လုပ်ငန်းခွင် ပြောင်းရွှေ့ခံရ၍ တိုင်တန်းခဲ့သူ သုံးဦးကို ငဲ့ညှာကြေးပေးရန် ခုံသမာဓိကောင်စီ ဆုံးဖြတ်

ရာရှင်း သံရည်ကျိုစက်ရုံဝန်ထမ်းများ ခုံသမာဓိကောင်စီရုံးမှ ထွက်ခွာလာသည်ကို ဇွန် ၁ ရက်က တွေ့ရစဉ်။ ဇော်ဇော်ထွေး/ မြန်မာတိုင်း(မ်)ရာရှင်း သံရည်ကျိုစက်ရုံဝန်ထမ်းများ ခုံသမာဓိကောင်စီရုံးမှ ထွက်ခွာလာသည်ကို ဇွန် ၁ ရက်က တွေ့ရစဉ်။ ဇော်ဇော်ထွေး/ မြန်မာတိုင်း(မ်)

သံမဏိသံရည်ကျိုစက်ရုံအတွင်း ချော်ရည်ခဲထုသည့်ဌာနမှ အထွေထွေလုပ်သားအဖြစ်
ပြောင်းရွှေ့ခံရသဖြင့် ဖြေရှင်းပေးရန်တိုင်တန်းခဲ့သည့် ရာရှင်း သံရည်ကျိုစက်ရုံဝန်ထမ်း 
အလုပ်သမသုံးဦးကို ငဲ့ညှာသည့်သဘောဖြင့် လုပ်သက်ခံစားခွင့်ကြေး တစ်သိန်းကျော်ပေးရန်
ခုံသမာဓိကောင်စီက ဇွန် ၁ ရက်က အမိန့်ချမှတ်လိုက်သည်။

အဆိုပါ အငြင်းပွားမှုကိစ္စကို ရန်ကုန်တိုင်းခုံသမာဓိအဖွဲ့က ကနဦးစစ်ဆေးပြီး လုပ်သက်
တစ်နှစ်ကျော်ရှိအလုပ်သမား နှစ်ဦးကို နို့တစ်ကြေးအပါအဝင် နစ်နာကြေး ကျပ် ၂၂၈,ဝဝဝ နှင့်
ကျန်အမျိုးသမီးအလုပ်သမားတစ်ဦးကိုကျပ် ၁၆၃,၅ဝဝ ပေးလျော်ရန် ကနဦးအနေဖြင့်
အမိန့်ချမှတ်ထားခဲ့ခြင်း ဖြစ်သည်။

အလုပ်ရှင်ဘက်က တိုင်းခုံကောင်စီ၏ ဆုံးဖြတ်ချက်ကို မကျေနပ်သဖြင့် ထပ်မံ
အယူခံတက်ခဲ့ခြင်း ဖြစ်ပြီး ခုံသမာဓိကောင်စီက စစ်ဆေးခဲ့ရာ အလုပ်ရှင်က အလုပ်ထုတ်ခဲ့ခြင်း
မဟုတ်ကြောင်း သိရှိရသည့်အတွက် နို့တစ်ကြေးပေးရန် မလိုကြောင်း သုံးသပ်ခဲ့သည်ဟု
ခုံကောင်စီဆုံးဖြတ်ချက်တွင် ဖော်ပြထားည်။

သို့သော် အလုပ်ရှင်၊ အလုပ်သမား ရေရှည်အကျိုးစီးပွားကို ချိန်ဆပြီး လူမှုရေးအရ
ငဲ့ညှာထောက်ထားပြီး လုပ်သက်ခံစားခွင့်ပေးရန် သုံးသပ်ကာ လုပ်သက် တစ်နှစ်ကျော်ရှိ
မဖြူဖြူဝင်း (၁)နှင့် မဖြူဖြူဝင်း(၂)တို့ကို နစ်နာကြေးကျပ် ၁၁၄,ဝဝဝ စီနှင့် မချိုချိုစန်းကို
နစ်နာကြေး ကျပ် ၅၄,၅ဝဝ ပေးရန် ဆုံးဖြတ်ချက် ချမှတ်လိုက်သည်။

