ရန်ကုန်မြို့ ရေလျှံမှုများအတွက် အမေရိကန်ဒေါ်လာ သန်း ၁ဝဝ သုံးစွဲမည်

 ရေကြီးရေလျှံမှုဖြစ်နေသည့် ရန်ကုန်မြို့တစ်နေရာရှိ ယာဉ်မှတ်တိုင်တွင် ခရီးသွားပြည်သူများကို တွေ့ရစဉ်။ ဇာနည်ဖြိုး/ မြန်မာတိုင်း(မ်)ရေကြီးရေလျှံမှုဖြစ်နေသည့် ရန်ကုန်မြို့တစ်နေရာရှိ ယာဉ်မှတ်တိုင်တွင် ခရီးသွားပြည်သူများကို တွေ့ရစဉ်။ ဇာနည်ဖြိုး/ မြန်မာတိုင်း(မ်)

ရန်ကုန်မြို့တော်အတွင်း ရေကြီးရေလျှံမှုများ ဖြစ်ပေါ်မှုများကို တားဆီးနိုင်ရန် ကမ္ဘာ့ဘဏ်အကူအညီငွေ
ကန်ဒေါ်လာ သန်း ၁ဝဝ ဖြင့် လေ့လာဆန်းစစ်မှု လုပ်နေ ကြောင်း ရန်ကုန်တိုင်းဒေသကြီးဝန်ကြီးချုပ်
ဦးဖြိုးမင်းသိန်းက ပြောသည်။

ဒုသမ္မတနှင့် စီးပွားရေးလုပ်ငန်းရှင်များ မြန်မာနိုင်ငံ ကုန်သည်ကြီးများနှင့် စက်မှုလက်မှုလုပ်ငန်းရှင်များ
အသင်းချုပ်တွင် ဇူလိုင် ၂ဝ ရက်ကတွေ့ဆုံစဉ် ၄င်းက ပြောခဲ့ခြင်းဖြစ်သည်။

ရန်ကုန်မြို့အတွင်း လက်ရှိအခြေအနေ မှာ ဒီရေတက်ပါက ရေမထုတ်နိုင်သော အခြေအနေမျိုး
ကြုံနိုင်လျက်ရှိပြီး ရေကို ခဏတဖြုတ် သိုလှောင်ထားရမည့် ကန်များ ဆုံးရှုံးသွားသောဖြစ်စဉ်မျိုးလည်း
ကြုံလာသည့်အတွက် မြို့ပေါ်တွင် ရေကြီးရေလျှံမှုများ ဖြစ်လေ့ရှိကြောင်း ၄င်းက ပြောသည်။

''ကျွန်တော်တို့ နာရီပိုင်းအချို့ ရေကြီးပြီးရင် ပြန်ပြီး ရေကိုစုပ်ထုတ်နိုင်တဲ့ အခြေအနေရှိပါတယ်။ ဒါနဲ့
ပတ်သက်ပြီး ကမ္ဘာ့ဘဏ်ရဲ့ ကန်ဒေါ်လာ သန်း ၁ဝဝ အကူအညီနဲ့ ကျွန်တော်တို့ ကုယူဖို့ လေ့လာ
ဆန်းစစ်မှု လုပ်နေပါတယ်။ ဘာကြောင့်လဲဆိုတော့ ပန့်နဲ့ စုပ်ထုတ်ရမယ့်အခြေအနေမျိုး
ကျွန်တော်တို့မြို့မှာ ရှိပါတယ်။ ရေကြီးလာတဲ့အခြေအနေကျရင် ရေတံခါးတွေကို ပိတ်ပစ်မယ်။
ဒီနေရာကနေ အပြင်ကို စက်တွေနဲ့ မောင်းထုတ်မှ ရနိုင်မယ်။ အလိုလို စီးထွက်သွားနိုင်မယ့်
အခြေအနေမရှိပါဘူး''ဟု ဦးဖြိုးမင်းသိန်းက ပြောသည်။

