမံခန့်ခွဲမှု တိုးတက်ရေးနှင့် ဘေးအန္တရာယ်လျှော့ချရေးကြိုးပမ်းမှုများ အတွက် ကုလ
သမဂ္ဂဖွံ့ဖြိုးမှု အစီအစဉ်အနေဖြင့် ၂၀၁၃-၂၀၁၅ အတွင်း အမေရိကန် ဒေါ်လာ ၄၆ သန်းမှ သန်း ၅၀
ခန့်သုံးစွဲသွားမည်ဖြစ်ကြောင်း ဦးမင်းထွဋ်ယဉ်က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း