စပါးဈေး ဆွဲတင်နိုင်ရန် စပါးဝယ်ယူရေး အစီအစဉ်နှင့် ပတ်သက်ပြီး ဆွေးနွေး

မိုးစပါးစတင်ရိတ်သိမ်းချိန် စိုက်ပျိုးထုတ်လုပ်စရိတ် ကာမိရုံပင်မရှိသော စပါးပေါက်ဈေးကြောင့်
တောင်သူများ အခက်အခဲဖြစ်ပေါ်လျက်ရှိရာ စပါးဈေးနှုန်းကို ပြန်လည်ဆွဲတင်နိုင်ရန်အတွက်
နိုင်ငံတော်က စပါးဝယ်ယူမည့်အစီအစဉ်နှင့် ပတ်သက်ပြီး ဒုတိယသမ္မတ ဦးဟင်နရီဗန်ထီးယူက
နိုင်ငံတော်သမ္မတရုံးတွင် နိုဝင်ဘာ ၉ ရက်က ညှိနှိုင်းအစည်းအဝေးတစ်ရပ် ကျင်းပခဲ့သည်။

တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွား မြှင့်တင်ရေးဥပဒေအရ
လယ်ယာထုတ်ကုန် စီမံခန့်ခွဲရေးအဖွဲ့နှင့် ဆန်စပါးဝယ်ယူရေး ကြီးကြပ်မှုလုပ်ငန်းအဖွဲ့များ
ဖွဲ့စည်းထားခြင်းသည် ယခုကဲ့သို့သော အခြေအနေမျိုးတွင် ကောင်းမွန်ပြေလည်အောင်
စီမံခန့်ခွဲနိုင်ရန်ဖြစ်ကြောင်း၎င်းက အစည်းအဝေးတွင် ပြောကြားခဲ့သည်။၎င်းအဖွဲ့များအနေဖြင့်
စပါးဝယ်ယူရန် လိုအပ်သည့်ဒေသ၊ မြို့နယ်များကို သတ်မှတ်ကာ ဦးဆောင်အဖွဲ့ (စိုက်ပျိုးရေး၊
မွေးမြူရေးနှင့်ဆည်မြောင်းဝန်ကြီး၊ စီးပွားရေးနှင့် ကူးသန်းရောင်းဝယ်ရေးဝန်ကြီးတို့ဖြင့်
ဖွဲ့စည်းထားသောအဖွဲ့) ထံ တင်ပြပြီး ဝယ်ယူရေးဆိုင်ရာများကို ဆောင်ရွက်သွားရမည်
ဖြစ်ကြောင်းလည်း ပြောသည်။

စပါးဝယ်ယူရာတွင် သိုလှောင်ရုံ သို့မဟုတ်ဆန်စက်များအား ဝယ်ယူရေးစခန်းများအဖြစ်သတ်မှတ်
အခြေချပြီး ဆောင်ရွက်ရန်အပြင်သယ်ယူရေး၊ သိုလှောင်ရေး၊ ကြိတ်ခွဲရေးနှင့်ဖြန့်ဖြူးရောင်းချရေး
လုပ်ငန်းများကိုလည်း ဆက်လက် ဆောင်ရွက်သွားရန်လည်း ဆွေးနွေးခဲ့သည်။ အစည်းအဝေးတွင်
သီးနှံဈေးနှုန်းများ တည်ငြိမ်စေရေးနှင့် ရေရှည်ရင်းနှီးမြှုပ်နှံရမည့် လုပ်ငန်းများ အကောင်
အထည်ဖော်ရေးအတွက်လည်း ဆွေးနွေးခဲ့ကြကြောင်း ကိုယ်တိုင်တက်ရောက်ခဲ့သူ စိုက်ပျိုးရေး
ဦးစီးဌာနမှ ညွှန်ကြားရေးမှူးချုပ် ဒေါက်တာရဲတင့်ထွန်းက မြန်မာတိုင်း(မ်)ကို ပြောသည်။

''တောင်သူလယ်သမားများအတွက် သီးနှံဈေးနှုန်း တည်ငြိမ်ရေး၊ ရေရှည်ရင်းနှီးမြှုပ်နှံသွားဖို့
သင့်တော်တဲ့လုပ်ငန်းတွေပေါ့။ အခြောက်ခံစက်တို့၊ ကုန်လှောင်ရုံတို့လိုပေါ့။ အဲဒါတွေ
တည်ထောင်မယ့် လုပ်ငန်းတွေကိုရေရှည်အစီအစဉ်အတွက် ဆွေးနွေးခဲ့ကြပါတယ်''ဟု ၄င်းက
ပြောသည်။ ရိပ်သိမ်းပေါ်ထွက်ခါစ စပါးကို အခြောက်ခံစက်များဖြင့်အခြောက်ခံနိုင်ရေးသည်
ဆန်စပါးကဏ္ဍကြီးတစ်ခုလုံးအတွက် အရေးကြီးသည့် ကွင်းဆက်ကြီးဖြစ်သည်ကို ထည့်သွင်း
စဉ်းစားသင့်ကြောင်းလည်း ဦးဟင်နရီဗန်ထီးယူက ပြောသည်။

ဆွေးနွေးပွဲတွင် အရန်ဆန်ဝယ်ယူရေးအတွက်ကိုမူ ဆွေးနွေးခဲ့ခြင်း မရှိကြောင်း
ဒေါက်တာရဲတင့်ထွန်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း