ထို့ပြင် ရေမြောင်းများသည် စီးကျလာ သော ရေများကို ဆွဲထုတ်နိုင်သော အခြေ အနေမရှိသည့်အပြင်
အမှိုက် စနစ်တကျ စွန့်ပစ်မှုမရှိခြင်းကလည်း ရေကြီးရခြင်း အကြောင်းရင်းတစ်ခု ဖြစ်လျက်ရှိသည်။
ထို့ကြောင့် ရေနုတ်မြောင်းများနှင့် ပလက်ဖောင်းများပြုပြင်ရန် ကြိုးစားနေပြီး တစ်ဖက်တွင်လည်း
ရန်ကုန်မြို့၏ တိုးပွား နေသောလူဦးရေကို လျှော့ချနိုင်ရန် မြို့သစ် စီမံကိန်း ဆောင်ရွက်ရန်အတွက်
လုပ်ဆောင်နေပြီး လာမည့်နှစ်တွင် အကောင်အထည်ဖော်ရန်ရှိကြောင်း သိရသည်။

''ဒီအနေအခြေအားလုံးဟာ လွယ်လွယ် ကူကူနဲ့ ဆောင်ရွက်နိုင်တာ မဟုတ်ပါဘူး။စနစ်တကျ
ပြင်ဆင်ပြီးမှ အစီအစဉ်ရေးဆွဲကာ ငွေကြေးသုံးစွဲမှသာ အမှန်တကယ် အကျိုးဖြစ်ထွန်းမှာ ဖြစ်ပါ
တယ်''ဟု ၄င်းက ဆက်လက်ပြောဆိုသည်။

ရန်ကုန်တိုင်းဒေသကြီးသည် ဧရာဝတီ မြစ်နှင့် ဆက်စပ်နေခြင်းကြောင့် အခက်အခဲ ရှိနေသည်။
အဘယ့်ကြောင့်ဆိုသော် ဧရာဝတီမြစ်ရေမှာ သဘာဝအရ လျှော့ချနိုင်ရန်အတွက် ရန်ကုန်တိုင်း
ဒေသကြီးအတွင်း ဝင်ရောက်ရန် ရေဝင်လမ်းကြောင်း အပေါက်သုံးပေါက်ကို ယခင်ကတည်းက
ဖွင့်ထားခဲ့ကြောင်း သိရသည်။

ထိုသို့ဖွင့်ထားသည့် ရေဝင်လမ်းကြောင်းမှာ ပဲခူးဘက်မှ ရန်ကုန်တိုင်းဒေသကြီးတွင်ရှိသော
တိုက်ကြီး“အဖျောက် ဘက်မှ လှိုင်မြစ်ထဲစီးဝင်ကာ လှိုင်မြစ်မှ တစ်ဆင့် ပင်လယ်သို့ထွက်
သွားနိုင်ရန် ဆောင်ရွက်ထားမှုမှာ နဂိုမူလကတည်းက ရှိနေခဲ့ကြောင်း သိရသည်။

အဆိုပါအခြေအနေကို တားဆီးပိတ်ပင် လိုက်ပါက ဧရာဝတီမြစ်ရေကြီးမှုကို တွန်းတင်လိုက်သလို
ဖြစ်နိုင်သောကြောင့် အဖျောက်ဘက်မှ လှိုင်မြစ်ထဲကို ဝင်နိုင်ရန် ရေကို လက်ခံယူထားရသည့်
အခြေအနေရှိကြောင်း သိရသည်။

ယင်းအခြေအနေကို မပျက်စီးစေဘဲ အဖျောက်ဘက်တွင် ရေကြီးနေမှုကိစ္စကို တားဆီးရန်
ပြီးခဲ့သောနှစ် ဘတ်ဂျက်တွင် ကျပ် ၁ဝ ဘီလျံနီးပါး သုံးစွဲခဲ့ပြီး ပြင်ဆင်ရန် ဆောင်ရွက်နေကြောင်း
ဦးဖြိုးမင်းသိန်းက ပြောသည်။

ထို့ပြင် ပင်လယ်နှင့်ဆက်စပ်ထားပြီး ရေတက် ရေကျရှိသည့် ငမိုးရိပ်ချောင်းမှာ ရန်ကုန်မြစ်ထဲသို့
ဝင်ရောက်နေရာ ယင်းချောင်းရေကြီးလာသည်နှင့်အမျှ ရန်ကုန်မြစ်မှာလည်း သက်ရောက်မှုရသည်။
ထို့ပြင် ဘားလားချောင်း ရေကြီးမှုကြောင့် ရန်ကုန်မြို့ အဝင်လမ်းမကြီးများမှာ နှစ်စဉ်၊ နှစ်တိုင်း
ရေကြီးကြောင်း သိရသည်။

