ငလျင်ဘေးအန္တရာယ် ပိုဂရုပြုဖို့ လိုလာသည့် အထပ်မြင့်နှင့် ယိုယွင်းအဆောက်အအုံဟောင်းများ

 ရန်ကုန်မြို့ရှိ အဆောက်အအုံဟောင်းတစ်ခုကို တွေ့ရစဉ်။ ဓာတ်ပုံ - မြန်မာတိုင်း(မ်)ရန်ကုန်မြို့ရှိ အဆောက်အအုံဟောင်းတစ်ခုကို တွေ့ရစဉ်။ ဓာတ်ပုံ - မြန်မာတိုင်း(မ်)

ရန်ကုန်မြို့တွင် မြေငလျင်များ ခပ်စိပ်စိပ်လှုပ်လာပြီး ငလျင်အန္တရာယ်ကို သတိထားရမည့်
အခြေအနေ ဖြစ်လာခြင်းနှင့်အတူ တည်ဆောက်မှု များပြားလာသော အထပ်မြင့် အဆောက်
အအုံများနှင့် အထပ်မြင့်အဆောက်အအုံဟောင်းများကို မြေငလျင်အန္တရာယ်ကင်းဝေးရန်
မည်ကဲ့သို့ ပြင်ဆင်ကြမည်ဆိုသည့်အချက်မှာလည်း အထူးသတိထားစရာတစ်ခု
ဖြစ်လာသည်။

ငလျင်လှုပ်မည့် အချိန်အတိအကျကို ခန့်မှန်းပြောဆိုရန် မလွယ်ကူသော်လည်း
ငလျင်ပြတ်ရွေ့ကြောဘေးတွင် တည်ရှိနေသော ရန်ကုန်မြို့တော်အတွက် ပြတ်ရွေ့
တစ်ခုခုတွင် ငလျင်လှုပ်ပါက ထိခိုက်နိုင်ခြေများပြီး ငလျင်အန္တရာယ်ထက် နောက်ဆက်တွဲ
ဖြစ်သော နေအိမ်များနှင့် အထပ်မြင့် အဆောက်အအုံများ ပြိုကျပါက နေထိုင်သူများ
ထိခိုက်သေဆုံးနိုင်ခြေ ပိုများသည့်အတွက် အထပ်မြင့်အဆောက်အအုံဟောင်းများတွင်
နေထိုင်သူများအတွက် ငလျင်အန္တရာယ်မှာ သတိထားရမည့်အခြေအနေတစ်ခု
ဖြစ်လာသည်။

၂ဝ၁ဝ ပြည့်နှစ်နောက်ပိုင်းမှစ၍ရန်ကုန်မြို့အပါအဝင် မြန်မာနိုင်ငံအနှံ့အပြားတွင်
ငလျင်များ ပိုမိုလှုပ်လာခဲ့ပြီး အထူးသဖြင့် အထပ်မြင့်အဆောက်အအုံ များပြားစွာရှိသော
ရန်ကုန်မြို့တွင် အင်အားပြင်းငလျင်များ လှုပ်ပါက ထိခိုက်မှုဖြစ်နိုင်ခြေ များပြားသောကြောင့်
အထပ်မြင့်အဆောက်အအုံဟောင်းများတွင် နေထိုင်သူများအတွက် မိမိနေထိုင်ရာ
အဆောက်အအုံ၏ မြေငလျင် ခံနိုင်ရည်အားကို စစ်ဆေးထားသင့်ကြောင်း မြန်မာနိုင်ငံ
မြေငလျင်ကော်မတီက ပြီးခဲ့သော နှစ်ကုန်ပိုင်းကတည်းက တိုက်တွန်းထားသည်။

