နေပြည်တော်တွင် ရာသီသီးနှံထက် သပြေပန်းစိုက်ပျိုးမှု ပိုများလာ

နေပြည်တော် ပျဉ်းမနားမြို့နယ်ရှိ သပြေပန်းစိုက်ခင်းတစ်ခင်းကို ယခုသီတင်းပတ်အတွင်း တွေ့ရစဉ်။ ထူးသန့်/ မြန်မာတိုင်း(မ်)နေပြည်တော် ပျဉ်းမနားမြို့နယ်ရှိ သပြေပန်းစိုက်ခင်းတစ်ခင်းကို ယခုသီတင်းပတ်အတွင်း တွေ့ရစဉ်။ ထူးသန့်/ မြန်မာတိုင်း(မ်)

ရာသီဥတုဖောက်ပြန်မှုနှင့် ဈေးကွက်အခြေအနေအရ ရာသီပေါ်သီးနှံစိုက်ပျိုးခြင်းဖြင့်အကျိုးအမြတ်
ရရှိရန် မသေချာသည့်အတွက်နေပြည်တော်ဒေသခံ တောင်သူများအကြားသပြေပန်းစိုက်ပျိုးမှု
ပိုမိုများပြားလာသည်ဟုဆိုသည်။

ရာသီဥတုဖောက်ပြန်လာမှုကြောင့် အခြားသီးနှံများ စိုက်ပျိုးရာတွင် အကျိုးအမြတ်ရရှိရန်
မသေချာသည့်အပြင် ဈေးကွက်အခြေအနေအရလည်း မသေချာမှုများကြုံတွေ့လာရသည်ဟု
သပြေသုံးဧကခန့်စိုက်ပျိုးထားသူ ပျဉ်းမနားမြို့နယ်နေ တောင်သူ ဦးဝင်းအောင်က ပြောသည်။

''တခြားသီးနှံတွေထက် ဒီသပြေပန်းက သေချာတယ်ဗျ။ သူက မိုးခေါင်းမှာ၊ ရေကြီးမှာ
မပူရဘူး။ နောက်ပြီး ဈေးကွက်ကိုလည်း ပူစရာမလိုဘူး''ဟု ၄င်းက ပြောသည်။

သပြေပန်းသည် မိုးများပြီးရေဝပ်သည့်ဒဏ်ကို ခံနိုင်ရည်ရှိပြီး ရာသီဥတုပူပြင်းမှုကိုလည်း
ခံနိုင်ရည်ရှိသည်ဟုဆိုသည်။ ''မနှစ်က နွေတုန်းက အရမ်းပူပြင်းတော့ ရေသွင်းရတာရှိတာပေါ့။
အခု မိုးရာသီမှာလည်း ရေဝပ်တာရှိတာပဲ။ ဒါပေမဲ့ ပျက်စီးမသွားဘူး။ ရေကြာကြာဝပ်ရင်တော့
အပင်ကြီးထွားမှုနှေးတာပေါ့လေ''ဟု ဦးဝင်းအောင်က ပြောသည်။

ထို့ပြင် သပြေစိုက်ပျိုးသူများ အပြိုင်ရိတ်သိမ်းသောကြောင့် ဈေးကွက်အတွင်းရောင်းလိုအား
များလျင်လည်း ဈေးကောင်းသည့်အချိန်အထိ စောင့်ဆိုင်းနိုင်သည်ဟု ဆိုသည်။ ယခင်က
အစေ့ထုတ်ပြောင်း၊နှမ်းစသည့် ယာသီးနှံများ စိုက်ပျိုးလေ့ရှိသည့် မြေများတွင် ယခုအခါ
သပြေပန်းများ စိုက်ပျိုးလာသည်ကို ပျဉ်းမနားမြို့နယ်တွင် သာမက၊ လယ်ဝေးမြို့နယ်နှင့်
တပ်ကုန်းမြို့နယ်များတွင်ပါ တွေ့ရှိလာရသည်။

''သပြေက သေချာတယ်၊ မဆုံးရှုံးဘူး။ ကိုယ်ထည့်ရင်ထည့်သလောက်၊ အချိန်စောင့်နိုင်ရင်
စောင့်နိုင်သလောက် အကျိုးအမြတ်ရနိုင်တယ်''ဟု လယ်ဝေးမြို့နယ်နေ သပြေစိုက်တောင်သူ
ဦးတင်လှိုင်က ပြောသည်။

