ဘွန်ဒက်စ်လီဂါ၏ ဒုတိယရာသီဝက် အနာဂတ်ပုံရိပ်များ

နည်းပြအပြောင်းအလဲများ

မန်နေဂျာ(သို့မဟုတ်)နည်းပြများ အနေဖြင့် အမြဲတမ်းရေမျောကမ်းတင်သာဖြစ်ကြပါသည်။ စီးရီအေ
လောက် နည်းပြအပြောင်းအလဲမများသော်လည်း ဘွန်ဒက်စ်လီဂါသည်နည်းပြငါးဦး အပြောင်းအလဲ
ဖြစ်ခဲ့ပြီးဖြစ်ပါသည်။

ယခုရာသီအစတွင် အော့စ်ဘတ်၏ နယ်သာလန်မန်နေဂျာ လူဟူကေးသည် နုတ်ထွက်သွားခဲ့ပြီး
ဂျာမနီလူမျိုးနည်းပြ မားကပ်စ်ဝိုင်ဇီယယ်လ်က တာဝန်ယူခဲ့ပါသည်။ အော့စ်ဘတ်သည် ယခု တန်း
ဆင်းဇုန်ထဲရောက်နေသော အသင်းတစ်သင်းဖြစ်ပါသည်။

အလားတူ ၀ုဖ်ဘတ်၊ ဟော့ဖန်ဟိမ်း၊ ရှော်လ်ကေးနှင့် နုရင်ဘတ်နည်းပြများ သည်လည်း ထုတ်ပယ်
ခြင်းခံခဲ့ရပါသည်။ ထိုအထဲတွင် ဖီးလစ်မာဂတ်၊ မာကပ်စ် ဘာဘယ်လ်၊ ဟပ်ဘ်စတီဗင်၊ ဒိုင်ယက်
တက်ဟက်ကင်းတို့ ပါဝင်သွားခဲ့ကြပါသည်။

ထိုအထဲတွင် ဒိုင်ယက်တာ ဟက်ကင်းတစ်ဦးတည်းသာ ၀ုဖ်ဘတ် မန်နေဂျာအဖြစ် ပြန်လည်အစား
ထိုး ခန့်အပ်ခြင်းခံခဲ့ရပါသည်။ ဖြုတ်ပယ် ခြင်းခံရသော နည်းပြများသည် အခြေအနေကောင်းတစ်ခု
ကို ပိုင်ဆိုင်ခြင်း မရှိသကဲ့သို့ ယင်းတို့ကိုယ်တွယ်သည့် အသင်းများ၏ အခြေအနေများအားလုံးမှာ
လည်း ကျေနပ်စရာရှိလောက်သည် မဟုတ်ပါ။

ဝုဖ်ဘတ်သည် တန်းဆင်းဇုန် နှင့် ခုနစ်မှတ်သာ ကွာဟပြီး အဆင့်(၁၅)၊ ဟော့ဖန်ဟိမ်းသည်
တန်းဆင်းဇုန်ထဲ ကျရောက်ပြီး အဆင့်(၁၆)၊ ရှော်လ်ကေး မှာ အဆင့်(၇)၊ နုရင်ဘတ်မှာလည်း
အဆင့်(၁၄)နေရာမျိုးတွင် ရပ်တည်နေ နေကြသောအသင်းများသည်။

ထို့အတွက်ကြောင့် တန်းဆင်းဇုန်ထဲ ကျရောက်နေသော ဟော့ဖန်ဟိမ်း၊ အော့စ်ဘတ်နှင့် ဂရုသာ
ဖတ်ခ်ျတို့သည် ယင်းတို့၏နည်းပြများကို လဲလှယ် တာဝန်ပေးရန်ရှိနေသေးသည်ဟု မှတ်ယူရမည်
ဖြစ်သည်။

