ပါတီကြီးများကိုယှဉ်နိုင်ရန် တိုင်းရင်းသားပါတီကြီးတစ်ခု တည်ထောင်ရေး ဆုံးဖြတ်

၂၀၁၅ ခုနှစ်တွင်ကျင်းပမည့် ပါတီစုံရွေးကောက်ပွဲတွင် ပြည်မမှ အင်အားကြီးပါတီနှစ်ပါတီ
ဖြစ်သည့် အမျိုးသားဒီမိုကရေစီအဖွဲ့ချုပ်နှင့် ပြည်ထောင်စု ကြံ့ခုိုင်ရေးနှင့် ဖွံ့ဖြိုးရေးပါတီများအား
ယှဉ်ပြိုင်နိုင်ရန် ရှမ်းတိုင်းရင်းသားများဒီမိုကရက်တစ်ပါတီ၊ ချင်းအမျိုးသားပါတီ၊ ရခိုင်တိုင်းရင်း
သားများတိုးတက်ရေးပါတီ များအပါအ၀င် တိုင်းရင်းသားပါတီ ၁၅ ပါတီက တိုင်းရင်းသားပါတီ
ကြီးတစ်ပါတီတည်ထောင်ရန် ဇွန်လ ၁၁ ရက်က ဆုံးဖြတ်လိုက်ကြသည်။

"ဒီလိုပါတီကြီးတည်ထောင်ဖို့ ပြီးခဲ့တဲ့ မတ်လ၊ နေပြည်တော်မှာ ကျင်းပတဲ့ ညီနောင်တိုင်းရင်း
သားများဖယ်ဒရေးရှင်းရဲ့ အစည်းအဝေးမှာ ကျွန်တော်က စ တင်ပြခဲ့ပါတယ်။ ကျွန်တော်တို့
ဘိုးဘေးတွေ စိတ်ဝင်စားမှုနည်းခဲ့တဲ့ ပြည်မနိုင်ငံရေးကို ကျွန်တော်တို့ စလုပ်ပါတော့မယ်" ဟု
ချင်းအမျိုးသားပါတီ ဥက္ကဌ ဦးဇိုဇန်က တောင်ကြီးမြို့တွင် ဇွန်လ ၁၁နှင့် ၁၂ ကျင်းပသည့်ညီနောင်
တိုင်းရင်းသားများဖယ်ဒရေးရှင်းအဖွဲ့၏ ၁၅ ကြိမ်မြောက်အစည်းအဝေး ပထမရက်အပြီး ပြောကြား
ခဲ့သည်။

ဖယ်ဒရယ်ပြည်ထောင်စုပါတီဟု အမည်တွင်မည့် အဆိုပါ အင်အားကြီးပါတီတည်ထောင်ရန်
ဆုံးဖြတ်လိုက်ခြင်းသည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် အမျိုးသားဒီမိုကရေစီ
အဖွဲ့ချုပ်တို့ကဲ့သို့ ပြည်ထောင်စုအဆင့်နိုင်ငံရေးရာကိစ္စရပ်များကို ထိရောက်စွာကိုင် တွယ်နိုင်
လာမည်ဟု ယင်းက ပြောသည်။

"ပြည်မက ပါတီကြီးတွေက ကျွန်တော်တို့တိုင်းရင်းသားနယ်မြေတွေမှာ ၀င်ပြိုင်တယ်။ ကျွန်တော်
တို့က ခံစစ်ပဲ ဖြစ်နေတယ်လေ။ ဒါကြောင့် အဝေးကွင်း ကိုသွားကစားတဲ့သဘောပါ" ဟု ၎င်းက
ပြောသည်။

၂၀၁၅ ရွေးကောက်ပွဲတွင်ကျင့်သုံးရန် အလားအလာရှိနေသည့် အချိုးကျကိုယ်စားပြုရွေးကောက်
ပွဲစနစ်ကလည်း ယခုကဲ့သို့ ပါတီကြီးတည်ထောင်ရန် တွန်အားတစ်ရပ်ဖြစ်သည်ဟု ၎င်းက ပြော
သည်။

"ပြည်မကြီးမှာလည်းကျွန်တော့်ကို မဲပေးချင်တဲ့သူရှိမှာပဲလေ။ ဒါဟာလည်း တစ်စိတ်တစ်ပိုင်း(ပါတီ
တည် ထောင်ရခြင်း) အဖြစ်ပါဝင်ပါတယ်" ဟု ၎င်းက ပြောသည်။ "ကျွန်တော့်တစ်ဦးတည်းအမြင်
အရဆို အချိုးကျကိုယ်စားပြုစနစ်ကို လက်ခံတယ်။ ပါတီစုံစနစ်နဲ့ လက်ရှိ ကိုယ်စားလှယ်တစ်ဦး
တည်းသားအနိုင်ရတဲ့ စနစ်နဲ့က မကိုက်ညီဘူး။ အချိုးကျကိုယ်စားပြုစနစ်သာ ပါတီစုံနဲ့ ကိုက်ညီ
တယ်" ဟု ၎င်းက ပြောသည်။

ပါတီကြီးတည်ထောင်ရန် ဆုံးဖြတ်ချက်ချထားပြီးဖြစ်သော်လည်း ပါတီူဝါဒ၊ စည်းမျဉ်းစည်းကမ်းများ၊
ဘဏ္ဍာရေး စသည် တို့ကို ရေးဆွဲပြီးမှသာ ပြည်ထောင်စု ရွေးကောက်ပွဲကော်မရှင်သို့ ပါတီတည်
ထောင်ခွင့်တင်ပြလျှောက်ထား သွားမည်ဟု ရှမ်းတိုင်းရင်းသားများဒီမိုကရက်တစ်ပါတီ အထွေ
ထွေအတွင်းရေးမှူး ဦးစိုင်းလှကျော်က ပြောသည်။ "လက်ရှိပါတီ ၁၅ ပါတီကလည်း ဆက်ရှိနေမယ်။

ဒါပေမယ့် အသစ်တည်ထောင်မယ့် ဖယ်ဒရယ်ပြည်ထောင်စုပါတီမှာ ပါမယ့်သူတွေက မူလပါတီက
နှုတ်ထွက်ရပါမယ်" ဟု ၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း