ဂေးတွေထဲကမှ ယုံကြည်သူတေ လေးစားခံရတဲ့ နတ်ကတော်များ

ရှေးရိုးစွဲအမြင်တွေ ပိုမိုပြင်းထန်တဲ့ အတိတ်အချိန်တွေကစပြီး ခေတ်မီပွင့်လင်းလာပြီလို့ ဆိုနိုင်တဲ့
ဒီနေ့ခေတ်ကာလအထိတိုင်အောင် ဂေးလို့ဆိုလိုက်ရင် နှာခေါင်းရှုံ့သူ၊ အထင်အမြင်သေးသူတွေ
အများအပြား ရှိနေပါသေးတယ်။

ဂေးတွေအပေါ် လက်မခံနိုင်ကြသူတွေ ရှိကြပေမယ့် ကိုယ့်ရဲ့ရှေ့ဖြစ်တွေသိနိုင်ဖို့၊ ကံဆိုးမှုတွေ
ကြုံရတဲ့အခါ အဆိုးတွေ ပြေပျောက်ပြီး ကံကောင်းလာအောင် ဆုတောင်းပေးဖို့၊ ကျန်းမာရေး၊
နာမည်ပေး၊ စီးပွားရေးလုပ်ငန်းတွေ စတာတွေနဲ့ပတ်သက်လို့ လူမှုကိစ္စအ၀၀ကို ၃၇ ပါးသော
နတ်တွေနဲ့ ချိတ်ဆက်ပြီး ဟောပေး၊ ပြောပေးတယ်လို့ဆိုတဲ့ ဂေးနတ်ကတော်တွေကိုတော့ နတ်ကို
ယုံကြည်ကိုးကွယ်သူတွေဟာ ဆရာတစ်ဆူအဖြစ် ရိုသေသမှုနဲ့ ဆက်ဆံကြပါတယ်။

"အရင်က ညီအစ်ကိုမောင်နှမကအစ မိန်းမလျာဖြစ်တာကြောင့် မိသားစုဝင်လို့ မသတ်မှတ်ချင်
ပေမယ့် အခုတော့ ကိုယ်က ဒီအလုပ်နဲ့ အသားကျလာတော့ ဘယ်သူမှ ၀င်မပြောတော့ပါဘူး။
အခုတော့ ကိုယ်က နတ်ကတော်လောကမှာလည်း ၀ါရှိလာတော့ ယုံကြည်လို့လာတဲ့သူတွေက
'အစ်မ၊ ဆရာမ' ဆိုပြီးတော့ လက်အုပ်ချီလို့ လေးလေးစားစားပြောလာကြပြီဆိုတော့ ဒီလို
နတ်ကတော်တစ်ယောက်အဖြစ် ရပ်တည်ရတာ ကျေနပ်တယ်"လို့ မြောက်ဒဂုံမှာ နေထိုင်တဲ့
အသက် ၄၈ နှစ်အရွယ်၊ ဂေးနတ်ကတော် တစ်ဦးဖြစ်တဲ့ ဦးအောင်မြတ်ခိုင်က ပြောပါတယ်။

သူ့ရဲ့ ခပ်ပိန်ပိန် ကိုယ်နေဟန်ထားကို အဖြူရောင် ချည်ထည်ရှပ်အင်္ကျီ လက်ရှည်ခပ်ပွပွ၊ ပုဆိုးတို့နဲ့
ဆင်ယင်ထားကာ ဆံပင်ရှည်ခပ်ကျဲကျဲကို အမျိုးသမီးသုံးဆံညှပ်နဲ့ ဆံထုံးသဖွယ် ညှပ်တင်ထားပါ
တယ်။

ရွှေဆွဲကြိုးထူထူနဲ့ လက်ကောက်၊ လက်စွပ်တို့ကို ၀တ်ဆင်ထားတဲ့သူ့ဟန်ပန်က သူ့ကိုယ်သူ
ပညာရှင် တစ်ဦးအဖြစ် ယုံကြည်မှု အပြည့်ရှိတဲ့ပုံစံပါပဲ။

အသက် ၅၂ နှစ်ရှိပြီဖြစ်တဲ့ ဂေးနတ်ကတော် ဦးချစ်သိန်းမောင်ကတော့ အသက် ၂၃ နှစ်အရွယ်မှာ
နတ်ကတော်အလုပ်ကို စလုပ်ခဲ့တာ လို့ဆိုပါတယ်။

