နေပြည်တော် ရွှေနံ့သာတန်ဖိုးနည်းအိမ်ရာ မေလတွင် ဖွင့်လှစ်မည်

နိုင်ငံ့ဝန်ထမ်းများကို ဦးစားပေးရောင်းချရန် ရည်ရွယ်ကာ နေပြည်တော်တွင်
တည်ဆောက်လျက်ရှိသော ရွှေနံ့သာတန်ဖိုးနည်းအိမ်ရာစီမံကိန်းကို လာမည့်မေလတွင်
ဖွင့်လှစ်သွားမည်ဖြစ်ကြောင်း ဆောက်လုပ်ရေးဝန်ကြီးဌာန အမြဲတမ်းအတွင်းဝန်
ဦးကျော်လင်းက နေပြည်တော်၌ ယခုလ ၁ဝ ရက်က ကျင်းပပြုလုပ်ခဲ့သော အစိုးရအဖွဲ့၏
တစ်နှစ်အတွင်း ဆောင်ရွက်ချက်များနှင့် စပ်လျဉ်းသည့် သတင်းစာရှင်းလင်းပွဲတွင်
ပြောကြားသည်။

ကျပ်သိန်း ၁ဝဝ အောက်တန်ဖိုးရှိ တန်ဖိုးနည်းအိမ်ရာနှစ်လုံးကို နေပြည်တော်ဥတ္တရသီရိမြို့နယ်ရှိ
ရွှေနံ့သာရပ်ကွက်တွင် အစိုးရသစ်၏ ရက် ၁ဝဝ စီမံကိန်းကာလအတွင်း စတင်တည်
ဆောက်ခဲ့ခြင်းဖြစ်သည်။ လက်ရှိတွင် တည်ဆောက်ရေးလုပ်ငန်းများ အားလုံးနီးပါး ပြီးစီးပြီဖြစ်
သောကြောင့် လာမည့်မေလအတွင်း ဖွင့်လှစ်သွားမည်ဟု ၄င်းက ပြောသည်။

အဆိုပါ ရွှေနံ့သာတန်ဖိုးနည်းအိမ်ရာစီမံကိန်းကို နိုင်ငံ့ဝန်ထမ်းများထဲမှ အနိမ့်ဆုံးဝန်ထမ်းများပင်
ဝယ်ယူပိုင်ဆိုင်နိုင်သော အိမ်ခန်းများဖြစ်စေရန် နမူနာအနေဖြင့် တည်ဆောက်ခဲ့ခြင်းပြီး
တန်ဖိုးနည်းအိမ်ရာတွင် အိမ်ခန်းပေါင်း ၈ဝ ရှိသည်ဟု ဦးကျော်လင်းက ပြောသည်။

''အိမ်ခန်းတွေရောင်းချရာမှာလည်း ဝင်ငွေနည်း ပြည်သူတွေ၊ နိုင်ငံ့ဝန်ထမ်းတွေ၊
ကုမ္ပဏီဝန်ထမ်းတွေ၊ ပင်စင်စားတွေကို ဦးစားပေးစနစ်နဲ့ ရောင်းချသွားမှာဖြစ်ပြီး
ပြည်သူတွေအိမ်ရာဝယ်နိုင်ရေးအတွက် ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်က
အိမ်ရာအပေါင် ချေးငွေစနစ် (Housing Mortgage Loan) နဲ့ ရှစ်နှစ်မှ ၁ဝ နှစ်အထိ
ဝယ်ယူနိုင်အောင် စီစဉ်ဆောင်ရွက်ထားပါတယ်'' ဟု ၄င်းက ပြောသည်။

ဆောက်လုပ်ရေးဝန်ကြီးဌာနသည် တန်ဖိုးနည်း၊ တန်ဖိုးသင့်နှင့် တန်ဖိုးမျှအိမ်ရာများကို
နေပြည်တော်တွင်သာမက ရန်ကုန်၊ မုံရွာ၊ မကွေး၊ ပုသိမ်တို့တွင်ပါ တည်ဆောက်လျက်ရှိရာ
ယခုနှစ်အတွင်း အိမ်ခန်းပေါင်း တစ်သောင်းကျော်ကို ပြည်သူလူထုထံရောင်းချသွားနိုင်ရေး
မျှော်လင့်ထားသည်ဟု ဆိုသည်။

