ငြိမ်းချမ်းပါစ ဘားလမ်းမ (သို့) မဟာဗန္ဓုလပန်းခြံလမ်း

ပြောင်းလဲမှုများစွာဖြင့် မဟာဗန္ဓုလပန်းခြံလမ်းကို မေ ၉ ရက်က တွေ့ရစဉ်။ အောင်မြင်ရဲဇော်/ မြန်မာတိုင်း(မ်)ပြောင်းလဲမှုများစွာဖြင့် မဟာဗန္ဓုလပန်းခြံလမ်းကို မေ ၉ ရက်က တွေ့ရစဉ်။ အောင်မြင်ရဲဇော်/ မြန်မာတိုင်း(မ်)

မဟာဗန္ဓုလပန်းခြံလမ်း (ဘားလမ်း)သည် မဟာဗန္ဓုလပန်းခြံကို အစွဲပြု၍ မှည့်ခေါ်ခဲ့ခြင်းဖြစ်ပါသည်။
၁၈- ရာစု၊ ၁၉ ရာစုနှစ် အင်္ဂလိပ်ခေတ်ရန်ကုန်မြို့သစ်စီမံကိန်းနှင့်အတူ ထိုလမ်းမကြီးပေါ်ပေါက်ခဲ့ခြင်း
ဖြစ်ပါသည်။

ယခုအခါ ကျောက်တံတားမြို့နယ်အတွင်း တည်ရှိပြီး ထိုခေတ်အခေါ်အရ မော်လမြိုင်စစ်ကဲကြီး
လီးအီးဘားကို ဂုဏ်ပြု၍ ဘားလမ်းဟု အမည်မှည့်ခေါ်ခဲ့သည်မှာ ဒုတိယကမ္ဘာစစ်ကြီး ဖြစ်ကာနီး
အထိ။ထိုလမ်းမကြီးမှာ ကမ်းနားလမ်းနှင့် ဗိုလ် ချုပ်အောင်ဆန်းလမ်းမကြီးသို့ တောက်လျှောက်
ပေါက်ရောက်ပါသည်။ ထူးခြားသော လမ်းတိုလေးနှစ်လမ်းမှာ ပထမဘဏ်လမ်း (ရှားဖရက်ဇ်) လမ်း
ဖြစ်ပြီး ဒုတိယလမ်းမှာ (ကော်ပိုရေးရှင်းလမ်း) ယခု စည်ပင်လမ်းတို့ ဖြစ်ပါသည်။

ထိုလမ်းတိုလေး နှစ်လမ်းမှာ ဘားလမ်းနှင့် ဆက်စပ်၍ အရှေ့အနောက် လမ်းတိုလေးများဖြစ်ကာ
ဆူးလေလမ်းမကြီး နှင့် ဆက်သွယ်နေပါသည်။ရန်ကုန်မြို့တည်သည့်အချိန်က ဖိုက်စကွဲ ယားပန်းခြံ
သည် ဒုတိယကမ္ဘာစစ်ကြီး မတိုင်မီကပင် မဟာဗန္ဓုလပန်းခြံအဖြစ် အမည်ပြောင်းလဲခဲ့ပြီး ဘားလမ်း
သည် ထိုပန်းခြံကြီးနှင့် ဆက်နွှယ်နေခြင်း ဖြစ်ပါသည်။

ရန်ကုန်မြို့သစ်ကြီးနှင့်အတူ ပေါ်ပေါက်လာသော ဘားလမ်းပေါ် ရှိ ရှေးဟောင်းအဆောက်အအုံများမှာ
ဟိုက် ကုတ်ရုံးကြီး၊ ဧမာနွေလဘုရားကျောင်း၊ရစ်ပလီဟောခန်းမကြီး၊ ရိုးကုမ္ပဏီ အရောင်း တိုက်
ဆိုင်ကြီး။

စတီးဝပ်အချုပ်ထောင်၊ ပုလိပ်မင်းကြီးရုံး မွတ်စလင်ကုသိုလ်ဖြစ်ဆေးရုံ၊ ကင်းရုပ်ရှင်ရုံတို့ဖြစ်သည်။
ရန်ကုန်မြို့၏ ပျော်ပွဲရွှင်ပွဲများစွာ အငြိမ့် ပွဲများ၊ လူထုတရားပွဲများ၊ ဆန္ဒပြပွဲများ၊ ဘာ သာရေးပွဲများသည်
ဆူးလေဘုရား ရင်ပြင်နှင့် တစ်ဆက်တည်းရှိသော ရင်ပြင်ကျယ်ကြီး၊ ဖိုက်စကွဲယားပန်းခြံ၊ ဘား
လမ်းမကျယ်ကြီးတို့တွင် ဖြစ်ပေါ်ခဲ့သည်... ပြုလုပ်ခဲ့ကြသည်ဖြစ်သောကြောင့် ဘားလမ်းသည် လူထုအသိများ သော...အသုံးများသော...လမ်းမကြီး ဖြစ်ခဲ့သည်မှာ ယခုတိုင်...။

