တရားရုံးငါးရုံးတွင် အမှုအမြန်ပြီးပြတ်စေရေး ရှေ့ပြေးစီမံချက်အကောင်အထည်ဖော် ဆောင်ရွက်နေ

ပြည်ထောင်စုတရားလွှတ်တော်ချုပ်ရုံးသည် တရားရုံးများတွင် အမှုများအမြန်ပြီးပြတ်စေရန်
တရားရုံးငါးရုံးတွင် ရှေ့ပြေးစီမံချက်ဖြင့် အကောင်အထည်ဖော်လျက်ရှိသည်ဟု ပြည်ထောင်စု
တရားလွှတ်တော်ချုပ်ရုံး၊ တရားစီရင်ရေးဆိုင်ရာကြီးကြပ်မှုရုံး ညွှန်ကြားရေးမှူးချုပ်
ဒေါ်အေးအေးကြည်သက်က ပြောကြားသည်။

''အမှုတွေကို အချိန်နဲ့တစ်ပြေးညီ စစ်ဆေးဆောင်ရွက်တာ အားကောင်းလာစေဖို့ တရားရုံးတွေမှာ
ရှိတဲ့ အမှုတွေ မှန်မှန်ကန်ကန်နဲ့ မြန်မြန်ဆန်ဆန်ပြီးအောင်ဆိုပြီး အမှုသွားအမှုလာ စီမံခန့်ခွဲမှု
အစီအစဉ်ကို ဆောင်ရွက်ခဲ့ပါတယ်'' ဟု နေပြည်တော်တွင် ယခုလ ၄ ရက်က ကျင်းပခဲ့သည့်
အစိုးရ၏ ပထမတစ်နှစ်တာကာလအတွင်း ပြုပြင်ဆောင်ရွက်ခဲ့မှုများနှင့် ပတ်သက်သည့်
သတင်းစာရှင်းလင်းပွဲတွင် ၄င်းက ပြောသည်။

ထိုသို့ဆောင်ရွက်ခဲ့ရာတွင် ရှေ့ပြေးတရားရုံး (Pilot Court) အဖြစ် ရွေးချယ်
သတ်မှတ်ပြီးဆောင်ရွက်ခဲ့ရာ ပထမအကြိမ်အနေဖြင့် ၂ဝ၁၅ ခုနှစ်တွင် လှိုင်သာယာမြို့နယ်
တရားရုံး၊ တောင်ငူခရိုင်တရားရုံးနှင့် ဘားအံမြို့နယ်တရားရုံးတို့တွင် ဆောင်ရွက်ခဲ့ပြီးဖြစ်ရာ
လက်ရှိတွင်လည်း မုံရွာခရိုင်တရားရုံး၊မော်လမြိုင်ခရိုင်တရားရုံး၊ ပုသိမ်မြို့နယ်တရားရုံး၊
ချမ်းအေးသာစံမြို့နယ်တရားရုံးနှင့် မကွေးမြို့နယ်တရားရုံးများတွင် ဆောင်ရွက်လျက်ရှိကြောင်း
ဒေါ်အေးအေးကြည်သက်က ပြောသည်။

အမေရိကန်အပြည်ပြည်ဆိုင်ရာ ဖွံ့ဖြိုးမှုအေဂျင်စီ (ှ့ဗှီု) နှင့် ပူးပေါင်းဆောင်ရွက်ခဲ့သော
အဆိုပါရှေ့ပြေးတရားရုံးများ စီမံချက်သည် တရားရုံးအသုံးပြုသူ အမှုသည်များအတွက်
အချိန်ကုန်၊ ငွေကုန် သက်သာစေရန် ရည်ရွယ်ဆောင်ရွက်ခဲ့ခြင်းဖြစ်ပြီး အထိုက်အလျောက်
အကျိုးရှိခဲ့သည်ဟုဆိုသည်။

''ဒါလုပ်လိုက်လို့ ဘာအကျိုးကျေးဇူးရလဲဆိုရင် တရားရုံးတွေမှာ အမှုတစ်ခုတင်ပြီဆိုရင်
လူတွေဟာ တရားရုံးကို မလာချင်ကြဘူး။ ဒါကလည်း အပြစ်မပြောပါဘူး။ ဘယ်သူမဆို
တရားရုံးနဲ့ဝေးဝေးပဲနေချင်ကြတာပေါ့။ အဲဒီတော့ အမှုတစ်ခုကိုချိန်းလိုက်တယ်၊ ၁ဝ ခါ
ချိန်းတယ်ဆိုရင် ၁ဝ ကြိမ်လုံးမှာ ထိရောက်တဲ့စစ်ဆေးမှု လုပ်ပြီးတော့ မြန်မြန်ဆန်ဆန်ပြီး
သွားတယ်ဆိုရင် လူတွေဟာ အချိန်ကုန်၊ ငွေကုန်သက်သာမယ်။ ဒီရည်ရွယ်ချက်နဲ့
လုပ်တာပါ''ဟု ဒေါ်အေးအေးကြည်သက်က ပြောသည်။

