တာဝန်ရှိသူများနှင့် ဆက်လက်ညှိနှိုင်းရမည့် သူနာပြုရပ်ဝန်းလှုပ်ရှားမှု

သူနာပြုရပ်ဝန်းဖိနှိပ်မှုရပ် လှုပ်ရှားမှုအဖြစ် ရန်ကုန်မြို့တွင် သူနာပြုများ မတ် ၁၅ ရက်က ဆန္ဒဖော်ထုတ်ခဲ့စဉ်။ ဇာနည်ဖြိုး/ မြန်မာတိုင်း(မ်)သူနာပြုရပ်ဝန်းဖိနှိပ်မှုရပ် လှုပ်ရှားမှုအဖြစ် ရန်ကုန်မြို့တွင် သူနာပြုများ မတ် ၁၅ ရက်က ဆန္ဒဖော်ထုတ်ခဲ့စဉ်။ ဇာနည်ဖြိုး/ မြန်မာတိုင်း(မ်)

ပုဂ္ဂလိကဆေးရုံများတွင် သူနာပြုနှင့်သားဖွားတက္ကသိုလ်၊ သင်တန်းကျောင်းများမှ စာချုပ်ဖောက်
ဖျက်သော သူနာပြုနှင့် သားဖွားများခန့်ထားခြင်း မပြုရန် ကျန်းမာရေးနှင့် အားကစားဝန်ကြီးဌာန၊
ကုသရေးဦးစီးဌာနမှ ဖေဖော်ဝါရီ ၁ ရက်တွင် ညွှန်ကြားချက်ထုတ်ပြန်ခဲ့သောကြောင့် သူနာပြု
အသိုင်းအဝိုင်းက ရန်ကုန်မြို့တွင် ဆန္ဒဖော်ထုတ်ခဲ့ပြီး၊ သူနာပြုရပ်ဝန်းဖိနှိပ်မှုရပ်ဆိုသည့်
လှုပ်ရှားမှုအဖြစ် ပန်းခရမ်းရောင် ကြက်ခြေခတ်ဖဲပြားများဝတ်ဆင်လှုပ်ရှားမှုများ သူနာပြု
အသိုင်းအဝိုင်းအတွင်း ကျယ်ပြန့်လာခဲ့သည်။

ကုသရေးဦးစီးဌာန၏ ဖေဖော်ဝါရီ ၁ ရက်ထုတ်ပြန်ချက်ကို ရုတ်သိမ်းပေးရန်၊ သူနာပြုများ
အလုပ်ထွက်ခြင်းအကြောင်းအရာများကို စစ်တမ်းကောက်ယူပြီးမှ လက်တွေ့ကျသော
ဖြေရှင်းနည်းကို အသုံးပြုရန်၊ သူနာပြုတက္ကသိုလ်နှင့် သူနာပြု/သားဖွား သင်တန်းကျောင်းများမှ
ဒီဂရီ၊ ဒီပလိုမာ လက်မှတ်ရရှိသူများကို နိုင်ငံတာဝန်ထမ်းဆောင်ရန်အတွက် အမြဲတမ်းလိုင်စင်
ချက်ချင်းထုတ်ပေးရန်နှင့် မိမိဆန္ဒအရ နိုင်ငံတာဝန်မထမ်းဆောင်ဘဲ လျော်ကြေးပေးသူများ
ကိုလည်း လိုင်စင်ထုတ်ပေးရန်၊ နိုင်ငံဝန်ထမ်းအဖြစ်မှ နုတ်ထွက်ရာတွင်လည်း တရားဝင်
ခွင့်ပြုသည့်စာကို နုတ်ထွက်စာတင်သည့်နေ့မှ ခြောက်လအတွင်း ထုတ်ပြန်ပေးရန်၊
ထုတ်ပြန်ချက်များကို ပွင့်လင်းမြင်သာစွာထုတ်ပေးရန်၊ မြန်မာနိုင်ငံသူနာပြုနှင့် သားဖွား
ကောင်စီ ဥပဒေအရ သူနာပြုနှင့် သားဖွားများ၏ လုပ်ငန်းပိုင်းဆိုင်ရာ ဆောင်ရွက်ရာတွင်
အကာအကွယ်ပေးရန် စသည့် အချက်ခြောက်ချက်ပါဝင်သည့် ထုတ်ပြန်ချက်ကို ရန်ကုန်နှင့်
မန္တလေးရှိ သူနာပြုတက္ကသိုလ်နှင့် သူနာပြုသင်တန်းကျောင်းများမှ ကျောင်းသားကျောင်းသူများက
မတ် ၆ ရက်တွင် ထုတ်ပြန်ခဲ့သည်။

