သီလ၀ါဆိပ်ကမ်း မြေကွက်(၃)အား ပဏာမတင်ဒါ ရွေးချယ်

သီလ၀ါဆိပ်ကမ်းဒေသ မြေကွက် အမှတ်(၃)အား တည်ဆောက်လုပ်ကိုင် လွှဲပြောင်း (BOT)စနစ်
ဖြင့် ငှားရမ်းပြီး ကတ္တရာနှင့် ရေနံဆက်စပ်ပစ္စည်းများ တင်သွင်းဖြန့်ဖြူးရန် ဆိပ်ခံတံတားနှင့်
သိုလှောင်ကန်များ တည်ဆောက်ခြင်း လုပ်ငန်းအတွက် PUMA  Energy Group က ပဏာမ
တင်ဒါစိစစ်ရွေးချယ်မှုတွင် အောင်မြင်ခဲ့သည်။

တင်ဒါဖွင့်ဖောက်စစ်ဆေး၍ ပဏာမ တင်ဒါ စိစစ်မှုတစ်ရပ်ကို မြန်မာ့ဆိပ်ကမ်း အာဏာပိုင်ရုံးတွင်
မေလ ၈ ရက်နေ့က တင်ဒါလျှောက်ထားသူများ ရှေ့မှောက်တွင် ကျင်းပခဲ့သည်။

"ပဏာမ တင်ဒါ စိစစ်ရွေးချယ်တဲ့အခါ အချက် ၁၄ ချက်နဲ့ စိစစ်ပါမယ်။ အဲလို စိစစ်တဲ့အခါ အချက်
နှစ်ချက်ထက်ပိုပြီး မညီညွတ်ဘူးဆိုရင် တင်ဒါပယ်ဖျက်မယ်လို့ တင်ဒါဝယ်ယူထားတဲ့အဖွဲ့ ၁၈ ဖွဲ့ကို
ရှင်းပြထားပြီးသားပါ။ အချက် ၁၄ ချက်တို့အပြင် အပိုဒ်(ခ)မှာ တင်ဒါလုံခြုံမှု အာမခံငွေ အမေရိကန်
ဒေါ်လာ ငါးသန်း ထားရှိရမယ်ဆိုတဲ့ အချက်မပါရင် တင်ဒါကို လုံးဝပယ်ဖျက်မယ်ဆိုပြီး အချက်
တစ်ချက်အဖြစ် ဖော်ပြထားပြီးဖြစ်တယ်။ တင်ဒါရောင်းတဲ့အချိန်မှာ အဖွဲ့ ၁၈ ဖွဲ့ လာရောက်ဝယ်ယူ
ပါတယ်။ လာဝယ်ပြီး တင်ဒါပုံစံ လာသွင်းတော့ တင်ဒါလုံခြုံမှု အာမခံ အမေရိကန်ဒေါ်လာ ငါးသန်း
သွင်းတာ China Harbour Engineering Company နဲ့  PUMA Energy Group အဖွဲ့ နှစ်ဖွဲ့သွင်း
ပါတယ်" ဟု မြန်မာ့ဆိပ်ကမ်းအာဏာပိုင်မှ အထွေထွေမန်နေဂျာ ဦးကျော်မြင့်က တင်ဒါများပဏာမ
စစ်ဆေးမှုမပြုလုပ်မီ ရှင်းလင်း ပြောကြားသည်။

စစ်ဆေးစိစစ်ချက်များအရ သတ်မှတ်ထားသည့် အချက် ၁၄ ချက်နှင့် ညီညွတ်မှုရှိပြီး တင်ဒါလုံခြုံမှု
အာမခံငွေ အမေရိကန်ဒေါ်လာ ငါးသန်း တင်သွင်းနိုင်သည့်အတွက် ဆွစ်ဇာလန်အခြေစိုက်ကုမ္ပဏီ
တစ်ခုဖြစ်သည့် PUMA  Energy Group ကုမ္ပဏီသည် ပဏာမတင်ဒါရွေးချယ်မှု အောင်မြင်ခဲ့
သည်။

တင်ဒါအောင်သည်အထိ ထပ်မံရွေးချယ်ကာ မြန်မာနိုင်ငံ ရင်းနှီးမြှုပ်နှံမှု ကော်မရှင်အား ဆက်လက်
တင်ပြရမည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ - ရန်ကုန်

အကြည့်အများဆုံး - ရန်ကုန်သတင်း