တရားစီရင်ရေးမဏ္ဍိုင် ပြန်လည်တည့်မတ်ရေး အဆိုကို လွှတ်တော်အတည်ပြု

မတ် ၇ ရက်က ပြည်သူ့လွှတ်တော်အစည်းအဝေးကို တွေ့ရစဉ်။ ဓာတ်ပုံ - အီးပီအေမတ် ၇ ရက်က ပြည်သူ့လွှတ်တော်အစည်းအဝေးကို တွေ့ရစဉ်။ ဓာတ်ပုံ - အီးပီအေ

အခြေခံဥပဒေကပေးထားသော ဥပဒေပြုရေးမဏ္ဍိုင်၊ အုပ်ချုပ်ရေးမဏ္ဍိုင်နှင့် တရားစီရင်ရေး
မဏ္ဍိုင်ကြီးများအကြား အပြန်အလှန်ထိန်းကျောင်းမှုအဖြစ် ပြည်သူ့လွှတ်တော်တွင် တင်သွင်း
ထားသည့် တရားစီရင်ရေး မဏ္ဍိုင်ပြန်လည်တည့်မတ်ရေး ပြည်ထောင်စုတရားလွှတ်တော်ချုပ်သို့
တိုက်တွန်းသည့်အဆိုကို လွှတ်တော်ကိုယ်စားလှယ် ၂၅ ဦးကဆွေးနွေးခြင်း၊ တရားလွှတ်တော်ချုပ်က
ပြန်လည်ရှင်းလင်းခြင်းများ ဆောင်ရွက်ပြီးနောက် ပြည်သူ့လွှတ်တော်က မတ် ၇ ရက်တွင်
ထောက်ခံမဲအပြတ်အသတ်ဖြင့် အတည်ပြုခဲ့သည်။

အစည်းအဝေးတွင် ပဲခူးတိုင်းဒေသကြီး၊ ဝေါမြို့နယ် ပြည်သူ့လွှတ်တော်ကိုယ်စားလှယ် ဦးတင်ထွေး
တင်သွင်းထားသည့် 'တရားစီရင်ရေးကဏ္ဍ တိမ်းစောင်းနေမှုကို ပြန်လည်တည့်မတ်နိုင်ရေးအတွက်
ပြည်ထောင်စုတရားလွှတ်တော်ချုပ်သို့ တိုက်တွန်းကြောင်း'အဆိုနှင့်ပတ်သက်ပြီး လွှတ်တော်
ကိုယ်စားလှယ်များက ဆွေးနွေးခြင်း၊ ပြည်ထောင်စုတရားလွှတ်တော်ချုပ် တရားသူကြီးဦးစိုးညွန့်က
ပြန်လည်ရှင်းလင်းခြင်းများ ပြုလုပ်ခဲ့သည်။ အဆိုကို မဲခွဲဆုံးဖြတ်ရာ ထောက်ခံမဲ၂၈၆ မဲ၊
ကန့်ကွက်မဲနှစ်မဲ၊ ကြားနေမဲ ၆၁ မဲဖြင့် အတည်ပြုခဲ့ခြင်းဖြစ်သည်။

ပြည်သူများ၏တင်ပြချက်များနှင့် ၄င်းတို့၏ အတွေ့အကြုံများအရ တရားစီရင်ရေးကဏ္ဍတွင်
ယိမ်းယိုင်နေမှုများရှိနေကြောင်း အဆိုနှင့်ပတ်သက်ပြီး လွှတ်တော်ကိုယ်စားလှယ်များက
ဆွေးနွေးခဲ့ကြသည်။ နေပြည်တော်၊ လယ်ဝေးမြို့နယ် ပြည်သူ့လွှတ်တော်ကိုယ်စားလှယ်
ဦးမျိုးဇော်ဦးက ''တရားစီရင်ရေးမဏ္ဍိုင် ပြန်လည်တည့်မတ်ဖို့ဆိုရင်ဆဒ္ဒန်ဆင်မင်း ဇာတ်တော်ထဲကလို
အစွယ်လိုသူမိဖုရား၊ စေခိုင်းသူမင်းဧကရာဇ်၊ လေးပစ်သူ သောနုတ်တရမုဆိုးလို ကြံဖော်ကြံဖက်များ
ဖြစ်တဲ့ အကျင့်ပျက်ခြစားနေတဲ့ တချို့သော ရဲဝန်ထမ်း၊ ဥပဒေအရာရှိ၊ တရားသူကြီးများကို ထိရောက်စွာ
အရေးယူဖို့ လိုအပ်ကြောင်း အကြံပြုထောက်ခံလိုက်ပါတယ်''ဟု ပြောကြားခဲ့သည်။

