ပြည်တွင်းဓာတ်ဆီ ထုတ်လုပ်မှုရပ်တန့်ပါက စက်သုံးဆီဈေးမတက်ရန် မျှော်လင့်ထား

ရန်ကုန်မြို့ရှိ စက်သုံးဆီအရောင်းဆိုင် တစ်ဆိုင်တွင် မော်တော်ကားတစ်စီးအား ဓာတ်ဆီထည့်ပေးနေစဉ်။ ပြည်တွင်းထုတ် ဓာတ်ဆီ ထုတ်လုပ်မှုနှင့် ဖြန့်ဖြူး ရောင်းချခြင်းကို မကြာမီ ရပ်ဆိုင်းတော့မည် ဖြစ်သည်။ ဓာတ်ပုံ - မြန်မာတိုင်း(မ်)ရန်ကုန်မြို့ရှိ စက်သုံးဆီအရောင်းဆိုင် တစ်ဆိုင်တွင် မော်တော်ကားတစ်စီးအား ဓာတ်ဆီထည့်ပေးနေစဉ်။ ပြည်တွင်းထုတ် ဓာတ်ဆီ ထုတ်လုပ်မှုနှင့် ဖြန့်ဖြူး ရောင်းချခြင်းကို မကြာမီ ရပ်ဆိုင်းတော့မည် ဖြစ်သည်။ ဓာတ်ပုံ - မြန်မာတိုင်း(မ်)

စွမ်းအင်ဝန်ကြီးဌာန၊ မြန်မာ့ရေနံထွက်ပစ္စည်း ရောင်းဝယ်ရေးလုပ်ငန်း (MPPE) မှ ပြည်တွင်းထုတ်
ဓာတ်ဆီထုတ်လုပ်မှုနှင့် ဖြန့်ဖြူးရောင်းချခြင်းကို ရပ်ဆိုင်းသွားရန်ရှိပြီး အဆင့်မြင့်ဓာတ်ဆီဖြစ်သည့်
အောက်တိန်းဆီအား ပြည်ပမှ အပြည့်အ၀တင်သွင်းရမည်ဟု ကြေညာခဲ့သော်လည်း ပြည်တွင်း
စက်သုံးဆီ ဈေးကွက် သိသာစွာပြောင်းလဲမသွားနိုင်ဟု တာဝန်ရှိသူများက ပြောကြားသည်။

ပြည်တွင်းထုတ် ဓာတ်ဆီကို အဓိက ထုတ်လုပ်ပေးလျက်ရှိသော အမှတ် (၁) ရေနံချက်စက်ရုံ
(သန်လျင်) အား ပြန်လည် မွမ်းမံပြင်ဆင်ရန်ရှိသည့် အတွက် ဓာတ်ဆီထုတ်လုပ်ဖြန့်ဖြူးမှု ရပ်ဆိုင်း
ထားပြီးဖြစ်ရာ ပုဂ္ဂလိကအစီအစဉ်ဖြင့်သာ အောက်တိန်းဆီကို ပြည်ပမှ အပြည့်အ၀ ၀ယ်ယူ
တင်သွင်းရမည်ဖြစ်သည်ဟု ဇူလိုင်လ ၁၈ ရက်နေ့တွင် MPPE က ကြေညာခဲ့သည်။

"စက်ရုံပြင်ဖို့ဆိုတာ တကယ်တော့ ကြာဦးမယ်ထင်ပါတယ်။ ပြည်တွင်း ထုတ်ဓာတ်ဆီရပ်လို့
ပြည်ပက ထပ်တင်သွင်းရမယ်ဆိုလည်း ဈေးတက်မယ်လို့ တော့မထင်ဘူးခင်ဗျ။ ခုလည်း ပြည်ပက
တင်သွင်းနေတာပဲလေ။ နောက်ပြီး ပြည်တွင်း စက်သုံးဈေးကွက်မှာ အပြိုင်အဆိုင်သဘောအရ
ဈေးနှုန်းတက်ဖို့ လွယ်လွယ်ကူကူ မဖြစ်နိုင်ပါဘူး"ဟု မြန်မာနိုင်ငံ စက်သုံးဆီတင်သွင်းဖြန့်ဖြူး
ရောင်းချရေးအသင်းမှ တာဝန်ရှိသူတစ်ဦးက ဇူလိုင်လ ၂၃ ရက်နေ့တွင် မြန်မာတိုင်း(မ်)ကို
ပြောကြားသည်။

ပြည်တွင်းမှ ကုမ္ပဏီပေါင်း ၅၀ ကျော် ပါဝင်သည့် အဆိုပါ စက်သုံးဆီတင် သွင်းဖြန့်ဖြူးရောင်းရေး
အသင်းအနေဖြင့် လိုအပ်ချက်ပေါ်မူတည်၍ တစ်လလျှင် အောက်တိန်းဆီ ဂါလန် ၁၂ သန်းခန့်
တင်သွင်းဖြန့်ဖြူးနေပြီး ဈေးကွက်အတွင်း ထိုက်သင့်သောဈေးနှုန်းဖြင့် ရောင်းချနိုင်ရန် အသင်းဝင်
ကုမ္ပဏီများ တွေ့ဆုံညှိနှိုင်းမှုများလည်း ရှိသည်ဟု အဆိုပါတာဝန်ရှိသူက ပြောသည်။