ဘားလမ်းဟု အခေါ်ရလွယ်ကူသဖြင့် မဟာဗန္ဓုလပန်းခြံလမ်းဟု အမည်ပြောင်းလဲခဲ့သည်မှာ ကြာခဲ့ပြီ
ဖြစ်သော်လည်း ယခုအချိန်အထိ အလွယ်တကူ ခေါ်ယူနေကြဆဲ။ ထို့ပြင်ဘားလမ်းမကြီးသည်
တစ်ချိန်က သတင်းစာ ဆရာ...သတင်းစာများစွာတို့ ထုတ်ဝေ ဖြန့်ချိ...နားခို...ချိန်းဆို...
သတင်းဖလှယ်ရာ နေရာဌာနကြီး ဖြစ်ခဲ့သည်ဟူ၏။

ဟိုက်ကုတ်ရုံးကြီး၊ ရစ်ပလီဟောခန်းမကြီး၊ စတီးဝပ် အချုပ်ထောင်၊ ဆူးလေဘုရား၊ ဖိုက် စကွဲယား
ပန်းခြံများကြောင့် သတင်းထူးများသည် ဤနေရာများကို ဗဟိုပြုခဲ့သည်ဆိုကြ၏။ ထိုစဉ်က
ဘားလမ်းမကြီးတစ်ခုတည်းမှာပင် ထုတ်ဝေဖြန့်ချိခဲ့သော သတင်းစာနှင့် စာစောင်များမှာ...ဓမ္မဒေသနာ တရားသတင်းစာ၊ မြန်မာမျိုးစောင့်သတင်းစာ၊ သစ္စဝါဒီ သတင်းစာ၊ အောင်မြန်မာသတင်းစာ၊
ဗန္ဓုလသတင်း စာ၊ မောရိယသတင်းစာ၊ အုပ်ချုပ်ရေး သတင်းစာ၊ လမ်းမှန်သတင်းစာ...စသည်တို့...။

ထိုသတင်းစာများကို အကြောင်းပြု၍ သတင်းစာဆရာ၊ စာရေးဆရာ၊ သတင်းထောက်တို့ အမြဲဆုံ
တွေ့ရာ လမ်းမကြီး...။ ရိုးကုမ္ပဏီတိုက်ဆိုင်ကြီးတွင် ဈေးဝယ်ရင်း..ပန်းခြံကြီးတွင် လေညင်းခံရင်း...
ပျော်ပွဲ ရွှင်ပွဲများတွင် ကြည့်ရှုသွားလာ လှုပ်ရှားရင်း လူစည်ကားရာဒေသကြီး ဖြစ်ခဲ့သည်။

ထိုမှ ဒုတိယကမ္ဘာစစ်ကြီး ဖြစ်ပွားခဲ့၍ ကျွန်တော်တို့ တိုင်းပြည်ကြီး လွတ်လပ်ရေး ရရှိခဲ့ချိန်တွင်
တည်ဆောက်ပြုပြင်မှုများစွာနှင့် ထိုရုံးကြီး...ဆိုင်ကြီး...ဌာနကြီးများ သည် မြန်မာနာမည်များဖြင့်
ဆက်လက် တည်ရှိခဲ့သည်မှာ နဝတခေတ်အထိ...။

ထို့ကြောင့် ရစ်ပလီဟောသည် မြို့တော် ခန်းမကြီး...မြူနီစီပယ်ရုံးကြီး၊ ရိုးကုမ္ပဏီ တိုက်ဆိုင်ကြီးသည်
လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာန၊ ဖိုက်စကွဲယား ပန်းခြံသည် မဟာဗန္ဓုလပန်းခြံနှင့်
လွတ်လပ် ရေးကျောက်တိုင်ကြီး၊ ဟိုက်ကုတ်ရုံးကြီးသည် ဗဟိုတရားရုံးချုပ်ကြီး၊ စတီးဝပ် အချုပ်
ထောင်သည် ပြည်သူ့ရဲတပ်ဖွဲ့ ဌာနကြီး၊ ကင်းရုပ်ရှင်ရုံသည် ဘုရင့်ရုပ်ရှင်ရုံ...စသည်တို့ ဖြင့် နာမည်များ
ပြောင်းလဲခဲ့သည်။