အဆိုပါ ထုတ်ပြန်ချက်ကို နိုင်ငံတော်၏ အတိုင်ပင်ခံရုံးအပါအဝင်၊ ကျန်းမာရေးနှင့် အားကစား
ဝန်ကြီးဌာန၊ မြန်မာနိုင်ငံသူနာပြုနှင့် သားဖွားကောင်စီ၊ အသင်း၊ သမဂ္ဂနှင့် ဆေးရုံများထံ
ပေးပို့ခဲ့သည်။ မတ် ၁ဝ ရက်တွင် မြန်မာဂျာနယ်လစ်ကွန်ရက် ရုံးခန်းတွင် သတင်းစာရှင်းပွဲ
ပြုလုပ်ခဲ့ပြီး ၄င်းတို့၏တောင်းဆိုချက်နှင့်ပတ်သက်ပြီး ငါးရက်အတွင်း ညှိနှိုင်းပေးရန်
တောင်းဆိုခဲ့သည်။

၎င်းတို့၏ တောင်းဆိုမှုအပေါ် မည်သည့်အဖွဲ့အစည်းမှ တစ်စုံတစ်ရာ တုံ့ပြန်ခြင်းမရှိသည့်အတွက်
သူနာပြုသင်တန်းကျောင်းများမှ ကျောင်းသားကျောင်းသူများနှင့် ဝန်းရံသူများက မတ် ၁၅ ရက်တွင်
ဆန္ဒထုတ်ဖော်ခဲ့သည်။ အဆိုပါဆန္ဒပြပွဲနှင့် ပတ်သက်ပြီး တစ်နိုင်ငံလုံးရှိ တက္ကသိုလ်၊
ကောလိပ်အသီးသီးက ကျောင်းသားသမဂ္ဂအဖွဲ့အစည်းများမှလည်း ထောက်ခံကြောင်း
ကြေညာချက်များ ထုတ်ပြန်ခဲ့သည်။

ကုသရေးဦးစီးဌာနမှ ထုတ်ပြန်သော ထုတ်ပြန်ချက်သည် ပြည်သူ့ဆေးရုံကြီးများရှိ သူနာပြု
အင်အား လွန်စွာလျော့နည်းနေသဖြင့် ကုသမှုခံယူနေသော ပြည်သူလူထု၏ ကျန်းမာရေးအကျိုးကို
ရှေးရှု၍ နိုင်ငံဝန်ထမ်းအဖြစ် သုံးနှစ်တာဝန်ထမ်းဆောင်စေလိုသည့်ရည်ရွယ်ချက်ဖြင့် ထုတ်ပြန်ခဲ့ခြင်း
ဖြစ်သည်ဟု တာဝန်ရှိသူများက ပြောသည်။

လက်ရှိတွင် တစ်နိုင်ငံလုံးအတိုင်းအတာအနေဖြင့် ဆေးရုံပေါင်း ၁,၁၂၃ ရုံရှိပြီး အဆိုပါ
ဆေးရုံများအတွက် ခန့်အပ်ထားသည့် သူနာပြုစုစုပေါင်း ၂ဝ,၆၈၃ ဦးရှိကာ လစ်လပ်နေရာ
၁၇,ဝ၂၁ ဦးရှိကြောင်း မတ် ၁၆ ရက်က နေပြည်တော်ရှိတွင်ပြုလုပ်သည့် ကျန်းမာရေးနှင့်
အားကစားဝန်ကြီးဌာန၏ သတင်းစာရှင်းပွဲတွင် တာဝန်ရှိသူများက ပြောသည်။

ဆန္ဒပြပွဲနှင့်ပတ်သက်ပြီး ဖြေရှင်းပေးရန် သူနာပြုနှင့်သားဖွားကိစ္စရပ်များအတွက် ဆက်သွယ်
ဆောင်ရွက်ပေးရန်အဖွဲ့ကို ကျန်းမာရေးနှင့်အားကစားဝန်ကြီးဌာနက မတ် ၁၆ ရက်တွင်
ဖွဲ့စည်းတာဝန်ပေးအပ်ခဲ့သည်။

သူနာပြုကျောင်းသားများ ဆန္ဒထုတ်ဖော်သည့်အကြောင်းအရာနှင့်စပ်လျဉ်းပြီး ကျန်းမာရေးနှင့်
အားကစားဝန်ကြီးဌာနမှ ပြည်ထောင်စုဝန်ကြီးအပါအဝင်၊ သူနာပြုနှင့်သားဖွားကိစ္စရပ်များ
အတွက် ဆက်သွယ် ဆောင်ရွက်ပေးရန်အဖွဲ့နှင့် ရန်ကုန်သူနာပြုတက္ကသိုလ်ကျောင်းသား
သမဂ္ဂမှ ကိုယ်စားလှယ်များ၊ ကျောင်းသားကျောင်းသူဟောင်းများ မတ် ၁၇ ရက်တွင်
သူနာပြုတက္ကသိုလ်(ရန်ကုန်)တွင် တွေ့ဆုံခဲ့ကြသည်။

