Monday, 24 November 2014

မြန်မာတိုင်း(မ်) အစုရှယ်ယာကို ဦးသိန်းထွန်း ၀ယ်ယူ

အမ်စီအမ်ကုမ္ပဏီ၏ အစုရှယ်ယာများအား ဒေါက်တာ တင်ထွန်းဦးထံမှ ဦးသိန်းထွန်းက ၀ယ်ယူပြီးနောက် တွေ့ရစဉ်။ ဘူးသီး/မြန်မာတိုင်း(မ်)အမ်စီအမ်ကုမ္ပဏီ၏ အစုရှယ်ယာများအား ဒေါက်တာ တင်ထွန်းဦးထံမှ ဦးသိန်းထွန်းက ၀ယ်ယူပြီးနောက် တွေ့ရစဉ်။ ဘူးသီး/မြန်မာတိုင်း(မ်)

မြန်မာ့နာမည်ကြီး စီးပွားရေးလုပ်ငန်းရှင်တစ်ဦး ဖြစ်သည့် ဦးသိန်းထွန်းသည် မြန်မာတိုင်း(မ်)
စာစောင်ကို ထုတ်ဝေနေသော မြန်မာ့မီဒီယာလောက ခေတ်ဦးကာလကတည်းက တည်ထောင်ခဲ့
သည့် ကုမ္ပဏီကြီး၏ အစုရှယ်ယာများကို ၀ယ်ယူလိုက်သည်။

"မြန်မာတိုင်း(မ်)ဟာ မြန်မာနိုင်ငံက ခြေခြေမြစ်မြစ်အရှိဆုံး စာစောင်တွေထဲမှာ တစ်ခုအပါအ၀င်ပါ။
ဦးသိန်းထွန်းလို ဂုဏ်သရေရှိ လူမျိုးကို ကျွန်တော်တို့ရဲ့ စီးပွားဖက်အဖြစ် ကြိုဆိုပါတယ်" ဟု
အယ်ဒီတာချုပ်နှင့် မန်နေးဂျင်း ဒါရိုက်တာဖြစ်သူ ရော့စ်ဒန်ကလီက ပြောကြားခဲ့သည်။

"ကုမ္ပဏီအတွက် အရေးကြီးနေတဲ့ အချိန်အခါမျိုးမှာ မြန်မာတိုင်း(မ်)မှာ ရင်းနှီးမြှုပ်နှံ ဖြစ်တဲ့အတွက်
ကျွန်တော် စိတ်လှုပ်ရှားပြီး ၀မ်းလည်းသာပါတယ်။ ရှေ့ဆက်ပြီး ကုမ္ပဏီအတွက် အကောင်းဆုံး
နှစ်တွေ ဆက်လက်တည်ရှိနေတဲ့ ဒီလိုဈေးကွက်ဦးဆောင်ကုမ္ပဏီ တစ်ခုနဲ့ လက်တွဲခွင့်ရတာ
ကျွန်တော် အရမ်းကို ကံကောင်းပါတယ်"ဟု ဦးသိန်းထွန်းက ပြောကြားခဲ့သည်။

၎င်းက မြန်မာတိုင်း(မ်)သည် စာဖတ်ပရိသတ် အား နှစ်ရှည်လများ ဆွဲဆောင်ထားသော
အောင်မြင်မှုရနေသည့် လေးစားစရာကောင်း သည့် ဂျာနယ်ဖြစ်ပြီး မြန်မာတိုင်း(မ်) အင်္ဂလိပ်
စာစောင်မှာလည်း မြန်မာနိုင်ငံ၏ လူသိအများဆုံး အင်္ဂလိပ်စာစောင်အဖြစ် ကမ္ဘာတစ်ဝန်း
ကျော်ကြားသည့်အပြင် မြန်မာဘာသာဖြင့် ထုတ်ဝေသည့် မြန်မာတိုင်း(မ်) မြန်မာစာစောင်
မှာလည်း ထင်ရှားသည့်စာစောင်တစ်စောင် ဖြစ်သည်ဟု ထုတ်ဖော်ပြောဆိုခဲ့သည်။