ဧမာနွေလဘုရားကျောင်းကိုလည်း သစ်သား အဆောက်အအုံမှ အုတ်တိုက်အဖြစ် ပြန်လည်တည်
ဆောက်ခဲ့ကြသည်။ ထိုခေတ်ကား ဖဆပလခေတ်...။ထိုမှ ကျွန်တော်တို့ကြုံဆုံခဲ့ရာ မဆလခေတ်။
ကျွန်တော်တို့ခေတ်တွင်လည်း ဘားလမ်း ဟုသာ အခေါ်များခဲ့သည်။

ကျွန်တော်တို့ ခေတ် ဘားလမ်းမကြီး၌ ဘားလမ်းမုတ်ဆိတ် လက်ဖက်ရည်ဆိုင်၊ ရွှေမင်းသမီး
လက်ဖက်ရည်ဆိုင်၊ ခေတ်သစ်လက်ဖက်ရည်ဆိုင်၊ စပယ်ဦး စာအုပ်ထုတ်ဝေရေးနှင့် တေးသံသွင်း
ဆိုင်၊ မင်းသားကြီးဝင်းဦး၏ စန္ဒာမဂ္ဂဇင်းတိုက်၊ စာပေလုပ်သားမဂ္ဂဇင်းတိုက်၊ လူမှုဖူလုံရေး ရုံးချုပ်ကြီး
နှင့် သမဝါယမဆိုင်များ၊ တည်းခို ခန်းများ၊ ပရိဘောဂလုပ်ငန်းများ၊ လျှပ်စစ် ပစ္စည်းဆိုင်များ၊ ရှေ့နေ
ရုံးခန်းများ၊ လက်နှိပ် စက် လက်ရေးတိုတံဆိပ်ခေါင်းစာချုပ်မျိုးစုံ ဆိုင်များ...စသည်တို့ ရှိခဲ့ဖူးသည်။

ထိုမှ ၈၈ အရေးခင်းကြီး...။ ထိုစဉ် ကာလ စာရေးဆရာသမဂ္ဂသည် စပယ်ဦး တေးသံသွင်းနှင့်
စာအုပ်ထုတ်ဝေရေး တိုက် ကြီးတွင် အဓိက စုရပ်လို ဖြစ်ခဲ့သည်။ ဆန္ဒပြ သူ စာရေးဆရာကြီးငယ်တို့
ဝိုင်းဝိုင်းလည် လျက် ရှိခဲ့သည်မှာ ကျွန်တော်တို့ မျက်မြင် ကိုယ်တွေ့...။

ထိုမှ စုပေါင်းချီတက် ဆန္ဒပြ၊ဟောကြ...ပြောကြ...လမ်းခွဲကြ... သွေးစွန်းခဲ့သော သမိုင်းဝင်နေ့ရက်
များ...။ ထောင်ကျထားသူတွေ...နိုင်ငံခြား ရောက် သွားခဲ့ကြသူတွေ...အများအပြား...။ မစွန့်ခွာနိုင်...
ထောင်လည်းမကျ ရေမြောကမ်းတင်ဘဝတွေနှင့် ဟိုမရောက်သည်မရောက် ကျွန်တော်တို့လို
လူတွေ...အားလုံးဝေလေလေ...ယောင်ဝါးဝါး...ခေါင်း ဆောင်ရှား...အနာဂတ်တွေ ပျောက်သွား
သည့်ခေတ်...လက်နက်အားကိုး ပုဆိန်  ရိုးတို့ခေတ်...။ထို့နောက် ယနေ့ခေတ်။

ရုံးဌာနတွေ အသီးသီး နေပြည်တော်သို့ ပြောင်းရွှေ့သွားခဲ့ကြလေပြီ။ ကျန်ရှိနေသောရုံးချုပ်ကြီးတွေ၊
တိုက်ခန်းကြီးတွေ။ ထိုရုံးကြီးများ နေရာများတွင် ဟိုတယ်ကြီးများ...စားသောက်ဆိုင်ကြီးများ...ဘဏ်
တိုက်ကြီးများ... နာမည်ပြောင်း၍ ဖွင့်လှစ်ခဲ့ကြသည်မှာ မှိုလိုပေါက်...။

ဘားလမ်းပေါ်က လမ်းဘေးဈေးသည်တွေကတော့ ခေတ်အဆက်ဆက် မပြောင်းလဲရောင်းမြဲရောင်း
လျက်။ လမ်းဘေး ပလက်ဖောင်းတွေက ပျက်လိုက်၊ ဖျက်လိုက်၊ ပြင်လိုက်၊ ကောင်းလိုက်။ ကားပါကင်တွေကပလက်ဖောင်းပေါ်ထိ ကျော်ရပ်လျက်အပြည့်။လမ်းပေါ်လျှောက်ရသူများ
အဆင်မပြေ။ ဘယ်ဌာနတွင် တာဝန်ရှိမှန်းမသိ။