အဆိုနှင့်ပတ်သက်ပြီး လွှတ်တော်ကိုယ်စားလှယ်၂၅ ဦးက စိတ်ဝင်တစားပါဝင်ဆွေးနွေးကြခြင်း
သည် တရားစီရင်ရေးမဏ္ဍိုင်တိမ်းစောင်းနေခြင်းကို ပြသနေခြင်းဖြစ်ကြောင်း ပဲခူးတိုင်းဒေသကြီး၊
ပန်းတောင်းမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်နှင်းသစ်က ပြောသည်။

မကွေးတိုင်းဒေသကြီး ချောက်မြို့နယ်ပြည်သူ့လွှတ်တော်ကိုယ်စားလှယ် ဦးဘိုကြီးကမူ
နိုင်ငံတကာတွင် တရားသူကြီးများသည် အစိုးရဝန်ထမ်းများ မဟုတ်ကြသော်လည်း မြန်မာနိုင်ငံတွင်မူ
ခရိုင်နှင့်မြို့နယ်အဆင့်တရားသူကြီးများသည် အစိုးရဝန်ထမ်းများဖြစ်သဖြင့် ၄င်းတို့ကို အစိုးရဝန်ထမ်း
အဖြစ်မှ လွတ်ကင်းနိုင်ရန် ဖန်တီးပေးသင့်ကြောင်း အကြံပြုခဲ့သည်။

''လက်ရှိမှာ တရားသူကြီး ၁,၄ဝဝ ခန့်ရှိနေတယ်လို့ သိရပါတယ်။ သီးခြားရပ်တည်နိုင်ရေးအတွက်
၎င်းတို့ကို ခန့်ထားခြင်း၊ ပြောင်းရွှေ့ခြင်း၊ ရာထူးတိုးမြှင့်ခြင်း၊ စရိတ်လစာထောက်ပံ့ပေးခြင်း
အပါအဝင် တရား စီရင်ရာတွင် အမှီအခိုကင်းပြီး လုံခြုံရေးတို့အတွက်လည်းကောင်း၊ မမှန်မကန်
ဆောင်ရွက်နေသူများကို အရေးယူအပြစ်ပေးရန်အတွက်လည်းကောင်း၊ ထိုကိစ္စများကို ကြီးကြပ်နိုင်ရန်
အတွက် မဏ္ဍိုင်သုံးရပ်မှ လွတ်လပ် သောကော်မတီကိုဖွဲ့စည်းရန် ဥပဒေပြဋ္ဌာန်းရမှာဖြစ်ပါတယ်'' ဟု
ဦးဘိုကြီးက ဆက်လက်ပြောကြားခဲ့သည်။

ပဲခူးတိုင်းဒေသကြီး အုတ်တွင်းမြို့နယ် ပြည်သူ့လွှတ်တော်ကိုယ်စားလှယ် ဒေါ်ချိုချိုကမူ မဏ္ဍိုင်ကြီး
သုံးရပ်တွင် အခြားမဏ္ဍိုင်များက ပြုပြင်ပြောင်းလဲမှုများရှိလာသော်လည်း တရားစီရင်ရေးမဏ္ဍိုင်ကမူ
ပြုပြင် ပြောင်းလဲမှု မရှိကြောင်း ဆိုသည်။ ''လွတ်လပ်စွာ တရားစီရင်ခွင့်ပေးထားတာဟာ
တရားဥပဒေဘောင်ကိုကျော်ပြီး စီရင်လို့ မရပါဘူး။'မည်သူမျှဥပဒေရဲ့အထက်တွင် မရှိစေရ'ဆိုတဲ့
စကားအတိုင်း အဂတိတရားကင်းရှင်းစွာ ဆောင်ရွက်မှသာ တရားရေးမဏ္ဍိုင်တည့်မတ်မှာ
ဖြစ်ပါတယ်''ဟု ၄င်းက ပြောသည်။

လွှတ်တော်ကိုယ်စားလှယ်များ၏ ပြောကြားချက်များသည် သက်သေအထောက်အထား တစ်စုံတစ်ရာ
မရှိဘဲ တစ်ဆင့်ကြားစကားဖြင့် ပြောကြားခြင်းသာဖြစ်သောကြောင့် တရားစီရင်ရေးမဏ္ဍိုင်ကို
မထီမဲ့မြင်ပြုရာရောက်ကြောင်း ဦးစိုးညွန့်က တုံ့ပြန်ပြောကြားခဲ့သည်။