သို့သော်လည်း အရင်းအနှီးများပြီး နှစ်နှင့်ချီ စောင့်ဆိုင်းရခြင်းကြောင့် တောင်သူတိုင်း
သပြေပန်းစိုက်ပျိုးနိုင်ခြင်း မရှိကြောင်း ပျဉ်းမနားမြို့နယ်နေ သပြေနှစ်ဧက စိုက်ပျိုးထားသူ
ဦးတင်ဇော်က ပြောသည်။ ''အရင်းတော့ များတယ်ဗျ။ နောက်ပြီး ရာသီသီးနှံမဟုတ်တဲ့
အတွက် လေး၊ ငါးလနဲ့လည်း ငွေပြန်မပေါ်ဘူး။ အနည်းဆုံးနှစ်နှစ်လောက်စောင့်မှ
အဆင်ပြေတယ်။ ဒီထက်ပိုစောင့်နိုင်ရင်တော့လည်း ပိုကောင်းတာပေါ့''ဟု ဦးတင်ဇော်က
ပြောသည်။

သပြေပန်းစိုက်ပျိုးရန် တစ်ဧကလျှင် အနည်းဆုံး ကျပ် ၁ဝ သိန်းခန့် ရင်းနှီးမြှုပ်နှံရသည်ဟု
ဆိုသည်။ သပြေပျိုးပင်ပေါက်များကို တစ်ပင်လျှင် ခုနစ်ကျပ်မှ ၁ဝ အထိ ဈေးနှုန်းရှိပြီး
နှစ်နှစ်ခန့် အကြာတွင် အပင်၏ ကြီးထွားမှုအပေါ်မူတည်ကာ တစ်ပင်လျှင် အနိမ့်ဆုံး
ကျပ် ၂ဝဝ နှုန်းဖြင့် အခင်းပြတ် ပြန်လည်ရောင်းချသည်များလည်း ရှိသည်။

''အပင်တစ်သောင်းစိုက်လို့ အနည်းဆုံးသိန်း ၂ဝ ပြန်ရမယ်လို့တော့ ပြောလို့မရဘူး။
ဒီကြားထဲမှာ သေတာလည်းရှိတယ်။ နောက်ပြီး ပေါင်းနုတ်ခ(လုပ်အားခ)က အရမ်းကုန်တယ်ဗျ။
ဒါပေမဲ့လည်း ပြန်တွက်ရင်တော့ အတိုးပေးတာထက် သေချာတယ်''ဟု ဦးတင်ဇော်က
ပြောသည်။

ကုန်ကျစရိတ်များသောကြောင့် တောင်သူတိုင်း သပြေပန်းစိုက်ပျိုးနိုင်ခြင်း မရှိဟုလည်း
ဦးတင်လှိုင်က ပြောသည်။ ''မြေကွက်အလိုက်ပေါင်းလိုက်တာရှိတယ်။ တချို့မြေကွက်တွေက
ပေါင်းထူလွန်းတော့ ပေါင်းနုတ်ခတင်ပဲ တစ်ဧကကို သုံးသိန်းလောက်ကုန်တယ်''ဟု ၄င်းက
ပြောသည်။

သပြေပန်းစိုက်ပျိုးမှု၏ အခြားသော ကုန်ကျစရိတ်များမှာ မြေသြဇာနှင့် ပိုးသတ်ဆေး
ဖျန်းရခြင်းများ ဖြစ်သည်။ သပြေပန်းစိုက်ပျိုးသူများသည် စိုက်ပျိုးရုံသာဖြစ်ပြီး
ဘုရားအိုးထိုးနိုင်သည့် ပင်စည်(လုံးပတ်)အနေအထားအထိ ရောက်ရှိလာပါက ပွဲစားများက
အခင်းလိုက် ပြန်ဝယ်ယူလေ့ရှိသည်။

''တစ်နေ့ကပဲ တစ်ဦးတည့်သွားတယ်။ တစ်ပင်ကို ကျပ် ၂၅ဝ နှုန်းနဲ့။ သူ့စိုက်ခင်းက
နှစ်နှစ်ရှိပြီ။ အပင်သုံးသောင်းလောက်စိုက်ထားတာ။ အနည်းဆုံးအပင် နှစ်သောင်းလောက်တော့
ပြန်ထွက်မှာပေါ့။ ဒါတောင် ဈေးအရ နည်းသွားတယ်လို့ ပြောနိုင်တယ်''ဟု
ဦးဝင်းအောင်က ပြောသည်။

လက်လီဈေးကွက်တွင်မူ ပင်စီကြီးထွားမှုအလိုက် ဈေးကောင်းရပြီး တစ်ပင်လျှင်
ကျပ် ၁,ဝဝဝ အထိ ရှိသည်ဟု ဆိုသည်။ ''အပင်ကြီးတာရယ်၊ ပန်းလှတာရယ်ကို
မူတည်ပြီး တစ်ပင်ကို တစ်ထောင်အထိရှိတယ်။ အနည်းဆုံးတော့လည်း သုံးပင်
တစ်ထောင်ပဲ''ဟု သပြေပန်းအသုံးပြုသူ ဒေါ်မူမူက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း