နေပြည်တော် အဝေးပြေးခရီးသည်ပို့ဆောင်ရေးလုပ်ငန်း ကျဆင်း

နေပြည်တော်အခြေစိုက် အဝေးပြေးယာဉ်လိုင်းများ စတင်ပြေးဆွဲရာ ဘောဂသီရိ အဝေးပြေးယာဉ်ရပ်နားစခန်းကို မတ် ၂၇ ရက် တွေ့ရစဉ်။ ပြည့်သက်ဖြိုး/ မြန်မာတိုင်း(မ်)နေပြည်တော်အခြေစိုက် အဝေးပြေးယာဉ်လိုင်းများ စတင်ပြေးဆွဲရာ ဘောဂသီရိ အဝေးပြေးယာဉ်ရပ်နားစခန်းကို မတ် ၂၇ ရက် တွေ့ရစဉ်။ ပြည့်သက်ဖြိုး/ မြန်မာတိုင်း(မ်)

ရန်ကုန်မှ အစိုးရအုပ်ချုပ်ရေးယန္တရားများ နေပြည်တော်သို့ ပြောင်းရွှေ့ခဲ့သည့် ၂ဝဝ၅ ခုနှစ်
နှစ်ကုန်ပိုင်းကာလကတည်းက ပေါ်ပေါက်ခဲ့သော နေပြည်တော် အဝေးပြေးခရီးသည်
ပို့ဆောင်ရေးလုပ်ငန်းသည် အစောပိုင်းကာလများတွင် ခရီးသည်ရရှိမှုများခဲ့သော်လည်း
ဆယ်နှစ်ကျော်အကြာ လက်ရှိကာလတွင် ခရီးသည်ရရှိမှုနည်းလာပြီး လုပ်ငန်းလည်ပတ်မှု
ကျဆင်းလာသည်ဟု တာဝန်ရှိသူများက ပြောသည်။

၂ဝဝ၉ ခုနှစ်ကတည်းက နေပြည်တော် မော်တော်ယာဉ်လုပ်ငန်းပေါင်းစုံထိန်းသိမ်းရေး
ကော်မတီ(အဝေးပြေး)က ပြုစုထားသော ခရီးသည်စီးနင်းမှု အရေအတွက်နှင့် မော်တော်
ယာဉ်ပြေးဆွဲမှုမှတ်တမ်းများအရ ယာဉ်တစ်စီးချင်းစီ၏ ပျမ်းမျှခရီးသည်ရရှိမှုသည် ၂ဝ၁ဝ
ပြည့်နှစ်တွင် အမြင့်ဆုံးဖြစ်ခဲ့ပြီး၊ ၂ဝ၁၆ ခုနှစ်တွင် သိသိသာသာလျော့ကျခဲ့ရာ အဝေးပြေး
ခရီးသည် သယ်ယူပို့ဆောင်ရေးလုပ်ငန်းများအတွက် စိန်ခေါ်မှုတစ်ခုဖြစ်လာသည်ဟု ဆိုသည်။

''အစိုးရသစ်လက်ထက်မှာ လုပ်ငန်းတွေ အဆင်ပြေလားဆိုတော့ အရင်နဲ့စာရင်
မပြေဘူးလို့ပဲပြောရမယ်။ ခရီးသည်ရရှိမှုက နည်းလာတယ်။ အခုနှစ်မှာ ပိုနည်းလာတယ်'' ဟု
နေပြည်တော် မော်တော်ယာဉ် လုပ်ငန်းပေါင်းစုံထိန်းသိမ်းရေးကော်မတီ(အဝေးပြေး)ဥက္ကဋ္ဌ
ဦးဝင်းဆွေက ယခုလ ၂၇ ရက်တွင် ပြောကြားသည်။

၂ဝဝ၅ ခုနှစ်တွင် နေပြည်တော်ပေါ်ပေါက်လာပြီးနောက် အနယ်နယ်အရပ်ရပ်မှ ရွှေ့ပြောင်း
လုပ်သားများနှင့် အစိုးရနှင့် ပုဂ္ဂလိကဝန်ထမ်းများ ဝင်ထွက်သွားလာခြင်းများကြောင့်
နေပြည်တော်တွင် အဝေးပြေး ခရီးသည် ပို့ဆောင်ရေးလုပ်ငန်းသည်လည်း အရေးပါသည့်
လုပ်ငန်းတစ်ခုဖြစ်လာသည်။