သို့သော်ယခုအချိန်ကာလသည် ကမ္ဘာလှည့်ခရီးသွားတို့ ကျွန်တော်တို့နိုင်ငံကို သိန်းနှင့်ချီ၍
လာရောက်နေချိန်။ ထိုပုဂ္ဂိုလ်များတွင် ကင်မရာများ၊ ဖုန်းများ၊ လူတိုင်းနီးပါး ပါလာသည့်အတွက်
ရိုက်လိုက်သည့် ဓာတ်ပုံတွေကတဖျတ်ဖျတ်။ နိုင်ငံခြားငွေရရှိသည်ဆိုသော အချက် တစ်ခုတည်းနှင့်
တော့သည်အတိုင်း ကြည့်မနေသင့်ပါ။

ဌာနတိုင်းတွင် တာဝန်ရှိ၍ တာဝန်သိစိတ်နှင့် ပူးပေါင်းဆောင်ရွက်သင့်ပါ သည်။ ဂရုစိုက်ပေးကြပါ။
အရှက်တရားကို သိကြပါ။ကျွန်တော်တို့ခေတ်အထိ ဘားလမ်းမကြီး သည် အခြားလမ်းကျယ်ကြီးများ
လိုပင် အရိပ်ရ သစ်ပင်ကြီးများ ဝေဆာလျက်။ ပေါ်တီကို အမိုးများပေါများခဲ့သည်။ ယခုသော်ကား။

ပေါ်တီကိုတွေ လုံးဝမရှိတော့ အရိပ်ရသစ်ပင်ကြီးတွေ တစ်ပင်မှ မရှိတော့ချေ။ အပေါ်ဘလောက်
အောက်ဘလောက် တိုးလျှိုပေါက် မြင်တွေ့နေရသည်မှာ ကြာခဲ့ပြီ။ ယခု ကျွန်တော်တို့ ဘားလမ်းသို့ရောက်
လေတိုင်း စန္ဒာမဂ္ဂဇင်းတိုက်နား၊ ရွှေမင်းသမီး လက်ဖက်ရည်ဆိုင်နား၊ စာပေလုပ်သား မဂ္ဂဇင်းတိုက်
နေရာနား ရောက်ရှိခဲ့လျှင် သည်နေရာမှာ၊ သည်တိုက်တွေမှာ၊ သည်ဆိုင် တွေမှာ ဆုံကြုံခဲ့ရသည့်
ဆရာပေါင်းများစွာ၊ မိတ်ဆွေပေါင်းများစွာကို တမ်းတမ်းတတ လွမ်းနေမိသည်မှာ အခါခါ။

အချိန်ကာလ၏ တိုက်စားမှုနှင့် ခေတ်အဆက်ဆက် ဖြတ်သန်း ခဲ့ရသော ကျွန်တော်တို့လိုပင် ဘားလမ်း
မကြီး ခမျာမှာလည်း ခံစားနေရရှာပေလိမ့်မည်။ ဟိုတုန်းက မြို့ပြင်ကားလိုင်းများ ဘား လမ်းမပေါ်တွင်
ဂိတ်ထိုးခဲ့ဖူးသည်။

ယခုမရှိ တော့။ ကားပါကင်တွေ ပြုလုပ်လိုက်ကြသည်။ သန့်စင်ခန်းတွေ ဖျက်ပစ်လိုက်သည်။
မတည်မြဲနိုင်သော အဆောက်အအုံတို့ ပျက် စီးသွားနိုင်သော်လည်း တည်မြဲနိုင်သည့် အဆောက်
အအုံတို့ ကျန်ရစ်နေနိုင်သေးသည်ကို တွေ့မြင်ရ၍ ဖြေသာပါသေးသည်။ထွန်းသစ်စနေရောင်ခြည်
အရုဏ်ဦးနှင့်အတူ ကျွန်တော်တို့ လက်တွဲ၍ အကောင်းများကို မျှော်လင့်ရင်း ဘားလမ်းမကြီးသည်
လည်း ကျန်းမာချမ်းသာပါစေသတည်း။ ကျွန်တော်တို့ အားလုံးလည်း ကျန်းမာချမ်းသာပါစေသတည်း။ 

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - ရန်ကုန်

အကြည့်အများဆုံး - ရန်ကုန်သတင်း