ရေဝေရေလဲဒေသများအား မြေလွတ် မြေရိုင်းဖော်ထုတ်နေခြင်းကို ရပ်ဆိုင်းပေးရန် ဒေသခံများဆန္ဒဖော်ထုတ်

 မြနန္ဒကန် ရေဝေရေလဲ ဧရိယာအတွင်း မြေလွတ်၊ မြေရိုင်းဖော်ထုတ်ခြင်းကို ကန့်ကွက်ဆန္ဒပြနေကြ သည်ကို ယခုလ ၁၀ ရက်နေ့က တွေ့ရစဉ်။ ဓာတ်ပုံ - ရဲထွဋ် (မြင်းခြံ) မြနန္ဒကန် ရေဝေရေလဲ ဧရိယာအတွင်း မြေလွတ်၊ မြေရိုင်းဖော်ထုတ်ခြင်းကို ကန့်ကွက်ဆန္ဒပြနေကြ သည်ကို ယခုလ ၁၀ ရက်နေ့က တွေ့ရစဉ်။ ဓာတ်ပုံ - ရဲထွဋ် (မြင်းခြံ)

မန္တလေးတိုင်းဒေသကြီး မြင်းခြံမြို့နယ် ဆားခါးကျေးရွာအထက် တစ်မိုင်ခန့်အကွာရှိ မြနန္ဒာကန်
(ဆားခါးဆည်) အတွင်းသို့ စီးဝင်နေသည့်ရေဝေရေလဲဒေသမျာ
းအား တိုင်းဒေသကြီးအစိုးရ
အဖွဲ့၏မြေလွတ်၊ မြေရိုင်းဖော်ထုတ်ရေး စီမံကိန်းဟုဆိုကာ ဆောင်ရွက်နေခြင်းကို အမြန်ဆုံး
ရပ်ဆိုင်းပေးရန် ယခုလ ၁၀ ရက်နေ့က မြင်းခြံမြို့ပေါ်တွင် ဒေသခံများ စုပေါင်းကန့်ကွက်
ဆန္ဒဖော်ထုတ်တောင်းဆိုခဲ့ကြသ
ည်။


မြနန္ဒာဆည်(ဆားခါးဆည်) ရေဝေရေလဲဧရိယာတွင် မြေလွတ်၊ မြေရိုင်းဖော်ထုတ်နေခြင်းအာ
ရပ်ဆိုင်းပေးရေး၊ ဆားခါးကျေးရွာ မြနန္ဒာဆည် မပျက်စီးရေး၊ဆားခါးကျေးရွာ သောက်သုံးရေကန်
မပျက်စီးရေး စသည့် တောင်ဆိုချက်သုံးချက်ဖြင့် ဒေသခံအင်အား ၅၀၀ ၀န်ကျင်ခန့်ကလှည့်လည်
ဆန္ဒဖော
်ထုတ်တောင်းဆိုခဲ့ကြကြောင်း မြင်းခြံမြို့နယ် ဆားခါးကျေးရွာဒေသခံ ဦးမျိုးဟန်က
ဆိုသည်။

"ကျွန်တော်တို့တရားဝင်ခွင့်ပြုချက်နဲ့ဆန္ဒဖော်ထုတ်တောင်းဆိုခဲ့ကြတာပါ။ မြနန္ဒာဆည်ဆိုတာ
ဆည်အနီးဝန်ကျင်က ဒေသခံတွေအတွက် စိုက်ပျိုးရေးနဲ့ သောက်သုံးရေအတွက် အားထားနေရတဲ့
ဆည်တစ်ခုပါ။ အခုလိုသာဆည်ဧရိယာရဲ့ ရေဝေရေလဲဒေသတွေကို မြေလွတ်၊ မြေရိုင်းတွေ
ဖော်ထုတ်လိုက်မယ်ဆိုရင် ဒီဆည
်ကပျောက်ကွယ်သွားပြီး ဒေသခံတွေအတွက် ရေရှားပါးမှု
ပြဿနာဖြစ်လာ နိုင်ပါတယ်။ ကျွန်တော်တို့ စီမံကိန်း မရပ်မခြင်း ကန့်ကွက်တောင်းဆိုသွားပါမယ်
" ဟု
ဦးမျိုးဟန်က မြန်မာတိုင်း(မ်) ကိုပြောသည်။