သူ့အလုပ်မှာ ခုနစ်ရက်သား သမီးတွေရဲ့ စိတ်ချမ်းသာမှုကိုရှေးရှုလို့ နတ်တွေထံ ပန်ကြားရင်းနဲ့
နတ်ကတော်အဖြစ် ရပ်တည်လာခဲ့တာ ခုချိန်အထိ အနှစ် ၃၀ ၀န်းကျင် လောက်ကို
စိတ်ချမ်းချမ်းသာသာနဲ့ တင့်တင့်တယ်တယ် လူတန်းစေ့နေနိုင်ခဲ့ပြီး မိသားစုကိုလည်း
ပံ့ပိုးနိုင်ခဲ့တယ်လို့လည်း ဆိုပါတယ်။

"ကျွန်တော်တို့ မိသားစုက ကျွန်တော့်ကို သူတို့လိုမျိုး အစိုးရ၀န်ထမ်း လုပ်စေချင်ကြတယ်။ ဒါပေမဲ့
ကျွန်တော်က နင်တို့လစာက ငါ့မိတ်ကပ်ဖိုးတောင် မရှိဘူးဆိုပြီးတော့ကို ခပ်ခြေခြေပြောခဲ့တာလေ။
ကိုယ်က ဒီအလုပ်ကို ၀ါသနာပါတယ်။ ကိုယ်တိုင်က စိတ်လွယ်တယ်၊ အစစအရာရာ ပေးချင်
ကမ်းချင်တယ်ဆိုတော့ တခြားအရောင်းအ၀ယ်လုပ်ငန်းနဲ့ ကျတော့လည်း မဖြစ်ဘူး။ မိန်းမလျာ
နတ်ကတော်တွေကျတော့ နတ်ပွဲရှိရင်လာကြ၊ မရှိရင် အတူတူသွားလိုက်ကြဆိုတော့ အသင်းအဖွဲ့
လေးလည်းဆန်တယ်၊ ပြီးတော့ ဒီအသိုက်အ၀န်းထဲမှာနေရင် ကိုယ့်ကို နှိမ့်ချဆက်ဆံတာတွေ
လည်းမရှိဘူး" လို့ အ၀ါရောင်အပွင့်တွေနဲ့ ရောစပ်ထားတဲ့ ပါတိပ်ရှပ်အင်္ကျီကို ပုဆိုးကွက်စိပ်နဲ့
တွဲဖက်ဝတ်ဆင်ထားပြီး ဆံပင်ကို အပြောင်သိမ်းထားတဲ့ ဦးချစ်သိန်းမောင်က ကွမ်းတွေ ၀ါးရင်းနဲ့
သူ့အသံအောအောကြီးနဲ့မှ မလိုက်ဘဲ ညင်သာတိုးလျတဲ့ လေသံနဲ့ ဆိုလိုက်ပါတယ်။

လည်ပင်းမှာလည်း အပြားထူထူ ရွှေဆွဲကြိုးကြီးက ၀ဖိုင့်ဖိုင့်သူ့လည်ပင်းကို အနားသတ်ထားသလို
ပါပဲ။

လက်မှာလည်း ပတ္တမြားကို စိန်တွေဝန်းရံထားတဲ့ လက်စွပ်ကြီးတစ်ကွင်း ခံ့ခံ့ထည်ထည်ကြီး
ဝတ်ထားလေရဲ့။ နတ်ကတော်အလုပ်ကို လုပ်ကိုင်ကြတဲ့ ဂေးတွေဟာ လူတွေထံက ရိုသေမှုကို
ရရှိဖို့ဆိုတဲ့ အကြောင်းရင်းနဲ့ ဒီအလုပ်တွေကို တမင်ရွေးချယ်ပြီး လုပ်ကိုင်ကြတာတော့
မဟုတ်ပါဘူး။

သူတို့ရဲ့ အလှအပပြင်ဆင်ချင်၊ ကချင် ခုန်ချင်တဲ့ ၀ါသနာနဲ့ဆက်စပ်ပြီး လာဘ်လာဘလည်းရွှင်၊
လူလည်းလှလှပပ နေရတဲ့ ဒီအလုပ်ကို လုပ်ကိုင်ဖြစ်ကြတာပါလို့ ဂေးနတ်ကတော်တွေက
ဆိုကြပါတယ်။

ဒါကြောင့်လည်း အမျိုးသမီးနတ်ကတော်တွေထက် ဂေးနတ်ကတော်တွေက အရေအတွက်
အားဖြင့် မနှိုင်းယှဉ်နိုင်အောင် ပိုများတယ်လို့လည်း ဆိုကြပါတယ်။

