နှစ်မကုန်ခင် နိုင်ငံရေး အကျဉ်းသားများ အားလုံးလွှတ်ပေးရန် ကုလထပ်မံ တိုက်တွန်း

သမ္မတ၏ လွတ်ငြိမ်းချမ်းသာခွင့်ဖြင့် မန္တလေးထောင်မှ ယခုလ ၁၅ ရက်နေ့တွင် ပြန်လည်လွတ်မြောက်လာသည့် ဒေါ်နော်အုန်းလှ။ ဓာတ်ပုံ - အေအက်ဖ်ပီသမ္မတ၏ လွတ်ငြိမ်းချမ်းသာခွင့်ဖြင့် မန္တလေးထောင်မှ ယခုလ ၁၅ ရက်နေ့တွင် ပြန်လည်လွတ်မြောက်လာသည့် ဒေါ်နော်အုန်းလှ။ ဓာတ်ပုံ - အေအက်ဖ်ပီ

ယခုနှစ် မကုန်မီ နိုင်ငံရေးအကျဉ်းသားအားလုံး လွှတ်ပေးမည်ဆိုသည့် သမ္မတ ဦးသိန်းစိန်၏ ကတိ
စကားအတိုင်း လက်ကျန် နိုင်ငံရေးအကျဉ်းသားများ ကို နှစ်မကုန်မီ လွှတ်ပေးရန် ကုလသမဂ္ဂ
လုံခြုံရေးကောင်စီ၊ လူ့အခွင့်အရေးကော်မတီက နိုဝင်ဘာလ ၁၉ ရက်နေ့တွင် ထပ်မံသတိပေး
တိုက်တွန်းလိုက်သည်။

နှစ်စဉ်ထုတ်ပြန်လေ့ရှိသည့် အဖွဲ့ဝင် နိုင်ငံပေါင်း ၁၉၃ နိုင်ငံဖြင့်ဖွဲ့စည်းထားသော လူ့အခွင့်အရေး
ကောင်စီ၏ ထုတ်ပြန်ချက်တွင် မြန်မာအစိုးရ၏ ပြုပြင် ပြောင်းလဲရေး လုပ်ငန်းစဉ်များကို ကြိုဆို
လိုက်ပြီး လက်ကျန်နိုင်ငံရေး အကျဉ်းသားများ နှစ်မကုန်မီ လွှတ်ပေးရန်နှင့် နိုင်ငံရေးတက်ကြွ
လှုပ်ရှားသူများကို ထပ်မံဖမ်းဆီးခြင်း မပြုရန် တိုက်တွန်းထားသည်။

"မြန်မာနိုင်ငံအနေနဲ့ ပြုပြင်ပြောင်းလဲရေးလုပ်ငန်းစဉ်တွေကို ဆက်လက်လုပ်ဆောင်သွားဖို့
လိုအပ်သလို ပေးထားတဲ့ကတိအတိုင်း နိုင်ငံရေး အကျဉ်းသားအားလုံး ၂၀၁၃ အကုန်မှာ ခြွင်းချက်
မရှိလွှတ်ပေးဖို့ တုက်တွန်းပါတယ်။ ဒါမှသာ သူတို့ရဲ့ လွတ်လပ်မှုနဲ့ လူ့အခွင့်အရေးကို အပြည့်အ၀
ဖော်ဆောင်နိုင်ပါလိမ့်မယ်"ဟု ယင်းထုတ်ပြန်ချက်တွင် ဖော်ပြထားသည်။

နိုင်ငံရေးအကျဉ်းသားဟောင်းများ အဖွဲ့၏ စာရင်းအရ မတရားအသင်းဆက်နွှယ်မှု ပုဒ်မ ၁၇/၁
အပါအ၀င် ငြိမ်းချမ်းစွာစုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့် ဥပဒေပုဒ်မ ၁၈ ဖြင့် အမှု
ရင်ဆိုင်နေရသူ ၂၀၀ ကျော်ရှိနေကြောင်း သိရသည်။