ဆားခါးကျေးရွာအတွင်းရှိ တစ်ခုတည်းသော ပေ ၁၁၀၀ အနက်ရှိ ရေတွင်းမှာ ကျေးရွာရှိ
အိမ်ထောင်စု ၄၈၀ အသုံးပြုရန် မလုံလောက်သည့်အတွက် ၎င်းင်းဆည်အတွင်းရှိ ရေများကိုသာ
ဘုန်းကြီးကျောင်းရှိ ရေကန်ကြီးနှစ်ကန်အတွင်းသိုေ
လှာင်ထားပြီး သောက်သုံးရေအဖြစ်သုံးစွဲနေရ
ကြောင်း၊ ကျေးရွာအတွင်းရှိ ရေဘုံဘိုင်တွင်းမှ ရေများကိုကျွဲ၊ နွားတိရိစ္ဆာန်များပင် သောက်သုံး
ရန်မသင့်တော်သည့် ရေငန်များသာ ထွက်ရှိနေခြင်းကြောင့် ယခုကဲ့သို့ ဆည်အတွင်း
စီးဆင်းနေသည့် ရေဝေရေလဲ ဧရိယာများတွင် မြေလွတ် ၊မြေရိုင်ဖော်ခြင်းမှာ ဆားခါးကျေးရွာ
တောင်သူများအတ
ွက် အလွန်ပင်ဆိုးရွာလှသည့် အန္တရာယ်ကြီးကျနေတော့မည် အနေအထားပင်
ရောက်ရှိနေကြောင်း ဒေသခံများကဆိုသည်။

ရေရှားပါးသည့်အတွက် ရေအသုံးပြုမှုများပြားသည့် စပါးစိုက်ပျိုးခြင်းကို ဒေသခံတောင်သူများမှ
စိုက်ပျိုးခြင်းမပြုဘဲ ကုလားပဲ၊ ပြောင်း အစရှိသည့် သီးနှံတို့ကိုသာ ပြောင်းလဲ စိုက်ပျိုးနေရကြောင်း
ဒေသခံ တောင်သူများကဆိုသည်။

ဆားခါးဆည်သည် ဧက ၁၅၀၀ ၀န်ကျင်ခန့်ကျယ်ဝန်ပြီး ဆည်၏ရေ၀ပ်ဧရိယာဖြစ်သော မြေဧက
၁၃၀ ဒဿမ ၆၂ ဧရိယာပေါ်တွင် စီမံကိန်းကိုလုပ်ဆောင်နေခြင
်းဖြစ်ပြီး ၎င်းစီမံကိန်းကို ၂၀၁၅ ခုနှစ်
နိုဝင်ဘာလအတွင်းက စတင်ခဲ့ရာ ဒေသခံများ၏ ကန့်ကွက်မူကြောင့်ရပ်နားထား
ခဲ့ရပြီး ယခု
၂၀၁၆ ခုနှစ် ဖေဖေါ်ဝါရီလ၅ရက်နေ့မှ ပြန်လည်လုပ်ကိုင်နေခြင်းဖြစ်ကြောင်း ဒေသခံများက
ရှင်းလင်းပြော ပြသည်။