"အကောင်းဆုံး သတင်းရေးသား ထုတ်ပြန်မှုအတွက် နိုင်ငံတကာထုတ်ဝေသူဆုကို ရရှိထားတဲ့
ပထမဦးဆုံး မြန်မာသတင်းစာဖြစ်တဲ့ အတွက်လည်း မြန်မာနိုင်ငံက မူဝါဒချမှတ်သူတွေနဲ့ ဒီဒေသ
အတွင်းက သူတွေအားလုံးအတွက် မဖတ်မဖြစ်ဖတ်ရမယ့် ဂျာနယ်တစ်စောင်အဖြစ် နေရာရထား
ပါတယ်။ ဒါကြောင့် ဒီကုမ္ပဏီရဲ့ ဥက္ကဋ္ဌနဲ့ ရှယ်ယာအများစုပိုင်ဖြစ်လာတဲ့အတွက် ကျွန်တော်
ဝမ်းမြောက်ဝမ်းသာဖြစ်မိပါတယ်" ဟု ဦးသိန်းထွန်းက ပြောကြားသည်။

ထွန်းဖောင်ဒေးရှင်းဘဏ် တည်ထောင်သူနှင့် ဥက္ကဋ္ဌလည်းဖြစ်ပြီး ကားလ်စ်ဘတ်ဂ်ဘီယာဖက်စပ်
ကုမ္ပဏီဥက္ကဋ္ဌလည်းဖြစ်သူ ဦးသိန်းထွန်း သည် မြန်မာနိုင်ငံအပေါ် စီးပွားရေးပိတ်ဆို့မှုများ မရှိခင်
ကာလများကလည်း မြန်မာနိုင်ငံ ပြင်ပတွင်လည်း ပက်စီကိုယ်စားလှယ်အဖြစ် လူသိများသည့်
လုပ်ငန်းရှင်တစ်ဦးဖြစ်သည်။

ယခုအစိုးရ လက်ထက်တွင် ဦးသိန်းထွန်း သည် လုပ်ငန်းပေါင်းစုံလုပ်ကိုင်ခွင့်ရထားပြီး ၎င်း၏
လုပ်ငန်းများတွင် ဘဏ်လုပ်ငန်း၊ လေကြောင်းကုမ္ပဏီနှင့် ဟိုတယ်လုပ်ငန်းမှအစ ကုန်ထုတ်လုပ်မှု၊
ဘီယာချက်လုပ်ငန်းနှင့် အိမ်ခြံမြေဆောက်လုပ်ရေးလုပ်ငန်းအထိ လုပ်ငန်းမျိုးစုံပါဝင်သည်။

ယခုအခါ ဦးသိန်းထွန်းသည် ၂၀၀၀ ပြည့်နှစ် အစပိုင်းတွင် ဦးဆန်နီဆွေနှင့် ဩစတြေးလျမှ
ရော့စ်ဒန်ကလီတို့ ပူးတွဲတည်ထောင်ခဲ့သည့် မြန်မာကွန်ဆိုလီဒိတ်တက်မီဒီယာ(အမ်စီအမ်)၏
ရှယ်ယာအများစုကို ပိုင်ဆိုင်ထားသည်။

ဦးသိန်းထွန်းသည် မြန်မာတိုင်း(မ်)ဂျာနယ်မှ ရှယ်ယာများကို ၀ယ်ယူရာတွင် ပြည်မြန်မာ
သတင်းစာ၊ ဖက်ရှင်မဂ္ဂဇင်းနှင့် ကျန်းမာရေးဆိုင်ရာဂျာနယ်တို့ကို ထုတ်ဝေနေသည့် ဒေါက်တာ
တင်ထွန်းဦးနှင့် ဇနီးဒေါက်တာ ခင်မိုးမိုးတို့ ပိုင်ဆိုင်ထားသည့် ရှယ်ယာများကို ၀ယ်ယူခဲ့ခြင်း
ဖြစ်သည်။

