ငြိမ်းချမ်းရေးအတွက် စုပေါင်း တောင်းဆိုမှုဖြင့် ပြစ်ဒဏ်ချမှတ် ခံရသူနှစ်ဦး အယူခံဆက်ဝင်မည်

ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့် ပုဒ်မ ၁၈ ချိုးဖောက်မှုဖြင့် တရားစွဲဆို
ခံထားရသော ကချင်ငြိမ်းချမ်းရေးကွန်ရက်မှ အဖွဲ့ဝင်နှစ်ဦးသည် ၁၄ လတာ အမှုရင်ဆိုင်ပြီးနောက်
တရားရုံးနှစ်ရုံးက ချမှတ်လိုက်သော ငွေဒဏ်အား တရားရုံး၏ ဆုံးဖြတ်ချက်ကို လေးစားသောအား
ဖြင့် ပေးဆောင်ခဲ့သော်လည်း ယင်းစွဲဆိုချက်နှင့် ပတ်သက်၍ ၎င်းတို့တွင် အပြစ်မရှိကြောင်း
သက်သေအထောက်အထားများနှင့်တကွ ပြည်ထောင်စု တရားလွှတ်တော်အထိ ဆက်လက်
တင်ပြသွားမည်ဟု ဆိုသည်။

၂၀၁၂ ခုနှစ်၊ စက်တင်ဘာလ ၂၁ ရက်နေ့တွင် ကျရောက်သော အပြည်ပြည်ဆိုင်ရာ ငြိမ်းချမ်းရေး
နေ့တွင် ကချင်ပြည်နယ် ငြိမ်းချမ်းရေးအတွက် ငြိမ်းချမ်းစွာ ဆန္ဒထုတ်ဖော်ရာတွင် ပါဝင်ခဲ့သူ
ကိုးဦးအား တရား ၁၀ ရုံးက စက်တင် ဘာလ ၂၈ ရက်နေ့တွင် ပုဒ်မ ၁၈ ဖြင့် စတင်စွဲချက်တင်
စစ်ဆေးခဲ့သည်။

စွဲချက်တင်ခံထားရသော ကိုးဦးအနက် ကချင်ငြိမ်းချမ်းရေးကွန်ရက်မှ ကိုဂျော်ဂွန်းနှင့် မမေစံပယ်ဖြူ
တို့အား စမ်းချောင်းမြို့နယ်နှင့် ဒဂုံမြို့နယ် တရားရုံးက နိုဝင်ဘာလ ၂၆ ရက်နေ့တွင် ဒဏ်ငွေ
ကျပ်တစ်သောင်း (သို့မဟုတ်) ထောင်ဒဏ် တစ်လကျခံစေရန် ပြစ်ဒဏ်ချမှတ်လိုက်သည်။

"တရားရုံးတစ်ခုကို တစ်သောင်းဆိုတော့ နှစ်သောင်းဆောင်ခဲ့တယ်။ ကိုယ့်ကိုယ်ကိုယ် အပြစ်
ရှိတယ်လို့ ခံယူလို့မဟုတ်ဘူး။ မျှတတဲ့ ဆုံးဖြတ်ချက်လို့လည်း မထင်ဘူး။ ဒါပေမဲ့ တရားရုံးရဲ့
ဆုံးဖြတ်ချက်ကို လေးစားတဲ့အနေနဲ့ ဆောင်ခဲ့တာ။ ကျွန်တော်တို့မှာ အပြစ်မရှိဘူးဆိုတာကိုလည်း
ခရိုင်၊ တိုင်းတရားရုံး၊ ပြည်ထောင်စု တရားလွှတ်တော်အထိတက်ဖို့ စီစဉ်ထားပါတယ်" ဟု
ကိုဂျော်ဂွန်းက ပြောသည်။

ကိုဂျော်ဂွန်းနှင့်အတူ ပြစ်ဒဏ်ချမှတ်ခံရသော မမေစံပယ်ဖြူကလည်း တရားရုံး၏ ဆုံးဖြတ်ချက်
သည် မျှတသည့်ဆုံးဖြတ်ချက် တစ်ခုမဟုတ်ကြောင်း ထပ်လောင်းပြောဆိုပြီး ယင်းကဲ့သို့ ပြောဆိုမှု
အတွက် သူမတွင် အကြောင်းပြချက်များစွာ ရှိကြောင်းပြောသည်။