''အဆိုဟာ တရားစီရင်ရေးကဏ္ဍမှာ အကျင့်ပျက်ခြစားမှုများကြောင့် တိမ်းစောင်းယိမ်းယိုင်မှုများ
ဖြစ်ပေါ်နေတယ်လို့ စွပ်စွဲထားတာတွေ့ရပါတယ်။ ဒီလို တရားရုံးများရဲ့ဂုဏ်သိက္ခာကို
အကြီးအကျယ်ထိခိုက် စေတဲ့ စွပ်စွဲပြောဆိုမှုဟာ တရားရုံးများကို မထီမဲ့မြင်ပြုရာရောက်ကြောင်း
လေးစားစွာ ပြောကြားအပ်ပါတယ်။ အထောက်အထား မခိုင်လုံဘဲ အကျင့်ပျက်ခြစားမှုများကြောင့်
တရားစီရင်ရေးကဏ္ဍ တိမ်းစောင်းနေတယ်ဆိုတဲ့အဆိုလောက် တရားရုံးများရဲ့ ဂုဏ်သိက္ခာကို
ထိခိုက်နိုင်တာ မရှိတော့ပါဘူး''ဟု ၄င်းက ပြောကြားခဲ့သည်။

ထိုအချက်နှင့်ပတ်သက်ပြီး ပြည်သူ့လွှတ်တော်၊ လွှတ်တော်အခွင့်အရေးကော်မတီ
အတွင်းရေးမှူးဒေါက်တာလှမိုးက''တရားစီရင်ရေးမဏ္ဍိုင်က ဒီနေ့အားလုံးနဲ့လွတ်ကင်းနေတယ်။
လွှတ်တော်ဆိုတာ ပြည်သူတွေက တင်မြှောက်ထားတဲ့ ပြည်သူ့လွှတ်တော်ကိုယ်စားလှယ်တွေနဲ့
ဖွဲ့စည်းထားတာဖြစ်တဲ့အတွက် ပြည်သူ့အသံကိုအလေးထားရတယ်။ တရားစီရင်ရေးမဏ္ဍိုင်
တိမ်းစောင်းနေတယ်၊ ယိမ်းယိုင်နေတယ်ဆိုတာ နိုင်ငံသူနိုင်ငံသားအားလုံး ခံစားနေရတာဖြစ်တယ်။
ဒီလိုခံစားနေရတာ အများစုဖြစ်လို့ အသံတွေကျယ်လာတယ်။ ဒီတော့ ပြည်သူ့အသံဖြစ်လာတယ်။
ဒါကို လွှတ်တော်ကိုယ်စားလှယ်က အဆိုတင်သွင်းခြင်းဖြစ်တယ်''ဟု ပြောကြားခဲ့သည်။

ဦးစိုးညွန့်က ဥပဒေနှင့်မညီကြောင်း ပြောကြားချက်အပေါ်ကိုလည်း ''လွှတ်တော်ဥပဒေ၊ နည်း
ဥပဒေနဲ့ မညီဘဲ တင်သွင်းခွင့်ပြုခြင်းကြောင့် ဒီအဆိုဟာ အဆိုမဖြစ်ထိုက်ကြောင်း သူ(ဦးစိုးညွန့်)က
ပြောကြားခြင်းသည် လွှတ်တော်ဥက္ကဋ္ဌကိုရော၊ လွှတ်တော်ကိုပါ စော်ကားခြင်းဖြစ်တယ်။
လွှတ်တော်ကိုယ်စားလှယ်များကိုလည်း ဂုဏ်သရေညှိုးနွမ်းအောင်လုပ်ခြင်းဖြစ်တယ်။
ဒါကြောင့်ကျွန်တော်တို့အနေနဲ့ သူတို့ကို သက်သေအထောက်အထားနဲ့ စွပ်စွဲပြစ်တင်ရမယ့်
အနေအထားရောက်လာပြီ''ဟု ဒေါက်တာလှမိုးက ပြောသည်။

ပြည်သူ့လွှတ်တော်ဥက္ကဌ ဦးဝင်းမြင့်က ''ဒီအဆိုဟာ ကန့်သတ်ချက်တွေ၊ စည်းကမ်းချက်တွေနဲ့
ညီညွတ်လို့ ခွင့်ပြုတဲ့အဆိုဖြစ်ပါတယ်။ ဒါကြောင့် ဥပဒေပြုရေးအာဏာကိုတော့ တရားစီရင်ရေး
အာဏာက ဝင်ရောက် စွက်ဖက်ဖို့ မဖြစ်သင့်ပါဘူး။ ကိုယ်စားလှယ်တွေက ဆွေးနွေးတယ်၊
ဆွေးနွေးပိုင်ခွင့်ရှိလို့ဆွေးနွေးတာကို တရားရုံး မထီမဲ့မြင်ပြုတယ်လို့လည်း စွပ်စွဲဖို့မသင့်ပါဘူး''ဟု
ပြောကြားခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း