''စက်ရုံဘက်က အလုပ်ထုတ်တာမဟုတ်တဲ့အတွက် နို့တစ်ကြေးကို ဖြုတ်လိုက်တယ်။
ကျွန်မတို့ တစ်သိန်းကျော်ပဲ ရတော့တယ်။ ကျွန်မတို့ ရသလောက်ပဲ ယူတော့မယ်။
အချိန်တွေကုန်၊ လူတွေပင်ပန်းပြီး လမ်းစရိတ်တွေလည်း ကုန်လွန်းလို့'' ဟု ရာရှင်း
သံမဏိစက်ရုံအလုပ်သမားတစ်ဦးဖြစ်သည့် မဖြူဖြူဝင်းက မြန်မာတိုင်း(မ်)ကို ပြောသည်။

ခုံကောင်စီ၏ ဆုံးဖြတ်ချက်ကို ကျေနပ်မှုမရှိသော်လည်း စာချွန်တော်အဆင့်သို့ တက်ရောက်
အယူခံဝင်ပါက ရှေ့နေခပင် ငါးသိန်းခန့် ကနဦးပေးရမည်ဖြစ်သဖြင့် ဆက်လက်
မတတ်နိုင်တော့ကြောင်း အလုပ်သမားများဘက်မှ ကူညီဆောင်ရွက်ပေးနေသည့်
မှော်ဘီမြို့နယ် အလုပ်သမားသမဂ္ဂအဖွဲ့ ဒုဥက္ကဋ္ဌ ဦးအောင်ကိုလတ်က မြန်မာတိုင်း(မ်)ကို
ဇွန် ၆ ရက်က ပြောသည်။

''အလုပ်သမား နစ်နာတာပေါ့။ အလုပ်သမားက အလုပ်လည်း မရှိတော့ဘူး၊
နစ်နာကြေးကျတော့လည်း ထပ်အဖြတ်ခံရတယ်။ကောင်စီကို တဲ့တိုးပြောခွင့်ရရင် ပြောချင်တယ်။
လာကြည့်လှည့်ပါ။ အလုပ်ရှင်က မှားနေသလား၊ အလုပ်သမားက မှားနေသလားဆိုတာ။
ဒီရာရှင်းစက်ရုံဟာ အလုပ်သမားကို ဖိနှိပ်ချုပ်ချယ်လို့ လူ့အခွင့်အရေးကော်မရှင်ကလည်း
တကယ်လည်း ဖိနှိပ်ချုပ်ချယ်ခိုင်းစေနေပါတယ်ဆိုတာ ပြောထားဖူးတယ်။ ဒီခုံကောင်စီ
ဆုံးဖြတ်ချက်ကို မကျေနပ်တာတော့အမှန်ပဲ'' ဟု ဦးအောင်ကိုလတ်က ပြောသည်။

ယင်း သံရည်ကျိုစက်ရုံအလုပ်သမား သုံးဦးမှာ လူ့အခွင့်အရေးကော်မရှင်နှင့် အလုပ်သမား
အဖွဲ့အစည်းများ လာရောက်စစ်ဆေးစဉ်အတွင်း ၄င်းတို့ ဆုံးရှုံးနစ်နာမှုများ ပြောပြခဲ့သဖြင့်
စက်ရုံက ချော်ရည်ခဲထုဌာနမှ မန်နေဂျာခိုင်းစေသည့်အလုပ်မှန်သမျှ လုပ်ကိုင်ပေးရသည့်
အထွေထွေလုပ်သားများအဖြစ် ၂ဝ၁၆ ခုနှစ်၊ မတ်လတွင် ပြောင်းရွှေ့ရာမှ အငြင်းပွားမှု
စတင်ဖြစ်ပေါ်ခဲ့ခြင်း ဖြစ်သည်။

အထက်ပါ ကိစ္စများနှင့်ပတ်သက်ပြီး မှော်ဘီမြို့နယ်၊ မြောင်းတကာစက်မှုဇုန်ရှိ ရာရှင်းသံရည်ကျို
စက်ရုံ မန်နေဂျာ ဦးတင်ထွန်းကို မြန်မာတိုင်း(မ်)က ဇွန် ၆ ရက်က ဆက်သွယ်မေးမြန်းရာ
တစ်စုံတစ်ရာ ဖြေကြားခဲ့ခြင်း မရှိပေ။ 

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - ရန်ကုန်

အကြည့်အများဆုံး - ရန်ကုန်သတင်း