"ကျွန်မတို့ကပဲ မျှော်လင့်ချက်ကြီးတာလားတော့ မသိဘူး။ ဒါပေမဲ့ ဒီ ၁၄ လအတွင်းမှာ ရုံးချိန်းတွေ
အများကြီးသွားခဲ့တယ်။ ကျွန်မတို့မှာ အပြစ်မရှိဘူးဆိုတာလည်း သက်သေအထောက်အထားတွေ
တင်ပြနိုင်ခဲ့တယ်။ သို့သော် နောက်ဆုံး ထွက်လာတဲ့ ရလဒ်ကတော့ တော်တော် ၀မ်းနည်းဖို့
ကောင်းတယ်" ဟု ၎င်းကပြောသည်။

ကိုဂျော်ဂွန်းနှင့် မမေစံပယ်ဖြူတို့သည် ၁၄ လတာအတွင်း ရုံးချိန်းပေါင်း ၁၃၀ ကျော် ရင်ဆိုင်ခဲ့ရပြီး
ဖြစ်သည်။

လက်ရှိတွင် တရားရုံး နှစ်ရုံးက ပြစ်ဒဏ်ချမှတ်ခဲ့သော်လည်း ပုဇွန်တောင်၊ တာမွေ၊ ဗိုလ်တထောင်
နှင့် မင်္ဂလာတောင်ညွန့် တရားရုံးများတွင် ဆက်လက်အမှုရင်ဆိုင်ရမည် ဖြစ်သည်။

"နောက်ရုံးချိန်းကတော့ ဇန်န၀ါရီ ၅ ရက်နေ့ပါ။ ကျွန်တော်တို့မှာ အပြစ်မရှိကြောင်း သက်သေပြဖို့
အမှုကတော့ ဆက်ရင်ဆိုင်ရမှာပဲ။ ကျွန်တော်တို့ ကချင်ပြည်နယ်အတွက် ငြိမ်းချမ်းရေးကို
တောင်းဆိုတာဟာ နိုင်ငံသားတစ်ယောက်ရဲ့ အခွင့်အရေးအတိုင်း တောင်းဆိုခဲ့တာပဲ။ ခွင့်ပြုချက်
လည်း တင်ခဲ့တာပဲ။ ဒီလိုတင်ခဲ့သားနဲ့ ခွင့်ပြုမိန့်မပေးဘဲ စွဲချက်တင်တဲ့အပေါ်မှာ ကျွန်တော်တို့
ဘက်ကလည်း ပြန်လည်ချေပခွင့်ရှိတာပဲ" ဟု ကိုဂျော်ဂွန်းက ပြောသည်။

ငြိမ်းချမ်းရေးအတွက် စုပေါင်းတောင်းဆိုမှုဖြင့် တရားစွဲခြင်းခံထားရသူများအား ကူညီပေးနေသည့်
မြန်မာနိုင်ငံရှေ့နေများကွန်ရက်မှ ရှေ့နေ ဦးမောင်မောင်စိုးကလည်း ဒဏ်ငွေဆောင်ခြင်းသည် အပြစ်
ရှိကြောင်း ၀န်ခံခြင်းမဟုတ်ဘဲ ဥပဒေအရ တရားရုံးအဆုံးအဖြတ်အပေါ် လေးစားလိုက်နာခြင်းဖြစ်
ပြီး ဥပဒေကြောင်းအရ ဆက်လက် အယူခံဝင်ခွင့်ရှိကြောင်းပြောသည်။

"သူတို့ကိုလည်း မနေ့က ပြစ်ဒဏ်ချတော့ ရှင်းပြပါတယ်။ ပထမတော့ သူတို့က အပြစ်ရှိကြောင်း
ဝန်ခံရာရောက်မှာစိုးလို့ မထိုးဘူးပေါ့။ နောက် ဥပဒေကြောင်းအရ ပြန်ချေပခွင့်ကို ရှင်းပြပြီး ဥပဒေ
အရ ဆက်လုပ်ဖို့ သဘောတူခဲ့တယ်။ ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၈ အရ ခရိုင်မှာ
အယူခံဝင်လို့ရတယ်။ ခရိုင်က လက်မခံရင် တိုင်းနဲ့ ပြည်ထောင်စုတရားရုံးကို ပြစ်မှုဆိုင်ရာ
ကျင့်ထုံးဥပဒေ ၄၃၉ အရ ဆက် တင်ပြလို့ရတယ်" ဟု ဦးမောင်မောင်စိုးက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း