''အဲဒီအချိန်က အတော်လေးအဆင်ပြေခဲ့တယ်။ ပြီးခဲ့တဲ့အစိုးရလက်ထက်မှာ ပွင့်လင်းလာတော့
ဒီလုပ်ငန်းထဲကို ငွေကြေးအင်အားတောင့်တင်းတဲ့သူတွေ ဝင်လာကြတယ်။ သူတို့ဝင်လာတော့
နဂိုရှိနေတဲ့ လိုင်းလေးတွေက နည်းနည်းတော့ရုန်းကန်ရတာပေါ့။ သို့သော် ဒီနေ့လောက်တော့
အခြေအနေအဆိုးခဲ့ဘူး''ဟု ၂ဝဝ၅ ခုနှစ်ကတည်းက နေပြည်တော်တွင် အောင်စိုးမိုးမော်တော်
ယာဉ်လိုင်းကိုလုပ်ကိုင်လာခဲ့သည့်ှ ဦးကိုကိုနိုင်က ပြောသည်။

နေပြည်တော် မထသ(အဝေးပြေး) က ပြုစုထားသော အချက်အလက်များအရ နေပြည်တော်မှ
ရန်ကုန်၊ မန္တလေးနှင့် မြို့ပေါင်း ၄၃ မြို့သို့ ခရီးသည်သယ်ယူပို့ဆောင်ပေးလျက်ရှိသည်။ နေပြည်တော်
ရန်ကုန်၊ နေပြည်တော် မန္တလေးခရီးစဉ်များတွင် ခရီးသွားအများဆုံးဟု ဦးဝင်းဆွေက ပြောသည်။
''အဓိကအားထားနေရတာက ရန်ကုန်နဲ့ မန္တလေး ခရီးစဉ်ပဲ။ ကျန်တဲ့မြို့တွေကလည်း
အပြောင်းအလဲတော့ရှိတယ်။ ဒါပေမဲ့ သိပ်နည်းတယ်'' ဟု ၄င်းက ပြောသည်။

နေပြည်တော် ရန်ကုန်ခရီးစဉ်တွင် အရှေ့တောင်အာရှ အားကစားပြိုင်ပွဲကျင်းပသည့်
၂ဝ၁၃ ခုနှစ်က ခရီးသည် ရှစ်သိန်းကျော်ဖြင့် အများဆုံးရှိခဲ့ပြီး၊ ကျန်သည့်နှစ်များတွင်လည်း ခရီးသည်
ခုနစ်သိန်းကျော် ရှိခဲ့သည်။ ၂ဝ၁၆ ခုနှစ်တွင် ခရီးသည် ခြောက်သိန်းကျော်အထိ ကျဆင်းခဲ့သည်ဟု
နေပြည်တော် မထသ (အဝေးပြေး) ၏ မှတ်တမ်းများက ဆိုသည်။

မှတ်တမ်းများအရ ၂ဝဝ၉ ခုနှစ်တွင် ခရီးသည် ၃၇၈,၂၅၂ ဦး၊ ၂ဝ၁ဝ တွင် ၅၈၆,၆၆၇ ဦး၊ ၂ဝ၁၁ တွင်
၇၉၆,၆၉၆ ဦး၊ ၂ဝ၁၂ တွင် ၇၈၆,၄၅၉ ဦး၊ ၂ဝ၁၃ တွင် ၈ဝ၉,၃၉၃ ဦး၊ ၂ဝ၁၄ တွင် ၇၈၈,၈၃၄ ဦး၊
၂ဝ၁၅ တွင် ၇၄၉,၁၃၈ ဦး၊ ၂ဝ၁၆ တွင် ၆၈၄,၅၆၈ ဦးရှိခဲ့သည်။