အလားတူ အနာဂတ်ကိုခန့်မှန်းရသော် ၀ါဒါဘရီမင်၊ စတုဂတ်နှင့် မိုချင်ဂလက်ဘတ်တို့၏ နည်းပြများ
လည်း အပြောင်းအလဲဖြစ်ရန် ရာခိုင်နှုန်းများနေသည်။ ဘွန်ဒက်စ်လီဂါသည် ယခုလက်ရှိ ဘိုင်ယန်
မြူးနစ်က ဒုတိယနေရာက လေဗာကူဆင်ကို ကိုးမှတ်ဖြတ်ပြီး ဦးဆောင်နေသလို လက်ရှိချန်ပီယံ
ဒေါ့မွန်ကလည်း ရမှတ် ၃၀ ဖြင့် တတိယ၊ တန်းပြန်တက်လာသော ဖရန့်ဖတ်ကလည်း ရမှတ် ၃၀
ဖြင့် ချန်ပီယံလိဂ် ဏူပေ -သ် တစ်နေရာကို ချိန်ရွယ်နေသည်။

ဖရိုင်းဘတ်နှင့် မိန့်ဇ်တို့မှာ ရမှတ် ၂၆ မှတ်စီဖြင့် ယူရိုပါလိဂ်ကို ကစားခွင့်ရထားကြပါသည်။ ဟော့ဖန်
ဟိမ်း၊ အော့စ်ဘတ်၊ ဂရုသာဖတ်ခ်ျတို့မှာမူ တန်းဆင်းဇုန်ထဲရောက်ရှိနေကြသည်။ သို့ရာတွင် ရာသီ
ကုန်ရာ၌ ယင်းအတိုင်းပင်ဖြစ်မည်ဟု ခန့်မှန်းရ အလွန်ခက်ခဲပါသည်။

အပြောင်းအရွှေ့ဈေးကွက်ကို ဦးဆောင်နိုင်မည်လား

ယနေ့သည် ဇန်န၀ါရီ ၁ ရက်ဖြစ်ပါသည်။ ဥရောပ၏ ဆောင်းရာသီ အပြောင်းအရွှေ့ဈေးကွက်သည်
စတင်ပြီဖြစ်ပါသည်။ ဆီးနှင်းထူထပ်သော အေးခဲသည့်နှင်းမှုန်များအောက်တွင် မည်သည့် အပြောင်း
အရွှေ့ပုံပြင်များသည် အမှန်တကယ် လက်တွေ့ဆန်ဆန်ဖြစ်လာမည်လဲဆိုသည်ကို စောင့်ကြည့်
ချဉ်းကပ်ရမည်ဖြစ်ပါသည်။

ယခုမူ ဘွန်ဒက်စ်လီဂါကလပ် ဒေါ့မွန် တိုက်စစ်မှူး လီဝမ်ဒေါစကီး၏ အပြောင်းအရွှေ့မှာ အမြန်ဆုံး
လှုပ်ခတ်မှုဟု တင်စားကြည့်ချင်ပါသည်။ ပေါင် ၁၈ သန်းဖြင့် မန်ယူကိုရောက်ရန် အလွန်နီးစပ်နေပြီ
ဟုဆိုနေကြပါသည်။

ဖြစ်နိုင် ခြေလည်း အလွန်များပါသည်။ မန်ယူ သည် ကာဂါဝါကို ခေါ်ယူသည့်အချိန် ကတည်းကပင်
လီဝမ်ဒေါစကီး၊ ဟမ်းမဲလ်တို့ကိုခေါ်ယူရန် 'အစုံလိုက်' ၀ယ်ယူမှုမျိုးလုပ်ရန်ကြိုးစားခဲ့ဖူးပါသည်။
သို့ရာတွင် အဆင်မပြေခဲ့ပါ။

ထို့ကြောင့် ယခုကဲ့သို့ လီဝမ်ဒေါစကီးကို ခေါ်ယူရန် ကိစ္စမှာဖြစ်လာနိုင်စရာ အကြောင်းများစွာရှိပါ
သည်။ အခြားအံ့အားသင့်စရာကောင်း သည့် အချက်တစ်ချက်ကလည်းရှိနေပါသေးသည်။ ရှော်လ်
ကေးကွင်းလယ်လူ အသက် ၂၂ နှစ်အရွယ်ရှိ လူးဝစ္စဟော့ဘီ ကလည်း အသင်းက ထွက်ခွာရန်ရှိနေ
သည့်အကြောင်းအရာဖြစ်သည်။

ဟော့ဘီကို ကြိုးကြာနီများက ကိုက်ချီရန်ဆန္ဒရှိသော်လည်း ဟော့ဘီမှာ လီဗာပူး၏ပြိုင်ဘက် အဲဗာ
တန်အသင်းကို အားပေးသည့်ပရိသတ်ဖြစ်နေခြင်း ကြောင့် အခက်ကြုံဖွယ်ရှိခြင်းပြဿနာ နှင့် ရင်
ဆိုင်နေရသည်။