ပြီးခဲ့သောအပတ်အတွင်း တိုက်ကြီးမြို့ကို ဗဟိုပြုပြီး ပဲခူးပြတ်ရွေ့ကြောက ပြင်းအားရစ်ခ်ျတာ
စကေး ၅ ဒသမ ၈ အဆင့် အင်အားအသင့်အတင့်ရှိသော ငလျင်တစ်ခုလှုပ်ခဲ့ပြီး အချို့
အထပ်မြင့်အဆောက်အအုံဟောင်းများ၏ ဘေးနံရံများတွင် အက်ကြောင်းများဖြစ်ပေါ်ခဲ့သည့်
အတွက် ရန်ကုန်မြို့ အထပ်မြင့်တိုက်များတွင် နေသူများ စိုးရိမ်ထိတ်လန့်ခဲ့ရသည်။

သို့သော် ယခုအချိန်ထိ မြေငလျင်အန္တရာယ်အတွက် ကြိုတင်ပြင်ဆင်သည့်အနေဖြင့် နေထိုင်
သူများက မြေငလျင်ခံနိုင်ရည်အားကို လာရောက်စစ်ဆေးစေသော အထပ်မြင့် အဆောက်
အအုံဟောင်းများ မရှိသေးကြောင်း မြန်မာနိုင်ငံ မြေငလျင်ကော်မတီထံမှ သိရသည်။

''နေထိုင်သူတွေက သူတို့နေထိုင်ရာ အဆောက်အအုံတွေရဲ့ မြေငလျင်ခံနိုင်အားကို
မြေငလျင်ကော်မတီမှာ လာရောက်စစ်ဆေးတာမျိုးတော့ အခုချိန်ထိ မရှိသေးပါဘူး။
အဆောက်အအုံဟောင်း တွေမှာ နေထိုင်သူတွေကို သူတို့ အဆောက်အအုံ တွေက
မြေငလျင်ဘယ်လောက် ရစ်ခ်ျတာစကေးထိ ခံနိုင်ရည်ရှိတယ်ဆိုတာကို ကြိုတင်
စစ်ဆေးထားစေချင်ပါတယ်''ဟု မြန်မာနိုင်ငံမြေငလျင်ကော်မတီ အတွင်းရေးမှူး
ဦးစောထွေးဇော်က ပြောသည်။

ကုလသမဂ္ဂ မြို့ရွာနှင့်အိုးအိမ် ပြန်လည်ထူထောင်ရေးအစီအစဉ် (UN Habitat)
၏ကူညီပံ့ပိုးမှုဖြင့် မြန်မာနိုင်ငံ မြေငလျင်ကော်မတီကရန်ကုန်ဆေးရုံကြီး၊ စာသင်ကျောင်းများ
အပါအဝင် ရန်ကုန်တိုင်းဒေသကြီးအတွင်းရှိ အများပြည်သူနှင့်ဆိုင်သော အဆောက်အအုံ
၅ဝ ကျော်၏ အခြေအနေကို ယခုလအတွင်း စစ်ဆေးခဲ့ကြောင်း ၄င်းက ပြောသည်။

''ရန်ကုန်မြို့က အများနဲ့ဆိုင်တဲ့ အဆောက်အအုံ ၅ဝ လောက်ကို UN Habitat နဲ့ ပေါင်းပြီး
စစ်ဆေးပြီးပါပြီ။ အခုကတော့အဆောက်အအုံရဲ့အခြေအနေကို စစ်ရုံပဲစစ်တာဖြစ်ပြီး
အဆောက်အအုံတွေကို ရီဗျူးလုပ်နေပါတယ်။ ရီဗျူးလုပ်တာတွေကိုလည်း ဒီနှစ်ကုန်မတိုင်ခင်
အပြီးလုပ်ဆောင်မှာဖြစ်ပါတယ်''ဟု ၄င်းက ပြောသည်။

မည်သည့်အချိန် ငလျင်လှုပ်မည် မပြောနိုင်သော်လည်း ငလျင်များ ဆက်လက်လှုပ်မည်မှာ
သေချာနေသည့်အတွက် အထပ်မြင့်ဆောက်အအုံဟောင်းများတွင် နေထိုင်သူများအတွက်
ငလျင်ဒဏ် ခံနိုင်ရည်အားကို ဆန်းစစ်ထားသင့်ကြောင်း မြန်မာနိုင်ငံ မြေငလျင်ကော်မတီက
ဒုတိယဥက္ကဋ္ဌ ဦးမျိုးသန့်က ပြောသည်။

