ကယားပြည်နယ်ရှိ ရှေးဟောင်းကယားလူမျိုးများနှင့် ကယန်း (ပဒေါင်) လူမျိုးများအား ပြည်တွင်းပြည်ပမှ ခရီးသွားများ စိတ်ဝင်စားမှုများလာ

ဓာတ်ပုံ - MOI Webportal Myanmarဓာတ်ပုံ - MOI Webportal Myanmar

ကယားပြည်နယ်၊ ဒီးမော့ဆိုမြို့နယ်၊ ပန်ပက်ကျေးရွာတွင် နေထိုင်သည့် ကယန်း (ပဒေါင်) တိုင်းရင်း သားလူမျိုးများနှင့် ဒေါတမကြီးကျေးရွာရှိ ရှေးဟောင်းကယားလူမျိုးများထံ ပြည်တွင်းပြည်ပမှ ခရီးသွား
ဧည့်သည်များ လာရောက်လေ့လာလည်ပတ်မှုမှာ ယခင်နှစ်ထက် ပိုမိုများပြားလာကြောင်း ပြန်ကြား
ရေးဝန်ကြီးဌာန၏ လူမှုကွန်ရက် စာမျက်နှာတွင် ဧပြီလ ၂၀ ရက်က ဖော်ပြထားသည်။

ပြည်တွင်းပြည်ပမှ ခရီးသွား ဧည့်သည်များသည် ကယန်း (ပဒေါင်)လူမျိုးများ၏ လူမှုဘဝနေထိုင်ပုံ၊
ဝတ်စားဆင်ယင်ထုံးဖွဲ့မှု၊ ရိုးရာအစားအစာနှင့် ဓလေ့ထုံးစံများအား စိတ်ဝင်စားကြပြီး ၄င်းတို့၏ ဓလေ့
ထုံးတမ်းစဉ်လာအရ လည်ပင်းနှင့် ခြေသလုံးများတွင် ကြေးကွင်းစွပ်ခြင်းကို ပို၍ စိတ်ဝင်စားကြပြီး
လက်မှုပညာများဖြစ်သည့် ချည်ထည်ရက်ခြင်းနှင့် ဖန်စီပစ္စည်းများကိုလည်း လေ့လာကာ အမှတ်တရ
အဖြစ် လက်ဆောင်ပစ္စည်းများ ဝယ်ယူကြခြင်း ဖြစ်သည်။

ခရီးသွားများအနေဖြင့် ပန်ပက်ကျေးရွာရှိ ပဒေါင်လူမျိုးများ ၀တ်ဆင်သကဲ့သို့ လည်ပင်းနှင့် ခြေသလုံး
များတွင် ကြေးကွင်းများစွပ်၍ ပဒေါင်ရိုးရာဝတ်စုံများ ဝတ်ဆင်ကာ အမှတ်တရဓာတ်ပုံ ရိုက်ကူးခြင်း၊
ရိုးရာဝတ်စုံများ ဝယ်ယူခြင်း၊ ပဒေါင်လူမျိုးများ၏ ရိုးရာအကများအား ကြည့်ရှုမှတ်တမ်းတင်ခြင်း၊ ထီး
ပွင့်ကန်၊ ကန်ခုနစ်ဆင့်၊ ထီးစဲခါးသဘာဝရေတံခွန်နှင့် သဘာဝလိုဏ်ဂူအပြင် အထင်ကရဘုရားများ
သို့ ဝင်ရောက်လည်ပတ်လေ့လာခြင်းများ ပြုလုပ်ကြသကဲ့သို့ ဒေါတမကြီးကျေးရွာရှိ ရှေးဟောင်း
ကယားရိုးရာ ဝတ်ဆင်သည့် ကယားလူမျိုးများ၏ ဝတ်စားဆင်ယင်ထုံးဖွဲ့မှု၊ လူနေမှု ဓလေ့ထုံးတမ်း
စဉ်လာများကို လာရောက်လေ့လာလျက် ရှိကြောင်း သိရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ပြည်တွင်းသတင်း