နိုင်ငံ့ဝန်ထမ်းများ လစာတိုးရေး ညွှန်ကြားချက် မရှိသေးဟုဆို

နိုင်ငံ့ဝန်ထမ်းများအား လစာတိုးပေးတော့မည်ဖြစ်ကြောင်း ပြင်ပတွင် ပြောဆိုမှုအချို့
ရှိနေသော်လည်း တရားဝင်ပြောကြားထားခြင်း မရှိသေးသကဲ့သို့ ညွှန်ကြားချက်လည်း
မရှိသေးကြောင်း စီမံကိန်းနှင့်ဘဏ္ဍာရေးဝန်ကြီးဌာနတာဝန်ရှိသူများက ပြောသည်။

''တရားဝင် ပြောကြားထားတာတော့ မရှိဘူးခင်ဗျ။ ညွှန်ကြားချက်လည်း မရှိသေးပါဘူး'' ဟု
အထက်ပါဝန်ကြီးဌာနအောက်ရှိ စီမံကိန်းရေးဆွဲရေးဦးစီးဌာန တာဝန်ရှိသူက ယမန်နေ့တွင်
မြန်မာတိုင်း(မ်)ကို ပြော သည်။ အစိုးရသစ်လက်ထက်၊ ဒုတိယဘဏ္ဍာနှစ်ဖြစ်သော
၂ဝ၁၇ -၂ဝ၁၈ ခုနှစ်၊ ပြည်ထောင်စုဏ္ဍာငွေ အရအသုံးဆိုင်ရာဥပဒေကို လွှတ်တော်တွင်
လက်ခံဆွေးနွေးဆုံးဖြတ်စဉ်က နိုင်ငံ့ဝန်ထမ်းများ လစာတိုးရေးအတွက်သီးခြားဖော်ပြထားခြင်း
မရှိခဲ့သော်လည်း လတ်တလောတွင် ဝန်ထမ်းများလစာတိုးမည်ဆိုသောသတင်းများ
ထွက်ပေါ်နေခြင်းကို တာဝန်ရှိသူများက အထက်ပါအတိုင်း ဖြေကြားခဲ့ခြင်း ဖြစ်သည်။

''လစာတိုးပေးဖို့ရှိတယ် ပြောတယ်။ ခန့်မှန်းကတော့ ဧပြီလလို့ဆိုတယ်။ ဖြစ်ချင်လည်းဖြစ်မယ်၊
ဖြစ်ချင်မှလည်း ဖြစ်မယ်ပေါ့။ မတ်လတုန်းက အထက်အစည်းအဝေးတစ်ခုမှာ ပြောတာကို
အထက်လူကြီးက ပြန်ပြော ပြတယ်'' ဟု ပဲခူးတိုင်းဒေသကြီး၊ ဖြူးမြို့နယ်တွင် တာဝန်
ထမ်းဆောင်နေသည့် ကျန်းမာရေး ဝန်ထမ်းတစ်ဦးက ပြောသည်။

ပြည်သူ့လွှတ်တော် ဘဏ်များနှင့် ငွေကြေးဆိုင်ရာ ဖွံ့ဖြိုးတိုးတက်ရေးကော်မတီဥက္ကဋ္ဌ၊
ပုလဲမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်ကလည်း ဝန်ထမ်းများ
လစာတိုးပေးရေးသည် နိုင်ငံဘဏ္ဍာရေး အခြေအနေအရ မဖြစ်နိုင်သေးကြောင်း ပြောသည်။

''နိုင်ငံတော်ရဲ့ ဝင်ငွေထွက်ငွေအရ ပြောရမယ်ဆိုရင် နိုင်ငံရဲ့ အခြေအနေက လိုငွေပြ
ဘတ်ဂျက်ဖြစ်နေတယ်။ နောက်ပြီးတော့ ဒီနှစ်ဘတ်ဂျက်မှာလည်း ဒီဟာအတွက်
တင်ပြထားတာ မရှိဘူးဆိုတော့ ဒါက မဖြစ်နိုင်ဘူးလို့ပဲ ထင်ပါတယ်''ဟု ၄င်းက ပြောသည်။

နိုင်ငံ့ဝန်ထမ်းများ၏ လစာနှုန်းထားများတိုးမြင့်သတ်မှတ်ပေးခြင်းကို ပြီးခဲ့သည့်
ဦးသိန်းစိန်အစိုးရလက်ထက် ၂ဝ၁၅ ၂ဝ၁၆ဘဏ္ဍာနှစ်တွင် နေက်ဆုံးဆောင်ရွက်ခဲ့ခြင်း
ဖြစ်သည်။ ဝေးလံခေါင်သီပြီး သွားလာရေးနှင့် လူမှုရေးခက်ခဲသော ဒေသစရိတ်ခံစားခွင့်ရှိသည့်
မြို့နယ်ပေါင်း ၁၁ဝ က နိုင်ငံ့ဝန်ထမ်းများအတွက် လစာနှုန်းနှစ်ဆတိုးမြှင့်ပေးခြင်းကို
ထိုနှစ်တွင်ပင် ခွင့်ပြုခဲ့ကြောင်း လွှတ်တော်မှတ်တမ်းများအရ သိရသည်။

ယခင်အစိုးရလက်ထက် ၂ဝ၁၂ ခုနှစ်တွင် နိုင်ငံ့ဝန်ထမ်းများကို အပိုထောက်ပံ့ကြေး
ကျပ်သုံးသောင်းစီတိုးမြှင့်ပေးခဲ့ပြီး၊ ၂ဝ၁၃ ခုနှစ်တွင် လစာနှုန်းထားကို ကျပ်နှစ်သောင်း
တိုးမြှင့်ပေးခဲ့သည်။

၂ဝ၁၄ ခုနှစ်တွင်လည်း လစာနှုန်းများကို ကျပ်နှစ်သောင်းစီ ထပ်မံတိုးမြှင့်ပေးခြင်းနှင့်
နေ့စားလုပ်ခများကိုလည်း ကျပ် ၁,၇ဝဝမှ ကျပ်၂,ဝဝဝ သို့ တိုးမြှင့်ပေးခဲ့သည်။ ယခင်
အစိုးရအဖွဲ့၏ နောက်ဆုံးဘဏ္ဍာနှစ်တွင် လစာနှုန်းအများအပြား တိုးမြှင့်ပေးခဲ့သည်။

''မထင်ဘူး။ လက်ရှိအနေအထားအရတော့ မထင်သေးဘူး''ဟု စိုက်ပျိုးရေး၊ မွေးမြူရေးနှင့်
ဆည်မြောင်းဝန်ကြီးဌာန ညွှန်ကြားရေးမှူးတစ်ဦးဖြစ်သူ ဦးဆွေတင့်က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း