"အခုသူတို့စီမံကိန်းလုပ်နေတဲ့နေရာက ဆည်ရဲ့ရေဝေရေလဲဆိုရင် လည်းမမှားဘူး။ ရေမရှိတဲ့
အချိန်ဆိုရင် ဒီနေရာတွေက ဒေသခံတွေမွေးမြူထား တဲ့ ကျွဲ၊ နွား၊ တွေအတွက် စားကျက်မြေအဖြစ်
အသုံးဝင်ပါတယ်။ အခုကုမ္ပဏီတစ်ခုက စီမံကိန်းအတွက်ဆိုပြီးစက်ယန
္တရားတွေနဲ့ မြေတူးဖော်ခြင်း
လုပ်ငန်းကို
စတင်နေပါတယ်။ ဧက ၁၀၀ ကျော်လောက်လုပ်ထားပြီးနေပါပြီ၊ ကျွန်တော်တို့

ဒေသခံတွေစုပေါင်းပြီး နေရော ညပါစောင့်ကြည့်တားမြစ်နေရပါတယ်" ဟု ဆားခါးကျေးရွာမှ
ဦးရဲမြင့်ကပြောသည်။

အဆိုပါစီမံကိန်းဆောင်ရွက်ရခြင်းအကြောင်းအရင်းများကို မန္တလေးတိုင်းဒေသကြီး စက်မှု၊
လယ်ယာဦးစီးဌာန ၊ ဦးစီးမှူး ဦးအောင်ကျော်ကျော်က "ဧက ၁၅၀၀ ကျော်ထဲကမှ မြေလွတ်၊
မြေရိုင်ဖော်ထုတ် နေတာ ဧက ၁၃၀ ကျော်ထဲပါ။ ဆည်မြောင်း ပညာရှင်တွေနဲ့ ပူးပေါင်း
တိုင်ပင်ပြီး လုပ်တာဖြစ်တဲ့အတွက် ဆိုးကျိုးမရှိဘူးဆိုလို ဖော်ထုတ်တာပါ။ အခုလိုဖော်
ထုတ်နေတာကလည်း စနစ်တကျနဲ့ ဆည်ရဲ့ ရေ၀င်လမ်းကြောင်းတွေ ပိတ်ဆို့မှုမရှိဖို့ကို
ဦးစာ
းပေးပြီး နှုံးစစ်ကန်တွေထိကိုလုပ်ဖို့ရှိနေပါတယ်။ လယ်ယာမဲ့သူတွေ အခွင့်အရေးအတွက်
လုပ်ပေးနေတာပါ။ တံတားဦး၊ နွားထိုးကြီး၊ တောင်သာမှာလည်း အခုလို ဖော်ထုတ်ပေးခဲ့ လို့
အောင်မြင်နေပါပြီ။

ပြည်သူအကျိုးအတွက် လုပ်ပေးနေပေမဲ့ ဆန္ဒပြနေကြလို့ စီမံကိန်းကို အခုရပ်နားထားပါတယ်"ဟု
မြန်မာတိုင်း(မ်) ကို ယခုလ ၁၀ ရက်နေ့က ပြောသည်။

ယင်းသို့ဆည်ရေဝေရေလွဲဒေသများတွင် မြေလွတ် ၊မြေရိုင်းဖော်ထုတ်နေခြင်းကိုစီမံကိန်း စတင်
ဆောင်ရွက်စဥ
်အချိန်ကတည်းက ဒေသခံများ စုပေါင်းလက်မှတ်ရေးထိုးကာ သက်ဆိုင်ရာဝန်ကြီး
ဌာနများသိ
ု့ ရပ်နားပေးရန်တင်ပြတောင်းဆိုထားသော်လည်းရပ်ဆိုင်းခြင်းမရှိသည့်အတွက်
ဆက်လက်တင်ပြတောင်းဆိုသွားခြ
င်းနှင့်အတူ ဆန္ဒဖော်ထုတ်တောင်းဆိုခြင်းများကိုလည်း ဆက်တိုက်လုပ်ဆောင်သွားမည် ဖြစ်ကြောင်း ဒေသခံများကဆိုသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - မန္တလေး

အကြည့်အများဆုံး - မန္တလေးနှင့် အထက်မြန်မာပြည်သတင်း