အာဆီယံလူငယ်ဖိုရမ် ကျင်းပနိုင်ရေး တာဝန်ရှိသူများနှင့် ညှိနှိုင်းရန် လိုအပ်နေ

အရှေ့တောင်အာရှ နိုင်ငံများအသင်း (အာဆီယံ)ဥက္ကဋ္ဌဖြစ်သည့် မြန်မာနိုင်ငံ၌ အာဆီယံလူထုဖိုရမ်
ကို ကျင်းပ ပြုလုပ်မည်ဖြစ်ရာ အရပ်ဘက်ဆိုင်ရာ အဖွဲ့ ကိုယ်စားပြု လူငယ်အဖွဲ့စည်းများ၏
ဆွေးနွေးအကြံပြုတင်ပြချက်များကို ပူးပေါင်းပါဝင်ဆွေးနွေးနိုင်ရန် အစိုးရနှင့် တွေ့ဆုံညှိနှိုင်းဆွေးနွေး
ဖို့ လိုအပ်နေသေးကြောင်း အာဆီယံလူငယ်ဖိုရမ် ဖြစ်မြောက်ရေးအတွက် စီစဉ်ဆောင် ရွက်နေသူ
မြန်မာနိုင်ငံ အာဆီယံလူငယ်ကွန်ရက်အဖွဲ့မှ ဒေါ်သင်ဇာရွှန်းလဲ့ရည်က မြန်မာတိုင်း(မ်)ကို
ပြောသည်။

"ပြည်ထောင်စုဝန်ကြီး ဦးစိုးသိန်းနဲ့ ဦးအေးမြင့်တို့ကို အလွတ်သဘောနဲ့ တွေ့ဆုံပြောကြားပြီး
ပြည်ထောင်စု ၀န်ကြီးဦးအောင်မင်းနဲ့ ထပ်မံတွေ့ဆုံဖို့ အစီအစဉ်ရှိတယ်။ အာဆီယံလူငယ်ပွဲ
ဖြစ်မြောက်ဖို့အတွက် တိကျသေချာတဲ့ သတ်မှတ်မှုမျိုး ပြုလုပ်ဖို့အတွက် တာဝန်ရှိသူတွေနဲ့
တွေ့ဆုံဆွေးနွေးဖို့ အဓိကအားဖြင့် လိုအပ်နေသေးတယ်။ အဲဒီအတွက်လည်း ညှိနှိုင်းဆောင်ရွက်
နေသလို ကောင်းသော အပြုသဘောသက်ရောက်မှုတွေလည်း တွေ့ရှိနေပါတယ်။ ဒါပေမဲ့
လက်တွေ့ တိတိကျကျ မသတ်မှတ်နိုင်သေးပါဘူး။ အာဆီယံလူငယ်ပွဲကျင်းပဖို့အတွက် မြန်မာနိုင်ငံ
အ၀န်း လူငယ်တွေအားလုံး တွေ့ဆုံပွဲတွေလုပ်ပြီး လူငယ်တွေရဲ့ ပညာရေး၊ အလုပ်အကိုင်ခွင့်လမ်း
တွေရဲ့ လိုအပ်ချက်ပြဿနာတွေကို စုစည်းထားပြီး အဓိအားဖြင့် လူငယ်တွေရဲ့ တွေ့ကြုံခံစားနေရတဲ့
ပြဿနာတွေကို လူထုဖိုရမ် ကနေတစ်ဆင့် အာဆီယံလူငယ်အသံတွေကို အာဆီယံထိပ်သီး
အစည်းဝေးမှာ အရောက်ပို့ဆောင် တင်ပြဆွေးနွေး နိုင်ဖို့ ဖြစ်ပါတယ်။ လက်တွေ့အားဖြင့်ကတော့
အာဆီယံရေးရာ ဆုံးဖြတ်စီမံဆောင်ရွက်မှုနဲ့ပဲ သက်ဆိုင်ပါတယ်"ဟု ၎င်းက ပြောသည်။

ကျင်းပပြီးစီးခဲ့သည့် ၂၀၁၄ မြန်မာ လူထုဖိုရမ်မှ ထွက်ရှိလာသော လုပ်ဆောင်ရန် လိုအပ်သည့်
ထုတ်ပြန်ချက်များကို နိုင်ငံတော်သမ္မတနှင့် လွှတ်တော်သို့ တင်ပြဆောင်ရွက်ထား ရှိပြီး ဒုတိယ
သမ္မတက အဆိုပါထုတ် ပြန်ချက်များအတွက် မကြာမီ ပြန်လည် တုံ့ပြန် ထုတ်ပြန်ဆောင်ရွက်
ပေးမည် ဖြစ်ကြောင်း ပြောကြားထားသည်ဟု ဆိုသည်။

