"အစိုးရက တာဝန်ပေးရင် မီးကုန်ယမ်းကုန်လုပ်မယ်"

အက်ဖ်ဒီအေ ညွှန်ကြားရေးမှူးချုပ် ဒေါက်တာသန်းထွဋ် ဖြေကြားနေစဉ်။ ပြည့်သက်ဖြိုး/မြန်မာတိုင်း(မ်)အက်ဖ်ဒီအေ ညွှန်ကြားရေးမှူးချုပ် ဒေါက်တာသန်းထွဋ် ဖြေကြားနေစဉ်။ ပြည့်သက်ဖြိုး/မြန်မာတိုင်း(မ်)

ကျန်းမာရေးနှင့် အားကစားဝန်ကြီးဌာနအောက်ရှိ အစားအသောက်နှင့် ဆေးဝါးကွပ်ကဲရေး ဦးစီးဌာန၊
ညွှန်ကြားရေးမှူးချုပ် ဒေါက်တာသန်းထွဋ်ကို မြန်မာတိုင်း(မ်)သတင်းထောက် ထိုက်နန္ဒာဝင်းက
နေပြည်တော်တွင် လွန်ခဲ့သော ရက်သတ္တပတ်က တွေ့ဆုံမေးမြန်းထားသည်။

* အစားအသောက်နှင့် ဆေးဝါးကွပ်ကဲရေးဦးစီးဌာန (အက်ဖ်ဒီအေ) အနေနဲ့ လက်ရှိမှာ
ဘာတွေ လုပ်ဆောင်နေပါသလဲ။

အက်ဖ်ဒီအေက နိုင်ငံတော်လုံခြုံရေးကို အထောက်အကူပြုတဲ့ ဌာနဖြစ်ပါတယ်။ သေနတ်ကိုင်မှ
လုံခြုံရေးလုပ်တာ မဟုတ်ပါဘူး။ အစာတွေ၊ ဆေးတွေ၊ အလှကုန်ပစ္စည်းတွေကလည်း လူတွေ
နေ့တိုင်း သုံးနေရတော့ ဒါတွေမကောင်းရင် တိုင်းပြည်လုံခြုံရေး ထိပါးနိုင်ပါတယ်။ ဒါကြောင့်
ကျွန်တော်တို့သည် အစားအသောက်တွေ၊ ဆေးဝါးတွေ၊ အလှကုန်တွေကို ဘေးအန္တရာယ်
ကင်းရှင်းရေး၊ အရည်အသွေး ပြည့်မီရေးကို ကြီးကြပ်ကွပ်ကဲ ထိန်းချုပ်ပေးနေတယ်။ ဘယ်လို
ထိန်းချုပ်မှာလည်းဆိုတော့ တည်ဆဲဥပဒေ စည်းမျဉ်းစဉ်းကမ်းများ၊ လုပ်ထုံးလုပ်နည်းများနဲ့အညီ၊
နိုင်ငံတကာစံနှုန်းများနဲ့အညီ ကွပ်ကဲထိန်းသိမ်း ကြပ်မတ်ရန် လုပ်ဆောင်နေပါတယ်။

* ယခု ဘဏ္ဍာနှစ်မှာ အဓိကထားပြီး ဆောင်ရွက်မယ့်လုပ်ငန်းတွေက ဘာတွေဖြစ်ပါသလဲ။

ကျွန်တော်တို့အတွက် ဥပဒေလုပ်ထုံးလုပ် နည်းဆိုတာ ပထမဆုံး မဟာဗျူဟာလုပ်ငန်းစဉ်အနေနဲ့
ရှိတယ်။ ဥပဒေလေးခုကို အသစ် ပြန်ဆွဲနေပါတယ်။ ဇွန်လမှာ ပြည်သူဆီကို အကြမ်းချပြနိုင်အောင်
လုပ်နေပါတယ်။ ဒုတိယ မဟာဗျူဟာလုပ်ငန်းစဉ်က ဓာတ်ခွဲခန်းပေါ့။ ကျွန်တော်တို့ အက်ဖ်ဒီအေ
အတွက် ဥပဒေက ညာဘက်လက်ဖြစ်ခဲ့ရင် ဓာတ်ခွဲခန်းက ဘယ်ဘက်လက်ပါ။ ဓာတ်ခွဲခန်းကို
တောင့်တင်းအောင် လုပ်ရပါတယ်။ ဓာတ်ခွဲခန်းပစ္စည်း ကိရိယာတွေ ခေတ်မီအောင်တပ်ဆင်တာ။
ဒုတိယတစ်ခုက ဓာတ်ခွဲခန်း လုပ်ဆောင်နိုင်စွမ်းနဲ့ အရည်အသွေးပါ။ ကမ္ဘာ့အသိအမှတ်ပြု
ဓာတ်ခွဲခန်းဖြစ်အောင် လုပ်ရပါတယ်။ ကမ္ဘာက အသိအမှတ်ပြုဖို့ ဓာတုဓာတ်ခွဲခန်း ISO နဲ့
အနုဇီဝဓာတ်ခွဲခန်း ISO ဆိုပြီး နှစ်မျိုးရှိပါတယ်။ ဓာတုဓာတ်ခွဲခန်းအတွက် ပြီးခဲ့တဲ့ဇန်န၀ါရီလမှာ
ISO ရပြီးပြီ။ အရှေ့တောင်အာရှနိုင်ငံတွေထဲမှာ ANAB(American National Accreditation 
Body) ကပေးတာဆိုလို့ ကျွန်တော်တို့ တိုင်းပြည်ပဲရှိတယ်။ နှစ်နှစ်လောက် လုပ်ယူရပါတယ်။
တိုင်းနဲ့ ပြည်နယ်တိုင်းက ဓာတ်ခွဲခန်းတွေမှာ ISO ရဖို့ ကြိုးစားမယ်။ အနုဇီဝဓာတ်ခွဲခန်း ISO ရဖို့
လုပ်မယ်။