ရှော်လ်ကေးတိုက်စစ်မှူး ဟန်တယ်လာ၏ ဆောင်းရာသီပုံပြင်မှာမူ အဆုံးသတ်သွားခဲ့ပြီး မူရင်း
အသင်းမှာပင်ရှိနေ တော့မည်ဖြစ်သည်။ ထိုအချိန်မှာပင် ဘိုင်ယန်မြူးနစ်၏ နည်းပြဂျပ်စ်ဟေးနက်က
အသင်းနှစ်ရာသီဖလားလက်မဲ့ဖြစ်မှုသည် တွန်းအားတစ်ရပ်ကိုဖြစ်ပေါ်စေခဲ့သည်ဟု ထုတ်ဖော်ပြော
ကြားလိုက်ရာ ဘိုင်ယန်သည် လက်ကျန်ရာသီဝက် တွင်လည်း အစွမ်းကုန်တိုက်စစ်ဆင်မည် ဟု
ခန့်မှန်းရသည်။

အားလုံး၏သတ်မှတ်ချက်တွင် ဂျာမန် ဘွန်ဒက်စ်လီဂါ၊ ပြင်သစ်လီဂူးအစရှိသည့်လိဂ်များမှ ထိပ်တန်း
ကစားသမားများသည် ယခုဆောင်းရာသီအိပ်မက် နှင့်အတူ အကြီးမားဆုံးအပြောင်းအရွှေ့ကို ဦး
တည်လိမ့်မည်ဟု ဆုံးဖြတ်ထားကြသည်။ ဖြစ်လာနိုင်ဖွယ်ရာလည်း ရှိပါသည်။ သို့ရာတွင် အင်္ဂလန်
ပရီမီယာလိဂ် နှင့် စပိန်လာလီဂါကိုလည်း လျှော့တွက်ထား၍မရဟုဆိုချင်ပါသည်။

ခြုံငုံကောက်ချက်ချမှုများ

ဂျာမန်ဘွန်ဒက်စ်လီဂါသည် ပြီးခဲ့ သည့်နှစ်များအတွင်း အစွမ်းကုန် တိုးတက်လာသည်ဟု ယုံကြည်မိ
ပါသည်။ ဒေါ့မွန်နှင့် ဘိုင်ယန်မြူးနစ်တို့၏ ပြိုင်ဆိုင်မှုသည် အလွန်များလာပါသည်။ ချန်ပီယံလိဂ်ဝင်
ခွင့်မှာလည်း အီတလီ စီးရီးအေထက်ပင် ပိုမိုသာလွန်၍ ရရှိခဲ့ပြီး ဖြစ်ပါသည်။ ဂျာမန်ဘွန်ဒက်စ်လီဂါ
အနေဖြင့် ပြန်လည်စတင်မည့် ဇန်န၀ါရီ နှင်းခဲများအောက်တွင် အပြင်းထန်ဆုံး ပြိုင်ဆိုင်မှုများနှင့်
အပူလောင်ဆုံး မီးခဲ တောက်တစ်စဖြစ်မည်ဟုပင် ဆိုချင်ပါ တော့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


TeamGPGDPTS
Yangon United
4 9 10
Yadanarbon
4 3 10
Shan United
4 3 9
Rakhine United
4 1 6
Zwekapin United
4 0 6
Nay Pyi Taw FC
4 -1 4
Chin United
4 -2 4
Ayeyarwady United
4 -2 4
Magwe FC
4 -5 4
Hantharwady Utd
4 -1 3
GFA
4 -2 2
Southern Myanmar
4 -3 2
Last Updated - 6 February 2016
TeamGPGDPTS
Manaw Myay
22 51 52
GFA
22 21 49
Nay Pyi Taw FC
22 33 48
Mahar United
22 31 48
Myawady FC
22 23 36
Mawyawadi FC
22 1 35
City Stars
22 1 28
University FC
22 -17 23
Dagon FC
22 -11 20
Pong Gan
22 -37 12
United of Thanlyin
22 -47 11
Silver Stars
22 -49 10
Last Updated - 28 August 2016

အကြည့်အများဆုံး - အားကစားသတင်း