လက်ရှိ တည်ဆောက်လျက်ရှိသော အိမ်ခန်းများမှာ နေပြည်တော်တွင် အိမ်ခန်း ၈ဝ၊
ရန်ကုန်မြို့တွင် အိမ်ခန်း ၈,၇၁၂ ခန်း၊ မုံရွာမြို့တွင် အိမ်ခန်း ၄၄ဝ၊ မကွေးမြို့တွင်
အိမ်ခန်း ၃ဝ၄ ခန်း၊ ပုသိမ်မြို့တွင် အိမ်ခန်း၆၇၆ ခန်း စသည်ဖြင့် စုစုပေါင်း
အိမ်ခန်းပေါင်း ၁ဝ,၂၁၂ ခန်း ရှိသည်။

အိမ်ရာပြန်လည်ဖွံ့ဖြိုးရေးစီမံကိန်း (Redevelopment) ကိုလည်း ဆောင်ရွက်လျက်ရှိရာ
ရန်ကုန်မြို့တွင် ၅၁ လမ်းအိမ်ရာစီမံကိန်း၊ လင့်လမ်းအိမ်ရာစီမံကိန်းနှင့် မန္တလေးမြို့တွင်
စိတ္တရမဟီအိမ်ရာ စီမံကိန်းများကို ဆောင်ရွက်ခဲ့ခြင်းဖြစ်သည်ဟု ဦးကျော်လင်းက
ပြောသည်။

ရန်ကုန်မြို့ရှိ လမ်းသစ်အိမ်ရာစီမံကိန်းကိုလည်း Redevelopment ပြုလုပ်ရန်
ဆောင်ရွက်လျက်ရှိပြီး ပြီးခဲ့သည့် ဘဏ္ဍာနှစ်တွင် ရန်ကုန်မြို့တွင် တန်ဖိုးနည်း၊
တန်ဖိုးမျှ အိမ်ရာစီမံကိန်းမှ အိမ်ခန်းပေါင်း ၂,၂ဝ၈ ခန်းနှင့် မန္တလေးမြို့တွင်
မြရည်နန္ဒာအိမ်ရာစီမံကိန်းမှ အိမ်ခန်း ၈ဝဝ တည်ဆောက်ပေးခဲ့သည်ဟု ၄င်းက
ပြောသည်။

ပြည်သူများ အိမ်ရာပိုင်ဆိုင်ရေးအတွက် အခြားသော ဆောင်ရွက်ချက်များအဖြစ်
တောင်ကိုရီးယားနိုင်ငံမှKookmin ဘဏ်၊ ဂျပန်နိုင်ငံမှ MUT ၊ JHF ဘဏ်များနှင့်
နားလည်မှုစာချွန်လွှာများ လက်မှတ်ရေးထိုးကာ နည်းပညာပိုင်းတွင် ပူးပေါင်း
ဆောင်ရွက်ခြင်း၊ အိမ်ရာဖွံ့ဖြိုးရေးအတွက် အသေးစားချေးငွေနှင့် အိမ်ရာအပေါင်
ချေးငွေများ ဆောင်ရွက်နိုင်ရန် စီစဉ်လျက်ရှိသည်ဟု ဆိုသည်။

ကိုရီးယားဘဏ်သည် မြန်မာနိုင်ငံရှိ ဝင်ငွေနည်းပြည်သူများအတွက်
အိမ်ရာပြုပြင်တည်ဆောက်ရေးနှင့် အိမ်ရာအသစ်ဆောက်လုပ်ရေး လုပ်ငန်း
များတွင် ငွေကြေးအရင်းအနှီးထုတ်ချေးနိုင်ရေး ပြင်ဆင်လျက်ရှိကြောင်း တာဝန်ရှိသူ
တစ်ဦးက ပြောကြားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း