''လုပ်ငန်းတွေကောင်းလား၊ မကောင်းဘူးလား၊ တိုးတက်နေလားဆိုတာ အဲဒီမှတ်တမ်းတွေသာ
ကြည့်လိုက်ပါ''ဟု ဦးဝင်းဆွေက ပြောသည်။ အထက်ပါ အချက်အလက်များအရ ပြီးခဲ့သည့်
၂ဝ၁၆ အတွင်း ရရှိခဲ့ သော ခရီးသည်ဦးရေသည် ၂ဝ၁၅ ခုနှစ်တွင် ရရှိခဲ့သော ခရီးသည်ဦး
ရေအောက် ခြောက်သောင်းခွဲခန့် လျော့နည်းသွားခဲ့ခြင်းဖြစ်သည်။ ခရီးသည်ရရှိမှု
လျော့နည်းလာသည့်အတွက် ယာဉ်လိုင်ကြီးများအတွက် အခက်အခဲမရှိသော်လည်း
ယာဉ်လိုင်းငယ်များ ပိုမိုရုန်းကန်လာရသည်ဟု ၄င်းက ဆက်လက်ပြောကြားသည်။

လက်ရှိ၂ဝ၁၇ ခုနှစ်တွင် ခရီးသည်ရရှိမှုနှုန်းသည် ပြီးခဲ့သည့် ၂ဝ၁၆ ခုနှစ်ထက် လျော့နည်းလာပြီး၊
မတ်လဒုတိယပတ်အတွက် ပြုစုထားသောစာရင်းများအရ ယာဉ်တစ်စီးအတွက် ပျမ်းမျှခရီးသည်
ရရှိမှုသည် ၂၈ ဒသမ ၈ ဦးသာရှိနေသောကြောင့် ၂ဝ၁၆ ခုနှစ်ထက် လျော့နည်းနေသည်။''ကျတယ်၊
ကျတယ်၊ ကျတာမှ အတော်လေးကို ကျနေတာ''ဟု ဦးဝင်းဆွေက ပြောသည်။

နေပြည်တော် မန္တလေးခရီးစဉ်တွင်လည်း ၂ဝ၁၅ ခုနှစ်တွင် တစ်စီးပျမ်းမျှ ၂၄ ဒသမ ၄ ဦးနှုန်း
ရှိခဲ့ရာမှ ၂ဝ၁၆ ခုနှစ်တွင် ၂၁ဒသမ ၆ ဦးနှုန်း၊ ၂ဝ၁၇ ခုနှစ်တွင် ၂၁ ဒသမ၂ ဦးနှုန်းသာရှိသည်။
နေပြည်တော် ရန်ကုန်ခရီးသည်ယာဉ်တစ်စီးအတွက် ခရီးသည်ဦးရေပျမ်းမျှ ၃ဝ ဦးရရှိမှသာလျှင်
အထွေထွေစရိတ်များကို ကာမိကြောင်း ၄င်းက ပြောသည်။

''၃ဝ ရမှ ကာမိမယ်။ ဒါက ဆီဖိုး၊ အင်ဂျင်ဝိုင်ဖိုး၊ ယာဉ်မောင်း၊ ယာဉ်နောက်လိုက်တွေအတွက်
ပေးရတဲ့စရိတ်အပါအဝင် အထွေထွေစရိတ်ကို ကာမိချင်ရင် ၃ဝ ရမှဖြစ်မယ်'' ဟု ဦးဝင်းဆွေက
ပြောသည်။ ယခုနှစ်တွင် ပျမ်းမျှခရီးသည် ၂၈ ဒသမ ၈ ဦးသာ ရရှိခဲ့သောကြောင့် ယာဉ်လိုင်း
များသည် တန်ဆာခဖြင့် ကာဗာလုပ်နေရသည်ဟုဆိုသည်။ ''ထိုင်ခုံလက်မှတ်နဲ့ ကာဗာမဖြစ်တော့
တန်ဆာခနဲ့ပဲ ပြန်ဖြည့်နေရတာပေါ့။ ကားတစ်စီးထွက်ရင် တန်ဆာခလေးတွေကလည်း
သောင်းဂဏန်းလောက်ရတတ်တော့ အဲဒါနဲ့ပြန်ပြီး ကာဗာလုပ်ရတယ်''ဟု ယာဉ်လိုင်းပိုင်ရှင်
တစ်ဦးက ပြောသည်။