ဦးသိန်းထွန်းသည် ၎င်း၏ ထွန်းဖောင်ဒေးရှင်းဘဏ်မှတစ်ဆင့် မြန်မာခေတ်ပေါ်အနု ပညာလောက
ကို ထိထိရောက်ရောက်ပံ့ပိုးပေး နေသူတစ်ဦးဖြစ်ပြီး မီဒီယာနှင့် အခြားကဏ္ဍများတွင်လည်း
ငွေကြေးလှူဒါန်းမှုများ အမြောက်အမြား ပါဝင်ထားသည့်အပြင် ဆေးရုံတစ်ရုံလည်း ဖွင့်လှစ်ပေးထား
သလို မိဘမဲ့ကလေး ၉၄ ယောက်ကိုလည်း ထောက်ပံ့ပေးထားသည်။

နိုင်ငံတကာအသိုင်းအ၀ိုင်းတွင် မြန်မာနိုင်ငံ၏ တည်ငြိမ်မှုကို မြင်သာစေရန် မြန်မာ အစိုးရက
ကြိုးပမ်းနေသည့်အချိန် ၁၉၉၉ ခုနှစ် နှောင်းပိုင်းတွင် ရော့စ်ဒန်ကလီနှင့် ဦးဆန်နီဆွေတို့ ပူးပေါင်း၍
မြန်မာတိုင်း(မ်)စာစောင်ကို ထုတ်ဝေရန် စတင်စီစဉ်ခဲ့ပြီး ၂၀၀၀ ပြည့်နှစ် မတ်လတွင်
မြန်မာတိုင်း(မ်) အင်္ဂလိပ်စာစောင်ကို စတင်ထုတ်ဝေခဲ့သည်။

နောက်တစ်နှစ် အကြာတွင် မြန်မာတိုင်း(မ်) မြန်မာစာစောင်ကို ထုတ်ဝေခဲ့သည်။

၂၀၀၆ ခုနှစ်တွင် ဦးဆန်နီဆွေ၏ ရှယ်ယာများကို ရယူကာ ဒေါက်တာတင်ထွန်းဦးသည်
မြန်မာတိုင်း(မ်)ဂျာနယ်နှင့် NOW မဂ္ဂဇင်းတို့၏ ထုတ်ဝေသူ ဖြစ်လာခဲ့သည်။

နှစ်ပေါင်း ၅၀ ကျော်အတွင်း နေ့စဉ်ထုတ်သတင်းစာ ထုတ်ဝေခွင့်လိုင်စင်ကို ၂၀၁၃ ခုနှစ်၊ ဧပြီလတွင်
ပထမဦးဆုံးအကြိမ် စတင်ခွင့်ပြုပေးလိုက်သည့် အင်တိုက်အားတိုက် နိုးကြားရှင်သန်လာသည့်
မြန်မာ့မီဒီယာကဏ္ဍတွင် မြန်မာတိုင်း(မ်)ကလည်း ကျယ်ကျယ်ပြန့်ပြန့်နက်နက်ရှိုင်းရှိုင်းပါဝင်ရန်
ကြိုးပမ်းနေသည့် အချိန်ဖြစ်သည့်အတွက် ဦးသိန်းထွန်း၏ များပြားလှသည့် အရင်းအနှီးနှင့်
အရှိန်အ၀ါသည် အဖိုးအနဂ္ဃ ထိုက်တန်လှကြောင်း မစ္စတာဒန်ကလီက ပြောသည်။

