အောင်မင်္ဂလာ အသင်း၏ အခမဲ့ပညာ သင်ကြားရေး အလှူရှင်လို

တက္ကသိုလ်ဝင်တန်း ဖြေဆိုမည့် ကျောင်းသားများအတွက် အခမဲ့ ပညာသင်ကြားပေးလျက်ရှိသော
ပျဉ်းမနားမြို့၊ အောင်မင်္ဂလာရပ်ကွက် ရှိ'စေတနာ လူမှုကူညီရေးအသင်း' ရေရှည်ရပ်တည်နိုင်ရန်
အတွက် အလှူရှင်များ လိုအပ်လျက်ရှိသည်ဟု အသင်းဥက္ကဋ္ဌ ဦးသန့်ဇင်က ပြောသည်။

ပညာသင် ၁၀၀ ဦးအတွက် တစ်နှစ်စာသင်စရိတ်သည် ခန့်မှန်း ကျပ် ၄၅ သိန်းခန့်ရှိကာ ပညာသင်
ကြားစဉ် လိုအပ်သည့်စာရွက်စာတမ်း ကြေးများ၊ လျှပ်စစ်မီးအသုံးပြုခများ ကိုလည်း အလှူရှင်အချို့
၏ လစဉ် ထောက်ပံ့မှုဖြင့် ရပ်တည်လျက်ရှိသည်ဟု ဆိုသည်။

ယခုစာသင်နှစ်အတွက် ပညာသင်ကလေးငယ် ၁၀၀ ဦးကို ပညာသင်ကြားစရိတ်အခမဲ့ဖြင့်
လေ့ကျင့်သင်ကြားပေးလျက်ရှိကြောင်း ၎င်းက ပြောသည်။

"ပညာမသင်နိုင်တဲ့ ကလေးငယ်တွေကို ဦးစားပေးသင်ပေးပါတယ်။ အသင်းရဲ့ စည်းကမ်းချက်ကို
လိုက် နာတဲ့ လူမျိုး၊ ဘာသာ၊ အသား အရောင်မရွေး လက်ခံသင်ကြားပေးမှာပါ။ ရေရှည်ရပ်တည်
နိုင်ဖို့ကလည်း အလှူရှင်ရှိမှပါ။ အောင်မြင်အောင် လုပ်မယ်။ နှစ်စဉ်သင်ပေးနိုင်အောင် ကြိုးစားသွား
မှာပါ" ဟု ဦးသန့်ဇင်က ပြောသည်။

အဆိုပါလူမှုရေးအသင်းကို လွန်ခဲ့သည့်နှစ်နှစ်က စတင်ခဲ့ပြီး ရပ်ကွက် တွင်းရှိ လူမှုရေးလုပ်ငန်းများ
ကိုလည်း အဖွဲ့ဝင် ၂၅ ဦး ဖြင့် ဆောင်ရွက်လျက်ရှိသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


ရာသီဥတုအခြေအနေ - နေပြည်တော်

အကြည့်အများဆုံး - နေပြည်တော်သတင်း