နိုင်ငံတော် သမ္မတသည် ၎င်း၏ကတိစကားအတိုင်း ယခုနှစ်မကုန်မီ နိုင်ငံရေး အကျဉ်းသားအားလုံး
လွှတ်ပေးရန် သမ္မတရုံးဝန်ကြီး ဦးဆောင်သော နိုင်ငံရေးအကျဉ်းသား လက်ကျန်စိစစ်ရေးကော်မတီ
ကို ဖွဲ့စည်းကာ စိစစ်ဆောင်ရွက်လျက်ရှိရာ နိုဝင်ဘာလ ၁၅ ရက်နေ့တွင် နိုင်ငံရေး အကျဉ်းသား
၆၉ ဦးအား ထပ်မံလွှတ်ပေးခဲ့ပြီး လက်ရှိအချိန်အထိ သမ္မတ၏ လွတ်ငြိမ်းချမ်းသာခွင့်ဖြင့်
လွတ်မြောက်လာသူ အကျဉ်းသား အရေအတွက်မှာ ၂၉,၈၂၀ ဦး ဖြစ်သည်။

သို့သော် ကော်မတီ၏ စာရင်းအရ လက်ရှိ အကျဉ်းထောင်ထဲတွင် နိုင်ငံရေး အကျဉ်းသား ၆၀ ခန့်
ရှိနေသေးကြောင်း သိရသည်။

"စာရင်းက ကော်မတီနဲ့ ပြန်ပြီးညှိဖို့ ကျန်သေးတယ်။ ဒီနှစ်မကုန်ခင် အားလုံး လွတ်နိုင်ဖို့ကတော့
အစိုးရ သဘောထားပေါ်မှာ မူတည်တယ်။ ကော်မတီက စာရင်းပဲ တင်ပေးနိုင်တာ" ဟု ကော်မတီ
အဖွဲ့ဝင် နိုင်ငံရေး အကျဉ်းသားဟောင်းများအဖွဲ့မှ ဦးရဲအောင်က ပြောသည်။

ထို့ပြင် ကော်မတီ၏တာဝန်မှာ အကျဉ်းထောင်တွင် ပြစ်ဒဏ်ကျခံနေရသော အကျဉ်းသားစာရင်းကို
အစိုးရအဖွဲ့ ထံတင်ပြရန် ဖြစ်သော်လည်း ထပ်မံဖမ်းဆီးကာ အမှုဖွင့်အရေးယူခံထားရသော နိုင်ငံရေး
အကျဉ်းသားများလည်း ရှိနေကြောင်း ဦးရဲအောင်က ပြောသည်။

"အခုလို လွှတ်ပေးတာကို ကျွန်တော် တို့ ကြိုဆိုတယ်။ ဒီမိုကရေစီနိုင်ငံတစ်ခုမှာ နိုင်ငံရေး
အကျဉ်းသားဆိုတာ မရှိသင့်ဘူး။ အခုလို လွှတ်ပေးတာအပြင် ထပ်ဖမ်းဆီးထောင်ချတာမျိုး
မလုပ်ဖို့ လိုတယ်"ဟု ဦးရဲအောင်က ပြောသည်။

ကုလသမဂ္ဂ လူ့အခွင့်အရေးကောင်စီ၏ ထုတ်ပြန်ချက်တွင် နိုင်ငံရေး အကျဉ်းသားများ လွှတ်ပေးရန်
အပြင် နောက်ထပ် ဖမ်းဆီးချူပ်နှောင်မှုများ မပြုလုပ်ရန် တောင်းဆိုထားပြီး အခြားသော
လူ့အခွင့်အရေး ချိူးဖောက်မှုများဖြစ်သည့် အကြမ်းဖက် ဖမ်းဆီးခြင်း၊ လူ့အခွင့်အရေး တက်ကြွ
လှုပ်ရှားသူများအား ဖမ်းဆီးထောင်ချခြင်း၊ အတင်းအကျပ် ပြောင်းရွှေ့နေရာချထားခြင်း၊ အဓမ္မ
မြေယာသိမ်းဆည်းခြင်း၊ လိင်ပိုင်းဆိုင်ရာ အကြမ်းဖက်မှုများ၊ ညှဉ်းပန်းနှိပ်စက်မှုများအတွက် စိုးရိမ်
ပူပန်မိကြောင်း ဖော်ပြထားသည်။

ထို့ပြင် ရခိုင်ပြည်နယ်ရှိ နိုင်ငံမဲ့ ဘင်္ဂါလီများအား နိုင်ငံသားအဖြစ် အသိအမှတ်ပြုရန်နှင့် ၎င်းတို့
အပေါ် အကြမ်းဖက်နှိပ်စက်မှုများကို အဆုံးသတ်ရန် မြန်မာအစိုးရထံ တောင်းဆိုထားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း