ရန်ကုန်တွင် တရားမဝင်ဖွင့်လှစ်ထားသည့် ဂိမ်းဆိုင်များကို အရေးယူသွားမည်

ရန်ကုန်မြို့တွင် တရားမဝင် ဖွင့်လှစ်ထားသော ဂိမ်းဆိုင်များကို ဥပဒေအရ စစ်ဆေးအရေးယူ
သွားမည်ဖြစ်ကြောင်း ယခုလ ၂၄ရက်က ရန်ကုန်တိုင်းဒေသကြီး လွှတ်တော်အစည်းအဝေး၌
ရန်ကုန်မြို့တော်ဝန် ဦးမောင်မောင်စိုးက ပြောသည်။

အဆိုပါ လွှတ်တော်အစည်းအဝေးတွင် ပန်းပဲတန်းမြို့နယ်၊ မဲဆန္ဒနယ် အမှတ် (၁) လွှတ်တော်
ကိုယ်စားလှယ် ဦးသန်းနိုင်ဦးက ရန်ကုန်တိုင်းဒေသကြီးအတွင်းရှိ ဂိမ်းဆိုင်များနှင့် ပတ်သက်၍
မေးမြန်းခဲ့ခြင်း ဖြစ်သည်။

''အိမ်တွင်းကစားနည်း ဂိမ်းစင်တာတွေ လိုင်စင်လျှောက်တဲ့အခါ သက်ဆိုင်ရာရပ်ကွက်အုပ်ချုပ်ရေးမှူး၊
ရဲတပ်ဖွဲ့တွေ၊မြို့နယ်အထွေထွေ အုပ်ချုပ်ရေးဦးစီးဌာနတွေ၊ ပတ်ဝန်းကျင် ထောက်ခံချက်တွေအပေါ်
မူတည်ပြီး ကွင်းဆင်းစစ်ဆေးပါတယ်'' ဟု ဦးမောင်မောင်စိုးက ပြောသည်။

ဂိမ်းဆိုင်များကိုလည်း သက်ဆိုင်ရာဌာနများ၏ အထောက်အထားရှိ၊မရှိစိစစ်ပြီးမှသာ လုပ်ငန်း
လိုင်စင်ကိုခွင့်ပြုပေးခြင်းဖြစ်ပြီး ၂ဝ၁၄ ခုနှစ်၊ ဒီဇင်ဘာလမှစတင်ကာဂိမ်းဆိုင်သစ်များကို ခွင့်ပြုခဲ့ခြင်း
မရှိကြောင်း၎င်းက ပြောသည်။

 

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - ရန်ကုန်

အကြည့်အများဆုံး - ရန်ကုန်သတင်း