''ငလျင်က ဘယ်အချိန်လှုပ်မယ်သာ မသိတာ၊ လှုပ်မှာသေချာနေတော့ ကိုယ့်
အဆောက်အအုံတွေကို မြေငလျင် ခံနိုင်ရည်အား ဆန်းစစ်ထားသင့်ပါတယ်။ ပြီးတော့
မြေငလျင်တွေက တစ်နိုင်ငံလုံးအနေအထားနဲ့ဆို အရင်ကထက်ပိုပြီး ခပ်စိပ်စိပ်လှုပ်လာ
ပါတယ်။ ပြင်အားများတဲ့ ရစ်ခ်ျတာစကေးရှိတဲ့ ငလျင်တွေက ၂ဝ၁၁ ခုနှစ်မှာ တစ်ကြိမ်၊
၂ဝ၁၆ ခုနှစ်မှာ နှစ်ကြိမ်လှုပ်ခဲ့ပါတယ်။ ပြီးခဲ့တဲ့အပတ်ကလည်း ပြင်းအား ၅ ဒသမ ၈ ရှိတဲ့
ငလျင်တစ်ခု ရန်ကုန်မှာ လှုပ်ခဲ့ပါသေးတယ်''ဟု ၄င်းက ပြောသည်။

ပြီးခဲ့သောအပတ် တိုက်ကြီးမြို့ကို ဗဟိုပြုလှုပ်ခဲ့သော ငလျင်မှာ အနောက် ပဲခူးရိုးမပြတ်ရွေ့မှ
လှုပ်ခြင်းဖြစ်ပြီး ရန်ကုန်မြို့တော်အတွက် ပြင်းအားမြင့်မားသော ငလျင်ဖြစ်နိုင်ခြေအများဆုံး
ပြတ်ရွေ့မှာ စစ်ကိုင်းပြတ်ရွေ့ဖြစ်ကြောင်း ဦးမျိုးသန့်က ပြောသည်။

''ပြီးခဲ့တဲ့အပတ်က လှုပ်ခဲ့တဲ့ တိုက်ကြီးငလျင်က အနောက်ပဲခူးရိုးမပြတ်ရွေ့က လှုပ်တာ
ဖြစ်ပါတယ်။ ရန်ကုန်မြို့အတွက် စိုးရိမ်ရတဲ့ အင်အားပြင်းငလျင် အလှုပ်နိုင်ဆုံးပြတ်ရွေ့က
စစ်ကိုင်းပြတ်ရွေ့ပဲ ဖြစ်ပါတယ်။ စစ်ကိုင်းပြတ်ရွေ့က နောက်ဆုံးလှုပ်ခဲ့တာ ၁၉၂၉ - ၁၉၃ဝ က
လှုပ်ခဲ့တာဖြစ်လို့ အခုချိန်မှာ အဲဒီပြတ်ရွေ့ကပဲ ငလျင်ပြန်လည်လှုပ်ဖို့ အခွင့်အရေးက
သိပ်များနေပါပြီ''ဟု ၄င်းက ပြောသည်။

စစ်ကိုင်းပြတ်ရွေ့၊ ပဲခူးပြတ်ရွေ့များသည် ငလျင်ပြင်းအား ရစ်ခ်ျတာစကေး ၇ နှင့်အထက်
လှုပ်နိုင်ပြီး ရန်ကုန်တိုင်းနှင့် ဧရာဝတီတိုင်းအကြားတွင်ရှိသော ဒေးဒရဲပြတ်ရွေ့သည်
ရစ်ခ်ျတာစကေး ၆ နှင့်အထက် လှုပ်နိုင်ခြေရှိကြောင်း မြန်မာနိုင်ငံ မြေငလျင်ကော်မတီက
ထုတ်ပြန်ထားသည်။