ရန်ကုန်တိုင်းဒေသကြီးသည် ဧရာဝတီမြစ်နှင့် ဆက်စပ်နေသည့် အခက်အခဲရှိပြီး ဧရာဝတီမြစ်ရေသည်
သဘာဝအရ လျှော့ချနိုင်ရန်အတွက် ရန်ကုန်တိုင်းဒေသကြီးအတွင်းသို့ စီးဝင်ရန် အပေါက်
ဖွင့်ထားခဲ့ခြင်းများရှိကြောင်း၊ ယင်းမှာ ပဲခူးဘက်မှ ရန်ကုန်တိုင်း ဒေသကြီးရှိ တိုက်ကြီး အဖျောက်
ဘက်သို့ မှော်ဘီနောက်ကျောဘက်မှ စီးဝင်လာ စေပြီး လှိုင်မြစ်မှတစ်ဆင့် ပင်လယ်ကို ထွက်နိုင်ရန်
ဆောင်ရွက်ထားခဲ့ခြင်းဖြစ်ပြီး နဂိုမူလကတည်းက ရှိနေခဲ့ကြောင်း၊ ထိုအခြေအနေကို ပိတ်ပင်
လိုက်ပါက ဧရာဝတီမြစ်ရေကြီးမှုကို တွန်းတင်လိုက် သကဲ့သို့ ဖြစ်နိုင်ကြောင်း
ဦးဖြိုးမင်းသိန်းက ပြောသည်။

ပြီးခဲ့သော နှစ်က တိုင်းနှင့် ပြည်နယ် ၁၄ ခုတွင် ရေကြီးရေလျှံမှုမှာ ခုနစ်ခုခန့်ဖြစ်ခဲ့ပြီး ယင်းထဲတွင်
ရန်ကုန်မြို့အဝင် ထောက်ကြန့်လမ်းမကြီးမှာ ရေကြီးမှု လုံးဝမရှိခဲ့ကြောင်း၊ ထိုသို့မဖြစ်ပေါ်ခြင်းသည်
နှစ်စဉ် ငမိုးရိပ်ချောင်းနှင့် ဘားတန်းချောင်း တစ်လျှောက်ကို ပြုပြင်ထိန်းသိမ်းမှုများ
ပြုလုပ်ခဲ့ခြင်းကြောင့်ဖြစ်ကြောင်း သိရသည်။

ရေကြီးပျက်စီးဆုံးရှုံးမှုများ ကာကွယ် နိုင်ရန်အတွက် ဘတ်ဂျက်တိုး၍ သုံးစွဲနိုင်ရန် ကြိုးပမ်းဆောင်
ရွက်ခဲ့ကြောင်း၊ ရန်ကုန်တိုင်းဒေသကြီးသည် ယမန်ဘဏ္ဍာနှစ်က ကောက်ခံရရှိသည့် အခွန်ငွေမှာ
ကျပ် ၂ဝဝ ဘီလျံ တိုးလာခြင်းကြောင့် ရေကြီးရေလျှံမှုပြင်ဆင်ရေး လုပ်ငန်းစဉ် များကို
ဆောင်ရွက်နိုင်ခဲ့ခြင်း ဖြစ်သည်ဟု ဦးဖြိုးမင်းသိန်းက ပြောသည်။

ရန်ကုန်မြို့ ငမိုးရိပ်ချောင်းရိုး တည်ရှိရာ လှည်းကူးမြို့ တစ်ကျောလုံးကို ယမန်နှစ်ကစ၍
ရေကြီးမှုထိန်းသိမ်းနိုင်ခဲ့ပြီး ယခုနှစ်တွင် တိုက်ကြီး၊ မှော်ဘီဘက်ကို ထိန်းနိုင်ရန်
ကြိုးစားနေကြောင်း သိရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - ရန်ကုန်

အကြည့်အများဆုံး - ရန်ကုန်သတင်း