ယာဉ်လိုင်းများအကြား ခရီးသည်ရရှိရေးယှဉ်ပြိုင်မှုအရ ယာဉ်လိုင်းငယ်များသည် လက်မှတ်
အရောင်းကိုယ်စားလှယ်များနှင့် လူခေါ်ပွဲစားများကိုသာ အားကိုးနေရသည်။ ယာဉ်လိုင်းကြီးများ
သည် ခရီးသည် ပုံမှန်ရရှိနေသော်လည်း ယာဉ်လိုင်းငယ်များသည် ရုန်းကန်နေရသည်ဟု
ဆိုသည်။

''ယာဉ်လိုင်းငယ်တွေက ဘယ်လိုလုပ်နေရလဲဆိုတော့ လူခေါ်ပွဲစားတွေနဲ့ လက်မှတ်အရောင်း
ကိုယ်စားလှယ်တွေကိုပဲ တစ်ယောက်ခေါ်ပေးရင် တစ်ထောင်နှုန်းပေးပြီး ရပ်တည်နေရတယ်။
လက်မှတ်ခက ၆,၃ဝဝဆိုရင် လူခေါ်ပွဲစားကို ၁,ဝဝဝ ပေးရတယ်ဆိုတော့ ကိုယ်က ၅,၃ဝဝ ပဲ
ရတယ်။ ကားတစ်စီးမှာ ခရီးသည် ၃ဝ ပါတယ်ဆိုရင် ဂိတ်ကိုလက်မှတ်လာဝယ်တာက
ငါးယောက်လောက်ပဲရှိတယ်''ဟု အဆိုပါ ယာဉ်လိုင်းပိုင်ရှင်က ပြောသည်။

နေပြည်တော်အခြေစိုက် ခရီးသည်တင်ယာဉ်လိုင်းများသည် ခရီးသည်ရရှိမှုလျော့နည်း
လာသောကြောာင့် ပြေးဆွဲမှုရပ်တန့်ခဲ့ရသည်များလည်းရှိနေပြီး၊ အာရှခရီးသည်ယာဉ်လိုင်းသည်
ပြေးဆွဲမှုရပ်တန့်ခဲ့သည်ဟု ဦးဝင်းဆွေက ပြောသည်။

နေပြည်တော်အခြေစိုက် အဝေးပြေးယာဉ်လိုင်းများတွင် ခရီးသည်ဦးရေရရှိမှုလျော့
နည်းလာခြင်းသည် ခရီးသည်အချို့ ကိုယ်ပိုင်ယာဉ်ငယ်များဖြင့်သွားလာကြခြင်း၊
ရထားစီးခရီးသည်များလာခြင်းကြောင့် ဖြစ်သော်လည်း နေပြည်တော်သို့ ဝင်ထွက်သွား
လာသည့် ခရီးသည်ဦးရေနည်းပါးလာခြင်းသည် အဓိကအကြောင်းရင်းဖြစ်ကြောင်း ဦးဝင်းဆွေက
ပြောကြားသည်။

''ကိုင်ပိုင်ကားနဲ့လာတာ ဘယ်လောက်ရှိနိုင်မှာလဲ။ နောက်ပြီး ရထားဘက်ကိုလည်း
နည်းနည်းရောက်သွားတာ ဖြစ်နိုင်တယ်။ ဒါပေမဲ့ အဓိကအကြောင်းရင်းကတော့ ခရီးသည်
အဝင်အထွက်ကို နည်းသွားတာ'' ဟု ၄င်းက ပြောသည်။

လက်ရှိအခြေအနေအရ ခရီးသွားဦးရေလျော့နည်းလာသောကြောင့် နောက်ထပ်ယာဉ်လိုင်း
အသစ်များ ဝင်ရောက်လာခြင်း မရှိသေးသည့်အပြင် ရှိပြီးသား ယာဉ်လိုင်းအချို့ပါ လုပ်ငန်း
ရှေ့ဆက်နိုင်ရန် ရုန်းကန် နေရသည်ဟု ဆိုသည်။ နေပြည်တော် မထသ(အဝေးပြေး)၏
စီမံခန့်ခွဲမှုအောက်တွင် နေပြည်တော်အခြေပြုယာဉ် လိုင်း ၂၃ လိုင်းရှိပြီး၊ အခြားသော
တိုင်းဒေသကြီးနှင့်ပြည်နယ်များတွင် အခြေပြုပြီး နေပြည်တော်သို့ ဝင်ထွက်ပြေးဆွဲသည့်
ယာဉ်လိုင်းပေါင်း ၇ဝ ရှိသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း