အာဆီယံလူငယ်ဖိုရမ်တွင် ပါဝင်ဆောင်ရွက်ရန်အတွက် စီမံခန့်ခွဲမှုကော်မတီကို ဖွဲ့စည်းထားရှိပြီး
ဖြစ်ကာ မြန်မာနိုင်ငံမှ ခြောက်ဦးနှင့် ကျန် အာဆီယံ ကိုးနိုင်ငံမှ ကိုးဦးခန့်၊ လေ့လာ နိုင်ငံဖြစ်သော
တီမောမှတစ်ဦးနှင့် အာဆီယံကွန်ရက်အဖွဲ့မှ သုံးဦး စုစုပေါင်း ၁၉ ဦးဖြင့် ဖွဲ့စည်းထားပြီးဖြစ်သည်။

၂၀၁၄ ခုနှစ်အတွက် အာဆီယံ လူငယ်ဖိုရမ်၏ ဆောင်ပုဒ်ကို "Strengthening Power of
Youth Engagement in Building a Peaceful and Protective ASEAN Communities"ဟု
အဓိပ္ပာယ် ဖွင့်ဆိုထားသည်။

အာဆီယံလူငယ်ဖိုရမ်ကို မြန်မာလူငယ်ကိုယ်စားလှယ် ၇၅ ဦး တက်ရောက်ရန် သတ်မှတ်ထားပြီး
အာဆီယံ နိုင်ငံ အသီးသီးမှ ၃၀၀ ကျော် တက်ရောက်မည်ဟု ခန့်မှန်းထားသည်။

မေလ ဒုတိယပတ်တွင် ကျင်းပရန် စီစဉ်ထားလျက်ရှိသည့် ပထမအကြိမ် အာဆီယံထိပ်သီး
အစည်းဝေးမတိုင်ခင် အာဆီယံလူငယ်ဖိုရမ်ကို အာဆီယံလူထုဖိုရမ်နှင့် ပူးတွဲကျင်းပနိုင် စီစဉ်ထား
ရှိပြီး ယင်းလူငယ်ဖိုရမ်မှ ထွက်ရှိလာသော ပူးတွဲကြေညာချက် (Statement) များကို အာဆီယံ
ထိပ်သီးအစည်းဝေးသို့ တင်သွင်းဆွေးနွေးသွားမည်ဖြစ်သည်။

အာဆီယံလူငယ် ဖိုရမ်အတွက် မြန်မာလူငယ်များဖိုရမ်ကို ကျင်းပနိုင်ရန် စီစဉ်ဆောင်ရွက်လျက်ရှိပြီး
တိုင်းဒေသကြီးနှင့် ပြည်နယ်အသီးသီးတွင် လူငယ်ဖိုရမ်များ ကျင်းပပြုလုပ်လျက်ရှိရာ ချင်းပြည်နယ်၊
ရန်ကုန်၊ ဧရာဝတီ နှင့် မကွေးတိုင်းဒေသကြီးတို့၌ ကျင်းပ ပြီးစီးခဲ့သည်။

စစ်ကိုင်း၊ မန္တလေး၊ ပဲခူးတိုင်းဒေသကြီးနှင့် ချင်း၊ ရခိုင်၊ ရှမ်းနှင့် ကချင်ပြည်နယ်တို့တွင် သတ်မှတ်ချိန်
အတွင်း ကျင်းပပြုလုပ်နိုင်ရန် စီစဉ်ထားသည်။

တနင်္သာရီတိုင်းဒေသကြီး တွင်မူ ကျင်းပရန် အခက်ခဲရှိသဖြင့် ပြုလုပ်နိုင်မည်မဟုတ်ဘဲ မြန်မာနိုင်ငံ
လုံးဆိုင်ရာလူငယ်ဖိုရမ်ကိုမူ လာမည့်မတ်လပထမပတ်အတွင်း မွန်ပြည်နယ်၌ ကျင်းပပြုလုပ်နိုင်ရန်
စီစဉ်ထားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း