ပြတ်ရွေ့များ၏ သဘာဝအရ အင်အားပြင်းငလျင်လှုပ်ပြီး နောက်တစ်ကြိမ် ထပ်မံလှုပ်နိုင်ခြေ
ရှိသည့်အတွက် စစ်ကိုင်းပြတ်ရွေ့က ၁၉၃ဝ ပြည့်နှစ်၌ လှုပ်ခဲ့သော ပဲခူးအင်အားပြင်း ငလျင်
လှုပ်ပြီး နောက်တစ်ကြိမ် အင်အားပြင်းငလျင် လှုပ်နိုင်ခြေရှိကြောင်း ဘူမိဗေဒပညာရှင်များက
သတိပေးသည်။

မြန်မာနိုင်ငံ၏ အဓိကပြတ်ရွေ့ကြောဖြစ်သော စစ်ကိုင်းပြတ်ရွေ့ကြော၏ အနောက်ဘက်
၃၅ ကီလိုမီတာတွင်ရှိသော ရန်ကုန်မြို့သည် မြန်မာနိုင်ငံမြေငလျင်ကော်မတီကငလျင်ပြင်းအား
ပေါ်မူတည်ပြီး ထုတ်ပြန်ထားသော ငလျင်ဇုန်ပြ မြေပုံအနက် ပျက်စီးမှုအသင့်အတင့် ရှိနိုင်သော
ဇုန် ၂ ဘီတွင် ပါဝင်ပြီး အင်အားပြင်းငလျင်များ လှုပ်ပါက ဘေးအန္တရာယ် ကျရောက်နိုင်ခြေများ
မည်ဖြစ်ကြောင်း ဘူမိဗေဒပညာရှင်များက ပြောသည်။

ရန်ကုန်မြို့တွင် ၁၉၂၇ ခုနှစ်၌ ရစ်ခ်ျတာစကေး ၇ ဒသမ ၅ ရှိသော ငလျင်တစ်ခု လှုပ်ခဲ့ပြီး
၁၉၃ဝ တွင် လှုပ်ခဲ့သော အင်အားပြင်း ပဲခူးငလျင်ကြောင့်လည်း ရန်ကုန်မြို့တွင်
အဆောက်အအုံပျက်စီးမှုများ ရှိခဲ့ရာ လူ ၅ဝ ဦး သေဆုံးခဲ့ရသည်။ ထို့ပြင် ပြီးခဲ့သောနှစ်
အတွင်း မြန်မာနိုင်ငံ အလယ်ပိုင်းကို ဗဟိုပြုလှုပ်ခဲ့သော ပြင်းအား ၆ ဒသမ ၈ ရှိ ငလျင်ကြောင့်
လည်း ပုဂံဒေသတွင် ရှေးဟောင်းဘုရားစေတီပေါင်း ၄ဝဝ ကျော် ထိခိုက်ပျက်စီးခဲ့ရသည်။

မြန်မာနိုင်ငံတွင် ငလျင်ဖြစ်စေနိုင်သောမြေအောက်အတွင်းက လှုပ်ရှားမှုအချက်အလက်များကို
တိုင်းတာသည့်ကိရိယာ ဂျီပီအက်စ်မှာ တစ်နိုင်ငံလုံးတွင် ၁၈ လုံးသာရှိပြီး နည်းပညာ
အားနည်းချက်များကြောင့် ငလျင်ဖြစ်ပေါ်မည့် အချိန်နှင့် နေရာကို အတိအကျ မခန့်မှန်းနိုင်ဟု
ငလျင်သုတေသနပညာရှင်နှင့် ရန်ကုန်တက္ကသိုလ် ဘူမိဗေဒဌာန အငြိမ်းစားပါမောက္ခ
ဒေါ်လှလှအောင်က ပြောသည်။