တတိယမဟာဗျူဟာကတော့ LINKS လို့ ခေါ်ပါတယ်။ ကျွန်တော်တို့ FDA အလုပ်က စောစောက
ပြောသလို ထိန်းချုပ်ရတဲ့အလုပ် တွေဖြစ်တာကြောင့်မို့ ကိုယ်တစ်ယောက်တည်း လုပ်လို့မရပါဘူး။
မရတဲ့အတွက်ကြောင့် ကျွန်တော်တို့က Network တွေ ထူထောင်ရပါတယ်။ အဲဒါတွေကို Links
ခေါ်ပါတယ်။ Network က ပြည်တွင်းရယ်၊ ဒေသတွင်းရယ်၊ နိုင်ငံတကာရယ်ဆိုပြီး သုံးခု ရှိပါတယ်။

နောက်ဆုံးကတော့ သစ္စာရှိမှုပါဘဲ။ ပြည်သူအပေါ်၊ အစိုးရအပေါ်၊ ကိုယ့်ရဲ့ အသက်မွေးဝမ်းကျောင်း
အတတ်ပညာအပေါ် သစ္စာရှိဖို့ပါ။ ပြည်သူ့အတွက်ဘေးအန္တရာယ်ကင်းဖို့၊ အရည်အသွေးမှန်ဖို့၊
အဲဒီအတွက် ဘာမဆို လုပ်ရဲရမယ်၊ မုန်းရင်မုန်းပစေ၊ ဖမ်းမယ်၊ ဆီးမယ်၊ ပိတ်မယ်၊
အဲဒါပြည်သူအတွက်ပါ။ အစိုးရတာဝန်ပေးရင် မီးကုန်ယမ်းကုန် လုပ်မယ်။ ကျွန်တော်တို့ရဲ့
အတတ်ပညာပိုင်းအတိုင်း တိကျစွာ ဆောင်ရွက်တာ။ ဒီအတတ် ပညာကိုခုတုံးလုပ်ပြီးတော့
လိမ်တာတို့၊ လှည့်စားတာတို့၊ ကိုယ်လိုတဲ့ဘက် ဆွဲခေါ်သွားတာတို့၊ ဒါမျိုး မလုပ်ရဘူး။ အဲဒါ ပီပြင်ဖို့
တော်တော်ကြိုးစားနေတယ်။

* ဘတ်ဂျတ်ရရှိမှု အခြေအနေလည်း နည်းနည်း ပြောပြပေးပါ။

ဘတ်ဂျက်က ကျွန်တော်တို့ ထင်သလောက် တော့ မပေးဘူးပေါ့လေ။ ဒါပေမဲ့ ပြီးခဲ့တဲ့နှစ်တွေ
ထက်တော့ နည်းနည်းပိုလာတယ်။ အတိအကျတော့ မပေးဘူး။ နည်းနည်းတော့ ပိုလာတယ်။
ကျွန်တော်တို့ တင်တယ်ဆိုတာကလည်း လိုရမယ်ရ လုံးဝမတင်ဘူး။ သေချာတွက်ချက်ပြီးမှ
တင်ပါတယ်။ အခု ပေးတဲ့ ဘတ်ဂျက်ကတော့ မဆိုးပါဘူး။ အလုပ်တော့လုပ်လို့ရတယ်။
ပမာဏကတော့ မနည်းဘူး။ ပြီးခဲ့တဲ့ ဘဏ္ဍာနှစ်မှာ ကျန်းမာရေး ဦးစီးဌာန တစ်ခုလုံးရဲ့
၂ ဒသမ ၃ ရာခိုင်နှုန်း အက်ဖ်ဒီအေက သုံးစွဲခဲ့ပါတယ်။

* အခုလက်ရှိမှာ ဆေးဝါး၊ အစားအသောက်သာမက ရေသန့်လုပ်ငန်းတွေကိုပါ
ပိတ်တာတွေ ကြားသိလာရပါတယ်။ ရေကိုတောင် စိတ်ချလက်ချ သောက်လို့မရတဲ့
အနေအထား ဖြစ်နေပြီလား သိချင်ပါတယ်။