မေလတွင်းက ရန်ကုန်မှာ ကျင်းပတဲ့ နတ်ကနားပွဲတစ်ခုတွင် တွေ့ရတဲ့ ရန်ကုန် ဦးဝင်းလှိုင်။ သီရိ/မြန်မာတိုင်း(မ်)မေလတွင်းက ရန်ကုန်မှာ ကျင်းပတဲ့ နတ်ကနားပွဲတစ်ခုတွင် တွေ့ရတဲ့ ရန်ကုန် ဦးဝင်းလှိုင်။ သီရိ/မြန်မာတိုင်း(မ်)

တောင်ပြုန်းပွဲတော်ကို လာရောက်ကြတဲ့ နတ်ကတော်တွေထဲက ၉၀ ရာခိုင်နှုန်းလောက်က
ဂေးမိန်းမလျာနတ်ကတော်တွေ ဖြစ်ကြပြီး ယုံကြည်လို့ နတ်ပွဲပေးတဲ့ သူတွေကလည်း
ဂေးနတ်ကတော်တွေကို အမျိုးသမီးနတ်ကတော်တွေထက် ပိုလို့ အားကိုးလာကြတယ်လို့
ဆိုကြပါတယ်။

"ကျွန်မတို့ မိန်းမလျာနတ်ကတော်တွေဆိုတာက အမြင်ရှိ၊ လှချင် ပချင်စိတ်ရှိတဲ့ သူတွေပါ။
ရိုးရိုးကြီးဝတ်စားမယ့်အစားသူများ မျက်လုံးထဲမှာ တောက်ပပြီး ပြိုးခနဲပြက်ခနဲ၊ ဟင်ခနဲဟာခနဲ
ဖြစ်သွားမယ့်ပုံစံမျိုးကို တီထွင် နိုင်တယ်။ ပြီးတော့ ကိုယ်တတ်တဲ့ပညာနဲ့ ဟောမယ်ပြောမယ်၊
ကတာခုန်တာတွေအပြင် ပျော်ပျော်အနေများတော့ စိတ်ညစ်စရာနဲ့ လာတဲ့သူလည်း ပျော်ရွှင်ရ
တယ်။ ဒါကြောင့် ကိစ္စအ၀၀လည်း အနှေးနဲ့အမြန် ပြေလည်မယ်လို့ထင်တာကြောင့် ယုံကြည်လာ
ကြတယ်။ ကျွန်တော်တို့ကလည်း အောင်မြင်လို့ပေးတဲ့ ဆုကြေးတွေကို ပွဲအတွက် ဂရုတစိုက်နဲ့
သုံးတော့ သူတို့အတွက် အမြင်တင့်တယ်တဲ့နတ်ပွဲတွေနဲ့ လှူဒါန်းလို့ရတာပေါ့"လို့ သူ့ကိုယ်သူ
ကျွန်မလို့ပြောလိုက်၊ ကျွန်တော်လို့ နာမ်စားပြန်သုံးလိုက်နဲ့ပဲ ဂေးနတ်ကတော်တွေနဲ့ သူတို့
အလုပ်အကြောင်းကို ဦးချစ်သိန်းမောင်က ပြောပြပါတယ်။

ဦးအောင်မြတ်ခိုင်ကလည်း "ငယ်ငယ်ကတည်းက နတ်ကတော်လုပ်ငန်းတစ်ခုတည်းကိုပဲ
ဝါသနာအရ လုပ်ကိုင်လာတာ။ ကိုယ့်အတွက်လည်း ၁၀၀ ရာခိုင်နှုန်းပြည့် အရေးပါတယ်"လို့
သူ့အလုပ်အကြောင်းကို အားပါးတရကြီး ပြောလိုက်ပါတယ်။ ၀ီကီပီးဒီးယားထဲမှာတော့
ဟိုးအရင်တုန်းက အမျိုးသမီးနဲ့ အမျိုးသားကနားစီးတွေသာ ရှိခဲ့ပေမယ့် ၁၉၈၀ ပြည့်နှစ်ဝန်းကျင်
နောက်ပိုင်း လောက်ကစပြီး မြန်မာနိုင်ငံမှာ ဂေးတွေက နတ်ကတော်အဖြစ် လုပ်ကိုင်လာကြတယ်
လို့ ဖော်ပြထားပါတယ်။