"မြန်မာတိုင်း(မ်) နေ့စဉ်သတင်းစာကို အင်္ဂလိပ်လိုရော မြန်မာလိုရော နှစ်မျိုးစလုံးနဲ့ ထုတ်ဝေသွား
မှာပါ။ အင်္ဂလိပ်စာစောင်ကို အလေးပေးပြီး ထုတ်ဝေဖို့ စီစဉ်ထားပါတယ်။ ကျွန်တော်တို့မှာ
ဖြစ်မြောက်အောင်မြင်အောင် ဆောင်ရွက်မယ့် အစီအစဉ်တွေရှိပါတယ်။ မြန်မာနိုင်ငံမှာရော
ပြည်ပမှာပါရှိတဲ့ လူထုနဲ့ ထိုက်တန်တဲ့ ၀န်ဆောင်မှုမျိုးတွေ ကျွန်တော်တို့ မပေးရသေးပါဘူး" ဟု
၎င်းကပြောသည်။

"အခိုင်မာဆုံး နေ့စဉ်သတင်းစာတွေမှာတောင် အားနည်းချက်တွေ ရှိကြပါတယ်။ ဒါကြောင့်
မဖော်ထုတ်ရသေးတဲ့ အခွင့်အလမ်းတွေ ဈေးကွက်ထဲမှာ ကျွန်တော်တို့အတွက် အများကြီးရှိပါ
တယ်။ သတင်းစာတွေမှာ ကြော်ငြာတာမျိုးတွေ စတင်အလုပ်ဖြစ်လာပြီ ဖြစ်တဲ့အတွက်
ကျွန်တော်တို့အတွက် တော်တော်လေးကို ကြီးမားတဲ့ အကျိုးအမြတ်တွေ ဖော်ဆောင်နိုင်မယ်လို့
ကျွန်တော်တို့ မျှော်လင့်ထားပါတယ်။

"ကျွန်တော်တို့တစ်တွေ သမားရိုးကျနည်း အတိုင်းမဟုတ်ဘဲ မသက်ဆိုင်ဘူးလို့ထင်ရတဲ့ ကိစ္စတွေ
ကိုလည်း ထည့်သွင်း စဉ်းစားတဲ့နည်းနဲ့ ဖြေရှင်းသွားမှာပါ။ ဒစ်ဂျစ်တယ် မီဒီယာအဖြစ်လည်း
ရှေ့ဆက်သွားဖို့ အစီအစဉ်ရှိသလို စာအုပ် ပုံနှိပ်လုပ်ငန်းအပြင် စီးပွားဖြစ်နဲ့ ကျောင်းသုံးပုံနှိပ်လုပ်ငန်း
တွေကိုလည်း လုပ်သွားဖို့ ရှိပါတယ်။ ကျွန်တော်တို့ရဲ့ ရည်မှန်းချက်ကတော့ ဈေးနှုန်းသင့်တင့်ပြီး
အရည်အသွေးမြင့်တဲ့ ထုတ်ကုန်တွေကို ရှာဖွေနေတဲ့ လူငယ်တွေရဲ့ လိုအပ်ချက်ကို ဖြည့်ဆည်း
ပေးဖို့ပါပဲ" ဟု အမ်စီအမ်၏ ဥက္ကဋ္ဌအသစ်ဖြစ်သူ အသက် ၇၇ နှစ်အရွယ် ဦးသိန်းထွန်းက
ပြောသည်။

"လေ့ကျင့်သင်ကြားပေးခြင်းနဲ့ လူ့စွမ်းအားအရင်းအမြစ် ဖွံ့ဖြိုးတိုးတက်ရေးဟာ ကျွန်တော်တို့
ကုမ္ပဏီရဲ့ အဓိက လက်ကိုင်ထားတဲ့ မူတစ်ခု ပါပဲ။ တကယ်တော့ ကျွန်တော်တို့ရဲ့ ၀န်ထမ်းတွေဟာ
ကျွန်တော်တို့ရဲ့ အရေးအကြီးဆုံး ပိုင်ဆိုင်မှုတွေပါပဲ" ဟု မစ္စတာဒန်ကလီက ပြောကြားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar.times@gmail.com သို့ပေးပို့နိုင်ပါသည်။


အကြည့်အများဆုံး - ပြည်တွင်းသတင်း