အန္တရာယ်ရှိ အဆောက်အအုံဆိုင်းဘုတ်ဖြင့် တွေ့ရသော အဆောက်အအုံတစ်ခု။အန္တရာယ်ရှိ အဆောက်အအုံဆိုင်းဘုတ်ဖြင့် တွေ့ရသော အဆောက်အအုံတစ်ခု။

မြန်မာ၊ အိန္ဒိယနှင့် ဘင်္ဂလားဒေ့ရ်ှနိုင်ငံများ နယ်နိမိတ်ချင်းထိစပ်သော နေရာများတွင်
ပြင်းအားရစ်ခ်ျတာစကေး ၉ ရှိသော မြေငလျင်တစ်ခုလှုပ်နိုင်ခြေရှိသော ထူးခြားသည့်
လှုပ်ရှားမှုတစ်ခုကို တွေ့ရှိခဲ့ရကြောင်း ကိုလံဘီယာတက္ကသိုလ် မြေပြင်စောင့်ကြည့်ရေး
အဖွဲ့၏ ဘူမိဗေဒပညာရှင် မိုက်ကယ်အက်စ်စတက်ကလာ ဦးဆောင်သော သုတေသန
အဖွဲ့က Nature Geosciences သိပ္ပံမဂ္ဂဇင်းတွင် ပြီးခဲ့သော နှစ်လယ်ပိုင်းက သတိပေး
ထုတ်ပြန်ခဲ့သေးသည်။

ရန်ကုန်မြို့တွင် ငလျင်ဘေးအန္တရာယ်ထက် ငလျင်၏ နောက်ဆက်တွဲဖြစ်သော
အဆောက်အအုံဟောင်းများ ပြိုကျပျက်စီးသည့်ဒဏ်ကြောင့် ထိခိုက်နိုင်ခြေရှိသည့်အတွက်
အထပ်မြင့်တိုက်များတွင် နေထိုင်သူများ အချိန်မရွေးလှုပ်နိုင်သော ငလျင်ဘေးအန္တရာယ်
အတွက် ကြိုတင်ပြင်ဆင်ထားသင့်ကြောင်း မြန်မာနိုင်ငံ မြေငလျင်ကော်မတီ နာယကလည်းဖြစ်သူ
ဒေါ်လှလှအောင်က ပြောသည်။

''အရင်က ရန်ကုန်မှာ သစ်သားအိမ်လေးတွေပဲ များတဲ့အတွက် ငလျင်လှုပ်ရင် ပြိုကျပျက်စီးမယ့်
အဆောက်အအုံ နည်းပါတယ်။ ဒါပေမဲ့ အခုအချိန်မှာတော့ ရန်ကုန်မှာ အထပ်မြင့်
အဆောက်အအုံတွေရော၊ ကန်ထရိုက်တိုက်တွေရော၊ အဆောက်အအုံဟောင်းတွေရော၊
အရည်အသွေးနိမ့် ခွင့်ပြုချက်မဲ့တိုက်တွေရော အားလုံးရောနေလို့ ငလျင်ပြင်းပြင်းသာ လှုပ်မယ်
ဆိုရင် အဆောက်အအုံပြိုကျနိုင်ခြေနဲ့ ထိခိုက်ပျက်စီးနိုင်ခြေများပါတယ်''ဟု ပြောသည်။

ရန်ကုန်မြို့တော်စည်ပင်သာယာ၏ ခွင့်ပြုချက်ဖြင့် တည်ဆောက်သော အဆောက်အအုံအသစ်များ
အတွက် မြို့တော်စည်ပင်က လိုအပ်သော မြေငလျင်ခံနိုင်အားရှိရန် အဆင့်ဆင့် စစ်ဆေးပေးပြီး
ငလျင်ဒဏ်ခံနိုင်သော အဆောက်အအုံများကိုသာ နေထိုင်ခွင့်ပေးကြောင်း အာရှဆောက်လုပ်ရေး
လုပ်ငန်း အထွေထွေမန်နေဂျာ ဦးရန်အောင်က ပြောသည်။