ဦးအောင်မြတ်ခိုင်နဲ့ ဦးချစ်သိန်းမောင်တို့ကတော့ ၁၉၈၀ ပြည့်နှစ်မတိုင်ခင်ကတည်းက
ဂေးနတ်ကတော်တွေအဖြစ် ရပ်တည်လာကြတာမို့ ၁၉၆၀ ပြည့်နှစ်လောက်ကတည်းက
ဂေးနတ်ကတော်ရှိနေခဲ့တယ်လို့ သက်သေပြနေပါတယ်။

ဂေးနတ်ကတော်တွေထဲက ရပ်ကွက်အဆင့်မှာပဲ အလုပ်လုပ်ကိုင်ရသူ၊ အတော်အသင့်
လူသိများသူနဲ့ ထိတ်ထိတ်ကြဲနာမည်ကြီးပြီး တစ်နိုင်ငံလုံးအနှံ့ လှည့်လည်အလုပ်လုပ်ရသူဆိုပြီး
ထင်ပေါ်မှုအလိုက် အဆင့်ကွာခြားကြပါတယ်။

ဦးလေးဖြစ်တဲ့ ၀င်ဒါမီယာ ဦးစွမ် ထံကနေ ပညာအမွေဆက်ခံခဲ့တဲ့ ရန်ကုန် ဦးဝင်းလှိုင်ကတော့
ထိတ်ထိတ်ကြဲအဆင့်မှာ နေရာတစ်နေရာ ရရှိထားသူတစ်ဦးပါ။

ရန်ကုန်မှာမွေးပြီး တရုတ်လူမျိုးဖြစ်ပေမယ့် နတ်ကတော်အသိုင်းအ၀ိုင်းမှာ ကြီးပြင်းလာတဲ့အပြင်
ငယ်စဉ်ကလေးဘ၀ကတည်းက ၀ါသနာကြီးလွန်းတဲ့အတွက်ကြောင့် သူဟာ ကနားစီး
တစ်ယောက်ဖြစ်ဖို့အတွက် မွေးဖွားလာခဲ့သလိုပဲလို့ ဦးဝင်းလှိုင်က ဆိုပါတယ်။

"ကျွန်တော်ငယ်ငယ်လေးကတည်းက ဦးလေး ဖြစ်သူနဲ့ နတ်ပွဲတွေလိုက်သွားလေ့ရှိတော့
အဲဒီကတည်းက အနုပညာပိုးပါခဲ့တာလို့ ထင်ပါတယ်။ နောက်ပြီး သူများအခက်အခဲတွေ၊ သူများ
အပူဆိုရင်လည်း ဦးဆောင်ဖြေရှင်းပေးချင်ခဲ့တာက ၀ါသနာနဲ့အလုပ်ကို တစ်ထပ်တည်း
ကျစေတယ်။ အနုပညာဆိုရင်လည်း အတီး၊ အမှုတ်၊ အက၊ အခုန်၊ အဆို၊ အငိုကအစ ဖြီးလိမ်း
ပြင်ဆင်တာအဆုံး အကုန်ကြိုက်တယ်။ နောက်ဆုံး ကိုယ်လုပ်ချင်တာတွေ၊ ဖြစ်ချင်တာတွေ
အကုန်လုံးက ဒီတစ်ခုတည်းမှာပဲ စုဝေးနေတယ်လို့ ပြောလို့ရတဲ့အထိဖြစ်တာကြောင့် နတ်ပွဲတွေ
ဘယ်လောက်များများ ပင်ပန်းပေမယ့် ပင်ပန်းရကျိုးနပ်တယ်"လို့ ဦးဝင်းလှိုင်က ပြောပါတယ်။

နတ်ပွဲပေးတဲ့ အချိန်တွေမှာ နတ်ဝတ်တန်ဆာတွေအပြင် ရွှေအတိပြီးတဲ့ ရွှေစလွယ်၊ ဗောင်းတော်
(နဖူးစည်း)၊ ရွှေခါးပတ်၊ ရွှေခြေချင်းနဲ့ လက်ဝတ်တန်ဆာမျိုးစုံကို မျက်စိကျိန်း လောက်အောင်၊
တဖိတ်ဖိတ်လက်အောင်ဆင်ယင်လို့ နတ်ပွဲကလေ့ရှိတဲ့အပြင် သူ့ရဲ့ ဟောချက်၊ ပြောချက်တွေဟာ
မှန်ကန်တဲ့ အတွက်ကြောင့် နတ်ကတော်လောကမှာ နာမည်ကျော်ကြားတဲ့ သူတစ်ဦးလို့လည်း
ပြောလို့ရပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - လူမှုဘ၀ရသစုံလင်