ကနောင်မင်းသားကြီးအလွန် ၁၄၉ နှစ်အကြာ(သို့) မဝေးတော့တဲ့ အာဆီယံ လွတ်လပ်သော ကုန်သွယ်ရေး

အင်္ဂလိပ်နဲ့ မြန်မာတို့ဟာ ၁၈၂၄ မှာ တစ်ကြိမ်၊ ၁၈၅၂ မှာ တစ်ကြိမ် စစ်ဖြစ်ပွား ခဲ့ပါတယ်။ စစ်ပွဲ
နှစ်ခုစလုံးမှာ မြန်မာတွေ ရှုံးနိမ့်ပြီး အောက်မြန်မာနိုင်ငံဟာ အင်္ဂလိပ် လက်အောက်ကို ကျရောက်
ခဲ့ပါ တယ်။

မင်းတုန်းမင်းတရားကြီး လက် ထက်မှာတော့ အိမ်ရှေ့ကိုယ်တော် ကနောင်မင်းသားကြီးနဲ့ မှူးကြီး
မတ်ရာ တို့ဟာ မြန်မာတို့ရဲ့ စစ်ရေး၊ စီးပွားရေး တွေမှာ ရှေးသမားရိုးကျအတိုင်း ဆက် လုပ်လို့
မဖြစ်တော့ဘူးလို့ သုံးသပ်မိကြ ပါတယ်။

အိမ်ရှေ့ကိုယ်တော်ကြီးဟာ ဥရောပ ကိုယှဉ်နိုင်ဖို့ဆိုရင် ဥရောပလိုလုပ်မှ ဖြစ် မယ်ဆိုတဲ့ သဘော
တရားကို မြ၀တီ မင်းကြီး ဦးစထံက ခံယူခဲ့တယ်။ ဒါကြောင့် နယ်ချဲ့အင်္ဂလိပ်ကို ခေတ်မီလက်နက်
တွေနဲ့ ခုခံရေး၊ ကုန်ထုတ်လုပ်ငန်းတွေမှာ စက်မှုတပ်ဆင်ရေး၊ မြန်မာပြည် ခေတ်မီရေးစတဲ့ စီမံကိန်း
တွေကို အိမ်ရှေ့ ကိုယ်တော်ကြီးနဲ့ ယောအတွင်းဝန် ဦးဘိုး လှိုင်တို့က ဆောင်ရွက်ခဲ့ကြတယ်။

၁၂၁၆ ခုနှစ်က စပြီး စီမံကိန်းတွေကို အကောင်အထည်ဖော်ဖို့ နိုင်ငံခြားကို မြန်မာပညာတော်သင်
တွေ စေလွှတ်တာ၊ နိုင်ငံခြားပါရဂူတွေကို မန္တလေးကိုခေါ်ယူတာ၊ စက်ကိရိယာတွေ မှာယူတင်သွင်း
တာ၊ တပ်မတော်အင်အား တောင့်တင်းဖို့ ခေတ်မီလက်နက်တွေ ထုတ်လုပ်တာ၊ ခံတပ်တွေပြုပြင်
တာ၊ ဆက်သွယ်မှု ကောင်းအောင် ကြေးနန်း စနစ်ထူထောင်တာ စတာတွေကို အင်တိုက်အား
တိုက်ကြိုးပမ်းခဲ့ကြပါ တယ်။

ဒါ့ပြင် ကနောင်မင်းနဲ့ ဦးဘိုးလှိုင်တို့ ဟာ နိုင်ငံခြားသတင်း စာတွေကိုမှာယူပြီး ဘာသာပြန်သူတွေ
ကတစ်ဆင့် ဥရောပ ရဲ့ စစ်ရေး၊ နိုင်ငံရေးကိုလေ့လာခဲ့ကြ တယ်။ ရတနာပုံသတင်းစာကိုလည်း
ထူထောင်ခဲ့တယ်။ ခေတ်မီရေးမှာ ခေတ်နဲ့ရင်ပေါင်းတန်းလိုက်နိုင်မှ ခေတ် နောက်ကျ မကျန်ရစ်
ရှိနိုင်မှာပါ။

ဒီလိုနဲ့ ကုန်းဘောင်ခေတ်နှောင်း မြန်မာနိုင်ငံ တော်မှာ ဒင်္ဂါးစက်၊ အထည်စက်၊ ဆန်စက်၊ ဆီစက်၊
လက်နက်စက်ရုံ၊ လွှစက်၊ ကျည်ဆန်စက်၊ မဲနယ်စက်စတဲ့ စက်ရုံ ပေါင်း ၅၀ ကျော်ပေါ်ထွက်လာပါ
တယ်။

အောက်မြန်မာနိုင်ငံက ကျွမ်းကျင် တဲ့နိုင်ငံခြားသားတွေကို ခေါ်ယူ ခန့်ထား ခဲ့တယ်။

စက်ရုံကြီးကြပ်ရေးတွေမှာ ကနောင်မင်းသားကြီး၊ ယောအတွင်းဝန်၊ ဗန်းမော်ဝန်၊ မြတောင်ဝန်တို့
ပါဝင်ခဲ့ ကြတယ်။