''အခုနောက်ပိုင်း မြို့တော်စည်ပင်ကအဆောက်အအုံအသစ် ဆောက်မယ်ဆိုရင်အိမ်ဖောင်ဒေးရှင်း
ချတာကို စစ်တယ်။ ပေအနေအထားအလိုက် မြေအနေအထားကိုတိုင်းပြီး စစ်တဲ့အပြင်
အထပ်အမြင့်ပေါ်မူတည်ပြီးတော့လည်း စစ်ဆေးပါတယ်။ ၂ဝ၁ဝ ခုနှစ်ကျော်ကစပြီးတော့
အစိုးရကလည်း အဆောက်အအုံအရည်အသွေးကို တင်းတင်းကျပ်ကျပ် စစ်ဆေးပေးတော့
အခုချိန်မှာတော့ အင်ဂျင်နီယာပိုင်းရော၊ နည်းပညာပိုင်းရော စည်ပင်က အကုန်လုံးကို စစ်ဆေး
ပေးလာလို့ အဆောက်အအုံ အရည်အသွေးပိုင်း တော်တော်ကောင်းလာပါပြီ''ဟု ၄င်းက
ပြောသည်။

ဦးသိန်းစိန်အစိုးရမတိုင်မီ စစ်အစိုးရလက်ထက်တွင် တည်ဆောက်သော အဆောက်အအုံများတွင်
သက်ဆိုင်ရာ တာဝန်ရှိသူများက ငလျင်ဒဏ်ခံနိုင်ရည်ရှိရန် စစ်ဆေးခြင်းမရှိသည့်အပြင်
အဆောက်အအုံ၏ အရည်အသွေးများကိုပါ စစ်ဆေးခြင်း အားနည်းသည့်အတွက် ရန်ကုန်မြို့တွင်
အရေအသွေးနိမ့်အဆောက်အအုံ များစွာ ရှိနေပြီး ငလျင်ပြင်းအား ရစ်ခ်ျတာစကေး ၆ ကျော်
လှုပ်ခတ်လျှင်ပင် ပြိုကျနိုင်သော အဆောက်အအုံများစွာ ရှိနေကြောင်း ဦးရန်အောင်က ပြောသည်။

''အဆောက်အအုံတွေကို ငလျင်ဒဏ်ခံနိုင်အောင်ဆောက်ဖို့ ဥပဒေပြဋ္ဌာန်းထားပေမဲ့
မြို့တော်စည်ပင်ကလည်း အဲဒီဥပဒေကို ၂ဝ၁ဝ ပြည့်နှစ်ကျော်မှ အသုံးပြုတာပါ။ အရင်က
တာဝန်ရှိသူတွေကိုက အဆောက်အအုံတွေကို သိပ်မစစ်ဆေးတော့ ရန်ကုန်မြို့အနှံ့မှာ
အရည်အသွေးနိမ့် အဆောက်အအုံတွေရော၊ ခွင့်ပြုချက်မဲ့ တည်ဆောက်တဲ့
အဆောက်အအုံတွေရော အများကြီးရှိပါတယ်။ ရန်ကုန်မြို့မှာ ငလျင်က စကေး ၆ လောက်
ကျော်ရင်ကို ပြိုမယ့် အဆောက်အအုံတွေ အများကြီးရှိနေပါတယ်''ဟု ၄င်းက ပြောသည်။

ရန်ကုန်မြို့နယ်အများစုတွင် တိုက်တစ်ခုနှင့် တစ်ခုကြားတွင် သတ်မှတ်ထားသော မြေနေရာ
မချန်ဘဲ တိုက်များကို တစ်ခုနှင့်တစ်ခု ကပ်လျက်တည်ဆောက်ထားသည့်အတွက်
အဆောက်အအုံတစ်ခု ပြိုကျပါက နောက်ထပ်အဆောက်အအုံများပါ လိုက်ပါပြိုကျနိုင်ကြောင်း
ဦးရန်အောင်က ပြောသည်။

