ပအိုဝ်းအမျိုးသားညီလာခံတစ်ရပ် ယခုနှစ် အတွင်း ကျင်းပနိုင်ရန် ကြိုးပမ်းမည်ဟုဆို

ငြိမ်းချမ်းရေးဖြစ်စဉ်တွင် လူထုပါဝင်မှု ကို မြှင့်တင်ရန်အတွက် ပအိုဝ်း တစ်မျိုးသားလုံးပါဝင်သည့်
ပအိုဝ်း အမျိုးသားညီလာခံတစ်ရပ်ကို ယခု နှစ်အတွင်း ရှမ်းပြည်နယ်၊ တောင်ကြီး မြို့တွင် ကျင်းပနိုင်
ရန် ကြိုးပမ်း သွားမည်ဖြစ်သည်ဟု ပအိုဝ်း အမျိုးသားလွတ်မြောက်ရေးအဖွဲ့ချုပ် (PNLO) ဥက္ကဋ္ဌ
ဦးခွန်မြင့်ထွန်းက မြန်မာတိုင်း(မ်)ကို ပြောသည်။

အစိုးရနှင့် ပအိုဝ်းတိုင်းရင်းသား လက်နက်ကိုင်အဖွဲ့တို့အကြား ပြည်ထောင်စုအဆင့် သဘောတူညီ
ချက်များတွင် ပါဝင်သည့် ပအိုဝ်း အမျိုးသား၊ အလုပ်သမား၊ လူငယ် နှင့် အမျိုးသမီးညီလာခံများ
ထည့်သွင်းကျင်းပရေးနှင့် ငြိမ်းချမ်း ရေးဖြစ်စဉ်တွင် လူထုပါဝင်မှုအခန်း ကဏ္ဍကို မြှင့်တင်ရန်
စသည့် အချက် များကို အကောင်အထည်ဖော်သည့် အနေဖြင့် ကျင်းပရန် ရည်ရွယ် ကြောင်း
၎င်းကပြောသည်။

"အရင်ငြိမ်းချမ်းရေးဖြစ်စဉ်မှာ လူထုက ပါဝင်ခွင့်မရဘူး။ အခုမှာ တော့ လူထုက ငြိမ်းချမ်းရေးဖြစ်စဉ်
မှာ ပါဝင်ရမယ်။ လူထုပါဝင်မှု ပေါ်မူတည်ပြီး ဒီမိုကရေစီဖော် ဆောင်ရေးမှာရော၊ ငြိမ်းချမ်းရေး ဖြစ်
စဉ်မှာပါ လူထုပါဝင်နိုင်ရေး အခြေခံအပေါ် မူတည်ပြီးတော့ ပအိုဝ်းအမျိုးသားညီလာခံကျင်းပဖို့ ဖြစ်
ပါတယ်" ဟု ဦးခွန်မြင့်ထွန်းက ပြောသည်။

လွန်ခဲ့သည့်အပတ်အတွင်း ပအိုဝ်း အမျိုးသားနှီးနှောဖလှယ်ပွဲကို မွန် ပြည်နယ်၊ သထုံမြို့တွင် ကျင်း
ပခဲ့ပြီး ပအိုဝ်းအမျိုးသားလွတ်မြောက်ရေး အဖွဲ့ချုပ် (PNLO)၊ ပအိုဝ်းစာပေနှင့် ယဉ်ကျေးမှုကော်မတီ
များ၊ ပအိုဝ်း နိုင်ငံရေး အသိုင်းအ၀ိုင်းနှင့် ပအိုဝ်း အရပ်ဘက် အဖွဲ့အစည်းများက ကိုယ်စားလှယ်များနှင့်
ပအိုဝ်း ပြည်သူလူထု ၄၀၀ ခန့် တက်ရောက် ခဲ့ကာ ပအိုဝ်းညီလာခံဖြစ်မြောက်ရေး ကော်မတီကို
ဖွဲ့စည်းခဲ့ကြောင်း ၎င်းက ဆက်ပြောသည်။ "ကျင်းပဖို့ကတော့ တောင်ကြီးမြို့ ကို ရွေးချယ်ထား
တယ်။ အချိန်က တော့ အတိအကျမသတ်မှတ်ရသေး ဘူး။ ညီလာခံ ဖြစ်မြောက်ရေး ကော်မတီ
က ဆက်လက်ကြိုးပမ်းပြီး တော့ သတ်မှတ်သွားမှာဖြစ်ပါတယ်" ဟု ဦးခွန်မြင့်ထွန်းက ပြောသည်။

ယခင်ငြိမ်းချမ်းရေးဖြစ်စဉ်များတွင် ပြည်သူလူထုပါဝင်မှုမရှိခဲ့ဘဲ နှစ်ဖက်ခေါင်းဆောင်များအကြား
သဘောတူညီချက်ဖြင့်သာ ငြိမ်းချမ်း ရေးရယူခဲ့သော အလေ့အထကြောင့် ကြာရှည်မတည်တံ့ရခြင်း
ဖြစ်ကြောင်း ၎င်းကဆိုသည်။

"အစိုးရဘက်ခေါင်းဆောင်တွေနဲ့ လက်နက်ကိုင် အဖွဲ့အစည်းက ခေါင်းဆောင်တွေကြားမှာပဲ
နားလည် မှုတွေယူပြီး လုပ်လိုက်ကြတယ်။ ဘယ် အချက်တွေ သဘောတူတယ်။ ဘယ် အချက်
တွေ သဘောမတူဘူး။ ဘာတွေ လုပ်ကြမယ်ဆိုတာ လူထုကလည်း မသိ ဘူး။ လူထုရဲ့ ပါဝင်မှုက
မရှိခဲ့ဘူး။ ဒါကြောင့် ကျွန်တော်တို့ ၁၉၅၈ ခုနှစ် ရော၊ ၁၉၉၀ ရော လူထုပါဝင်မှုမရှိခဲ့ တဲ့အတွက်
ကြောင့် ငြိမ်းချမ်းရေး ဖြစ်စဉ်တွေက မအောင်မြင်ခဲ့ဘူး" ဟု ဦးခွန်မြင့်ထွန်းက ပြောသည်။

ပအိုဝ်းအမျိုးသားနှီးနှောဖလှယ်ပွဲ မှ ဆွေးနွေးခဲ့ကြသည့် သက်ဆိုင်ရာ ကဏ္ဍအလိုက် အလုပ်
အဖွဲ့များ၊ လုပ်ငန်းကော်မတီများ ဖွဲ့စည်းခဲ့ ကြောင်းလည်း ပအိုဝ်းစာပေနှင့် ယဉ်ကျေးမှုကော်မတီ
ဥက္ကဋ္ဌ ဦးခွန်ရွှေ သင်းက ပြောသည်။ ပအို့ဝ်အမျိုးသားလွတ်မြောက်ရေးအဖွဲ့ချုပ်သည် အစိုးရသစ်နှင့်
အပစ်အခတ် ရပ်စဲထားသည့် ၁၃ ခု မြောက် (၂၀၁၂ခုနှစ်) တိုင်းရင်းသား လက်နက်ကိုင်အဖွဲ့ဖြစ်
ကာ ကလေးစစ်သားအသုံးမပြုရေးဂျနီဗာစာချုပ် ကိုလည်း လက်မှတ်ရေးထိုးထား သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - မန္တလေး

အကြည့်အများဆုံး - မန္တလေးနှင့် အထက်မြန်မာပြည်သတင်း