မိမိနိုင်ငံခေတ်မီရေး ကြိုးပမ်းရာမှာ ကမ္ဘာနဲ့ယှဉ်ပြီး သိပ္ပံအတတ်၊ စက်မှုအတတ်တွေရဲ့ အရေးပါပုံကို
ကနောင်မင်းကြီးက ကောင်းစွာသိခဲ့ပါတယ်။

၁၂၄၀ ပြည့်နှစ်က အင်္ဂလိပ်အရာရှိတစ်ဦးရဲ့ မှတ်တမ်းမှာ "သတင်းပေးသူ နှစ်ဦးထံမှ ကြားရသည်
မှာ မြန်မာတို့သည် ရိုင်ဖယ် သေနတ်များနှင့် တော်ပီဒို ရေအောက်ဗုံးများ လုပ်ကိုင်နိုင်ပြီဖြစ်တယ်"
လို့ ဖော်ပြထားပါတယ်။

သို့သော် လည်း မင်းတုန်းမင်းကြီးကညီတော်ကို လက်နက်စွန့်လွှတ်ရေး ဖျောင်းဖျမေတ္တာ ရပ်ခံပေး
ပါမယ်လို့ သာသနာပိုင်ထံ ၀န်ခံကတိပြုလိုက်တယ်လို့ ယောအတွင်းဝန်က လျှောက်တဲ့အခါမှာ
အိမ်ရှေ့ကိုယ်တော်ကြီးခမျာ "ဟိုက် ကိုယ်ကျိုးနည်းပြီ မင်းကြီး။ တိုင်းပြည် တော့ဆုံးပြီ"လို့
ညည်းညူခဲ့ပါတယ်။

အဲဒီနောက် မင်းတုန်းမင်းကြီးရဲ့ သားတော် နှစ်ပါးဖြစ်တဲ့ မြင်ကွန်းနဲ့ မြင်းခုံတိုင် မင်းသားနှစ်ပါးရဲ့
၁၈၆၆ ခုနှစ် ဇွန်လ ၁၈ ရက်နေ့ သူပုန်ထမှုမှာ အိမ်ရှေ့ ကိုယ်တော်ကြီး နတ်ရွာစံခဲ့တဲ့အတွက်
မြန်မာ့ စက်မှုတော်လှန်ရေးဟာ ခဲလေ သမျှ သဲရေကျခဲ့ရပါတယ်။

ယနေ့ ခေတ်ကာလမှာတော့ အိမ်ရှေ့ ကိုယ်တော်ကြီး မျှော်လင့်ခဲ့သလို မြန်မာ နိုင်ငံတစ်ဝန်းလုံးမှာ
စက်မှုလုပ်ငန်းတွေ စုဝေးထားတဲ့ စက်မှုဇုန်ပေါင်း ၂၀ ကျော် ပေါ်ပေါက် လာခဲ့ပါတယ်။

အဓိကအား ဖြင့် စက်နဲ့စက်ကိရိယာထုတ်လုပ်ရေး၊ လယ်ယာသုံးစက်ကိရိယာနဲ့ အပို ပစ္စည်း
ထုတ်လုပ်ရေးလုပ်ငန်း၊ မော်တော်ယာဉ် ထုတ်လုပ်ရေးလုပ်ငန်း၊ မော်တော်ယာဉ် အပို ပစ္စည်း
ထုတ်လုပ်ရေးလုပ်ငန်း၊ မော်တော်ယာဉ်မွမ်းမံ ပြင်ဆင်ခြင်း လုပ်ငန်း၊ စက်ကိရိယာ မွမ်းမံပြင်ဆင်
ခြင်းလုပ်ငန်း၊ ကားဝပ် ရှော့စတဲ့ စက်မှု လုပ်ငန်းတွေပါရှိ ပါတယ်။

ပြည်တွင်းစက်မှု လုပ်ငန်းရှင်တွေ လုပ်ကိုင်နေတဲ့ စက်မှုလုပ်ငန်းတွေက အငယ်စားစက်မှုလုပ်ငန်း၊
အလတ်စား စက်မှုလုပ်ငန်းနဲ့ အကြီးစားစက်မှု လုပ်ငန်းတွေဖြစ်ပြီး ပြည်တွင်းဈေးကွက် အတွက်ပဲ
ရည်ရွယ်ထုတ်လုပ်တဲ့ ပြင်ပ သွင်းကုန် အစားထိုးလုပ်ငန်းတွေပဲ ဖြစ် ကြပါတယ်။

အကြီးစား စက်မှုလုပ်ငန်းတွေက တော့ နိုင်ငံခြားဖြစ်စက်ကိရိယာ တွေကို အသုံးပြုထားတဲ့
လူသုံးကုန် ပစ္စည်းနဲ့ စားသောက်ကုန်ပစ္စည်းတွေ သာ အဓိကထုတ်လုပ်တဲ့ လုပ်ငန်းတွေ ဖြစ်ပြီး
အငယ်စားနဲ့ အလတ်စားစက်ရုံ တွေကတော့ တစ်နိုင်တစ်ပိုင် ကုန်ထုတ် လုပ်ငန်းတွေနဲ့ မွမ်းမံပြင်
ဆင်ခြင်းလုပ် ငန်းတွေသာ ဖြစ်ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - မန္တလေး

အကြည့်အများဆုံး - မန္တလေးနှင့် အထက်မြန်မာပြည်သတင်း