ကိုယ်လက်အင်္ဂါမပြည့်စုံသူ ၆၂ ဦးကို ယာဉ်မောင်းလိုင်စင်ထုတ်ပေး

ကိုယ်လက်အင်္ဂါမပြည်စုံသူများ ယာဉ်မောင်းလိုင်စင် လာရောက်လျှောက်ထားရာတွင် ယာဉ်ကို
ကောင်းမွန်စွာ မောင်းနှင်နိုင်ခြင်းရှိ၊မရှိ စစ်ဆေးပြီးနောက် ယာဉ်မောင်းလိုင်စင်များထုတ်ပေးလျက်ရှိရာ
တစ်နှစ်ခွဲကာလအတွင်း သုံးဦးကို ငြင်းပယ်ခဲ့သော်လည်း ၆၂ ဦးကို ယာဉ်မောင်းလိုင်စင်
ထုတ်ပေးခဲ့ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ ဒုတိယဝန်ကြီးဦးကျော်မျိုးက
ပြောသည်။

''၂ဝ၁၆ ခုနှစ်၊ ဇန်နဝါရီမှ ၂ဝ၁၇ ခုနှစ်၊ဇူလိုင်အထိ ကိုယ်လက်အင်္ဂါ မပြည့်စုံ မသန်စွမ်းမှုများကြောင့်
ယာဉ်ကို ကောင်းမွန်စွာမောင်းနှင်နိုင်ခြင်းမရှိသူ သုံးဦးကိုသာ ယာဉ်မောင်းလိုင်စင်ဖြေဆိုရန် ငြင်းပယ်
မှုရှိခဲ့ပြီး ယာဉ်ကို အန္တရာယ်ကင်းရှင်းစွာ မောင်းနှင်နိုင်တဲ့ စွမ်းရည်ရှိကြောင်း စိစစ်တွေ့ရှိတဲ့
ကိုယ်လက်အင်္ဂါမပြည့်စုံသူ ၆၂ ဦးကို ယာဉ်မောင်းလိုင်စင်များ ထုတ်ပေးခဲ့ပါတယ်''ဟုဇူလိုင်
၃၁ ရက်က ကျင်းပခဲ့သော ပြည်သူ့လွှတ်တော်တွင် ဦးကျော်မျိုးက ပြောသည်။

ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မှ ပြည်သူ့လွှတ်တော် ကိုယ်စားလှယ် ဒေါက်တာ
ခင်မောင်မောင်ကမူမသန်စွမ်းသူများသည် မသန်စွမ်းသူ အခွင့်အရေးဥပဒေအရ သာမန်လူများနှင့်
တန်းတူအခွင့်အရေး ရရှိမည်ဖြစ်သော်လည်း ယာဉ်မောင်းလိုင်စင်များလျှောက်ထားရာတွင်မူ
ငြင်းပယ်ခံနေရကြောင်း ပြောကြားခဲ့သည်။

''ကိုယ်အင်္ဂါမပြည့်စုံသူတွေက မော်တော်ယာဉ်ကောင်းစွာ မောင်းနိုင်တဲ့အတွက် ကားမောင်း
လိုင်စင်သွား လျှောက်ပါတယ်။ သင်မောင်းလိုင်စင်လုပ်ပြီးရင် (ခ)လိုင်စင်လို့ခေါ်တဲ့ သုံးတန်
အောက်အိမ်စီးကားတွေကို မောင်းနှင်ခွင့်လျှောက်ထားပါတယ်။ အဲဒီလိုသွားတဲ့အခါ စစ်ဆေခြင်း
လုံးဝမပြုပါဘူး။ ကိုယ်အင်္ဂါမပြည့်စုံလို့ ဆိုပြီးတော့ ဖြေဆိုခွင့်ကိုပယ်ချခဲ့ပါတယ်''ဟု ၄င်းက
ပြောသည်။

ယာဉ်ပေါ်တွင် လိုက်ပါသူများ၏အသက်အန္တရာယ်အတွက် မော်တော်ယာဉ်မောင်းနှင်သူသည်
အရေးကြီးသောသူဖြစ်သောကြောင့် စစ်ဆေးရခြင်းဖြစ်ကြောင်း ဦးကျော်မျိုးက ပြန်လည်
ရှင်းလင်းပြောကြားသည်။

''ပုံမှန်အခြေအနေမှာ ကိုယ်လက်အင်္ဂါပြည့်စုံမှုမရှိဘဲ အဆင်ပြေနိုင်သော်လည်း အရေးပေါ်
အခြေအနေ ကြုံတွေ့လာတဲ့အခါ တုံ့ပြန်မှုနောက်ကျသဖြင့် အန္တရာယ်ရှိနိုင်တာကြောင့်
ကိုယ်လက်အင်္ဂါသန်စွမ်းမှုစစ် ဆေးရခြင်းဖြစ်ပါတယ်''ဟု ၄င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း