''တာမွေဘက်မှာဆိုရင် တိုက်တွေက တစ်ခုနဲ့ တစ်ခု ကပ်နေပါတယ်။ အရင်က အထပ်မြင့်
တိုက်တစ်ခုနဲ့ တစ်ခု အနည်းဆုံး ခြောက်လက်မလောက် မြေချန်ရမယ်ဆိုတာမျိုးလည်း
မရှိတော့ တိုက်တွေက တစ်ခုနဲ့တစ်ခု မှီပြီးဆောက်ထားကြတယ်။ အခုနောက်ပိုင်း အဲဒီလို
အထပ်မြင့်အဆောက်အအုံမျိုး ဆောက်ခွင့်မရှိတော့ပေမဲ့ အရင်က ဆောက်ထားတဲ့
အရည်အသွေးနိမ့် ကန်ထရိုက်တိုက် အဆောက်အအုံတွေကြောင့် တစ်ခုပြိုရင်
နောက်တစ်ခုပါ လိုက်ပြိုကျနိုင်ပါတယ်။ ၂ဝဝဝ မတိုင်မီဆောက်တဲ့ အထပ်မြင့်ဆောက်အအုံ
အများစုက မြေချန်တာတွေ၊ အရည်အသွေးတွေ သိပ်မကြည့်ကြတော့ အဲဒီအဆောက်အအုံ
အများစုက ငလျင်ပြင်းအားများရင် ခံနိုင်ရည်ရှိကြမှာ မဟုတ်ပါဘူး''ဟု ၄င်းက ပြောသည်။

သတ်မှတ်သက်တမ်း ပြည့်ပြီးဖြစ်သော အဆောက်အအုံဟောင်းများကို စည်ပင်သာယာက
ဖျက်သိမ်းခွင့်ရှိပြီး နေထိုင်ရန်မသင့်သော အဆောက်အအုံများကို ဥပဒေဖြင့် ဖြိုချပြီး
အသစ်ပြန်ဆောက်ရန် စည်ပင်သာယာက ညွှန်ကြားသင့်ကြောင်း ဦးရန်အောင်က ပြောသည်။

''စည်ပင်ဥပဒေအရ သက်တမ်းပြည့်နေတဲ့၊ နေထိုင်ရန် မသင့်တော်တော့တဲ့ အန္တရာယ်ရှိတဲ့
အဆောက်အအုံတွေကို ဖျက်သိမ်းခွင့်ရှိတယ်။ ဒါပေမဲ့ အဲဒီဥပဒေကို မသုံးဘဲ နေထိုင်
သူတွေထဲက တစ်ယောက်ယောက် ကန့်ကွက်ရင်ကို မဖြိုချဘဲ နေထိုင်ခွင့်ပေးနေတာက
အရမ်းဆိုးရွားတယ်။ အဲဒီလို အန္တရာယ်ရှိတဲ့ အဆောက်အအုံအဟောင်းတွေကြောင့်
သူ့ဘေးနားတစ်ဝိုက်က အဆောက်အအုံတွေမှာ နေထိုင်သူတွေအတွက်ပါ စိုးရိမ်ရတယ်။
ရန်ကုန်က ငလျင်ကြောနဲ့ နည်းနည်းလေး ဝေးနေလို့သာ အမှုမဲ့အမှတ်မဲ့ နေနေကြတာ။
တကယ်လို့သာ ငလျင်လေး နည်းနည်းလောက် ပြင်းပြင်းလေးလှုပ်တယ်ဆိုရင်ကိုပဲ
အဲဒီလို အဆောက်အအုံဟောင်းတွေ အကုန်ပြိုကျပြီး အကုန်အန္တရာယ်ရှိမှာပါ''ဟု ၄င်းက
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - ရန်ကုန်

အကြည့်အများဆုံး - ရန်ကုန်သတင်း