လိုင်စင်ကိုင်ဆောင်နိုင်ရေးအတွက် မြန်မာနိုင်ငံ သူနာပြုနှင့် သားဖွားကောင်စီမှ နိုင်ငံ့
တာဝန်ထမ်းဆောင်သူများအား လက်ဝယ်ကိုင်ဆောင်ခွင့်ပြုမည်ဖြစ်ကြောင်း၊ တက္ကသိုလ်
ဝင်ရောက်စဉ်ချုပ်ဆိုထားသည့် စာချုပ်ချုပ်ဆိုခဲ့သည့် ကတိအတိုင်း နိုင်ငံ့တာဝန် မပျက်မကွက်
ထမ်းဆောင်ရမည်ဖြစ်ကြောင်း၊ ငြိမ်းချမ်းစွာဆန္ဒဖော်ထုတ်ခဲ့ကြသည့် ကျောင်းသား
ကျောင်းသူများကို ဝန်ကြီးဌာနဘက်မှ အရေးယူမည်မဟုတ်ကြောင်း၊ သူနာပြုနှင့် သားဖွားများ
သည် မြန်မာနိုင်ငံ သူနာပြုနှင့် သားဖွားကောင်စီဥပဒေနှင့် ချမှတ်ထားသော စည်းမျဉ်း
စည်းကမ်းကိုလိုက်နာရမည်ဖြစ်ကြောင်း၊ နောင်အလားတူကိစ္စများ ပေါ်ပေါက်လာပါက
ဌာနအတွင်း မိသားစုသဖွယ် ညှိနှိုင်းဆောင်ရွက်မည်ဖြစ်ကြောင်းနှင့် သူနာပြုနှင့်
သားဖွားများ လုပ်ငန်းခွင်သာယာပျော်ရွှင်ရေးနှင့် ဘဝဖွံ့ဖြိုးရေးအတွက်ဆောင်ရွက်ပေး
လျက်ရှိပါကြောင်းနှင့် ဦးစားပေးအနေဖြင့် ဆက်လက်လုပ်ဆောင်သွားမည်ဖြစ်ကြောင်း
သူနာပြုနှင့်သားဖွားကိစ္စရပ်များအတွက် ဆက်သွယ်ဆောင်ရွက်ရေးအဖွဲ့က မတ် ၁၇ ရက်
တွင် သတင်းထုတ်ပြန်ခဲ့သည်။

နိုင်ငံ့တာဝန် ထမ်းဆောင်သူကိုသာ လိုင်စင်ထုတ်ပေးမည်ဖြစ်ပြီး အကြောင်းတစ်စုံ
တစ်ရာကြောင့် ထွက်သွားပါက မြန်မာနိုင်ငံသူနာပြုနှင့် သားဖွားကောင်စီမှ လိုင်စင်
ပြန်သိမ်းမည်ဖြစ်ကြောင်း၊ ထိုသို့ သိမ်းယူရာတွင် ကာယကံရှင်ကိုယ်တိုင်လာရောက်
အပ်နှံရမည်ဖြစ်ကြောင်း၊ သုံးနှစ်ထမ်းဆောင်ရမည့်သူများသည် တစ်နှစ်ပြည့်ပြီးနောက်
အကြောင်းတစ်စုံတစ်ရာကြောင့် ဌာနမှ ထွက်ပါက လိုင်စင်နှစ်နှစ် ထိန်းသိမ်းထားမည်
ဖြစ်ကြောင်း၊ မြန်မာနိုင်ငံသူနာပြုနှင့် သားဖွားကောင်စီမှ ချမှတ်ထားသည့် စည်းမျဉ်းစည်းကမ်း
များအတိုင်း သက်ဆိုင်ရာစာမေးပွဲများဖြေဆိုပြီး လိုင်စင်ပြန်လည် လျှောက်ထား နိုင်ကြောင်း၊
လာမည့် ၂ဝ၁၈ ဇန်နဝါရီတွင် သူနာပြုတက္ကသိုလ်များသို့ ဝင်ရောက်မည့် သင်တန်းသားများ
သည် သုံးနှစ်စာချုပ် ချုပ်ဆိုရမည်ဖြစ်ကြောင်း အထက်ပါအဖွဲ့ခေါင်းဆောင်တာဝန်ရှိသူက
ပြောသည်။