အစိုးရအနေဖြင့် ၂၀၁၀ ပြည့်နှစ် ဇွန်လမှစ၍ ပုဂ္ဂလိက စက်သုံးဆီတင်သွင်း ဖြန့်ဖြူးရောင်းချခြင်း
လုပ်ငန်းကို ခွင့်ပြုခဲ့ပြီး ပြည်တွင်းဓာတ်ဆီ ထုတ်လုပ်နိုင်မှု တစ်လလျှင် ဂါလန် ၁၀ သန်းမှ ပုဂ္ဂလိက
သို့ တစ်လလျှင် ၈ ဒသမ ၈ သန်း ဖြန့်ဖြူးပေးနိုင်ခဲ့သည်ဟု သိရသည်။

"အခု လူတွေက ၉၂ ခေါ်တဲ့ အောက်တိန်းဆီသုံးရတာ အသားကျနေပြီ။ လူတိုင်းက
ခုအောက်တိန်းပဲ သုံးလာကြတယ်။ ပြည်ပကသွင်းနေတာလည်း ကြာပြီလေ။ MPPE က ကြားထဲ
ကနေ နည်းနည်းထိန်းပေးတဲ့ သဘောပဲရှိတာပဲ။ ပြည်တွင်းထုတ်ဓာတ်ဆီရပ်လိုက်လို့ စက်သုံးဆီ
ဈေးကွက် အပြောင်းအလဲ သိသိသာသာတော့ မဖြစ်နိုင်ပါဘူး" ဟု မန္တလေးမြို့ရှိ ပုဂ္ဂလိကစက်သုံး
ဆီဆိုင်မှ အရောင်းမန်နေဂျာတစ်ဦးက ပြောသည်။

MPPE မှ ပြည်တွင်းထုတ် ဓာတ်ဆီအား ပုဂ္ဂလိက စက်သုံးဆီအရောင်းဆိုင်များသို့ တစ်ဂါလန်လျှင်
ကျပ် ၃၃၅၀ နှုန်းဖြင့် ဖြန့်ဖြူးပေးနေသည်။

ပြည်တွင်းစက်သုံးဆီ ဈေးကွက်တွင် ပြည်တွင်းထုတ် ဓာတ်ဆီတစ်ဂါလန်လျှင် ကျပ် ၄၂၉၀ ခန့်နှင့်
ပြည်ပမှ တင်သွင်းလာသည့် အောက်တိန်းဆီ တစ်ဂါလန်လျှင် ကျပ် ၄၃၁၁ ခန့်ရှိကြောင်း သိရ
သည်။

စွမ်းအင်ဝန်ကြီးဌာန အနေဖြင့် ပုဂ္ဂလိက စက်သုံးဆီ ဖြန့်ဖြူးရောင်းချခွင့် လိုင်စင်များ စိစစ်ထုတ်ပေး
နေဆဲဖြစ်ပြီး ၂၀၁၃၊ ဇွန်လကုန်အထိ သက်ဆိုင်ရာမှ ခွင့်ပြုထားသည့် ပုဂ္ဂလိက စက်သုံးဆီ
အရောင်းဆိုင်ပေါင်း ၉၁၀ နှင့် သိုလှောင်ကန်စခန်း သုံးခုရှိပြီဖြစ်ကြောင်း သိရသည်။

မြန်မာနိုင်ငံအလယ်ပိုင်း၌ ရေနံချက်စက်ရုံသစ် တည်ဆောက်သွားရန် ပြင်ဆင်နေသည့် စွမ်းအင်
ဝန်ကြီးဌာနသည် ရေနံချက်စက်ရုံသစ် စီမံကိန်းအတွက် သဘာဝပတ်ဝန်းကျင်နှင့် လူမှု ဘ၀များ
အပေါ် အကျိုးသက်ရောက်နိုင်မှု (Environmental Impact Assessment - EIA) နှင့် (Social
Impact Assessment - SIA) လေ့လာရေးလုပ်ငန်းများ ဆောင်ရွက်ရန် စိတ်ဝင်စားသည့်
ပုဂ္ဂလိကကုမ္ပဏီများအတွက် ဇူလိုင်လ ၉ ရက်နေ့မှစ၍ တင်ဒါခေါ်ယူနေပြီး စီမံကိန်းလုပ်ငန်းများ
အမြန်ဆုံးဆောင်ရွက်သွားမည် ဖြစ်သည်ဟု သိရသည်။

၂၀၁၄ ခုနှစ်တွင် စတင်သယ်ပို့ရန် ရည်မှန်းထားသည့် တရုတ်-မြန်မာ ရေနံပိုက်လိုင်းမှ ရေနံစိမ်းများ
ကိုရယူ၍ တစ်ရက်လျှင် ရေနံပီပါ ၂၀,၀၀၀ ချက်လုပ်နိုင်မည့် ရေနံချက်စက်ရုံသစ်အား မကွေးတိုင်း
ဒေသကြီး၊ မင်းလှမြို့နယ်၌ တည်ဆောက်သွားမည်ဖြစ်သည်။

မြန်မာ့ရေနံ ဓာတုဗေဒလုပ်ငန်းမှ လက်ရှိလည်ပတ်လျက်ရှိသော ရေနံချက်စက်ရုံများအနက်
အမှတ် (၁) ရေနံ ချက်စက်ရုံ (သန်လျင်) မှာ တစ်ရက်လျှင် ပေပါ ၂၀,၀၀၀ ကျဖြစ်ပြီး အခြား
ရေနံချက် စက်ရုံများမှ တစ်ရက်လျှင် ပေပါ ၆,၀၀၀ ကျ အမှတ် (၂) ရေနံချက် စက်ရုံ (ချောက်)
နှင့် တစ်ရက်လျှင် ရေနံ ပေပါ ၂၅,၀၀၀ ချက်လုပ်နိုင်စွမ်းရှိသည့် ရေနံဓာတုဗေဒစက်ရုံစု
(သံပရာကန်) တို့ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း