မြန်မာနိုင်ငံမှာရှိတဲ့ အစားအသောက်တွေဟာ ဘေးအန္တရာယ်ရှိပါတယ်။ ဖွံ့ဖြိုးဆဲ နိုင်ငံတွေမှာရှိတဲ့
အဆင့်အတန်းမျိုးပေါ့။ ဖွံ့ဖြိုးဆဲ တိုင်းပြည်တွေမှာရှိတဲ့ အစားအသောက်အန္တရာယ်က ကြီးမားတယ်။
သုသေသနလုပ်နိုင်အောင်လည်း ကြိုးစားနေပါတယ်။ ထိန်းကြောင်းမယ့် ထိန်းချုပ်မယ့်
အစီအစဉ်တွေကို ဒီဘဏ္ဍာနှစ်မှာ ပိုလုပ်မယ်။ ပညာလည်းပေးမယ်၊ ကြပ်မတ်တာလည်းပိုလုပ်မယ်။
ဆေးဝါးတွေနဲ့ ပတ်သက်ပြီးတော့လည်း ပြည်သူ့ကျန်းမာရေးဦးစီးဌာန၊ ကုသရေးဦးစီးဌာန၊
ထွေအုပ်တွေနဲ့ ပေါင်းပြီး ဖော်ထုတ်မယ်။ နောက် ဆေးဝါးအတုကိစ္စလေးတွေ ရှိနေဆဲပဲ။
ရေသန့်ကိုလည်း ကျွန်တော်တို့ သေချာစိစစ်နေတယ်။ ရေသန့်တွေ မှိုလိုပေါက်နေတာ၊
သေချာထိန်းချုပ်ပါဆိုပြီးတော့ အစိုးရကလည်း ပြောတယ်။ ပြည်သူလူထုကလည်း ပြောတယ်။
ကျွန်တော်တို့က ကြားထဲမှာ ညပ်နေတယ်။ ဒါပေမဲ့ မကြောက်ပါဘူး။ လုပ်သင့်တာ လုပ်ရမယ်။

* အက်ဖ်ဒီအေအနေနဲ့ လက်ရှိရင်ဆိုင်နေရတဲ့ အခက်အခဲရှိရင်လည်း ပြောပြပေးပါ။

အက်ဖ်ဒီအေက ၁၉၉၅ ခုနှစ်ကတည်းက ရှိခဲ့ပေမဲ့ ၂၀၁၃ ခုနှစ်၊ ဩဂုတ်မှာမှ သီးခြားဦးစီးဌာန
ဖြစ်လာတယ်။ ဖွဲ့စည်းပုံမှာ လူ ၆၆၅ ယောက်ရှိပေမဲ့ ၂၀၁၅ ခုနှစ်၊ ဧပြီ ကျမှ ဖွဲ့စည်းပုံအတိုင်း
လူအပြည့်ဖြစ်လာတယ်။ ဒီလူ ၆၆၅ ယောက်နဲ့ တစ်တိုင်းတစ်ပြည်လုံးကို လွှမ်းခြုံဆောင်ရွက်
မပေးနိုင်ဘူး။ ဒါကြောင့် ဖွဲ့စည်းပုံကို တိုးလိုက်တယ်။ ၂,၈၇၅ ယောက်ဖြစ်လာတယ်။
ဒီနေ့ ဒီအချိန်မှာတော့ နောက်ဆုံး ဖွဲ့စည်းပုံနဲ့ သွားနေပါတယ်။ အရမ်းနည်းပါတယ်။ ဒါ စိန်ခေါ်မှု
တစ်ခုပါ။ မိဘပြည်သူအပေါင်းကို တောင်းဆိုချင်တာတစ်ခုက နိုင်ငံတော်အစိုးရက အားပေးတယ်။
ကျွန်တော်တို့ အက်ဖ်ဒီအေ ၀န်ထမ်းအားလုံး နေ့ရောညပါ လုပ်နေပါတယ်။ ဒါပေမဲ့ မိဘပြည်သူတွေ
မပါပဲနဲ့တော့ ဆောရီးပဲ။ ဘယ်တော့မှ မအောင်မြင်နိုင်ဘူး။ အဲဒီတော့ မိဘပြည်သူက
ဘယ်လိုပါပေးရမလဲဆိုတော့ နှစ်ခုအား ပါပေးရမယ်။ တစ်ခုက ဘာလဲဆိုတော့ အက်ဖ်ဒီအေရဲ့
ထိန်းချုပ် ကွပ်ကဲမှုတွေကို အားပေးနေပါ။ ရေသန့်တွေ ဖမ်းနေတယ်ဆို ၀ိုင်းအားပေးပေးပါ။
ဆေးဖမ်းရင်လည်း ၀ိုင်းအားပေးပေးပါ။ ကျွန်တော်တို့အတွက် အဲဒီ အားဆေးက အရမ်းလိုတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း