''ဆွေးနွေးတုန်းက ကိုယ်စားလှယ်တွေက သဘောတူထားတဲ့အချက်တွေဖြစ်တယ်။ သူတို့
ကိုယ်တိုင် သဘောတူထားတဲ့အချက်တွေဖြစ်တယ်'' ဟု သူနာပြုနှင့်သားဖွားကိစ္စရပ်များ
အတွက် ဆက်သွယ်ဆောင်ရွက်ပေးရန် အဖွဲ့၏ ထုတ်ပြန်ချက်နှင့် ပတ်သက်ပြီး အဆိုပါအဖွဲ့၏
ခေါင်းဆောင်ဒေါက်တာ ဋ္ဌေးအောင်က ပြောသည်။

အဆိုပါ အဖွဲ့၏ ထုတ်ပြချက်သည် သူနာပြုများ တောင်းဆိုသည့် အချက်တို့နှင့် ကိုက်ညီမှု
မရှိသော်လည်း သူနာပြုသမဂ္ဂဘက်မှ ကျေနပ်သဘောတူကြောင်း ယင်းအဖွဲ့၏
သတင်းစာရှင်းပွဲအပြီးတွင် ရန်ကုန်သူနာပြုတက္ကသိုလ်ကျောင်းသားသမဂ္ဂဘက်က
ထုတ်ဖော်ပြောကြားခဲ့သည်။

ဆွေးနွေးညှိနှိုင်းမှုကိုကျေနပ်ကြောင်း၊ ရာခိုင်နှုန်းအားဖြင့် ၈ဝ ရာနှုန်းထိ သဘော
တူညီမှုရရှိခဲ့ကြောင် ရန်ကုန်သူနာပြုတက္ကသိုလ်ကျောင်းသမဂ္ဂအဖွဲ့ဝင် မကေခိုင်ထွန်းက
မတ် ၁၇ ရက်တွင် ပြောသည်။

''လက်တစ်လုံးခြားပေါ့။ ရုတ်တရက် နားထောင်လိုက်ရင်တော့ အပြည့်အဝရတယ်လို့တောင်
ခံစားလို့ရတယ်။ ဘာဖြစ်လို့လဲဆိုတော့ ကျောင်းဆင်းဆင်းချင်းကို လိုင်စင်ထုတ်ပေးမယ်လို့
ပြောထားတာကို။ ကျောင်းဆင်းဆင်းချင်း လိုင်စင်ထုတ်ပေးပြီး တကယ်လို့ မဝင်ရင်လိုင်စင်
ပြန်သိမ်းမယ်။ အဲဒီတော့ ရုတ်တရက်ကြည့်လိုက်ရင် အကုန်လုံးရတယ်လို့ထင်ရတယ်'' ဟု
ရန်ကုန်ကလေးဆေးရုံကြီးတွင် လက်ရှိ တာဝန် ထမ်းဆောင်လျက်ရှိသည့် သူနာပြုဆရာမ
တစ်ဦးက ပြောသည်။

တောင်းဆိုသည့်အချက်များနှင့် ထုတ်ပြန်ချက်များအကြား ကွဲလွဲချက်များရှိသော်လည်း
ရန်ကုန်သူနာပြုတက္ကသိုလ် ကျောင်းသားသမဂ္ဂဘက်မှ သဘောတူကျေနပ်သည့်အပေါ်
လူမှုကွန်ရက်စာမျက်နှာများတွင် ဝေဖန်မှုများလည်းရှိခဲ့သည်။

ရန်ကုန်သူနာပြုတက္ကသိုလ်ကျောင်းသားသမဂ္ဂအပေါ် ဝေဖန်မှုနှင့်ပတ်သက်ပြီး အဆိုပါသမဂ္ဂမှ
ဥက္ကဋ္ဌ ကိုမင်းကျော်လင်းက ''ဘာမှမရဘူးဆိုတာထက် တကယ်တော့ အပြည့်အဝမရခဲ့
တာပေါ့နော်။ ထုတ်ပြန်ချက်ကို သဘောတူခဲ့တယ်ဆိုတာက ကျွန်တော်တို့လက်ခံနိုင်တဲ့
အနေအထားရှိတဲ့ အဖြေရခဲ့လို့ဗျ။ ပြီးလို့ရှိရင် သူတို့ဖွဲ့ပေးထားတဲ့ကော်မတီနဲ့ ဆက်ပြီး
ညှိနှိုင်းဖို့ ရှိတယ်''ဟု၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - ရန်ကုန်

အကြည့်အများဆုံး - ရန်ကုန်သတင်း