အထက်ပါစီမံချက်အရ တရားလွှတ်တော်ချုပ်သည် တရားရုံးများသို့ လာရောက်ရလွယ်ကူခြင်း
ရှိ၊မရှိ၊ တရားရုံးဆိုင်ရာ သတင်းအချက်အလက်များ လွယ်ကူခြင်း ရှိ၊ မရှိ၊ တရားသူကြီးများ၏
ညွှန်ပြပြောကြားချက်ကို နားလည်မှုရှိ၊မရှိ၊ တရားသူကြီးများနှင့်တရားရုံးဝန်ထမ်းများသည်
လာရောက်သူများကို မျှမျှတတနှင့် ယဉ်ကျေးပျူငှာစွာ ဆက်ဆံခြင်းရှိ၊ မရှိ စသည့်မေးခွန်းများ
မေးမြန်းခြင်းဖြင့် စစ်တမ်းကောက်ယူလျက်ရှိသည်ဟု ဆိုသည်။

တရားရုံးများကို အကဲဖြတ်ရာတွင် အမှုသည်၊ ရှေ့နေ၊ ဥပဒေဝန်ထမ်းများအတွက် နားနေရာ၊
တရားခွင်ကို လွယ်လွယ်ကူကူ သိနိုင်သော ဆိုင်းဘုတ်ထားရှိခြင်းရှိ၊ မရှိ၊ အမှုတွဲများ
မည်ကဲ့သို့ထားရှိသည်၊ သတင်းရယူမည့် ကောင်တာထားရှိမှု ရှိ၊မရှိ စသည်ဖြင့် အခြေခံ
လိုအပ်ချက်များကို လေ့လာမှတ်တမ်းတင်ထားသည်ဟုလည်း ဆိုသည်။

''ဒီအမှုတွေမှာ တစ်ခုကိုကြည့်တယ်။ ဥပမာ ရုံးချိန်း ၅၂ ချိန်းမှာ ထိရောက်တဲ့ စစ်ဆေးမှု ၁၂
ချိန်းဆိုရင် မထိရောက်တဲ့စစ်ဆေးမှုသည် အချိန်း ၄ဝ ဖြစ်နေပြီး အဲဒီမထိရောက်တဲ့ အမှုချိန်း
၎ဝ အတွက် လာရောက်တဲ့သူတွေကို အချိန်ကုန် လူပန်းဖြစ်စေတာပေါ့''ဟု
ဒေါ်အေးအေးကြည်သက်က ပြောသည်။

ပြည်ထောင်စုတရားလွှတ်တော်ချုပ်ရုံးသည် အစိုးရသစ်လက်ထက် ၂ဝ၁၆ ခုနှစ်ကစတင်ပြီး
တည်ဆောက်သည့် တရားရုံးများတွင် သတင်းမီဒီယာခန်းများလည်း ထားရှိထားကြောင်း
တရားလွှတ်တော်ချုပ်ရုံး ညွှန်ကြားရေးမှူးချုပ်တစ်ဦးဖြစ်သူ ဦးကိုကိုနိုင်က ပြောကြားသည်။

''၂ဝ၁၆ ခုနှစ်၊ နောက်ပိုင်းမှာဆောက်တဲ့ တရားရုံးတွေကို စုံစမ်းရေးကောင်တာ၊
အမှုလက်ခံကောင်တာ၊ သက်သေများနားနေခန်းနဲ့ ရှေ့နေများနားနေခန်း၊ ဥပဒေအရာရှိများ
နားနေခန်း၊ သတင်းမီဒီယာတွေ လာရောက်မေးမြန်းတဲ့အခါမှာ မေးမြန်းစုံစမ်းမှု
ပြုလုပ်နိုင်အောင် သတင်းမီဒီယာခန်းတွေကို ဖွဲ့စည်းတည်ဆောက်ပေးနိုင်ခဲ့ပါတယ်''ဟု
၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း